كيف من دريول في بيت الى صاحب عشر محلات تجاريه؟؟؟؟؟؟؟ [الأرشيف]

vvv

26-12-2010, 10:09 AM

والله شي غريب صحيح الارزاق بيد الله ولكن انا كمواطن اعاني الامرين اللهم لاحسد بس ابي اعرف هولاء الاسيويين من وينلهم ها الفلوس بشكل مفاحئ يعني فيه هندي كان شغال في محل عطور والحين عنده 35 محل تلفونات واكسسوارات ,وهندي كان دريول في بيت والان عنده عشر محلات سبحان الله ,
سبحان الرزاق

مالك أمل

26-12-2010, 10:14 AM

فيه باكستاني محتكر شغل الدناكر ذات اللون الخضراء على خط الشمال

وتقريبا 40 دنكر له ولأقارب له مشغلهم هناك

صحيح أنها أرزاق ولكن لايكون إحتكاراً لك ولأقاربك

وتُبعد إبن البلد عنها بحجة أنه لا يوجد عمل .

ahad

26-12-2010, 10:20 AM

غريبة شلوووووووووون؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بنت صقار

26-12-2010, 10:22 AM

اما ان عقولهم عبقريه تجارة..
او ان عقولنا ماتفهم في التجاره..
او..ان..فيه..امر..ما..
او ان مافيه..امر..ما؟؟
والله المستعان..

دانـة قطـر

26-12-2010, 10:30 AM

من جد وجد ومن سار على الدرب وصل :looking:

بوخالد911

26-12-2010, 10:34 AM

لكل مجتهد نصيب

وعلى قدر أهل اعزم تأتي العزائمُ

Rider

26-12-2010, 10:34 AM

اها ضربت على الجرح واذا قلنا حق هندي ولا باكستاني بشاركك رفض

hamoor4ever

26-12-2010, 10:35 AM

مثل ماقال الاخ هناك امر ما بعدين اخوي هم مب خسرانين شي تدري لو لاسمح الله عليه ديون او مشاكل على اقرب طياره وماعنده مشكله اما انت ماراح تشوف النور الا بعد 30 سنه

vvv

26-12-2010, 10:37 AM

لكل مجتهد نصيب

وعلى قدر أهل اعزم تأتي العزائمُ
اخاف انهم ايادي لناس من اسيا ومب اجتهاد

الصريحه

26-12-2010, 10:39 AM

الله اعلم

الماريّة

26-12-2010, 11:00 AM

تعبهم

لو احنا نتعب مثل تعبهم ونوقف في الشمس الحاره

والبرد القارص

كان صرنا مثلهم واحسن

اعرف دريولية يجي الواحد منهم ماعنده الا ثيابه

ويكرف كرف يتكس ويخلص معاملات

لين صاروا احسن منا سياراتهم اخر موديل

ومحلات

ولا قبل لين رحنا معاهم ياخذون 25 -30 للمشوار

الحين المشوار الواحد من 80 وطالع تبي ولا بكيفك

شبح الصمت

26-12-2010, 11:06 AM

الله يزيدهم

ناس واجد بدو من الصفر وصار عندهم ملايين

الي يبدى صح راح يوصل صح

لا تقرون على العالم وقولوا الله يزيدهم والله يرزقكم

:nice:

simsim1963

26-12-2010, 11:18 AM

ابوهزاع

26-12-2010, 11:20 AM

السلام عليكم

كان عندنا دريول في بيت الوالد الله يرحمه

والحين هذا الدريول الهندي

يملك فوق الخمس محلات ويقوم بستئجار العقارات من المالك وياجرها مره ثانيه على الهنود غرف مقسمه

والحين رصيده ملايين

الله سبحانه وتعالى هو الذي يقسم الارزاق

fhd4

26-12-2010, 11:28 AM

الهنود بالذات عندهم عقلية تجارية فذه ... هذا غير تميزهم في المجالات العلمية ...

شوف تجار دبي أو حتى غيرهم ... وترى نسبة كبيرة من أغنى أغنياء العالم من الهنود ....

halcrow

26-12-2010, 11:29 AM

الفرق بينا وبينهم

انهم يرضون يشتغلون في اعمال لها مكاسب ... ووضعنا الاجتماعي والجو المحيط مايشجعنا نشتغلها

ويدير ويشتغل على حلاله بنفسه ...

