تجمع اولياء أمور طالبات خديجة المستقلة 2010-2011

[الوان]

بسم الله الرحمن الرحيم

السلام عليكم و رحمة الله و بركاته

اخوتي و اخواتي ... بنتي الكبيره في مدرسة خديجة ..

و الصغيره بتلحقها السنة الجاية بإذن الله

*

مدرسة خديجة مدرسة متميزة

و ما لقيت منهم الا الاحترام و حسن المعاملة

*

و بينما نجد العديد من المدارس المستقلة قد فشلت

إلا أن مدرسة خديجة استطاعت ان تتقدم و تبرز في كل النواحي التعليمية و التربوية

*

انا حبيت أسوي هالتجمع عشان نتبادل خبرتنا ومعلوماتنا حول هالمدرسة

وشلون نقدر ندرس عيالنا بطريقة صحيحة

*

لسنا هنا لنذكر مساوئ المدرسة

و لسنا هنا لطرح الشكاوى و المشاكل ضد المدرسة

فيرجى ان يحل ذلك بشكل خاص مع ادارة المدرسة

بعيدا عن المنتدى

و كذلك ارجو عدم التشهير بأسماء المعلمات و عدم استخدام الشتائم


*

[الصريحه]

معاج المدرسه ممتازه ومن المدارس اللي انجحت بتطبيق مبادي المجلس الاعلى اللي ماتخلص
واسلوبهم جدا رائع والمدرسات رائعات

[مسلمة]

والله أنا أحب المدرسة هذي ، وبنتي أول سنة لها بالمدرسة ، كنت وايد مرتاحة من الروضة وإدارة الروضة .
وبإذن الله أرتاح وترتاح مع المدرسة . هي أمورها ممتازة مع المدرسة بس أحسها صغيرة بالنسبة للطالبات وتخاف تشارك في السوق الخيري ، لأني عرفت إنها خايفة وحاسة إنها صغيرة بالنسبة للطالبات الكبار الله يحفظهم . بس يمكن هاي الشي طبيعي كونها صف أول وخرجت من الروضة البيئة الصغيرة الهادئة إلى مجتمع أكبر .

[الوان]

والله أنا أحب المدرسة هذي ، وبنتي أول سنة لها بالمدرسة ، كنت وايد مرتاحة من الروضة وإدارة الروضة .
وبإذن الله أرتاح وترتاح مع المدرسة . هي أمورها ممتازة مع المدرسة بس أحسها صغيرة بالنسبة للطالبات وتخاف تشارك في السوق الخيري ، لأني عرفت إنها خايفة وحاسة إنها صغيرة بالنسبة للطالبات الكبار الله يحفظهم . بس يمكن هاي الشي طبيعي كونها صف أول وخرجت من الروضة البيئة الصغيرة الهادئة إلى مجتمع أكبر .

انا بنتي في ثالث و لين اليوم ما تحب تشارك في الطبق الخيري بس تشتري

لأن يوم كانت في صف اول قعدت بتبيع

جو بنات سادس و دزوها و قعدوا يبيعون بدالها

بعض الامهات يروحون يقعدون يبيعون مع بناتهم

[الدمعه]

اشكرج اختي الوان على الطرح الرائع ..

بصراحه المدرسه كانت ممتازه بكل اللي فيها من مدرسات واداريات وكل الطاقم

الموجود .. والسنه لاحظنا تغيير كبير في المدرسات واللي كانوا ممتازات كلهم اختفوا ..

وجاو مدرسات جداد ماتعرفين شلون تتعاملين معاهم ..

و مازالت المدرسه محافظه على قوانينها ولو ان لي ملاحظات عليها بس احتفظ بها

لنفسي لين الاقي لها اجابه ..

وبالنسبه للاطباق الخيريه دوم احنا كجماعه اصدقاء خديجه نشارك معاهم ونخلي بناتنا

يتجرؤن على الاخذ والعطى بينهم بين بعض .. ومالهم خص بنات سادس في بنات ثالث

او ثاني او اول كل ثلاث مراحل لهم فرصتهم بروحهم ..

والمدرسات يساعدون البنات في البيع او اذا البنات الكبار عندهم احتياط ممكن يخلونهم

يساعدون الصغار .. الا اذا طلعت بنت سادس شريره :tease:وخوفت البنت هاي شي ثاني ..

يعجبني فيهم نظام المدرسه الصغيره .. يعني البنت لها يوم تشرح فيه الدرس او تساعد

البنات اللي اصغر منها في حل واجباتهم او تشرح لهم شي مايعرفونه بوجود مراقب طبعا ..

وللحديث بقيه ..

[الوان]

معاج المدرسه ممتازه ومن المدارس اللي انجحت بتطبيق مبادي المجلس الاعلى اللي ماتخلص
واسلوبهم جدا رائع والمدرسات رائعات

اشكرج اختي ... و في انتظار المزيد من مشاركاتج القيّمة

[الوان]

اشكرج اختي الوان على الطرح الرائع ..

بصراحه المدرسه كانت ممتازه بكل اللي فيها من مدرسات واداريات وكل الطاقم

الموجود .. والسنه لاحظنا تغيير كبير في المدرسات واللي كانوا ممتازات كلهم اختفوا ..

وجاو مدرسات جداد ماتعرفين شلون تتعاملين معاهم ..

و مازالت المدرسه محافظه على قوانينها ولو ان لي ملاحظات عليها بس احتفظ بها

لنفسي لين الاقي لها اجابه ..

وبالنسبه للاطباق الخيريه دوم احنا كجماعه اصدقاء خديجه نشارك معاهم ونخلي بناتنا

يتجرؤن على الاخذ والعطى بينهم بين بعض .. ومالهم خص بنات سادس في بنات ثالث

او ثاني او اول كل ثلاث مراحل لهم فرصتهم بروحهم ..

والمدرسات يساعدون البنات في البيع او اذا البنات الكبار عندهم احتياط ممكن يخلونهم

يساعدون الصغار .. الا اذا طلعت بنت سادس شريره :tease:وخوفت البنت هاي شي ثاني ..

يعجبني فيهم نظام المدرسه الصغيره .. يعني البنت لها يوم تشرح فيه الدرس او تساعد

البنات اللي اصغر منها في حل واجباتهم او تشرح لهم شي مايعرفونه بوجود مراقب طبعا ..

وللحديث بقيه ..

شرفتي الموضوع و نحن في انتظار بقيّة الحديث

[مسلمة]

أنا عاجبني فيهم المادة المقررة
كتب اللغة العربية الخاصة بالمدرسة وملزمة الإنجليزي رائعة جداً

[الحريّه]

بارك الله في طرحك أختي ألوان ! بلا شك مبادرة طيبة من وليّة أمر متفهمة ! هذا نوع من الاستبيانات التي تعتبرها المؤسسات التعليمية تغذية راجعة مباشرة خاصة إذا جاءت من أولياء الأمور !
أحترم الزميلة مديرة مدرسة خديجة الفاضلة مريم الهاجري . فهي عقلية تربوية جيدة . ومن الطبيعي أن عقلية كعقلية مريم ستنتج مدرسة بهذا المستوى !
وأقول للأخت التي ذكرت المعلمات هذا العام أن أي شاغر في المدرسة لابد وأن يؤثر عليها مؤقتا . وجهد طيب من شخص جيد مثل الزميلة مريم جدير بأن يعيد الأمور إلى نصابها !
أحيي فيكِ أختي ألوان هذا الطرح مرة أخرى ...وإلى الأمام يا مدرسة خديجه !
تحياتي
:victory:

[الدمعه]

بارك الله في طرحك أختي ألوان ! بلا شك مبادرة طيبة من وليّة أمر متفهمة ! هذا نوع من الاستبيانات التي تعتبرها المؤسسات التعليمية تغذية راجعة مباشرة خاصة إذا جاءت من أولياء الأمور !
أحترم الزميلة مديرة مدرسة خديجة الفاضلة مريم الهاجري . فهي عقلية تربوية جيدة . ومن الطبيعي أن عقلية كعقلية مريم ستنتج مدرسة بهذا المستوى !
وأقول للأخت التي ذكرت المعلمات هذا العام أن أي شاغر في المدرسة لابد وأن يؤثر عليها مؤقتا . وجهد طيب من شخص جيد مثل الزميلة مريم جدير بأن يعيد الأمور إلى نصابها !
أحيي فيكِ أختي ألوان هذا الطرح مرة أخرى ...وإلى الأمام يا مدرسة خديجه !
تحياتي
:victory:


بالتأكيد انه يأثر لكنه ان شاء الله كل شي بيرجع مثل ماكان واحسن ..

