دراسة حديثة تقول الضرب مفيد للاطفال

[صلاتي]

ضرب الاطفال يؤدى الى الغباء



أظهرت دراسة علمية ان ضرب الاطفال المتكرر على ايدى أبائهم وأمهاتهم يعوق النمو العقلى والذكاء لدى هؤلاء الاطفال . وأشارت الى ان الضرب حتى لو مرة كل اسبوعين يؤثر على ذكاء الاطفال.

وذكرت الدراسة التى اجراها باحثون فى جامعة (نيوهامبشاير البريطانية)
على (900) طفل بين السنة الاولى والسنة الرابعة من اعمارهم ان الاطفال الذين لم يتعرضوا للضرب من جانب ابائهم او تعرضوا له بشكل نادر احرزوا درجات اعلى فى الاختبارات بالمقارنة مع الاطفال الذين يتعرضون للضرب مرارا..

اشارالخبراء الى ان ذلك يرجع الى ان الاباء الذين لا يستخدمون وسيلة الضرب مع اطفالهم يشرحون لماذا اخطاء اولادهم ويسمحون لهم باصلاح سلوكهم...
وقال الدكتور( هوراى ستراوس) المشرف على الدراسة: انة عندما يصفع الاباء ابنائهم فان ما يحدث هو ان الطفل يتوقف عن ممارسة السلوك الخاطئ لحظة الضرب لكن هؤلاء الاباء ينظرون الى المستقبل لا يدركون مدى الضررالذى الحقوة بابنائهم نتيجة الضرب.

واشار الى انة لو علم الاباء خطورة ما يحدث للاطفال عند صفعهم على وجوههم فان ملايين منهم سيتوقفون عن ممارسة هذا الاسلوب . واوضح ان الدراسة راعت فى اعتبارها قراءات الاطفال وكم من الكتب يقراءون والخلفية التعليمية والاجتماعية للاباء؛ وقد وجدت ان الضرب البدنى يؤثر على ذكاء الطفل حتى لو جرى اخذ كل هذة الاعتبارات فى الحسبان وقال ان الاطفال الذين يتعرضون للضرب اكثر من(3) مرات فى الاسبوع احرزوا درجات اقل بنسبة 3% من هؤلاء الذين لم يتعرضوا للضرب وكانت دراسة قد اجريت العام الماضى اوضحت ان 9% من الاباء فى بريطانيا يمارسون اسلوب الضرب البدنى مع اطفالهم

اتمنى ان كل اب وام يقرأون هذا الموضوع ويراجعون
حساباتهم قبل ان يضربون اولادهم..

[ودي أكون]

العنوان غير عن الموضوع :secret:

العنوان يقول عليكم بالضرب :anger1: ..

يعطيك العافيه اخوي عالموضوع .. وبصراحه لا للضرب الا في الحاااااالات القصوى :tease:

[OTOsan]

ردينا للضرب ..وموضوع الضرب ..؟

..بتفكرونا ليه ..واحنا ناسين:(

[صلاتي]

العنوان غير عن الموضوع :secret:

العنوان يقول عليكم بالضرب :anger1: ..

يعطيك العافيه اخوي عالموضوع .. وبصراحه لا للضرب الا في الحاااااالات القصوى :tease:


الحاااااالات القصوى عند الشرطة فقط

عند من وصل سن التكليف

[شبح الصمت]

ياخي لا لا للضرب

الواحد قد ما يقدر يمسك نفسه والدراسات تقول العكس !!

تصدق أنا احسد فئة من الناس !!!

تدري هالفئة اشلون بس من يطالع ولده بعيونه بس عيونه الولد خلاص يخق ويجلس مدري !!!


شنو فيهم هالعيون الي عليه اليهال شيطالع فيها !!

ههههههههههههههههههههه

هل أهو خوف هل أهو فيلم رعب هل أهو ياويلك ويلالالالاه بس نرد !!!!

لغة العيون ترى لها تأثير قوي على الطفل بس مشكلة الي وجه ما يخوف

هههههههههههه

لا لا للضرب إلا بالمعقول وفي حدود العقل وليس الجنون توصل كانك تضرب عدو !!!

انا كل ما أسمع قصة الاب الي ضرب ولده لين انكسرت يده وعقب طلع كاتب على سيارت ابوه احبك قلبي يقطعني ودمعتي على خدي

:weeping:

[الوان]

جزاك الله خير

موضوع رائع ..في ميزان حسناتك

و ان شاء الله قريب باحط موضوع عن

تربية الاطفال من القرآن و السنة

[المقهوره]

مكتوب في الموضوع والدراسه اجرت على الضرب على الوجوه

""واشار الى انة لو علم الاباء خطورة ما يحدث للاطفال عند صفعهم على وجوههم """


واساسا الضرب على الوجه مكروه

واكبر غلط ان الاب او الام تضرب طفلها على وجهه بس فيه الخيزران ماتقصر اذا كانت اخر الحلول
وياما انضربنا وهذا احنا احسن منا مافيه.