La Bella

26-12-2010, 11:32 AM

الله يسلمك الهنود قلوبهم على بعض
شوف اللولو 90% من روادة هنوود
ليش ماتشوفه يتشرون من كارفو مثلا ولا الميره
وأي شي يملكه شخص هندي راح تلاقي الزبايين هنود

( أكاديمية )

26-12-2010, 11:35 AM

مثل ماقال أخونا simsim1963 أكيد مدعوم من جهة وياكثرهم هالأيام بالبلاد ... !

halcrow

26-12-2010, 11:37 AM

مثال الكهربائي ... اعمال اي تمديد كهربائي .. يطلع من عندك ب 100 ولا ب 300 على الاقل في كل زياره
الفيتري ... يركب اي حاجه مو اقل من 50
الدناكر ... و و و الخ
هالاعمال البسيطه ..اتخليه يجمع راس المال وفوق هذا عايش في الوسط التجاري ... يراقب انشاء المحلات ويعرف اسعارهم
ويتصيد المحلات وقت الانشاء ويبيعها على شكل خلو ...ويضرب ضربات ممتازه

في كذا طريقه

(( فسعي ياعبدي ))

دانـة قطـر

26-12-2010, 11:41 AM

بوخالد911

26-12-2010, 11:46 AM

يا حليله اللي يركب ب100 وين مكانه:(
احنا باك عشان يركب حنفيه وحده قال 500 :eek5:

اشدعوووة 500 ريال؟!؟!؟

مش ممكن اطلاقا

:eek5::omg::omg::omg::omg::eek5:

qatari1

26-12-2010, 11:56 AM

qatari1

27-12-2010, 03:04 AM

GOOKLUCK

27-12-2010, 08:28 AM

اها ضربت على الجرح واذا قلنا حق هندي ولا باكستاني بشاركك رفض

اهاا

ومن عطاك الحق تقوله بشاركك ؟!!

يعني الرجال يتعب

وانت

بكل برود

تعال ابي اشاركك ..

ترا وجهك قوي :rolleyes2:

bo_hamad

27-12-2010, 08:39 AM

فعلاً لكل مجتهد نصيب

منك الحركة ومن الله البركة

رذاذ

27-12-2010, 08:40 AM

انا اقولك السبب
انه شغال نفس الشغله ومراقب رزقة بنفسه مب شريك وكل يومين يمر مرره..

وحيد-الشوق

27-12-2010, 08:42 AM

اللهم لاحسد مادري لين وين بيوصلون هالهنود

راعي الدكان في فريجنا يطنز عالقطريين يقول شنو هالقطري ياخذ 5000 ريال انا في الشهر اطلع اكثر من 10000 وغير وغير حسابتهم في البنوك فيها مالايقل عن 400 مادري 500 الف خاطري اعرف من وين جابوا هالفلوس

مسكين القطري ماعنده غير راتبه وكل شيء اقساط من السيارة لين البيت وحتى الزواج لازم يسحب له سلفيه من البنك

شبح الصمت

27-12-2010, 08:44 AM

لا تقولون صفر والا بطيخ . هذا كله كلام فاضي احد الامرين يا انه يشتغل غسيل اموال او مخدرات طبعا في كلا الامرين يكون مدعوم من جهات اجراميه او حكوميه خارجيه . انا اتذكر رئيس دوله آسيويه كان له شركه نقليات في البلد

مثل ماقال أخونا simsim1963 أكيد مدعوم من جهة وياكثرهم هالأيام بالبلاد ... !

انزين عندي واحد من ربعي سواق كان عندهم يشتغل على دنكر والحين صار عنده 15 دنكر ليش ما قالوا له انت حرامي لانه اجتهد وجاب لهم فلوس واسكتو ويعطي كل واحد فيهم في الشهر 15 الف ومشغل الدناكر

وواحد ثاني راعي كراج اعرف بعد ولو اقول اسم المحل ناس واجد تعرفه رجال محله ماشي عالم تجي تصلح عنده عشان سمعته الحين توه شاري له بيت في دولة اوربية !!

بعد اشياء واجده تصير اخواني لا تقولون خربطه وغسيل اموال ترى في مراقبة من رب العالمين على كلامج وثاني شيء مفروض ما تشهرون في الناس ايا كان لانه مستعدين على هذه الكلام تحاسبوون وحساب مب بسيط !!

كلاً يدعي لأخوه ويقول الحمد لله على كل شيء

بويوسف

27-12-2010, 08:50 AM

يستاهلون...

من جد وجد، ولكل مجتهد نصيب.

والله سبحانه وتعالى يقسم الأرواق من فوق سبع سماوات.

ما عندنا إلا التحندي، والحسد، ولو سوينا مثلهم بنوصل مواصيلهم وأكثر بتوفيق الله!

