رايح دبي وش رايكم في شقق ديباج الخبيصي؟

[ثاني]

السلام عليكم
كيف الحال ياخوان
بغيت اسئلكم وش رايكم في شقق ديباج الخبيصي
هل هي نظيفة ؟ الاثاث والفرش والخ؟

وشكرا لكم

[ولد الشقب]

الي عند الماريوت؟
تراها وسخه والابه نظافه

[La Bella]

أتوقع تعتبر 2 نجمة

[السيف5]

ماتسوى ولاتستاهل أثاثها قديم
وحماماتها طرز بوكلج

[La Bella]

تبي شي حلو دش موقع بوكينق
وأختار على كيف كيفك

[ثاني]

اشكركم اخواني على الردود
انا مستغرب واحد من الربع يمدحها لي ويقول انها نظيفة ومدري وشو
اوكي ياخوان ممكن تدلوني على فندق قريب من هالشقق او قريب من حمر عين ويكون سعرة في حدود 400 الى 500 ريال حق شخص واحد ؟ وشكرا لكم

شرط النظافة ويكون قريب من حمر عين

[بوحارب]

مرحبا اخوي ثاني

بالنسبة سكنت مرة في فندق روتانا جميرا والصراحة فندق حلو وهااادي

وقريب من شارع جميرا وشارع الضيافة

موفق

[ثاني]

هلا اخوي بوحارب
بخصوص الفندق قريب من حمر عين ؟ وشكرا لك

[بوحارب]

والله مادل حمر عين

[ثاني]

مب مشكلة انشالله نحصل خخخخخ يعطيك العافية بوحارب

[الماليه]

مرحبا اخوي ثاني
في فندقين جنب حمرعين واحد يمين والثاني يسار الماريوت لاصق في حمر عين ويوجدوصله من داخل الفندق للدخول الى السوق اما الثاني لاصق فيه بس ماعرف كم نجمه وايش وضعه بس واحد من الشباب سكن فيه مع هله يقول زين والله اعلم

[ثاني]

يعطيك العافية اخوي المالية ماقصرت

[جينير]

شقق شلسي
شارع الشيخ زايد
ممتاز ونظيف ويصلح للعائلات
هذا عن تجربة أقارب

[حالي الذوق]

فندق الماريوت غالي هذي الايام بحدود الالف وميتين ريال ويقع يمين المجمع ( ممتاز)
شقق نجوم تقريبا 600 ريال مع الفطوروتقع يسار المجمع (ممتاز)

شقق اسفار خلف المجمع تقريبا 300 ريال بس ما جربتها بصراحه
شقق ديباج مجربها وما انصح فيها ابدا وخاصه للعوايل اذا بروحك توكل على الله هي ليله وتعدي

فندق رمال روتانا في شارع المرقبات اما مطعم بيت المندي والمطعم الشامي يعتبر قريب من المجمع تقطع الشارع بس والليله فيه 535 ريال مع الفطور ( ممتاز)