اشسالفة الروائح

[بومحمد911]

شخبار شباب اعلومكم عساكم طيبين

والله يالربع من فترة ملاحظ روائح المجاري كرمكم الله في اغلب الدوارات وفي اكثر من مكان

وخاصة دوار المرخيه (دوار بوريحة) حاليا

يا بلدية خلونا نشم الهواء شوي ونستمتع بالجو يعني لازم تلوعون جبودنا:tease:

[La Bella]

أنا أخر مره دشيت فلاجيو
صوب فودافون بعد نفس الريحة
:rolleyes2:

[بومحمد911]

أنا أخر مره دشيت فلاجيو
صوب فودافون بعد نفس الريحة
:rolleyes2:

شكلها الريحة في كل مكان:(

ماتشوفين شر اختي الكريمة:nice:

[بوخالد911]

الله اعلم

[La Bella]

شكلها الريحة في كل مكان:(

ماتشوفين شر اختي الكريمة:nice:

يمكن من الضغط على الخدمات والله أعلم

[طارق العلي]

اعتقد لازم تتحرك البلدية ويشفطون القاع اللي فيها المناهيل لأن اكيد فيه رواسب وبقايا متعلقه في باطن الارض

[R 7 A L]

شخبار شباب اعلومكم عساكم طيبين

والله يالربع من فترة ملاحظ روائح المجاري كرمكم الله في اغلب الدوارات وفي اكثر من مكان

وخاصة دوار المرخيه (دوار بوريحة) حاليا

يا بلدية خلونا نشم الهواء شوي ونستمتع بالجو يعني لازم تلوعون جبودنا:tease:

بوريحة:anger1:

[almaf1a]

حتى دوار القوس الي بالدفنه
ودورات كثيرة
الاول كانت اماكن بسيطة
لحد يفشلنا بزوارنا في 2022

[البهتري]

يا جماعة حاطين على كل الزرع سماد

[gamal503]

مقابل صالة مطار الدوحة الجديدة صالة الوصول " نفس الريحة "

من تحت الكبري لين الاشارة

[بومحمد911]

يا جماعة حاطين على كل الزرع سماد

اعتقد ريحة السماد معروفة روح لاقرب منهول وبتشم نفس الريحة

ترا امزح

تقبل تحياتي

[marqap75]

يا جماعة الخييييييييييييييييييييير الريحه الموجوده في المجاري هذه ريحة تفاعل الغازت الناتجه من ابخرة مياة الصرف الصحي ينتج عنه غاز h2s وهو غاز ضار من الناحيه الصحيه ومكن الاستفادة منه في انتاج طاقه حركيه ، اما بالنسبه للريحه ممكن البلديات او الصرف الصحي يضع مادة الكريون لسحب الرائحة او بالاحرى الغاز ابو الطاقه .


هذا مع الشكر والتحيه



بس حاسبو من الرييحههههههههههههههههههههههه

[انا حره]

الي اعرفه ان في كل منطقه شوارع معينه فيها فتحات تهويه للمجاري عشان كذا تطلع الريحه

والبلديه مالها شغل هاذا شغل اشغال لانهم هم الي يسوون الشوارع وهم الي مخططين وين تكون الفتحات عاد انتووو حظكم صادف انكم مريتوو على فتحه من هالفتحات

[بوحارب]

اما دوار المرخية بالفعل صاير قمة في الخياس

ومن زماااااااااان :(

[Qatar-King]

السبب الله يسلمك ضعف البنية التحتية للمجاري ,,,,


المفروض نقطة التجمع لمياه المجاري تكون خارج المناطق السكنية لكن للأسف مشاريع الصرف

الصحي مازالت لا تتناسب مع التطور العمراني و زيادة عدد السكان لذلك هذه مشكلة تتطلب حل عااجل ..

تحيااتي ..

[مهل]

انا في السياره حاط سلندر اكسجين صغير استعمله اذا مريت على اشارات المناصير

[£عبدالعزيز£]

صح في اكثر من دوار فيهم ريحة تلوع جبد اللي ما تلوع جبده @@

بس اتحداهم يقربون صوب دوار نادي قطر -_-

صج صج ريييحة تصك الراس وتشمها حتى لو مسكر الدرايش ومتلثم !!

..

وطبعا السبب معروف .. لاحظوا في هالدواوير اللي فيها ريحة لازم في جهة من الجهات

بتحصلون مكان لتجمع مياه الصرف الصحي او المجاري (وانتوا بكرامة)

مثلا لو تبون تعرفون مصدر الريحة في دوار نادي قطر

لاحظوا وانتوا جايين من دوار الدفنة ورايحين دوار نادي قطر .. قبل دوار نادي قطر بامتار

بتحصلون على يمينكم مكان لتجمع المجاري -_-