أسعار الأراضي أرتفعت ليش؟ مع أن مافي مناطق عليها أزاله أوهدم بخصوص كأس العالم؟

[بوشاهين2]

السلام عليكم .. أبي أعرف ليش أرتفعت أسعار الأراضي مع أن مافي أي منطقة عليها أزاله أوهدم مع أن الشيخ محمد بن حمد آل ثاني ذكر قبل الأستضافه لكأس العالم وكذلك ذكر بعد أستضافته بقناة الدوري والكأس أن لايوجد أزاله لأي منطقة وقال أحنا حددنا أماكن الملاعب التي ستقام والأماكن موجوده .. أبي أعرف ليش أسعار الأراضي أرتفعت وخاصه بهذي المناطق : المشاف من 110 ألى 145 وأم قرن 100 ألى 140 وأم عبيريه من 120 ألى 170 أرجو أتفيدوني . والسموحه على الأطاله.

[bo_hamad]

أم صلال 160

الخيسة 220

الخريطيات 230

عين خالد 230

الثمامة 260

الروضة 280

اراضي عقار/1 بالمشاف 150

مريخ 240

روضة الحمام (الخيسة) 130

الرويس 60 الى 70

الخور 130 الى 140

ام قرن 130 الى 140

ام عبيرية 140

والله المستعان وتمنياتي للجميع التوفيق

[حمد911]

شي طبيعي الاراضي ترتفع لان البترول ارتفع وهاذا الشي ايئثر على العقار وبنفس الوقت فية طفرة جاية اللي عندة مايبي يبيع واللي ماعندة يبي يشتري وبتالي ترتفع الاسعار

[bo_hamad]

أنصح التمسك في العقار في الوقت الحالي وعدم التسرع في بيع العقار والله الموفق

[بوشاهين2]

تسلم ياخوي بوحمد بس والله أرتفعت مره ثانية يعني بنرجع على نفس الموال مره ثانيه ..

[بــوعــوف]

ممكن استفسار ولا تهونون .. :)

كم وصل الفوت للأراضي القريبة من طريق سلوى .. خلف معارض السيارات ..
طبعا تابعة لعين خالد؟؟ وهل يختلف سعر الفوت في هالمنطقة عن وسط عين خالد باعتبارها قريبة شارع سلوى ؟؟ بالضبط في المنطقة بين شارع سلوى وبين الشراع الخلفي للصناعية من دوار عين خالد ؟؟


ولكم الشكر ...

[Bo Khalid]

الموضوع بكل بصاته

أحتكار

نفس ما احتكرت كيوتل خدمة الاتصلات لسنين طويلة
نفس ما يحتكرون بعض البضائع ويخزنوها في مخزن ويعرضون السلع بسعر مبالغ فيه خصوصاً الأطعمة ما لاحضتوا كثير من المواد الغذائية معروضة للبيع قبل ما ينتهي تاريخها بشهر أو شهرين أو تلاقي البعض يتلاعب في التاريخ ويكتب تاريخ مش مفهوم

على العموم

الله يوفقك وتحصل شي بسعر معقول


ونصيحة لا تنجر وتشتر شي سعرة مبالغ فيه نفس الأسهم إلي طاحت في جبودنا

[بوشاهين2]

تسلم يابوخالد .. بس صج صج نبي شي مقنع ليش هالأرتفاع للأراضي ..

[bo_hamad]

ممكن استفسار ولا تهونون .. :)

كم وصل الفوت للأراضي القريبة من طريق سلوى .. خلف معارض السيارات ..
طبعا تابعة لعين خالد؟؟ وهل يختلف سعر الفوت في هالمنطقة عن وسط عين خالد باعتبارها قريبة شارع سلوى ؟؟ بالضبط في المنطقة بين شارع سلوى وبين الشراع الخلفي للصناعية من دوار عين خالد ؟؟


ولكم الشكر ...


يالغالي فيه فرق بين المناطق بعين خالد وحسب الموقع والناس ما ترغب في المنطقة اللي خلف المعارض لاسباب وعيوب في البنية التحية ولكن سعر الفوت 170 الى 175 ريال وبالتوفيق

[khalid1975]

:: اولا ::

الطمع ... الطمع ... الطمع (من قبل بعض الملاك)

:: وثانيا ::

طمع المكاتب العقارية (البعض)



الحل

:::::::: انشاء مناطق سكنية جديده من قبل الدولة .. وبيعها بأسعار معقولة واقل من السوق :::::::

[qatari1]

:: اولا ::

الطمع ... الطمع ... الطمع (من قبل بعض الملاك)

:: وثانيا ::

طمع المكاتب العقارية (البعض)



الحل

:::::::: انشاء مناطق سكنية جديده من قبل الدولة .. وبيعها بأسعار معقولة واقل من السوق :::::::


:victory::victory:

نعم هذا الحل الأمثل:nice:

لكن:stop:

هل من مجيب:weeping:

[المليونير الفقير]

اخوي مارتفعت العقارات ولاشي بالعكس نازله

[dhaboia]

اخوي انت حطيت الاسعار بس هل تعرف حد شرى بهالاسعار ....ترى نفس سالفة بنك التنميه اول ما تنزل الاسامي الدنيا تطير وفالنهايه محد يشتري ويرجع راعي العقار ينزل ويرجع راعي المكتب يراعي الله وما يطمع لانه وراه اجار محل وراه رواتب موظفين...فلوسك عندك واراضيهم عندهم وبيوتهم عندهم ..اذا نزلو اسعارهم اشتر واذا ما نزلو خل فلوسك وديعه في بنك لين ما يتوهق ويحتاج فلوس ويبيع...

[fehani]

أنا اقول ان هذي نفسية الناس نفس ارتفاع سعر الأسهم بعد اعلان احتضان قطر لكاس العالم ٢٠٢٢.... صراحة الارتفاع المفاجئ ما كان له مبرر

والحين ارتفاع الاراضي ممكن يتوقف عن حده اذا قام المستهلكون او المشتريون بالتوقف عن الشراء لعدم وجود مبرر لارتفاع الاراضي.... مما يجبر الملاك و العقاريين الى تخفيض الأسعار...

[g2006]

السلام عليكم .. أبي أعرف ليش أرتفعت أسعار الأراضي مع أن مافي أي منطقة عليها أزاله أوهدم مع أن الشيخ محمد بن حمد آل ثاني ذكر قبل الأستضافه لكأس العالم وكذلك ذكر بعد أستضافته بقناة الدوري والكأس أن لايوجد أزاله لأي منطقة وقال أحنا حددنا أماكن الملاعب التي ستقام والأماكن موجوده .. أبي أعرف ليش أسعار الأراضي أرتفعت وخاصه بهذي المناطق : المشاف من 110 ألى 145 وأم قرن 100 ألى 140 وأم عبيريه من 120 ألى 170 أرجو أتفيدوني . والسموحه على الأطاله.
اولا هذة الارتفاعات من تاثير خبر استضافة قطر لكاس العالم بعد فترة قصيرة سترجع الاسعار على ماهي علية لا وبعد ستنزل اكثر واكثر لان ا لمخزون من العقارات سوا لوجود فلل او شقق كثيرة والدليل ان الايجارت في نزول قبل سنة كانت الفيلا تقريبا 20 الف ولا تحصل اما الان الفلل نزلت وصلت 12 الف و 10 الاف وفي جميع المناطق وكاس العالم امامة 12 سنة
ثانيا سترتفع العقارات بعد نفاذ هذا المخزون من العقارات و الله اعلم بعد ثلاث اواربع سنوات وهو زيادة العماله الوافدة لانشا احتياجات المرافق لكاس العالم في هذة الحالة سيكون زيادة في عدد السكان

[Diamond]

الشيخ اخوي اشترى ارض في ام قرن قبل الاعلان باسبوعين ب 85 الفوت ومكان الارض وايد حلو وقريب من الشارع العام ...في اي احد يقدر يقولك ليش هالارتفاع ..صح احنا فزنا باستضافة كاس العالم بس مافي اي شي تغير علينا وتوه باقي 12سنه ..وصدقني وضع قطر الحين غير عن وضعنا ايام الاسياد...عندنا مصانع اسمنت وحديد وطابوق وفي ميناء كبير ينبني ...ومجمعات بروه وازدان والقروض تنزل اول باول ..صدقني اللي عارضين مردهم بيزهقون وبينزلون واللي اشترى مرده بيقول ليتني نطرت ...
تحياتي لك

[saeed alhajri]

مع اعتذاري لصاحب الموضوع الأرقام مش صحيحة وممكن التأكد من النشرة الأسبوعية للسجل العقاري ، وحسب ظني أنها محاولات يائسه لرفع أسعار العقار من بعض أصحاب المكاتب العقارية والهدف منها واضح ( زيادة العمولة بزيادة قيمة العقار + تحريك سوق العقار عن طريق بث الخوف في نفسوس الناس ومن ثم التسابق للشراء خوفاً من الارتفاعات الخيالية مستقبلاً )

[امير الاسهم]

مع اعتذاري لصاحب الموضوع الأرقام مش صحيحة وممكن التأكد من النشرة الأسبوعية للسجل العقاري ، وحسب ظني أنها محاولات يائسه لرفع أسعار العقار من بعض أصحاب المكاتب العقارية والهدف منها واضح ( زيادة العمولة بزيادة قيمة العقار + تحريك سوق العقار عن طريق بث الخوف في نفسوس الناس ومن ثم التسابق للشراء خوفاً من الارتفاعات الخيالية مستقبلاً )
كلامك صحيح الاسعار المكتوبه مبالغ فيها وانا اعرف اراضي انباعت

باسعار اقل بوايد من الاسعار المذكورة في الموضوع وبعد الاعلان

بكاس العالم .

[bo_hamad]

الشيخ اخوي اشترى ارض في ام قرن قبل الاعلان باسبوعين ب 85 الفوت ومكان الارض وايد حلو وقريب من الشارع العام ...في اي احد يقدر يقولك ليش هالارتفاع ..صح احنا فزنا باستضافة كاس العالم بس مافي اي شي تغير علينا وتوه باقي 12سنه ..وصدقني وضع قطر الحين غير عن وضعنا ايام الاسياد...عندنا مصانع اسمنت وحديد وطابوق وفي ميناء كبير ينبني ...ومجمعات بروه وازدان والقروض تنزل اول باول ..صدقني اللي عارضين مردهم بيزهقون وبينزلون واللي اشترى مرده بيقول ليتني نطرت ...
تحياتي لك

وتسريع في المشاريع ابتداء من شهر ابريل 2011 مع الميزانية الجديدة

مطار الدوحة الدولي الجديد

الدائري السادس بالاضافة للجسور ومد طريق الى الوكير والمشاف

مشروع ميناء الوكرة

مشاريع الاندية الكبيرة

مشاريع البنية التحتية

مشروع القطار

مشاريع الوسيل ومشروع الطاقة

والتوفيق للجميع

[bo_hamad]

تجميل وتوسعة خط الدائري الاول

[بوشاهين2]

تسلمون يا دايموند ويا سعيد الهاجري ويا أمير الأسهم ويا بوحمد ع المشاركة بس بصراحه أسعار الأراضي قبل الأستضافه بشهرين كانت أسعارها معقوله أما الحين مبالغ فيها وايد وألي رفعها الوسطاء لأجل المنفعه الشخصية .

[باظلوف]

أنصح التمسك في العقار في الوقت الحالي وعدم التسرع في بيع العقار والله الموفق




جزاك الله خير على النصيحة

ويجعلها في ميزان حسناتك

اللهم آمين

[سلطان_قطر]

البارحه كنت بمكتب للعقارات وسالته عن اراضي بالوكره و المشاف وبكم الفوت

بلاسف قالي الاسعار زادت الى 140-150 للفوت بس بمجرد الاعلان

مع ان مافي بيع ترى وعالم ارفعوا الاسعار بس جذي ومحد يشتري

يعني بالعربي الاراضي طايحه بجبودهم

وقال اصلا الاسعار المفروض ماتزيد اساسا

بس ربك كريم

[الـقـاسـي]

ترى تناقل مثل هالاخبار يساهم في زياده الاسعار .. مافي اي مبرر للزياده واتمنى يكونون استفادو من اللي صار فالاسياد

[بوفصول]

السلام عليكم

(وهــم ) يوهمون الناس ..
ولا السـوق عادي ، طبيعي مافي شي ..

مشكور على الموضوع بارك الله فيك

[alkoos]

الحل بيد الحكومه بأنشاء مناطق جديده وبيعها بسعر رمزي لان اكثر العقارات عند تجار وتعرفهم وااايد يحبون اهل قطر ومايقصرون معاهم

الله المستعان

[QATAR-BOY]

السلام عليكم
السوق عرض وطلب فما في داعي نثير نقاشات عن ارتفاعات او انخفاضات لان البعض يتب مثل هالكلام فمثلا ايام ماوصلت الاسعار لادنى مستوى في 2009 او 2008 كانت فرص للراغبين بالشراء بس للاسف ضاعت عنهم الفرص لان البعض اثار نقاشات عن انخفاضات اكثر.
والنصيحه الي يبي يبيع يبيع والي يبي يشتري يشتري والاثنين بحسب قاعدة العرض والطلب فالسوق حر ولافيه احتكار ولاشي ومحد ياخذ غير نصيبه الي ربي كاتبه له فمافي داعي للطمع للطرفين ان كان بايع اومشتري و استغلال حاجة اي طرف للمال او العقار

[بوشاهين2]

ياخوي ياولد قطر سلامتك الأسعار ماوصلت أدنى مستوى في 2008 - 2009 وأنزلت شي بسيط والناس تبي تشتري وأتعدل ضروفها ، وأي طمع ياطويل العمر ، إذا الواحد حب يعدل من مستواه يعتبر طمع هذا سؤالي لك يا ولد قطر؟

[بو خليفه 123]

الميدان يا حميدان

معروف في اي سوق لين صار العرض اكثر من الطلب بالتالي الاسعار المفروض تنزل ..

الا بعض المكاتب الله يهداهم يحسبونها اراضي في بيفرلي هيلز

[حسن]

الموضوع كله مضاربات

[g2006]

هذا ا لر تفاع تاثير كاس العالم اصبروا كم شهر وبشوفون بان كل شى طبيعي