والعتب مب عالمديره او الاداره العتب عالمدرسه والمجلس الاعلى وقوانينه اللي

تطفش الكل ..

وانا اشهد ان الاخت روجينا حضرت الاجتماع وقالت بنفسها انها تغطي على بعض

حصص الاحتياط لين يجونهم مدرسات .. الله يعينهم ..

[الوان]

أنا عاجبني فيهم المادة المقررة
كتب اللغة العربية الخاصة بالمدرسة وملزمة الإنجليزي رائعة جداً

صحيح و منهج اللغة العربية قوي عندهم

غير ان الحين عندهم معرض كتاب

كل يوم الصبح بنتي تقول عطوني 500

لأن فيه كتب جد حلوة للاطفال

[الوان]

بارك الله في طرحك أختي ألوان ! بلا شك مبادرة طيبة من وليّة أمر متفهمة ! هذا نوع من الاستبيانات التي تعتبرها المؤسسات التعليمية تغذية راجعة مباشرة خاصة إذا جاءت من أولياء الأمور !
أحترم الزميلة مديرة مدرسة خديجة الفاضلة مريم الهاجري . فهي عقلية تربوية جيدة . ومن الطبيعي أن عقلية كعقلية مريم ستنتج مدرسة بهذا المستوى !
وأقول للأخت التي ذكرت المعلمات هذا العام أن أي شاغر في المدرسة لابد وأن يؤثر عليها مؤقتا . وجهد طيب من شخص جيد مثل الزميلة مريم جدير بأن يعيد الأمور إلى نصابها !
أحيي فيكِ أختي ألوان هذا الطرح مرة أخرى ...وإلى الأمام يا مدرسة خديجه !
تحياتي
:victory:

لا شك ان الاخت مريم الهاجري شخصية متميزه

و بعد انا اشهد ان الطاقم الاداري عندها متميز

لما يكون الطالب له الأولوية عند الادارة

ينعكس هالشي على كل من في المدرسة

حتى العاملات

[الوان]

بالتأكيد انه يأثر لكنه ان شاء الله كل شي بيرجع مثل ماكان واحسن ..

والعتب مب عالمديره او الاداره العتب عالمدرسه والمجلس الاعلى وقوانينه اللي

تطفش الكل ..

وانا اشهد ان الاخت روجينا حضرت الاجتماع وقالت بنفسها انها تغطي على بعض

حصص الاحتياط لين يجونهم مدرسات .. الله يعينهم ..

ان شاء الله تنصلح الامور

بصراحه هم معذورين لو فيه قصور في أداء الطالبات

انا كنت متخوفه يوم شفت عند بنتي كل يوم مدرسة

بس لما شفت التقرير ارتحت و الحمد لله

شكلهم مغطيين النقص اللي عندهم بشكل جيد

[لاجل QT]

المدرسة ماعليها اي كلام ممتازة فعلا ..بناتي كانو فيها من الاوائل
وكل الاستاف متعاونين مع الاهالي يعطيهم العافية

[فيزيائية]

انا معاكم........
بنتي فيها من السنة اللي فاتت الحين هي بخامس
واختها في أول
الكبيرة نقلتها بعد استخارة من مدرسة المها وهي متفوقة وخفت ينزل مستواها...
تفاجأت ان المنهج نفسه ...والحمد لله ثنتينهم مستمتعين ومرتاحين بالمدرسة...


الله يوقف كل من يجاهد من أجل بناتنا ...

[honey]

انا بنتي الكبيرة في صف سادس وفعلا المدرسة ممتازة وما عليها كلام وفعلا المديرة حريصة اشد الحرص على الطالبات لدرجة وقت الامتحانات الوطنية كانت توزع سندويتشات على الطالبات وكذلك وقت الغبار كانت توزع كمامات وغيرها من المواقف فلها جزيل الشكر

[الوان]

المدرسة ماعليها اي كلام ممتازة فعلا ..بناتي كانو فيها من الاوائل
وكل الاستاف متعاونين مع الاهالي يعطيهم العافية

جزاج الله خير

بجد هم متعاونين

و يرحبون بكل من حاب يتعاون

[الوان]

انا معاكم........
بنتي فيها من السنة اللي فاتت الحين هي بخامس
واختها في أول
الكبيرة نقلتها بعد استخارة من مدرسة المها وهي متفوقة وخفت ينزل مستواها...
تفاجأت ان المنهج نفسه ...والحمد لله ثنتينهم مستمتعين ومرتاحين بالمدرسة...


الله يوقف كل من يجاهد من أجل بناتنا ...

فعلا .. الله يوفق كل من يجاهد من أجل بناتنا

[الوان]

انا بنتي الكبيرة في صف سادس وفعلا المدرسة ممتازة وما عليها كلام وفعلا المديرة حريصة اشد الحرص على الطالبات لدرجة وقت الامتحانات الوطنية كانت توزع سندويتشات على الطالبات وكذلك وقت الغبار كانت توزع كمامات وغيرها من المواقف فلها جزيل الشكر

جزاها و اياكم الله كل خير

[الوان]

حاليا عندهم مشروع السوق

طول السنه بيشتغلون على منتجات السوق

و آخر السنه بيعرضون المنتجات

و ربحها يعود للبنات نفسهم .. و الهدف هو تعليم البنات

كل شي عن التسويق و عن التجارة بدءا من المنتج الى الحسابات

بس هم يبون مساعدة الامهات

طلبت منا يوم الاجتماع

ان اللي عندها خبره في اي حرفة يدوية

اذا تقدر تعلم البنات هالحرفة

مثل الخياطه او الطبخ او الرسم او التوزيعات او اي شي ثاني

على الاقل تتبرعين بساعة في الاسبوع تروحين المدرسة و بيجهزون لج صف

و تكسبين أجر لوجه الله في تعليم بنات المسلمين

فياليت اللي عندها قدرة و مهارة ما تتردد في التواصل مع المدرسة

[مسلمة]

انا بيوم اجتماع الأمهات الأخير حول الأنشطة حضرت ، وهم قالوا إنهم بيعلنون عن موعد اجتماع أصدقاء خديجة القادم بس المشكلة ظهرت قبل ما أسجل رقمي بالورقة اللي مرورها

إن شاء الله يرسلون للجميع

[الدمعه]

حاليا عندهم مشروع السوق

طول السنه بيشتغلون على منتجات السوق

و آخر السنه بيعرضون المنتجات

و ربحها يعود للبنات نفسهم .. و الهدف هو تعليم البنات

كل شي عن التسويق و عن التجارة بدءا من المنتج الى الحسابات

بس هم يبون مساعدة الامهات

طلبت منا يوم الاجتماع

ان اللي عندها خبره في اي حرفة يدوية

اذا تقدر تعلم البنات هالحرفة

مثل الخياطه او الطبخ او الرسم او التوزيعات او اي شي ثاني

على الاقل تتبرعين بساعة في الاسبوع تروحين المدرسة و بيجهزون لج صف

و تكسبين أجر لوجه الله في تعليم بنات المسلمين

فياليت اللي عندها قدرة و مهارة ما تتردد في التواصل مع المدرسة


ايه والله ياليت .. عجزنا وبح صوتنا مع الامهات السنه اللي راحت ومانلاقي الا كلمة

احنا عندنا دوام وانتو فاضين .. :(

مب شرط كل اسبوع ممكن يطلع لها في الشهر مره .. على حسب الدور والارقام عندي

بس نبتدي الشغل عدل بنطرش رسايل حق اللي سجلو ..

