ياجماعة الخير ابي المشوره من اصحاب الخبره

[جاسوس قطر]

السلام عليكم جميعاً

أنا في بالي مشروع افتح صالون نسائي راس المال موجود ولله الحمد بس قاعد ادور على حد يدرس لي الموضوع من الى مع كم نصيحه من اهل الخير ( او اذا حد يعرف حد يقدر يساعدني بهالشء .

فاتمنا منكم ياخواني انه ماتبخلون علي وبالذات اني مبتداء توني في بداية مشواري

واللى ماعنده اي خلفيه لايبخل علي بالدعاء والله يوفق الجميع :)


تحياتي للجميع

[دبڵـﯚمٱωـيـﮧ]

والله الصالونـآت وآيد وآيد لدرجة أن كل منطقه فيها من 4 إلى 6 صآلونآت .. !
هالشي له تأثير -__-" !

إذا حآب الفكره دور لك منطقه مآفيهآ صالونات وآيد =)
وإذا تبي أي مشروع فكر بمشروع جديد آو نآدر في الدوحة ..

وووبسس مـآدري ..

بالتوفيق إن شآء الله ..

[جاسوس قطر]

والله الصالونـآت وآيد وآيد لدرجة أن كل منطقه فيها من 4 إلى 6 صآلونآت .. !
هالشي له تأثير -__-" !

إذا حآب الفكره دور لك منطقه مآفيهآ صالونات وآيد =)
وإذا تبي أي مشروع فكر بمشروع جديد آو نآدر في الدوحة ..

وووبسس مـآدري ..

بالتوفيق إن شآء الله ..


الله يجزيك خير اختي بس شوري علي بمشروع جيد ؟
وايش المشاريع اللى مش موجوده بالبلد ومطلوبه :)
وبالذات لكم انتوا يالحريم :)

[دبڵـﯚمٱωـيـﮧ]

الله يجزيك خير اختي بس شوري علي بمشروع جيد ؟
وايش المشاريع اللى مش موجوده بالبلد ومطلوبه :)
وبالذات لكم انتوا يالحريم :)

رديت على الخـآص -__-" !

[العقـرب]

الله يوفقك إن شاء الله بأي مشروع تبدي فيه ياااااارب

[Rider]

احسن مشروع محل كباب متميز في شارع آل شافي او شارع معيذر التجاري بس تخصص كباب جيب لك ايراني مع ثنين نباليين وشويت روب وجرجير ومرطبات واذا بتسوي الخبر في نفس المطعم زين وأمورك سهالات ترى مافيه محلات كباب وايد مافيه الي الي عند المتحف ومحل شجاع اذا كان موجود والناس هالايام يحبون الاكل

[d.romance]

محل في سوق واقف واي مجال هناك يمشي والله يوفقك

[قطرية وبس]

بالتوفيق ان شاء الله

انا في بالي هالمشروع من فترة .

[قطرية وبس]

ممكن تفتح لك محل ملابس اطفال ونساء تقليد ماركات او تكون بضاعة راقية
في مجمع وذنان الي فتح جديد خلف الفروسية جنب القاعة الملكية .

او في المجمع الجديد الي بيفتح عند دوار الشافي .

[ابراهيم_999]

جرب مشروع ملابس وأحذية نسائية لماركات معروفة في الخارج وغير معروفة في قطر .. منها تضمن أن البضاعة راقية ونظيفة ومنها تدخل شي جديد للبلد ..

موفق..

[Nesreen]

ربنا يوفقك وييسرها معك

[Salim_Ghanim]

في البداية بالتوفيق لك اخوي جاسوس قطر وهذا شيء جيد من شبابنا انهم يفكرون تفكير تجاري استراتيجي

وبالنسبة لطلبك النصيحة يا اخوي بالنسبة لمشروعك التجاري وعلى حسب اقتراحات باقي الاخوة والاخوات لاشك ان اي مشروع ينطرح عليك فيه نسبة نجاح عالية ولكن التوفيق والنجاح مب لازم يكون على اساس ان الفكرة جديدة او مطلوبة يا اخوي اول شيء انت لازم تحب الشغلة اللي تشتغل بها والاهم لازم تكون فكرة المشروع نابعة منك شخصيا وطبعا ما في مانع من ان حد يغششك شوي بس لازم لازم انت تقتنع بالفكرة وتعيش الدور صح علشان مشروعك ينجح ...
ودائما تكون افضل المشاريع هي المشاريع اللي تكون في الاساس هواية عند الشخص
شوف مثلا شاب يحب السيارات والتعبث فيها وبعدين يروح يفتح كراج هذا نسبة نجاحة تكون كبيرة في المشروع ومثال ثاني شاب يحب التصوير ويفتح ستيديو ، وعندك مثلا بعض ربات البيوت اللي يحبون الطبخ يوم اشتغلو في هذه الشغلة من بيوتهم نجحو لانهم اصلا يحبون الطبخ واللي قلد عليهم علشان شافهم يربحون ما شاف الا الخساير

وفي الاخير بالتوفيق لك وللجميع يا اخوي واذا محتاج اي استشارة مباشرة طرشلي رقمك على الخاص وبنتواصل مع بعض ان شاء الله تعالى