بس الكسل، والاتكالية هما سبب تراجعنا، وحسدنا، وشكوانا.

:nice:

صراحة .. بعض الاراء عجيبة وغريبة .. يعني تبغون تصير عندكم محلات وفلوس ونعمة وانتوا قاعدين هذا عنده وهذا عنده بس عشانكم قطريين واهل البلد ؟ اي نعم هذا بلدي واهل قطر اهلي واعزهم بس هالكلام ماله معنى ..

اسعى ياعبد وانه اسعى معاك وكل واحد يولد ومعاه رزقه .. اطلبوا الرازق واسعوا في الارض ..

رذاذ

27-12-2010, 08:59 AM

اعرف واحد ابتدا من ب مطعم فول وفلافل
وتطور الى محل اععراس ولائم وذبايح مقيم وعنده فيلا ومواتر وللحين
مستمر ..

في ناس تحاسب بالمصرف وتقصر ع نفسها بسبب هدف يخطط له
(( البعض عنده التبذير والصرف ومب ملاحظ نفسه ))

قطرية فذة

27-12-2010, 09:11 AM

عشان تكون تاجر تعلم اللغه الأورديه اذا تبي تحتل سوق قطر

ثاني شي الباكستانين والهنود عصبه متعـــــــــــــاونه تقبل صعود السلم حبه حبه ومتكاتفين بقوه

عشان تكون تاجر تعامل معهم أول الخيط لانهم عصبه كبيره يجيبون الشغل لما عندك

بعدين شغله مشهوره ان القطري يدفع عادي يعني الثواره ماتنشرى

شغله ثانيه بما اني اعاين السوق الهندي يبيع للهندي نص السعر وللقطري كامل السعر

على سبيل المثال بغيت بدله سألت سعرها 500 طرشت السواق يشتريها له بذاته قاله الهندي 150

يعني في السوق فيه تحدي فيه تحديد نوع الزباين فيه ذكاء من اين تؤكل الكتف

القطري مايجادل ( يبيه بياخذه مايبيه بيخليه ) المشكله ان النسبه الكبيره من الناس تشتري يعني الهندي واثق ان غيره بيشتريه بالسعر اللي يبيه

بعدين عفيه عليهم انتهزوا ثغرات القطرين وكبروا عليها

اللي يبي التجاره اول شي يسعى يكون له جمهور يبتدي برخيص ثم يبلغ مراده بعدها يحدد على من يبيع واي الطبقات ووين مامشى سوقه يبتدي ثم يتفرع

ما اقول الا عساكم ع القوه ولكل مجتهد نصيب

ummalaz

27-12-2010, 01:45 PM

ما شاء الله تبارك الرحمن ربنا يفتح علينا وعليهم ويرزقنا ويرزقهم
لكل مجتهد نصيب والانسان عندما يسعى ويتقى الله يأتيه الرزق
من حيث لا يحتسب .
والملاحظه ان الاسيويين مثلما تفضل الاخوان متكاتفين وقلبهم
على بعضهم يعني مثلاً شقه ثلاثه غرف ممكن يسكنوا فيها ثلاثه
اسر كل واحد في غرفه والصالون لاستقبال ضيوف الكل ولايوم
ماتسمع مشاكل ولا زعل بالعكس يطلعون مع بعض وعيالهم يلعبوا
مع بعض .

فريج النصر

27-12-2010, 01:47 PM

السلام عليكم والله اني اعرف دريولن ربح موترا وهاذه ارزاق من الله سبحانه وشكرا

(بوطلال)

27-12-2010, 02:14 PM

السبب بسيط ومعروف

هم يشتغلون اكثر مما يتكلمون واحنا نتكلم اكثر مما نشتغل

وبعدين لاتستغرب الله سبحانه يرزق من يشاء فجئه وبدون حساب

بوحارب

27-12-2010, 02:18 PM

الأمر بسيط

فيه بعض المجالات تدخل عليك فلوس كل دقيقة :)

وهذا الشي اللي رفه شانهم :)

][ iMedia ][

27-12-2010, 02:23 PM

يالغااااالي
الارزاق بيد الله
شدخل الفلوس بالجنسيه
اللي عنده مخ بيعرف يشتغل صح

تعرف ان نص صيدليات قطر لفلسطيني ؟
ههههه :)

ظبيــღــه

27-12-2010, 02:31 PM

سؤالك ذكرني بعتيق البكستااني ..:)

http://www.qatarshares.com/vb/showthread.php?t=412658

راعي المواجيب

27-12-2010, 03:55 PM

سنوات واحنا في نعمة نعمة وعافية احنا وعيالنا وفينا التجار واصحاب العقارات ومحد منتبه

وسنوات ألالاف الهنود بل الملايين تحت خط الفقر لا أحد ينتبه

لكن عندما يغتني واحد من الهنود ننتبه عليهم !:eek5:

هذا أكبر درس للبشر أن الرزق بيد الله ..