واللي عندها فكره عن الزراعه بعد نبيها تساعدنا لو بالشي القليل .. ويد وحده ماتصفق ..


ومن فيكم راحت المعرض ابي اروح له اليوم يستاهل والا لا..

[مسلمة]

أي معرض تقصدين ؟؟

[ريماس الغلا]

جزى الله خير كل المديرات والاداريات والمدرسات المتميزات في كل المدارس

[الدمعه]

أي معرض تقصدين ؟؟


معرض الكتب في المدرسه.. وللاسف ماقدرت اروح باجر ان شاء الله اروح..

[روعة الجوري]

تجمعكم حلو وان شاء الله يكون هادف

وشكلي بسوي تجمع لاولياء امودطلاب الدحيل هههههه

اي نستفييييييد

[الوان]

اسعدتني جميع مشاركاتكم

[الدمعه]

فيه مسابقه اجمل مكتبه منزليه والمفروض بكره اخر يوم بس مددوه لين الاحد ..

المطلوب تصورين المكتبه وتطرشين صورها مع البنت حق امينه المكتبه..شيخه..

او على ايميل المجله..
________________________________________
في شي استغربت منه ..

ليش مافي صور حق بناتنا اللي في الروضه في اليوم الوطني .. :omg:

والسنه اللي فاتت كانت احلى المجله في اليوم الوطني ..:)

مع ان الاستاذه شيخه ماتقصر وتبذل مجهود ممتاز فيها ..:nice:

[الوان]

اليوم كان عندهم اجتماع اولياء الامور لمناقشة درجات الطالبات

كان من المفترض يكون يوم الاثنين

بس قسموه على يومين الاحد و الاثنين

جزاهم الله خير

قمه في التنظيم

دخلت على طول عند المدرسة في الوقت المحدد

و المدرسة عندها اسماء الطالبات مع كل التفاصيل

جزاهم الله خير

[فيزيائية]

<<<كنت ادور الموضوع ...

ملاحظة عدم وجود امور تشجيعية للمتفوقات سواء خلال السنة او نهايتها ...
اقصد شهادات تقدير -هدايا-امام الطالبات وفي الطابور...
بنتي ماشاء الله متفوقة ولاقط دخلت بشهادة او جائزة ؟!!!
مع وجود امور تحفيزية بس بسيطة ...

[شموع قطريه]

يعطيكم العافيه .. بس عندي استفسار متى بيبدا اختبار نهاية الفصل الاول بالمدرسه ؟؟ وهل سوف تداوم الطالبات بعد انتهاء الاختبار حتى موعد بداية اجازة منتصف الفصل ؟؟ ومانوع الدراسه التي سوف يتلقونها خلال تلك الفترة .. وشكرا

[بنت الشمال]

الظاهر الي كتبوا عن مدرسة خديجه شكلهم مدرسات فيها يبون يوهمون القارئ انه مدرسه واو و هي خرطي لا نظام ولا احترام للاهالي الامهات و الخدامات معاملتهم وحده عندهم كل شي مقفل عندهم كأن الاهالي بيبوقون شي من المدرسه الحمد لله و الشكر على شنهو ها التمدح فيها الظاهر ما جفتوا باقي المدارس المقصف عندهم البنت بتاخذزعتر ريالين الي تبيع تاخذ فلوس البنت كلها ريالي او ست او اكثر ما في رقابه و كم مره فلنا لهم البنات صغار الي يبيعون ياخذون فلوسهم لا حياة لمن تنادي ما في هالمدرسه ميزه عن باقي المدارس بالعكس مساوئها اكثر لا المديره مجد يجوفها حتى المدرسات كم مدرسه بنفسها تقول ما نشوفها صف ثالث ما عندهم مدرسة اجنماعيات لين الحين و بعض المواد ما عندهم مدرسات لين الحين بس خلاص لاحد يمدح اكثر جوفوا هيئة التدريس لا و القطريات الي فيهت كاهم يهال و بعدين هالمدرسه ما تعرف تتعامل مع الطالبات صف اول تقول عنه المدرسه يتحركون ما يقعدون طيب صف اول يعني يهال الخلل في المدرسه الي ما تعرف تتعامل مع الطالبه و تتحكم في قيادة الصف اذا كنت مدرسه صح كوني قائدة الفصل و من ثم كوني مدرسه حببي الطالبه فيج حتى تحب المادة ان اجوف مدرسة خديجه يبي لها تأهيل و اول من بأهلون المديره و يقولون لها الاهالي يبون يواجهونج وجها لوجه حتى تشوفين و تسمعين شيبون بس عاد ما شبعتي من قعدة المكتب والا ما صدقتي تكونين صاحبة ترخيص

[الدمعه]

<<<كنت ادور الموضوع ...

ملاحظة عدم وجود امور تشجيعية للمتفوقات سواء خلال السنة او نهايتها ...
اقصد شهادات تقدير -هدايا-امام الطالبات وفي الطابور...
بنتي ماشاء الله متفوقة ولاقط دخلت بشهادة او جائزة ؟!!!
مع وجود امور تحفيزية بس بسيطة ...


ايه والله السنه بناتي ماعطوهم شي مادري ليش ..:(

السنين اللي فاتت ماشاء الله بنتي في كل شي يعطونها شهادة تقدير او شكر بس يمكن

لانها تشارك في المنتديات اللي يسوونها في الفرصه .. وهم ياخذون على البنت النشيطه

مب المتفوقه .. وفي شهادات شكر المدرسات يوزعونها عالبنات في القولدن تايم ..

بس مثل ماقلت لج السنه مادري شفيهم للحين مااشتطو .. :nice:

[الدمعه]

يعطيكم العافيه .. بس عندي استفسار متى بيبدا اختبار نهاية الفصل الاول بالمدرسه ؟؟ وهل سوف تداوم الطالبات بعد انتهاء الاختبار حتى موعد بداية اجازة منتصف الفصل ؟؟ ومانوع الدراسه التي سوف يتلقونها خلال تلك الفترة .. وشكرا


الله يعافيج ..

بالنسبه للاختبارات بيوزعون جداول اختبارات واتوقع بيكون على اخر الشهر ..

والدوام والله ماعندي خلفيه عن هالشي بس السنين اللي فاتت كنت اغيب بناتي عقب

الامتحانات .. لان ماعندهم شي يسوونه ..

[الدمعه]

اليوم كان عندهم اجتماع اولياء الامور لمناقشة درجات الطالبات

كان من المفترض يكون يوم الاثنين

بس قسموه على يومين الاحد و الاثنين

جزاهم الله خير

قمه في التنظيم

دخلت على طول عند المدرسة في الوقت المحدد

و المدرسة عندها اسماء الطالبات مع كل التفاصيل

جزاهم الله خير


ماجاني شي شسالفه ..

طرشت لهم الوقت اللي ابيه بس محد كلمني .. اللحين بتصل اشوف الدبره..

[مرتبش]

للاسف تجربتي مع هذي المدرسة لا ترضيني ..

اقارنها بمدرسة ابتدائية اخرى فاشوف الفرق واضح جدا

اهم الاشياء التي لاترضيني ..اهتمام المدرسة المبالغ فيه بالانشطة..اطباق خيرية كثيرة جدا.. ومعارض ومهرجان العاب .
عدم الرد على التلفون بالايام
تصلني رسائل منهم كثيرة بعناوين ممنوع..لن يسمح..سيعتبر غياب ( ما ادري هل هذا الاسلوب هو الدليل على اهتماهم؟)

اكاديميا ايضا لاترضيني.. والحمدلله على كل حال

[الدمعه]

الظاهر الي كتبوا عن مدرسة خديجه شكلهم مدرسات فيها يبون يوهمون القارئ انه مدرسه واو و هي خرطي لا نظام ولا احترام للاهالي الامهات و الخدامات معاملتهم وحده عندهم كل شي مقفل عندهم كأن الاهالي بيبوقون شي من المدرسه الحمد لله و الشكر على شنهو ها التمدح فيها الظاهر ما جفتوا باقي المدارس المقصف عندهم البنت بتاخذزعتر ريالين الي تبيع تاخذ فلوس البنت كلها ريالي او ست او اكثر ما في رقابه و كم مره فلنا لهم البنات صغار الي يبيعون ياخذون فلوسهم لا حياة لمن تنادي ما في هالمدرسه ميزه عن باقي المدارس بالعكس مساوئها اكثر لا المديره مجد يجوفها حتى المدرسات كم مدرسه بنفسها تقول ما نشوفها صف ثالث ما عندهم مدرسة اجنماعيات لين الحين و بعض المواد ما عندهم مدرسات لين الحين بس خلاص لاحد يمدح اكثر جوفوا هيئة التدريس لا و القطريات الي فيهت كاهم يهال و بعدين هالمدرسه ما تعرف تتعامل مع الطالبات صف اول تقول عنه المدرسه يتحركون ما يقعدون طيب صف اول يعني يهال الخلل في المدرسه الي ما تعرف تتعامل مع الطالبه و تتحكم في قيادة الصف اذا كنت مدرسه صح كوني قائدة الفصل و من ثم كوني مدرسه حببي الطالبه فيج حتى تحب المادة ان اجوف مدرسة خديجه يبي لها تأهيل و اول من بأهلون المديره و يقولون لها الاهالي يبون يواجهونج وجها لوجه حتى تشوفين و تسمعين شيبون بس عاد ما شبعتي من قعدة المكتب والا ما صدقتي تكونين صاحبة ترخيص


بل بل بل داشه عرض الاخت .. لاسلام ولاكلمه طيبه ..

اولا احنا مب مدرسات احنا امهات حالنا حالج .. ومااعتقد ان المديره تدفع لنا مقابل

اللي نكتبه وكل وحده تكتب تجاربها عن المدرسه ومافيها شي .. كلن حسب نظرته

وتقبله للامور ..

برد على كلامج بدون تحيز لا لج ولا لهم مالنا مصلحه عندهم ..

اولا ..اللي بينتقد ماينتقد بهالطريقه ..

ثانيا .. بالنسبه للي تبيع في المقصف انتي تتوقعين ان بس بنتج اللي تشتري والا في

طابور وكلن ماد يده وحوسه في المقصف .. فانتي اللي عليج انج تنبهين بنتج انها

ماتعطيها كل الفلوس وانتي عطيها ريالات عشان تعرف كم تدفع .. والافضل تسوين

مثل ماانا وبعض الامهات مانسوي انها تودي اكلها من البيت وبلا هالتعب ..

ثالثا .. بالنسبه للنظام .. الامهات هم اللي خربوا علينا والله .. كانو يخلونا نقعد داخل

احنا في صوب والخدم في صوب لكن صارت تجاوزات من الامهات اللي تصارخ واللي

تروح تاخذ بنتها من الصف بالرغم من كثر التحذيرات اللي صارت الا مافي فايده سكروا

باب الاستقبال راحت من باب القاعه يعني خلاص مافيها صبر هالكم دقيقه ..

والخدم حدث ولاحرج كلن يبيع من صوب وسوالف البيت كلها عندهم وانتي قاعده تسمعين

ماما وبابا ..

ورابعا .. المديره .. ماتقابل حد الابموعد مسبق ولازم تاخذ فكره عن محتوى المقابله ..

وهذي سياستها .. بالنسبه لي ولكثير من الامهات هالشي غير مرضي.. لكن مثل ماذكرت

قبل .. كلن حسب تقبله للامور .. وانا سمعت بعد انها ماتقابل المدرسات بس معاهم

على الشبكه العنكبوتيه ..

انا عندي بنت من صف اول لين سادس معاهم والحمدلله ممتازه وتاسيسها صح ..

وعندي بنت في ثاني شوي ضعيف مستواها بالنسبه للي في سادس بس نوعا ما...

احس ان هاي مستوى بنتي والعيال مب كلهم سوى ..

خامسا .. في الاجتماع ذكرت الفاضله روجينا ان في صف واحد بس اللي ماعنده

مدرسه ومااذكر اي صف بصراحه وقالت انهم يغطون عالنواقص بانهم بنفسهم

يدرسون البنات لين يلاقون مدرسه ..

ومشكوره عالاتهام الواضح لنا كاولياء امور .. بعدم مصداقيتنا ..

[بويوسف]

الظاهر الي كتبوا عن مدرسة خديجه شكلهم مدرسات فيها يبون يوهمون القارئ انه مدرسه واو و هي خرطي لا نظام ولا احترام للاهالي الامهات و الخدامات معاملتهم وحده عندهم كل شي مقفل عندهم كأن الاهالي بيبوقون شي من المدرسه الحمد لله و الشكر على شنهو ها التمدح فيها الظاهر ما جفتوا باقي المدارس المقصف عندهم البنت بتاخذزعتر ريالين الي تبيع تاخذ فلوس البنت كلها ريالي او ست او اكثر ما في رقابه و كم مره فلنا لهم البنات صغار الي يبيعون ياخذون فلوسهم لا حياة لمن تنادي ما في هالمدرسه ميزه عن باقي المدارس بالعكس مساوئها اكثر لا المديره مجد يجوفها حتى المدرسات كم مدرسه بنفسها تقول ما نشوفها صف ثالث ما عندهم مدرسة اجنماعيات لين الحين و بعض المواد ما عندهم مدرسات لين الحين بس خلاص لاحد يمدح اكثر جوفوا هيئة التدريس لا و القطريات الي فيهت كاهم يهال و بعدين هالمدرسه ما تعرف تتعامل مع الطالبات صف اول تقول عنه المدرسه يتحركون ما يقعدون طيب صف اول يعني يهال الخلل في المدرسه الي ما تعرف تتعامل مع الطالبه و تتحكم في قيادة الصف اذا كنت مدرسه صح كوني قائدة الفصل و من ثم كوني مدرسه حببي الطالبه فيج حتى تحب المادة ان اجوف مدرسة خديجه يبي لها تأهيل و اول من بأهلون المديره و يقولون لها الاهالي يبون يواجهونج وجها لوجه حتى تشوفين و تسمعين شيبون بس عاد ما شبعتي من قعدة المكتب والا ما صدقتي تكونين صاحبة ترخيص

مشاركة غير مفهومة الا اتهامات على المديرة وواضح انها بحسد وحقد لأسباب لانعلمها ..

بعدين خافي الله تتهمين مدرسات المقصف انهم ياخذون فلوس اليهال ؟ لي هالدرجة قذف الناس عندج بهالسهولة ؟ كل الناس غلط وانتي الصح .. شي غريب انج ماتغيرين المدرسة السيئة ومستمرة لي الحين هذا اذا كان لج فيها بنات ..

والمدرسة معروف عنها انها من افضل المستقلات في قطر .. سواء بعقد مقارنة مع المدارس الاخرى او حسب تقييم الهيئة ..

[الدمعه]

للاسف تجربتي مع هذي المدرسة لا ترضيني ..

اقارنها بمدرسة ابتدائية اخرى فاشوف الفرق واضح جدا

اهم الاشياء التي لاترضيني ..اهتمام المدرسة المبالغ فيه بالانشطة..اطباق خيرية كثيرة جدا.. ومعارض ومهرجان العاب .
عدم الرد على التلفون بالايام
تصلني رسائل منهم كثيرة بعناوين ممنوع..لن يسمح..سيعتبر غياب ( ما ادري هل هذا الاسلوب هو الدليل على اهتماهم؟)

اكاديميا ايضا لاترضيني.. والحمدلله على كل حال


المشكله اللحين بيقولون اني محامي :(

والله مااقصد امدحها وفعلا فيها مساوء وفيها مميزات ..

الاطباق الخيريه مره في الشهر تقريبا وهي لبناء مسجد فاللي مب حاب يشارك مب ملزوم ..

وبعدين بس في الفرصه مو طول اليوم .. خلو اليهال يسوون شي زين ..

ومعارض مااخبر عندهم معارض غير معرض الكتاب .. واشوفه بعد مفيد للبنات ..

