طلعنا السجل التجاري

[شرارة قطر]

السلام عليكم ورحمة الله وبركاته

بعد استشارتكم والاستخارة تم بحمد الله استخراج سجل تجاري لمشروع مطعم
وعمل دراسه جدول لمطعم صغيرون على ان اجيب العما بنفسي وافتح المطعم بنفسي دون شريك . ومن فترة احد الاخوان من الاتراك طلب مني انقله ع كفالتي ويدخل معاي شريك
الحين انا ابي رايكم هل ادخل معه شريك او اتفق ع ان يعطيني مبلغ معين مقابل السجل والتاشيرات على فكرة نشاطي كان مطعم ؟ وهذا تركي

ما قصرتو من قبل متاكده ما راح اتقصرون انكم اتوجهوني

لكم جزيل الشكر

[qatarlands]

شنو نوع المطعم اخوي

واذا كان نفس مجال التركي توكل على الله ودخله معاك شريك احسن لك اذا كنت تثق فيه وامين

[ابراهيم_999]

الله يوفقج اختي .. انصحج بالاستخارة

[وبشرالصابرين]

ربي يوفقك

[شرارة قطر]

والله هذا الي انا خايفه منه انا مادري مدى صدقه وحسن نيته وفي الوقت نفسه ابي اشاركه

[كركم]

اختي التجارة يبيلها قلب قوي ..وبعد في نفس الوقت المثل يقول حرص ولا تخون

[كركم]

... ونقطة ثانية ومهمة جدا

شريكج هل عنده خبرة في ادارة المطاعم ولا لا؟ لان الشغل في المطعم شي وادارة المطعم شي ثاني تماما...واهم شي في مشاريع المطاعم هو الموقع ..واي استفسار انا حاضر وان شا ءالله باقي الاخوان مايقصرون معاج

[شموخ دائم]

,

,


بالتوفيق لك

الف مبروك السجل ان شاء الله نشوف فروع بالقريب

انا نصيحتي لك اي شريك تختارينة ما يدخل اسمه في السجل التجاري ولا حق التوقيع على شي الا بعد ما تجربينه 6 شهور متواصله حتى تتاكدين من حسن ادارته للمطعم ونقوله انت ( مدير المطعم ) مقابل نسبه الارباح شريك غير رسمي وتجربين امكانياته
ترى مو كل تركي شاطر بالمطاعم ولا كل تركي شاطر في الاداره حتى لو اشتغل سابقا في مطعم
التجربه خير برهان استعملي سياسه تجربه الاشخاص وبكل صراحه
نقوله انت تحت التجربه وبنسبه ( تتفقون عليها ) ما تزيد عن 30 % بحدها الاقصى
اذا ما دخل في راس المال وكل المكان تكلفته عليك

اما اذا كان شخص خبرته كبيره وشخص ( ناجح ) ونتي جايبته بنفسك وعارفه شغلة وهو راح يقوم بكل الامور من أ الى ي مافي مانع تكون نسبه قانونية 51% لك 49% له

ملاحظه

بالنسبه للعقود مع وزارة العمل كثير من المدراء او الشركاء يطلب في عقده مساعده رفع راتبه على الورق فقط
يكون الراتب فوق ال 8000 الاف حتى يجب ( زوجته )
وفي الحقيقة يكون راتبة 3000 مثلا
وهذا الموضوع سبب مشاكل كثيره للقطريين لان في حاله الخلاف لا سمح الله
يشتكي في وزارة العمل ( انه ما استلم مستحقاته بالفتره السابقه ) ويقول لهم عقدة هو ( 8000 ) وما استلم منها غير 3000 ريال كل شهر
ويطالب بالمستحقات لكل السنوات الي فاتت وعقده يثبت ذلك !!
لذلك مطلوب الحذر اذا عقده في الاوراق 8000 لازم يوقع ( استلام راتب 8000 ) حمايه للشركه والمالك وتثبيت الامور شهر بشهر




والله يوفقك

,

,


اخوك


شموخ دائم

[شرارة قطر]

والله ان ادور شخص يدير المطعم مع ان هو شكله يبي يشتغل بالمطعم ويديرة

[شرارة قطر]

كركم وبشر الصابرين و شموخ دا4م. يجزيكم ربي الجنه ع الرد

[sepasteyn]

مانصحك لاسباب :
- لانك بنت وبالتالي رح تلاقي صعوبة في التعامل معاه وفي مقابلته والنقاش معاه و و و خاصه وانهم يميلون ويصرون على المقابلات الشخصية ، الا اذا رح تخلي حد من اخونك يكون وكيل عنك .
- مشكلة هذه الجنسية تدعي العلم بكل شي حتى لو يجهل كل شي وكثير مايمدحون انفسهم ولكن بطريقة فيها نوع ما تحايل ومسكنة .
- مجال المطاعم مجال مو سهل وتجهيزه يحتاج جهد ومبالغ ومتابعة من المالك نظرا لان المسئول في الاول والاخير هو الطرف القطري ، واعتقد انك مو وجه بهدله .
- الهم الاكبر عنده هذه الجنسية هي الهروب من اداء الخدمة العسكرية وبالتالي اكثر همه رح يكون هو احضار من يعرفهم من بلاده حتى لو عديمي الخبرة لتجنيبهم اداء الخدمه العسكرية .
- يقال عنهم عديمي النظافة ويركضون وراء شهواتهم مما قد يسبب لك لاحقا مسائلة قانونية .
- انصحك بالخوض في مجال النساء والنساء فقط مثل الاكسسوارات - الزينة والهدايا - الاحتفالات - الملابس النسائية بانواعها - المكياج والصالونات - شي تقدري تخلي الطرف المسئول بنت تقدري تحاسبيها وتتابعي شغلها .
- انا اقول هذا الكلام من واقع تجارب سابقة ، اي تواصل على الخاص لطفا .

[شرارة قطر]

اعتذر على الاملاء تم كتابة الموضوع عن طريق الموبايل اثناء الوام