قارون خسف الله به الأرض وهو أغني البشر ،
محمد صلى الله عليه وسلم مات ودرعه مرهونه وهو خير البشر

آمنت بالله .. اللهم أغنني بحلالك عن حرامك

jassim

27-12-2010, 04:10 PM

باختصار
يصرف للضرورة فقط
ويدخرررون للزمن

لاجل QT

27-12-2010, 04:18 PM

والله الرجال مخة نظيف تجاري ..وهو سعى حق رزقة والله عطاة من فضلة

الحين اغلب الهنود اللى في الدوحة يرفضون يعملون دريولية في البيوت ب 1000 ريال ...يبون يصيرون تجار

بـن عدوان

27-12-2010, 05:29 PM

لكل مجتهد نصيب

بس ليش ماتكون السالفه بالمشاركة ؟

يعني ربعه قاطين معاه وهو ماسك كل شي

silver stone

27-12-2010, 08:28 PM

الله يوفق الجميع

ابن سينا

27-12-2010, 10:55 PM

انت تسال من اين حصل على المال من غسيل الاموال

الخزرجي قطر

27-12-2010, 11:02 PM

الله يوفق كل مجتهد وهذه ارزاق
(ورزقكم في السمأ وما توعدون)

s500

27-12-2010, 11:04 PM

أذا رب العباد وهب فلا تسألن عن السبب

نورالهدى

27-12-2010, 11:41 PM

يرزق من يشاء بغير حساب الله يرزق الجميع

عنابي 2010

27-12-2010, 11:58 PM

القطري لين ربح من تجاره او اسهم اول ربح ياخذ موتر يديد.الهندي بربحه يوسع تجارته وماتهم بالمضاهر,ومايتعيبون من الشغل.

كبشينو

28-12-2010, 12:32 AM

كل واحد ورزقه اكيد يجمعون ريال ريال وبعدين عقولهم وتفكيرهم تجاري انا تعاملت معاهم وعارفهم وخاصه الباكستانين حق الشياول والبوكلينات مجابلين شغلهم ويبارون شغلهم ومافيها شي اذا جاب ولد عمه ولا جماعته يشغلهم على لاقل ينفع هله ولكل مجتهدا نصيب والله يوفقهم ويرزقهم ان شاء الله ويزق الجميع

عرٍيب الساس

28-12-2010, 12:43 AM

الهنؤد ,,

ملاحظة مهمة

معاشه الي يستلمه هنا 1000 ريـإآل بالكثيــر ,,,

هناك فالهند يبني فيه عمإآير ؟

هندي كان شغال في الجيش يوصل طلبات من الكانتين لين الظباط او الجنود

سئله واحد من الشباب وقاله انا الحين باقي لي سنة وخلاص ارجع لبلدي
قال ليش ترجع

مب عاجبك الشغل هنا

قال لا ,,

انا جمعت فلوس وبنيت عمارتين

والعمارة الثالثة بتخلص وخلاص ,, العماير هناك بتكفيني ,,

هذا - 1

2- يشتغلون من الصفــر ,, لين ال ـ 100 ,,

3- لاتنسون البنوك الربوية وخصوصآ بنك الدوحة ,, تدعمهم 100% ,, ماتلاحظون كل الهنؤد اول مايجي على طول بنك الدؤحة

؟

هذا كلامي

عرٍيب الساس

28-12-2010, 12:45 AM

ونسيت انؤؤه ,, :)

يكفي ان الهنؤد الي يشتغلون في البترول ,,

عندهم بدل سيارة وسكن ودراسه للاولاد ,و

يعني ماشاءالله عايشين هنـإآ كالملوووك

ومعاشهم ضعف المعاش للمواطن ,,

وله مستحقات اكثر من المليــون مع انهاء الخدمة :)

ابو محمد7

28-12-2010, 07:55 AM

يمكن السبب ان هالدريول وغيره ماقعد في المنتدى يتحلطم ويشتكي 24 ساعه !

يمكن يكون عمل واجتهد وأخذ بالاسباب والله سبحانه وتعالى وفقه

في معظم دول العالم بتلاقي فئة من غير المواطنين يعيشون بمستوى ممتاز ويكون وضعهم افضل من شريحة كبيرة من المواطنين وخاصة عن طريق التجارة

الطائر الحائر

28-12-2010, 08:35 AM

ممكن بس ابي باب واحد خلو

باسكن روبنز

28-12-2010, 10:06 AM

القطري يركب رنج ومرسدس موديل السنه ،
الباكستاني سيارته من الستينات! مايبي الأ سياره توديه وتجيبه ،

القطري كل سنه باريس ولندن ،
الباكستاني مايسافر بلاده الأ كل 4 سنين مره! ،

القطري يتغدا شيليز ويتعشا آبل بيز ،
الباكستاني سندويشين سبجي ويقول الحمدلله! ،

القطري رقم سيارته وتلفوناته مميز×مميز ،
الباكستاني يقول آيس في! ،:tease:

القطري من نعالته (تكرمون) لي قحفيته كل شي ماركات! ،
الباكستاني يعيش على ثوبين حق سنين قدام ،

يحتاي أكمل ولا لا؟؟ ،

ملاحظه : هالمقارنه مابين عقول أغلب الشباب وليس على الكل ،
الحمدلله على كل حــال ،:)

مخطط قطري

28-12-2010, 10:10 AM

انا شوف عيني ياجماعه انا اعرف هندي عنده 4محلاات شيشه ماخذها من قطريين باسعار خياليه اخر وحده 800000 الف ريال قطري وعند محل باسوق العلي ياعيني اشوي الظاهر بشيتري مجمع ولا قاعد يقول ابي اجر فيلا عندك مافي مشكله اعطيك عليها 15000 ريال قمت اصيح من وين لك هذا تعرفون الاسف حنا نايمين في العسل

عنوووود

28-12-2010, 12:54 PM

اولا : الموضوع بكل بساطة " المشاركة "

فقد تفاجئت اكثر من مرة أن بعض المحلات الكبيرة والمشهورة يتم تأجيرها بإسم شخص " آسيوي " واحد ثم يبدأ بعمل إجتماع توزيع أجزاء هذا المحل وأخذ نسبة من الكل ، بالإضافة الى سياسة الإحتكار وهذه الحركة تزيد ارباحك وتجعلها محصووورة لك أو لحلفائك فقط : يعني يتفقووون وياخذووون شارع كامل ويبدأ الاتفاق على الاسعار وعلى العروووض والمستهلك عباله هذا هو سعر السوووق بشكل عام .

ثانيا : عندهم علاقات كبيرة ومتشعبية تجارية مع إلي ماسكييين زمام بعض انواع التجارة " يعني إنت يالقطري ماراح يخدمووونك " لأنك تعتبر دخيل " إلأا إذا كنت هامور ولهم مصلحة معاك وراح تخدمهم .

واعطي مثال : تجار العرب في الصين : " من اليمن " الأغلبية ومستحيل يخدمووونك مثل ما يخدمووون تجااار الجملة في جدة اليمنيين " الي محتكرين تجارة الملابس والأقشمة والجلبيات ....الخ " يعني ولاءهم للتجار واقرباءهم الي من نفس الجنسية اولا بعدين تجي انت يالدخيل خخخخخخخخخ

ثالثا : " التاجر الاسيوي " متفرغ يعني يعطي شغله من وقته ويعرف تفاصيل شغله محد يقص عليه

رابعا : " الله يفتح علي من اوسع ابواب رزقه قووووولو آمييييييييين "

كبير المتداولين

28-12-2010, 01:35 PM

الله يرزقهم

كل واحد يحصل على قد نيته

واهم شي محلات الاخره

mooona

28-12-2010, 07:50 PM

دريول هندي بعد 10 سنين يملك اشهر محلات استلايت لان راعي المحل ما عندة وقت وصار يبيع الشي بالضعفين بنى قصر ببلادة والمحلات ...
.والارزاق بيد الله

Hamad Qatar

29-12-2010, 12:26 AM

اللهــم بـارك لـه في مـاله وإجعلـه نافعا يارب

هــذا حــط هــدف قـدامه وإشتغــل عليــه وتعــب وحــققـه

سوبر

29-12-2010, 12:43 AM

يالربع اللي يكد من الصفر ويطلع حبه حبه مو مشكله.........
المصيبه لما يجي شخص يستأجر لك اكثر من 35 محل في شارع واحد (معيذر) وكلهم نفس النشاط (محلات عبايات ) وللعلم اقل محل ايجاره 10 الاف ريال ....... من وين يدفعون ايجار هذة المحلات وكله العمال جالسين برا المحل يحسبون السيارات الي تمر في الشارع ... ماعندهم لا شغل ولا مشغله.. ممكن حد يفهمني اشلون يدفعون الايجارات