والحين الي اشوفه كل ماقلنا اضربي ولدك ولا بنتك (ضرب تأديبي غير مبرح) قالت لا التربيه الحضاريه
بذمتكم تربيه الجيل الجديد

ولا تربيه الجيل القديم الي ماشي على الخيزران احسن؟؟؟؟



انا ضد الضرب الي يكسر ظلع طفل او يشوهه او الوجه بالذات

بس مع الضرب التأديبي اذا كااااااااااااااااااااااااااااااااان الطفل نحيسسسسسسس ومايسمع الكلام ابدا

لان فيه اطفال من النظره خلاص يفهمون
وفيه اطفال لو تناظرهم منا هنا اليييييييييييييييييييين ثاني يوم عادي الدنيا حلوه الين تجيهم خيزران


وانا مطبقه هالشي
واهلي كلهم مطبقين

إلا اخوي الكبير وزوجته ماسكين علينا التربيه الحضاريه
وبشهاده الجميع عيالنا احسن من تربية بو تربيه حضاريه.

مب مدح بس واقع من كلام الناس

ولا تقولون بيتعقد ما ادري ايش
ترى احنا الين الحين ماسكين عقولنا ولا تعقدنا بالعكسسسسسسسسسسسسس
اعقل من جيل الجديد

[بوخالد911]

مع الضرب التأديبي
وليس الضرب المضر المؤذي للطفل

[المقهوره]

ويكره في الاسلام ضرب الطفل المسلم الا لذنب كبير، وينهى نهيا قاطعا عن ضربه على الوجه. لان الوجه هو خلقة الله التي كرمها. فالشرع لايقر معاقبة الطفل. بشدة ولا يسوغ ضرب الوجه


ينصح الرسول الامهات بتولي تربية ابنائهن بانفسهن وعدم الاعتماد على الخدم والخادمات في تربية الطفل. وفي ذلك يقول احد الفقهاء: (أدب ولدك يكن لك بدل الخادم خادمان) التربية الصحيحة تجعل الطفل مطيعا لآبيه محبا لاسرته واثقا بنفسه تربية الخدم تجعل من الاطفال اطفالا غير مهذبين. لاختلاف العادات والتقاليد والقيم الخلقية بين الاهل وبين الخدم

[COLOR="Red"]على فكره اغلب الي مربينهم خدم فيهم قله ادب ودلع مااااااااااااااااااااااااااااااااااااااااااااااااا ااااااااااااااااااااااصخ
وما احب الطفل يتعلق بالخدامه
انا عن نفسي ولدي عند الخدامه توكله وتنظفه بس تكون بالصاله عند الرايح والجاي وتحت اشراف الله يطول بعمرها أم " زوجي" تحت عينها الين اجي من الدوام واستلمه
وولدي مب متعلق بالخدامه كلش
انا اشوف بعض الاطفال اول مايشوف خدامته يقعد يبكي الا تشله وتلعبه مع ان امه موجوده بس مايبيها
من كثر ما هو متعود على الخدامه
واذا كبر شوفوا قمه المسخره وقله الb

[شبح الصمت]

اقول احد يسلفني عيونه !!


:anger1:

[بلوتنيوم]

لا ياشيخ
تبي الصدق ماجابوا جديد هالدراسة
اي انسان عنده شوي ادارك بيعرف انه الضرب المتكرر
والصفع على الوجه والضرب المؤذي والضرب المبرح والضرب الغير مبرر
والعنف الجسدي الشاذ وغيرها اكيد بتعيق نمو او تفكير الطفل :)

بس علشان جايه من نيوهامبشر بيكون وقعها غير؟؟!

[الدمعه]

اساسا الرسول عليه الصلاة والسلام نهى عن الصفع على الوجه .. سبحان الله

كل مانهى عنه الاسلام والرسول .. يطلعون لنا هم بدراسه بلفيت جديده ..

والحمدلله اني مره بالغلط صفعت ولدي كنت ابي اضربه على كتفه بس تحرك وجات في وجهه

والله اخذته ولميته وواعتذرت منه بعد .. فديت خشمه .. بس ساعات يطلعون الواحد

من طوره غصب اليد تنمد..

واذا عالادب الحمدلله العيال اللي ذاقوا الخيزرانه محد مثلهم من ادب واحترام لنفسهم

ولغيرهم ..

احنا مثلج يالصريحه .. اخوي مايطق عياله بس يفرص فيهم وعلى مزاجه بعد .. .. تخيلي ان

يسبون امي ويتفلون عليها وامهم تبتسم والا تقول شسوي يهال باجر بيعرفون الصح

من الغلط.. امحق تربيه.. .. جدتي الله يرحمها كانت دايما تحذرنا من التفرص والكففه

حق الولد ..و كانت كله تفرصني وانا صغيره بس ماتفرص اخوي وعلى سبب سخيف

خخخخخخخخ .. عشان مايتخدي ....<<<<<< عذرا لها الكلمه..