ومهرجان الالعاب اللي هو فن دي تقصد ؟؟ مره في السنه بعد مب زين ..:(

واليوم العالمي .. بعد مب زين ..:omen2:

تبون عيالنا دوم يدرسون ومايتونسون ..:weeping:

والتلفون ليش ماتاخذ رقم الاخصائيه اللي مسؤله عن صف بنتك وتتصلون لها على طول ..

او اتصل واحرق التلفون وبيردون .. مالنا الا هالحل .. المشكله بس اذا غابت المسؤوله

عن الاستقبال كل شي يتعقد ..:rolleyes2:

بعد ارجع اقول هالرسايل كانت السنه اللي فاتت بكثره .. مللونا .. والسنه لحد اللحين

مابدا التحذير .. الله يعيننا ..

وفيني فضول ابي اعرف المدرسه الثانيه .. :)

[مرتبش]

المشكله اللحين بيقولون اني محامي :(

والله مااقصد امدحها وفعلا فيها مساوء وفيها مميزات ..

الاطباق الخيريه مره في الشهر تقريبا وهي لبناء مسجد فاللي مب حاب يشارك مب ملزوم ..

وبعدين بس في الفرصه مو طول اليوم .. خلو اليهال يسوون شي زين ..

ومعارض مااخبر عندهم معارض غير معرض الكتاب .. واشوفه بعد مفيد للبنات ..

ومهرجان الالعاب اللي هو فن دي تقصد ؟؟ مره في السنه بعد مب زين ..:(

واليوم العالمي .. بعد مب زين ..:omen2:

تبون عيالنا دوم يدرسون ومايتونسون ..:weeping:

والتلفون ليش ماتاخذ رقم الاخصائيه اللي مسؤله عن صف بنتك وتتصلون لها على طول ..

او اتصل واحرق التلفون وبيردون .. مالنا الا هالحل .. المشكله بس اذا غابت المسؤوله

عن الاستقبال كل شي يتعقد ..:rolleyes2:

بعد ارجع اقول هالرسايل كانت السنه اللي فاتت بكثره .. مللونا .. والسنه لحد اللحين

مابدا التحذير .. الله يعيننا ..

وفيني فضول ابي اعرف المدرسه الثانيه .. :)

طبعا الامور نسبية..تختلف من شخص لشخص..

انا افضل يهتمون بالاجانب الاكاديمي اكثر من الانشطة..بعدين هالانشطة ليست حكر على المدرسة ..يعني اليهال المفروض يتعلمون التبرع ومساعدة الغير من اهلهم وليس فرضا من المدرسة..
الانشطة اوكي مانختلف خل يستانسون لكن مزودينها شوي.. البيت الازرق له طبق والوردي والاحمر وغيره.

اذكرك العام الماضي بسالفة تدل على مستوى الاهمال!

طرشوا لنا عن تطعيم انفلونزا الخنازير اجلكم الله.. لبنتي وولدي في المدرسة الثانية
وافقت ووقعت
واخذوا الاوراق.. طعموا الولد
والبنت طرشوا لي مسج يجب ان تكون الام متواجدة اثناء التطعيم والا مافي تطعيم؟ تلعبون معانا .. قولو من اول مانقدر وانا باوديها بوهامور خمس دقايق العصر ونتطعم كلنا وانتهى الموضوع.

هذي القرارات الادارية شرايج فيها..

قرار اداري اخر.. مانفتح بوابات المدرسة قبل لاينتهي الدوام.. يعني تصير زحمة في ساحة المواقف..تروح الادارة تكحلها باغلاق االبوابات..وتصير الزحمة في الشارع مب مشكلة

المدرسة الثانية اللي فيها الولد تضع عدد من الحراس على باب المدرسة للمساعدة في تنزيل الطلاب صباحا وتسليم الطلاب لاولياء امورهم ظهرا.. اللي يشيل الشنطة واللي يمشي السيد

امثلة فقط :)

[الوان]

لا اله الا الله

ليش الهجوم بهالطريقة يا اخوه

احنا لا مدرسات ولا لنا علاقة بالمدرسة غير كونا امهات طالبات

و انا حطيت الموضوع و ما قلت حق ادارة المدرسة انا من ولا حتى اسم بنتي

يعني لا محاباه ولا شي

بس حبيت استفيد من خبرات الامهات الاخريات في المنتدى مع هالمدرسة

و اذا مدحنا شي بالفعل موجود في المدرسة مب غلط بل من الواجب ان الانسان يشكر

ثرى يا عالم ادارة الصف و ادارة المدرسة بشكل كامل مسأله مب هينه

و اللي يشوف اخطاء على المدرسة

يتوجه للمدرسة بالاتصال او المقابلة او ارسال بريد الكتروني

و اذا ما لقى رد

يتوجه الى المجلس الاعلى للتعليم

و اذا ما لقى رد منهم يتوجه للقضاء

و ما في مؤسسه حكومية او خاصة في العالم اجمع منزهه عن الخطأ

فما له داعي ان الواحد يسبهم بشكل علني

انت في بيتك تخطيء في ادارة بيتك

شلون ادارة مدرسة تتكون من طاقم اداري و معلمات و طالبات

و الله المستعان

[الوان]

يعطيكم العافيه .. بس عندي استفسار متى بيبدا اختبار نهاية الفصل الاول بالمدرسه ؟؟ وهل سوف تداوم الطالبات بعد انتهاء الاختبار حتى موعد بداية اجازة منتصف الفصل ؟؟ ومانوع الدراسه التي سوف يتلقونها خلال تلك الفترة .. وشكرا

انا دايما اغيب بنتي بعد الامتحانات
تروح بس عشان تاخذ التقرير

[مسلمة]

أختي ألوان .. الله يجزيج خير من طرح الموضوع ولا تزعلين ، يكفيج فخر إنج جمعتي مجموعة من الأمهات في موضوع يسهل علينا التواصل فيه والبحث حول أمور مدرسة بها بناتنا ، حتى النقد لما نسمعه نستفيد منه طبعا المقصود بالنقد هنا هو النقد البناء ، ولكن النقد الغير بناء والسلبي لا تلتفتي إليه ورضا الناس غاية لا تدرك.

[الوان]

<<<كنت ادور الموضوع ...

ملاحظة عدم وجود امور تشجيعية للمتفوقات سواء خلال السنة او نهايتها ...
اقصد شهادات تقدير -هدايا-امام الطالبات وفي الطابور...
بنتي ماشاء الله متفوقة ولاقط دخلت بشهادة او جائزة ؟!!!
مع وجود امور تحفيزية بس بسيطة ...

احب شهادات التقدير

شهادات بنتي مالت الروضه بروزتهم و علقتهم

خلى هالشي عندها حافز للتفوق

[مسلمة]

هالتقويم الموجود في موقع المدرسة وهو أيضا موجود في موقع المجلس الأعلى للتعليم

http://www.khadeejagirls.com/Files/calendar.jpg

[الوان]

أختي ألوان .. الله يجزيج خير من طرح الموضوع ولا تزعلين ، يكفيج فخر إنج جمعتي مجموعة من الأمهات في موضوع يسهل علينا التواصل فيه والبحث حول أمور مدرسة بها بناتنا ، حتى النقد لما نسمعه نستفيد منه طبعا المقصود بالنقد هنا هو النقد البناء ، ولكن النقد الغير بناء والسلبي لا تلتفتي إليه ورضا الناس غاية لا تدرك.

جزاج الله خير

بالعكس ما زعلت

و تدرين ان يوم الخميس و انا داشة المدرسة اخذ بنتي

سمعت ثنتين اداريات يتكلمون عن الموضوع

ابتسمت و سكت حسيت اني سويت شي

[مسلمة]

أمس كان في مناقشة لتقارير الطالبات ، بالنسبة لانطباعي حسيت بالنسبة مقارنة لمدرسة ابني في فرق كبير ، فهنا فقط المدرسات في صف ولا توجد منسقات أو المديرة أو النائبة الأكاديمية أو الإدارية ، وممكن الأم تاخذ راحتها دون التقيد بالوقت المحدد لها مما يعكس على دور الأخريات .
فأعتقد أن وجود المديرة والنائبة الأكاديمية والإدارية - كما في مدرسة ابني - يخلق جو من الترابط بينهم ويبن الأمهات ، ويأخذون الملاحظات عن كثب وملاحظاتنا العامة حول المناهج وطرق التدريس ، ومن حقنا الاطلاع على درجة الطالب التفصيلية يعني في كل بند في التقييم كم ماخذ ، وأيضا أوراق الاختبارات ، وهذا ما لم ألمسه أبداً في اجتماع الأمس مع المدرسات الفاضلات بالمدرسة مع ما لمست منهن من تفهم لملاحظاتنا وابتسامة وحسن استقبال .

[ام وليد]

مرحبا ... الصراحة انا سعيدة جداً بوجود هذا الملتقى لان اختي من طالبات مدرسة خديجة ومن زمان اتمنى ان اتحدث مع احد من اهالي الطالبات ..

انا امس كنت من حاضرين اجتماع المدرسة .. الصراحة والحق يقال انبهرت جداً بالتنظيم .. احلى شي في مدرسة خديجة انهم دايماً مختلفين عن الاخرين .. حتى اجتماعهم كان غير .. كل ام اتروح صف بنتها وكل معلمة اتكون ناطرة الامهات ومسوية تقرير مفصل عن كل طالبة .. والصراحة دايماً كنت احضر اجتماعات بس كان يضيع الوقت في كلمة المديرة وخطاب الوكيلة وعروض الطالبات وكنا انحس احنا كاهالي ان بس وقت بسيط للتحدث مع المعلمة .. بس مدرسة خديجة غير غير ..
وبالنسبة لتعليق الاخت المسلمة بعدم وجود المديرة والنائبة والمنسقات الصراحة انا شفتهم امس كانوا يمرون على الصفوف كلهم يمكن ماشفتيهم ..
على العموم بس كنت حابة اوضح ان مايميز مدرسة خديجة مقارنة بمدارس اخواني واخواتي انها مختلفة دايماً اشوف انشطة مختلفة وافكار مختلفة . حبيت اشكر المديرة مريم الهاجري وكل من ساهم باسعاد بناتنا وخواتنا الاصغار ..

[بنت الشمال]

الان يبين ان (الدمعه) متحمسه بقوه ومحاميه الي يقول خذوهم بالصوت لايغلبوكم يبين انج ممن لديهم وظيفه في المدرسه وهذا ما يمنع ان لج بنت في المدرسه فتكونين ام طالبه و موظفه في نفس المدرسه لانج تعرفين اشياء من خلال كلامج انج موظفه فيها جوفي باقي المدارس وحكمي اختلاف الرأي ليس فيه اساءه للمدرسه بس بالنسبه للمقصف ام يختلف عليه اثنين انه فيه ؟؟؟؟؟؟؟؟؟؟؟؟؟؟و انا متأكده

[الوان]

الان يبين ان (الدمعه) متحمسه بقوه ومحاميه الي يقول خذوهم بالصوت لايغلبوكم يبين انج ممن لديهم وظيفه في المدرسه وهذا ما يمنع ان لج بنت في المدرسه فتكونين ام طالبه و موظفه في نفس المدرسه لانج تعرفين اشياء من خلال كلامج انج موظفه فيها جوفي باقي المدارس وحكمي اختلاف الرأي ليس فيه اساءه للمدرسه بس بالنسبه للمقصف ام يختلف عليه اثنين انه فيه ؟؟؟؟؟؟؟؟؟؟؟؟؟؟و انا متأكده

لحد يزعل من حد كلن يقول وجهة نظره

و ممكن انتي صح و هي صح

و أوكد لج ان الدمعه مش موظفه في المدرسه

اما بالنسبه للمقصف بالفعل انا سمعت ناس يشتكون منه

ممكن تتواصلين مع الاداره

او ممكن الاخت الدمعه توصل لهم ملاحظتج على اساس انها من جماعة اصدقاء خديجه

و تتواصل مع الادارة بشكل مستمر

[شموع قطريه]

لفغالصراحه من ناحية الاهتمام فمدرسة خديجه ممتازه في الاهتمام بالطالبات ودائما يسعون لتحبيب الطالبه في المدرسه هذا من ناحية الاداره .. ومن ناحية المدرسات فمعاملتهم مع الطالبات ممتازه لكن بعض مدرسات الرياضيات من الجنسيه الهنديه وللأسف مايقدرون يفهمون الطالبات طريقة الحل بالتفصيل وبالشرح المبسط ..يعني الطالبه اللي مستواها متوسط او ضعيف في الرياضيات مستحيل تفهم ايش المطلوب ..

وبخصوص مشاركات المدرسه في الانشطه الخارجيه فـ ولا مره ودوا بناتنا للمشاركه في المسيرات او الاحتفالات اللي يشاركون فيها اغلب المدارس .. واذا فكروا يشاركون فيختارون بنات الاجانب وبنات المدرسات اللي بالمدرسة..

بخصوص مديرة المدرسه فهي قليلة الظهور لاولياء الامور وحتى لطاقم المدرسات وحتى لو طلبنا مقابلتها يقولون لنا مشغوله او في اجتماع ونقعد ننطر الموعد ليما نمل وننساه وعقب يقولون لنا قابلوا مس روجينا وهي بتنقل اللي تبونه للمديره !!
..طبعا هالكلام ماجبته من فراغ لاني سبق وداومت في هالمدرسه وعايشت هالشي ..

بخصوص بوابة المدرسه فأتمنى يحطون حاجز فاصل كبير وساتر بين الرجال والسيدات غير هالحواجز الصغيره لان وايد نلقى حرج من المرور وسط الرجال لاخذ بناتنا ..

وبعدين مافيه تشجيع للطالبات الضعيفات اذا تحسن مستواهم مثل ماكانوا يسوون المدرسات ايام المدارس الحكوميه علشان تتشجع الطالبه وتحاول تحسن من مستواها اكثر واكثر .. نتمنى ان تكون هناك جوائز تشجيعيه حتى لو بسيطه للطالبات تعطى لهم كتحفيز وتشجيع على الاستمرار في رفع مستواهم الدراسي ..

وبالنسبة لموضوع السرقات في المدرسه .. البنات كل يوم يجون مسروق شي من اغراضهم وخصوصا بنات صف سادس .. يعني وين دور الاخصائيات والاداريات في هالشي .. انا ادري انهم مب مقصرين اكيد بس نبي منهم همه اكثر في هالموضوع لان هالشي زاد عن حده ..

واخيرا اتمنى لكل من ينتمي لمدرسة خديجة كل التوفيق وان شاءالله نشوفهم دوم يسعون للاحسن والافضل ..

[المجد5]

مستوى التدريس نزل وايد السنة

خاصة صف ثالث

ومشكلة القمل الي منتشرة بين البنات لازم يلقون لها حل

[فيزيائية]

حلو النقاش بين شد وجذب والاحلى وصول الموضوع للادارة....

بالنسبة للمقصف لازم الام تنتبه على بنتها وخصوصا لو صغيرة تره البوقات في كل المدااارس مب مقتصرة على مدرسة معينة...

وبصراحة تره الامساك بزمام الامور في المدرسة شي صعب....خصوصا هاليومين في المستقلات ...

وانا عن نفسي بنتي كانت في مدرسة المها من اروع المدارس اكاديميا وهي لاتخلو من العيوب ...وكنت خايفة لما نقلتها لخديجة بس والله اني الحين مرتاحة ...صحيح لي بعض الملاحظات بس مافيه حد او مدرسة كااااملة ...

وبخصوص البوقات تره مرتين فقدوا بناتي جاكيتاتهم وكلمت المدرسة واقتنعت بوجهه نظرهم...يعني لو فيه طالبة سرقت او وحدة من عاملات التنظيف تره تصير في احسن المدارس...

[فيزيائية]

مستوى التدريس نزل وايد السنة

خاصة صف ثالث

ومشكلة القمل الي منتشرة بين البنات لازم يلقون لها حل

:eek5:تواصلي معاهم وخصوصا مع الممرضة والصف اللي شاكة فيه عشان ينبهون كل الامهات وياخذون احتياطاتهم..

[المجد5]

طيب بخصوص مجلس الأمهات اليوم والي مانعرف شسالفته


اي صف اليوم؟

[فيزيائية]

اليوم رابع
بكرة خامس
اللي بعده سادس
ومطرشين موعدج مع بنتج ...بالوقت والدقيقة
انا اضطريت الغي موعد المستشفى عشان بنتي
مب كل يوم نقدر نقابل المدرسات كلهم ....

[المهندس عبدالعزيز]

ا المقصف عندهم البنت بتاخذزعتر ريالين الي تبيع تاخذ فلوس البنت كلها ريالي او ست او اكثر ما في رقابه و كم مره فلنا لهم البنات صغار الي يبيعون ياخذون فلوسهم لا حياة لمن تنادي ما في هالمدرسه ميزه ع

نعم صدقتي هذا هو الواقع

[ريماس الغلا]

اممممم متابعه

[الوان]

مستوى التدريس نزل وايد السنة

خاصة صف ثالث

ومشكلة القمل الي منتشرة بين البنات لازم يلقون لها حل

القمل ما له الا حل واحد

زيت الزيتون

ينترس الشعر بزيت الزيتون

مرتين ثلاث و ان شاء الله بيختفي

[وهم قطر]

فكره حلوه أن لكل مدرسه يعمل لها موضوع ليتناقش فيها اولياء امور الطلبه عن

مستوى ابنائهم ومحاسن ومساوء المدرسه حتى نعرف أي مدرسه في المستقبل لنسجل ابنائنا

ويكون العنوان باسم المدرسه والله يوفقكم جميعأ

مثال \\ مجلس أولياء امور الطالبات والطلبه للمدرسه ؟؟؟؟؟؟؟؟

[ابوعدي]

تحية تقدير واحترام للأخت مريم - مديرة المدرسة وصاحبة الترخيص
جهودها واضحه وسياستها حكيمه

والشكر موصول لجميع الهيئة الادارية والمدرسات

تجربتي مع المدرسة خمس سنوات
سؤالي : اذا كانت المدرسة تحافظ على التربيه والاخلاق والسلوك والانضباط والتحصيل العلمي والثقافي والديني ومليئة بالنشاطات المتنوعه والمسابقات ... فماذا نريد غير ذلك
وماذا نتمنى ؟؟

اتمنى ان تحصل الاخت مريم على ترخيص مدرسة اعدادي
لتواصل ابنتي مشوارها بين ايدي امينه

ما نسمعه عن "بعض" المدارس
يدعونا للقول الحمدلله والشكر لله

وعساهم عالقوة

[الوان]

تحية تقدير واحترام للأخت مريم - مديرة المدرسة وصاحبة الترخيص
جهودها واضحه وسياستها حكيمه

والشكر موصول لجميع الهيئة الادارية والمدرسات

تجربتي مع المدرسة خمس سنوات
سؤالي : اذا كانت المدرسة تحافظ على التربيه والاخلاق والسلوك والانضباط والتحصيل العلمي والثقافي والديني ومليئة بالنشاطات المتنوعه والمسابقات ... فماذا نريد غير ذلك
وماذا نتمنى ؟؟

اتمنى ان تحصل الاخت مريم على ترخيص مدرسة اعدادي
لتواصل ابنتي مشوارها بين ايدي امينه

ما نسمعه عن "بعض" المدارس
يدعونا للقول الحمدلله والشكر لله

وعساهم عالقوة

يمدحون مدرسة الاقصى الاعدادية

[الدمعه]

صباح الخير ..

[الوان]

صباح الخير ..

صباح النور و البركه

[تربوي]

تحية تقدير واحترام للأخت مريم - مديرة المدرسة وصاحبة الترخيص
جهودها واضحه وسياستها حكيمه

والشكر موصول لجميع الهيئة الادارية والمدرسات

تجربتي مع المدرسة خمس سنوات
سؤالي : اذا كانت المدرسة تحافظ على التربيه والاخلاق والسلوك والانضباط والتحصيل العلمي والثقافي والديني ومليئة بالنشاطات المتنوعه والمسابقات ... فماذا نريد غير ذلك
وماذا نتمنى ؟؟

اتمنى ان تحصل الاخت مريم على ترخيص مدرسة اعدادي
لتواصل ابنتي مشوارها بين ايدي امينه

ما نسمعه عن "بعض" المدارس
يدعونا للقول الحمدلله والشكر لله

وعساهم عالقوة

فعلا جهود مميزة وجهد رائع فهي من المدارس المميزة

رغم انني علمت انها قدمت استقالتها

وان هذه السنة آخر سنة لها

طبعا اتمنى ان تستمر فهي فعلا من المميزين

[ام وليد]

الصراحة انصدمت من انها راح تستقيل .. خساااارة فعلاً خساااارة

اخ تربوي عندك فكرة ماهي الاسباب

[الدمعه]

الان يبين ان (الدمعه) متحمسه بقوه ومحاميه الي يقول خذوهم بالصوت لايغلبوكم يبين انج ممن لديهم وظيفه في المدرسه وهذا ما يمنع ان لج بنت في المدرسه فتكونين ام طالبه و موظفه في نفس المدرسه لانج تعرفين اشياء من خلال كلامج انج موظفه فيها جوفي باقي المدارس وحكمي اختلاف الرأي ليس فيه اساءه للمدرسه بس بالنسبه للمقصف ام يختلف عليه اثنين انه فيه ؟؟؟؟؟؟؟؟؟؟؟؟؟؟و انا متأكده


اووووووووووووووبس

كشفتي السر ..:nice:

اقول كفي شرج عني ..:anger1:

ولو كنتي متابعه بنتج عدل جان بتعرفين كل شي عن المدرسه وبسهوله مايبيلها فنيات ..

واذا انتي شايفه انهم يبوقون بنتج روحي الاداره ومومقصرين معاج ..

وانصحج تسوين لها سندويشاتها في البيت والاعيزانه ..:secret:

[الوان]

اووووووووووووووبس

كشفتي السر ..:nice:

اقول كفي شرج عني ..:anger1:

ولو كنتي متابعه بنتج عدل جان بتعرفين كل شي عن المدرسه وبسهوله مايبيلها فنيات ..

واذا انتي شايفه انهم يبوقون بنتج روحي الاداره ومومقصرين معاج ..

وانصحج تسوين لها سندويشاتها في البيت والاعيزانه ..:secret:

الواحد ما يقدر يقعد يدافع عن عياله طول عمرهم

لازم تتعلم البنت ان تتصرف بنفسها و تحل مشاكلها

[الدمعه]

الواحد ما يقدر يقعد يدافع عن عياله طول عمرهم

لازم تتعلم البنت ان تتصرف بنفسها و تحل مشاكلها


هذا الكلام اللي نبي نوصل له.. احنا اللي لازم نعلم بناتنا شلون ياخذون حقهم ويعرفون

شلون يتصرفون .. ومع تجاربهم حبه حبه بيعرفون شنو اللي لازم يسوونه في اي

موقف يصيدهم ..

شوفي الياهل لما تجيبين له ورده بيفرح فيها لونها حلو ..وريحتها حلوه.. ومن اول مره

بيمسكها بيده من غير ماينتبه على الشوك فيها ..وشبيصير فيه .. بيغزه الشوك

ويمكن يطلع منه شوية دم ..

ثاني مره عطيه الورده بيفرح فيها وبشكلها ولونها لكنه بيحاسب على يده وبيركز

وين يحط اصابعه عن لايتعور..

[الوان]

بس مجتمع المدرسة صعب

انا لاحظت ان عندهم شلل

و كل شلّه لهم قوانين و اذا قالوا في الشله ان محد يكلم فلانه

الكل ينفذ الكلام

مع انهم صغار يعني 7 و 8 و 9 سنوات

و عندهم هالتفكير

مادري اذا المدرسة و الادارة منتبهين حق هالشي !

[فيزيائية]

الشللية من يوم كنا صغار (انا واخوي على ابن عمي)؟!

عالعموم في شي احزني ان بنتي اللي بخامس بعد ماقررت انها تلبس عباية وشيلة هالسنة الا من اسبوعين تركتهم وبلااا سبب !!
المدرسة تقول ان معظم البنات مايلبسون
ومحد يشجعهم ...يعني يقولون لهم في الباص لازم تلبسون حق الرحلة ولما ينزلون للمكان يخلعونه ...

الموضوع محيرني...

[الوان]

الشللية من يوم كنا صغار (انا واخوي على ابن عمي)؟!

عالعموم في شي احزني ان بنتي اللي بخامس بعد ماقررت انها تلبس عباية وشيلة هالسنة الا من اسبوعين تركتهم وبلااا سبب !!
المدرسة تقول ان معظم البنات مايلبسون
ومحد يشجعهم ...يعني يقولون لهم في الباص لازم تلبسون حق الرحلة ولما ينزلون للمكان يخلعونه ...

الموضوع محيرني...

تأثير الربع الله يسلمج .... دوم ادعي لها بالصحبة الصالحة

[qtr.wolf]

[QUOTE=الوان;6776629]تأثير الربع الله يسلمج .... دوم ادعي لها بالصحبة الصالحة[/

i am with my sister Alwan they are must be chang freind

thank >>

[تربوي]

الصراحة انصدمت من انها راح تستقيل .. خساااارة فعلاً خساااارة

اخ تربوي عندك فكرة ماهي الاسباب

بصراحة ما ادري الاسباب بس يبدو ان هناك عدة اصحاب تراخيص قدموا استقالات لعدم رضاهم بتدخلات المجلس في المدارس

والله اعلم

[الوان]

بصراحة ما ادري الاسباب بس يبدو ان هناك عدة اصحاب تراخيص قدموا استقالات لعدم رضاهم بتدخلات المجلس في المدارس

والله اعلم

لا حول ولا قوة إلا بالله

[الدمعه]

السلام عليكم وصباح الخير ..

بنتي من صف رابع وهي متحجبه يعني كانت يوم تلبس ويوم عالكتف وفي خامس

التزمت من نفسها وصرت اشجعها عالتغطي .. وفهمتها انها اذا قررت شي تلتزم فيه ..

يعني هي اللي قررت انها خلاص تبي تتحجب وتلبس العباة ..فكنت واضحه معاها بهالشي ..

المهم اللحين هي في سادس .. راحت معاهم مره معرض الكتاب وشافت ربعها اللي

تطلع شعرها واللي تخلي العباة مفتوحه ..وصارت تحاول تسوي مثلهم فلقت لها كلمتين

في الصميم .. قلت لها ياتسطلبين يابصلبج عدل .. وخلج محط ثقه وكوني احسن منهم

وهم بيسوون مثلج لان انتي صح وهم اللي غلط..

والحمدلله ردت على طبعها مثل ماعلمتها ..

بس بعد اقول دام البنت مابلغت وماتغير جسمها ماعليها واجب ..


اليوم عندنا اجتماع في روضة خديجه .. الساعه 10 ونص ..

وبالمناسبه شرايكم بالبناطلين عقب مابح صوتنا لهم واخرتها يخلونها يوم واحد .. لا والبنطلون مأساة صراحه .. مخبخب وخامته تعبانه ..

احنا انتقدنا بنطلون المدرسه ومن سنتين نطالبهم يغيرونه قامو الروضه وسوه مثلهم ..:(

[الوان]

انا بنتي علمتها حديث (كاسيات عاريات ) و فهمتها معناته

و اقتنعت و صارت تسميهم ام نفيخه

عسى الله يثبتها .. هي اقتنعت لأنها صغيره بس مادري ايش بيصير لما تكبر

هي من الحين اهم شي عندها الشلّه

مع اني تعرفت على ام رفيجتها و الحمد لله طلعوا ناس تمام

[الوان]

السلام عليكم وصباح الخير ..

بنتي من صف رابع وهي متحجبه يعني كانت يوم تلبس ويوم عالكتف وفي خامس

التزمت من نفسها وصرت اشجعها عالتغطي .. وفهمتها انها اذا قررت شي تلتزم فيه ..

يعني هي اللي قررت انها خلاص تبي تتحجب وتلبس العباة ..فكنت واضحه معاها بهالشي ..

المهم اللحين هي في سادس .. راحت معاهم مره معرض الكتاب وشافت ربعها اللي

تطلع شعرها واللي تخلي العباة مفتوحه ..وصارت تحاول تسوي مثلهم فلقت لها كلمتين

في الصميم .. قلت لها ياتسطلبين يابصلبج عدل .. وخلج محط ثقه وكوني احسن منهم

وهم بيسوون مثلج لان انتي صح وهم اللي غلط..

والحمدلله ردت على طبعها مثل ماعلمتها ..

بس بعد اقول دام البنت مابلغت وماتغير جسمها ماعليها واجب ..


اليوم عندنا اجتماع في روضة خديجه .. الساعه 10 ونص ..

وبالمناسبه شرايكم بالبناطلين عقب مابح صوتنا لهم واخرتها يخلونها يوم واحد .. لا والبنطلون مأساة صراحه .. مخبخب وخامته تعبانه ..

احنا انتقدنا بنطلون المدرسه ومن سنتين نطالبهم يغيرونه قامو الروضه وسوه مثلهم ..:(

انا اشوف ان البنطلون مريح بالنسبة لهم بس اهم شي التيشيرت يكون طويل هذا بالنسبة للصغار

اما الكبار لازم عباية مسكره فوق البنطلون

[الدمعه]

السلام عليكم..

بدت التطبيقات من يوم الخميس وكان اول تطبيق الشرعيه ..

الله يعين عالباقي .. تعرفون شنو بيكون التطبيق الثاني ..

[الدمعه]

صباح الخير..

يوم الخميس فيه طبق خيري للبيت الوردي ..

مايمديهم يخلصون اختباراتهم ..:rolleyes2:

[مسلمة]

فعلا جهود مميزة وجهد رائع فهي من المدارس المميزة

رغم انني علمت انها قدمت استقالتها

وان هذه السنة آخر سنة لها

طبعا اتمنى ان تستمر فهي فعلا من المميزين



هل هذا الخبر صحيح ؟؟؟ :omg:

والله حزنت من الخبر ، هي إنسانة تستحق الاحترام بتواضعها وفكرها الراقي

[الوان]

شاخباركم مع الامتحانات و المراجعات ... و بشكل خاص .. شرايكم بموعد الامتحانات؟؟؟!!!

[شموع قطريه]

الحين من صجهم الامتحانات بتكون من تاريخ 6/2 الى اخر يوم في الدوام اللي هو 10 / 2 ؟؟!!
على حد علمي كل المدارس بيمتحنون في 2/2 ليش هالمدرسه مخالفه ؟؟ معناته ان ماراح نستلم تقارير بناتنا اللا بعد اجازة منتصف العام ..

بعدين ايش سالفة الامتحانات هالاسبوع بنتي تقول لي ان مدرساتهم قالولهم عندكم امتحانات هالاسبوع وادرسوا كل المواد لان بنعطيكم الامتحانات بدون جدول .. شالسالفه ابي اعرف

[شموع قطريه]

الحين من صجهم الامتحانات بتكون من بتاريخ 6/2 الى اخر يوم في الدوام اللي هو 10 / 2 ؟؟!!
على حد علمي كل المدارس بيمتحنون في 2/2 ليش هالمدرسه مخالفه ؟؟ معناته ان ماراح نستلم تقارير بناتنا اللا بعد اجازة منتصف العام ..

بعدين ايش سالفة الامتحانات هالاسبوع بنتي تقول لي ان مدرساتهم قالولهم عندكم امتحانات هالاسبوع وادرسوا كل المواد لان بنعطيكم الامتحانات بدون جدول .. شالسالفه ابي اعرف