أقفـال البيبـان الخشبيـة

[فتى الدوحة]

السلام عليكم ورحمة الله وبركاته

بغيب لو تتكرمون أسماء وعناوين المحلات اللي تبيع أقفال البيبان الخشبية ، ويا ليت اللي عنده خبره عن أفضل وأجود أنواع الأقفال
من حيث المقبض و القفل نفسه والصناعة يفيدنا مع خالص الشكر والتقدير ...

[السد]

محل عبر الخليج
بجانب محل الراشدي بجانب مركز العالم الجديد - الدوحة

[العقل زينة]

محل اسمه أقفال
على تقاطع دوار مدماك جنب ميرش

[sweety]

اخوي فتى الدوحة
من كمن يوم رحت مع زوجي معرض أقفال اللي صوب أفران الريم ولقيت عندهم انواع واشكال
بس نصيحتي لك قول حق البايع أبغي نظام الاجزاء الداخلية للقفل يكون نظام ميكانيكي
مش نظام السبرنغ لأن النظام الميكانيكي يستمر فترة أطول ومايخترب بسرعة واختار الصناعه الالمانية أو الايطالية .
وبالنسبة للمقابض فيه انواع ايطالية وأخرى اسبانية وانا أشوف الاسباني فيه تشكيلات كثيرة ومتنوعة وكلاسيكية .
وبخصوص فتحة المفتاح يوجد نوع ايطالي ونوع الماني وميزة النوع الالماني انه لما انت تكون خارج المنزل والعيال على سبيل المثال قافلين الباب وموجودين داخل البيت والمفتاح في الباب
تقدر انت تفتح الباب من غير ماتقول حق العيال يشلون المفتاح أو يرفعونة .
ان شاء الله وضحت الفكرة ..........
وبالتوفيق يارب

[فتى الدوحة]

مشكورين على المشاركة الطيبة
الأخت sweety مشكورة جداً على المعلومات المفيدة وجزاج الله خير

تقبلوا تحياتي .. أخوكم : فتى الدوحة

[السد]

مشكورين على المشاركة الطيبة
الأخت sweety مشكورة جداً على المعلومات المفيدة وجزاج الله خير

تقبلوا تحياتي .. أخوكم : فتى الدوحة

وانا وين الشكر حقي ؟؟:shy::shy::shy::shy::shy::shy:

[فتى الدوحة]

وانا وين الشكر حقي ؟؟:shy::shy::shy::shy::shy::shy:

مرحبا أخوي ( السد )
الشكر موصول لك طبعاً ، وأنا خصيت الأخت sweety لأنها جاوبت على السؤال كامل
:D:D:D