[المقهوره]

اساسا الرسول عليه الصلاة والسلام نهى عن الصفع على الوجه .. سبحان الله

كل مانهى عنه الاسلام والرسول .. يطلعون لنا هم بدراسه بلفيت جديده ..

والحمدلله اني مره بالغلط صفعت ولدي كنت ابي اضربه على كتفه بس تحرك وجات في وجهه

والله اخذته ولميته وواعتذرت منه بعد .. فديت خشمه .. بس ساعات يطلعون الواحد

من طوره غصب اليد تنمد..

واذا عالادب الحمدلله العيال اللي ذاقوا الخيزرانه محد مثلهم من ادب واحترام لنفسهم

ولغيرهم ..

احنا مثلج يالصريحه .. اخوي مايطق عياله بس يفرص فيهم وعلى مزاجه بعد .. .. تخيلي ان

يسبون امي ويتفلون عليها وامهم تبتسم والا تقول شسوي يهال باجر بيعرفون الصح

من الغلط.. امحق تربيه.. .. جدتي الله يرحمها كانت دايما تحذرنا من التفرص والكففه

حق الولد ..و كانت كله تفرصني وانا صغيره بس ماتفرص اخوي وعلى سبب سخيف

خخخخخخخخ .. عشان مايتخدي ....<<<<<< عذرا لها الكلمه..

ههههههههههههههههههه حلوه تفرصني

بس فعلا اهلنا الكبار
كانوا مايضربون العيال "الذكور" بس البنات بلفيت تأديب لها
والولد مايصير ينضرب على شان شخصيته ماتنكسر

مع ان الاسلام قال عكس هالكلام بس جهلهم مصيبه
البنت الي ماتنضرب من الاساس لحساسيتها
عكس الولد هو الي شديد وهو الي ينضرب

والاسلام ذكر ضرب المرأه بس فيه حاله النشووووووووووووووووووووووووووز
وهذا حاله غير

غير كذا نهى عنه


بس انا اضرب البنت والولد اذا اخطوا
بس ما افرص
ولا اضرب وجه
اغلب الوقت امسك الخيزرانه واقول بتقعد ولالا
واذا ماقعد وناحس
جاته العصا
عكس البنت في الغالب تخاف وتقعد

وهم استخدم الحرمان في المشاوير والحلويات والرسوم المتحركه

يعني مهاجمه من جميع الجهات

ان مانفع الحرمان
استخدمت العصا

والعصا لمن عصى

والي يقهرني كلمته بعض الامهات خاصه والاباء
اذا قلت له ولدك ولا بنتك طولت لسانها ولا سوت كيت كيت
قالت بكل برود بزر تووها
وهي عمرها فوق 9 سنوات

وين بزر ذي ؟

طيب البزر ماله عقل
يا اخي وجه الطفل عدل
ماتخليه كأنه شخص همجي في غابه يضرب ويخرب ويسب على راحته


على فكره ابوي مايضرب ابدا ولا يلجاً للضرب
إلا لواحد من اخواني لانه موذي بصراحه وهو صغير

اما انا ماعمري تذكرت ولا اذكر اني انضربت
كان يتعامل معنا بالعقاب الي هي العين الي تخليك تجمد بمكانك
يعني ان سوينا ولا قلنا شي غلط بس نظره تكفي منه

عكس امي كل شي عندها خيزران وواير المسجل وهوز الماي
وهات ياضرب ان ماقيلنا الظهر ولا حلينا الواجبات

يمكن اعذرها بسبب الضغط ذاك الوقت لا خدامه ولا شي مسؤوله عن 8 أطفال توكلهم وتشربهم وادرسهم وتطبخ وتنظف البيت و تحمل وتولد يعني الله يعطيها مليون عافيه

بس الضرب عندها كانت فتره معينه من حياتنا وعقب خلاص انقطعت وغالبا تلجأ لها
اذا قالت اقعدوا ولا تتضاربون مع بعض

واذا راحت تقيل شوي
خلينا الصاله صرعي مرعي كأنها حلبه مصارعه والبيت المرتب كل كنبه في صوب
هنا تطلع علينا تعطينا الشرهه ههههههههههههههههههههه خيزران لكل واحد

عقبها قمنا نلعب بشويش ونرتب الكنب عقب مانخلص لعب وقبل موعد قومتها من النوم

بس ذكريات حلوه

[الدمعه]

يالمقهوره .. كنت اقصدج في ردي اللي قبل ..

عيالي اول مايعرفون ينطقون ينطقون هالجمله العصا لمن عصى هههههههههه

والله مااطقهم وايد يمكن في السنه مره يذوقونها وطول السنه تهديد :nice:....

تدرين دوم يقولون البنت اكسر لها ضلع يطلع لها بداله .. والله مظلومين البنات ..

بس في هالزمن ودج تنقعين الخيزران والا العسو في ماي وملح .. وتخلينه يلبلب

على ظهورهم ..:rolleyes2:

يبيلهم يجربون العسو مفيد للصحه .. :victory: