لو صااااااااارت ...راح يطلع طلابنا مب عباقرة وبس .........

[kooool]

بسم الله الرحمن الرحيم والصلاة على سيدنا رسول الله صلى الله عليه وسلم ..

اذا تصفحت مجلة او جريدة يمكن تقعد بالمعدل نص ساعة اكثر اقل ..اذا وقفت قدام منظر معين ..ممكن تقعد مدة طويلة وحتى لو انت مب فاهم وش السالفة ..اذا ..رحت على الكورنيش تقعد اطالع الابرااج كانك اول مرة تشوفها ..يعني فيه اشياء متكررة في حياتنا وماتعطي رسالة او معنى ونقعد مقابلينها ومانتملل ...الا شي واااحد ..الا من رحم ربك ..نتردد في تصفحه واذا تصفحناها ..نبغي نخلص بسرعة ..تعرفون شنهو ؟؟؟؟ كتاب الله سبحانه ..صحيح فيه بعض الايات ماتفهمها وتحس ان الايات مب مربوطه مع بعض ..يعني هذه في صوب وهذه في صوب ..والانسان اذا قرا شي ومافهمه يتملل ..بعكس الروايات اللي تقعد عليها بالساعات وماتتملل اذا منت من اصحاب الروايات ..لانه سلسلة مترابطة ..لييييييييييييين اكتشفت الحل وين ..الحل في شي حنا مبعدين ومتباعدين عنه الاف الاميال ..اللغة العربية ..فيه برنامج اسمه لمسات بيانية على قناة الشارقة رووووعه اقل شي اقول عنه ..وفيه برنامج اسمه الكلمة وأخواتها على دبي ..فعلا هالبرنامجين غيروا نظرتي للقران من ناحية الفهم ..وهنا مربط الفرس اللي ابي اوصله ..لماذا لاتقوم وزارة التربية والتعليم بالتنسيق مع وزارة الاوقاف بتشكيل منهج اللغة العربية والشريعة في مادة وااحدة بحيث تخدم اللغة القران وتكون مادة مفسرة له وفي نفس الوقت تربط الطلبة بكتاب الله سبحانه بشكل عجيب وفهم صحيح وغير مسبوق في المناهج السابقة اللي كانت تعتمد على التفسير كلمة كلمة او جملة جملة ..والقران مثل ماهو معروووف قمة البلاغة والفصاااحة والاعجاز البياني ..يعني الطلبة راح يتعلمون اللغة العربية على اصولها مب من ابيات شعر ..وانما بجانب هالشي من ايات قرانية كريمة ..وتحبب اللغة في نفوس الطلبة وتوصلهم لفهم وغاية عظيمة الكل يسعى لها ..وهو فهم كتاب الله والعمل به

مثال على اللي اقول ..بعطيكم تفسير موجود في المنهج وتفسير بواسطة اللغة العربية وشوفوا الفرق ..

" وقضى ربك الا تعبدوا الا اياه وبالوالدين احسانا " صدق الله العظيم

التفسير الحالي : ان الله سبحانه امر ببر الوالدين والاحسان اليهما مهما بدر منهما وان فيه الاجر العظيم ...

التفسير باللغة العربية : كلمة قضى معناها حكم في الازل قبل ان يخلق الخلق ولكن لماذا فصل الاحسان الى الوالدين عن العبادة مع انها جزء منها ؟؟ حتى يجمع (والله اعلم ) بين فضل جميع العبادات في كفه وبين فضل الاحسان ..فالمحسن كانه المصلي والصائم والمجاهد والمزكي ..فالعطف هنا للمقارنة , فالاحسان وحده قد يكفي عن هذا كله في الفضل ..وقد ذكر الله تعالى الوالدين ولم يذكر الابوين ..لانه ربط الاحسان الى صفة الوالد ولم يربطها بصفة الابوة ..لمااااذا ؟؟ لان الوالد هو سبب ايجاد والاب هو من قام على تربيتك وليس بالضرورة ان يكون والدك ..فلو ربطها بالابوة لكان الاحسان مشروط بحسن التربية من عدمها ..يعني اذا احسنوا تربيتك فاحسن معاملتهم واذا اساؤا تربيتك لاتحسن معاملتهم ..تخيلواااااااا ..فربط الاحسان بصفة الوالد ..ليكون الاحسان اليه على الدوام مهما صدر منه ...

[الوان]

بارك الله فيك

و نفع بك الأمه

[بنت صقار]

لو صارت!!
بس فكرة حلوة..الله يكتب لج أجر الاجتهاد

[مسلمة]

الله علمنا القرآن

[بـــــــنت النوخـّــــذه]

فكرتك حلوه بس شرايك بفكرتي :


ان يتم ربط (جميع المناهج المدرسيه وتسلسلها بمادة الشريعه ) اعطيك مثال:discuss:



مادة الشريعه : الدرس عن الاضحيه وتقسيمها :

الادوات : مجسم خروف- ثلاث صور(الفقراء-الجيران-اهل البيت)- قلم عريض للتخطيط على مجسم الخروف

الحديث:
تقسم الأضحية إلى ثلاثة أثلاث؛ يأكل ثلثها، ويهدي ثلثها، ويتصدق بثلثها (وممكن نستدل بكتاب الله لان الاحاديث وكتاب الله جزئين لاغنى عنهم في الاحكام الشرعيه)
وبعدها تبدأ المعلمه بتقسيم الخروف لثلاث اجزاء وتضع في كل جزء الصوره كما ورد اعلاه ومن هنا نرسخ الاحاديث والادله والبراهين


الرياضيات: درسهم اليوم عن الكسور حلو الكلام00طبعا" في البدايه بياخذون معنى الكسر هوعباره عن تجزئه و0000الخ وافضل انهم يبدأون يعلمونهم من الثلث ويربطون هال ثلث بمادة الشريعه الي سبق وتعلمو عن تقسيم الاضحيه (مع ملاحظه ان تكون الحصص اليوميه متعلقه عن هذا الجانب لجميع المواد طبقا" لتصميم واعداد جميع المناهج التعليميه)
ويتم التعرف على الثلثين في حاله اخراج جزئين من الخروف وعن الثلاثه اثلاث في حاله اخراج جميع الاجزاء وعن الثلثين في حاله اخراج جزء واحد من الكل00


مادة الانجليزي: معنى خروف بالانجليزي/ الاعداد بالانجليزي/ الكسور بالانجليزي/ معنى الاضحيه بالانجليزي/000الخ

مادة الاجتماعيات : الاماكن المناسبه لتربيه الخرفات والبيئه والمناخ والغذاء000وماهو الموسم الي يكثر فيه الاضحيه 000الخ

مادة العلوم : تصنيف الثديات واكلات اللحوم والاعشاب و00000الخ


مادة الرسم : عمل مجسم للخروف او رسم رسمه لمزرعه 000الخ

وهكذا بكل مادة000 بنفس اليوم كل المواد وبنفس المضمون والدرس تقريبا"
طبعا السالفه مهب بذي السهوله اخوي كول يبغيلها ناس متخصصين لتسلسل جميع المناهج وتسلسل كل درس وما يتبعه من المواد الاخرى000

ترى القران فيه علوم وشريعه ورياضيات واجتماعيات وكيمياء وفيزياء ورسم و000الخ بس احنا للاسف تعجبنا المناهج الخارجيه00لو طبق التعليم هذه الفكره اقسم بالله سنكون قد انشئنا جيل ملم بالتعاليم الدينيه والدنيويه 000

[kooool]

لو صارت!!
بس فكرة حلوة..الله يكتب لج أجر الاجتهاد

لك .. بارك الله فيك

[kooool]

فكرتك حلوه بس شرايك بفكرتي :


ان يتم ربط (جميع المناهج المدرسيه وتسلسلها بمادة الشريعه ) اعطيك مثال:discuss:



مادة الشريعه : الدرس عن الاضحيه وتقسيمها :

الادوات : مجسم خروف- ثلاث صور(الفقراء-الجيران-اهل البيت)- قلم عريض للتخطيط على مجسم الخروف

الحديث:
تقسم الأضحية إلى ثلاثة أثلاث؛ يأكل ثلثها، ويهدي ثلثها، ويتصدق بثلثها (وممكن نستدل بكتاب الله لان الاحاديث وكتاب الله جزئين لاغنى عنهم في الاحكام الشرعيه)
وبعدها تبدأ المعلمه بتقسيم الخروف لثلاث اجزاء وتضع في كل جزء الصوره كما ورد اعلاه ومن هنا نرسخ الاحاديث والادله والبراهين


الرياضيات: درسهم اليوم عن الكسور حلو الكلام00طبعا" في البدايه بياخذون معنى الكسر هوعباره عن تجزئه و0000الخ وافضل انهم يبدأون يعلمونهم من الثلث ويربطون هال ثلث بمادة الشريعه الي سبق وتعلمو عن تقسيم الاضحيه (مع ملاحظه ان تكون الحصص اليوميه متعلقه عن هذا الجانب لجميع المواد طبقا" لتصميم واعداد جميع المناهج التعليميه)
ويتم التعرف على الثلثين في حاله اخراج جزئين من الخروف وعن الثلاثه اثلاث في حاله اخراج جميع الاجزاء وعن الثلثين في حاله اخراج جزء واحد من الكل00


مادة الانجليزي: معنى خروف بالانجليزي/ الاعداد بالانجليزي/ الكسور بالانجليزي/ معنى الاضحيه بالانجليزي/000الخ

مادة الاجتماعيات : الاماكن المناسبه لتربيه الخرفات والبيئه والمناخ والغذاء000وماهو الموسم الي يكثر فيه الاضحيه 000الخ

مادة العلوم : تصنيف الثديات واكلات اللحوم والاعشاب و00000الخ


مادة الرسم : عمل مجسم للخروف او رسم رسمه لمزرعه 000الخ

وهكذا بكل مادة000 بنفس اليوم كل المواد وبنفس المضمون والدرس تقريبا"
طبعا السالفه مهب بذي السهوله اخوي كول يبغيلها ناس متخصصين لتسلسل جميع المناهج وتسلسل كل درس وما يتبعه من المواد الاخرى000

ترى القران فيه علوم وشريعه ورياضيات واجتماعيات وكيمياء وفيزياء ورسم و000الخ بس احنا للاسف تعجبنا المناهج الخارجيه00لو طبق التعليم هذه الفكره اقسم بالله سنكون قد انشئنا جيل ملم بالتعاليم الدينيه والدنيويه 000

صحيح ولا غبار عليه

[Cooki]

ياعيني عليج يالاصيله ..

ذكرتيني بالذي مضى .. ويعله مايعوووووود

فكره الدمج موجوده

ومطبقه في المناهج والمعايير الجديده للمجلس الاعلى ..

لكن سوء اختيار المواضيع وطريقه الطرح ..تختلف ..

بالاضاافه الى التركيز على تهميش الدين واللغه ..

لنا الله..

ويخلف علينا بالتعليم ..

طرح جميل مبارك...

يعطيكم العاااااااااااااااااااافيه

[بـــــــنت النوخـّــــذه]

صحيح ولا غبار عليه

:(:(<< كانت تتمنى يكون هناك ملاحظه او رأي ومناقشه بالاقتراح

[بنت صقار]

السموحه..الشيخ..لك..



بنت النوخذه..
فكرتج حلوة..بس هل بنقدر انطبق..كل يوم فكره..تشمل جميع المواد وتكون مترابطه..
لان فيه مواضيع..صعب تخلينها تدش في كل المواد نفس اليوم..
بس يمكن تشمل بعض الفقرات..
يعني يكون فيه استشهاد بنقطه..ترتبط بالماده السابقه..بيكون اسهل..ومقارب لفكرتج..العبقريه..صراحة..:)

[كش ملك!!]

فكرتك حلوه بس شرايك بفكرتي :


ان يتم ربط (جميع المناهج المدرسيه وتسلسلها بمادة الشريعه ) اعطيك مثال:discuss:



مادة الشريعه : الدرس عن الاضحيه وتقسيمها :

الادوات : مجسم خروف- ثلاث صور(الفقراء-الجيران-اهل البيت)- قلم عريض للتخطيط على مجسم الخروف

الحديث:
تقسم الأضحية إلى ثلاثة أثلاث؛ يأكل ثلثها، ويهدي ثلثها، ويتصدق بثلثها (وممكن نستدل بكتاب الله لان الاحاديث وكتاب الله جزئين لاغنى عنهم في الاحكام الشرعيه)
وبعدها تبدأ المعلمه بتقسيم الخروف لثلاث اجزاء وتضع في كل جزء الصوره كما ورد اعلاه ومن هنا نرسخ الاحاديث والادله والبراهين


الرياضيات: درسهم اليوم عن الكسور حلو الكلام00طبعا" في البدايه بياخذون معنى الكسر هوعباره عن تجزئه و0000الخ وافضل انهم يبدأون يعلمونهم من الثلث ويربطون هال ثلث بمادة الشريعه الي سبق وتعلمو عن تقسيم الاضحيه (مع ملاحظه ان تكون الحصص اليوميه متعلقه عن هذا الجانب لجميع المواد طبقا" لتصميم واعداد جميع المناهج التعليميه)
ويتم التعرف على الثلثين في حاله اخراج جزئين من الخروف وعن الثلاثه اثلاث في حاله اخراج جميع الاجزاء وعن الثلثين في حاله اخراج جزء واحد من الكل00


مادة الانجليزي: معنى خروف بالانجليزي/ الاعداد بالانجليزي/ الكسور بالانجليزي/ معنى الاضحيه بالانجليزي/000الخ

مادة الاجتماعيات : الاماكن المناسبه لتربيه الخرفات والبيئه والمناخ والغذاء000وماهو الموسم الي يكثر فيه الاضحيه 000الخ

مادة العلوم : تصنيف الثديات واكلات اللحوم والاعشاب و00000الخ


مادة الرسم : عمل مجسم للخروف او رسم رسمه لمزرعه 000الخ

وهكذا بكل مادة000 بنفس اليوم كل المواد وبنفس المضمون والدرس تقريبا"
طبعا السالفه مهب بذي السهوله اخوي كول يبغيلها ناس متخصصين لتسلسل جميع المناهج وتسلسل كل درس وما يتبعه من المواد الاخرى000

ترى القران فيه علوم وشريعه ورياضيات واجتماعيات وكيمياء وفيزياء ورسم و000الخ بس احنا للاسف تعجبنا المناهج الخارجيه00لو طبق التعليم هذه الفكره اقسم بالله سنكون قد انشئنا جيل ملم بالتعاليم الدينيه والدنيويه 000


اختي بنت النوخذه ,,,,,,,,,
والله لو عندنا معلمين ومعلمات يحملون هذا الفكر والوعي كان شفتي العلم والتعلم متقدم بشكل كبير
طبعا اللي ذكرتيه يسمى التكامل بين المواد وهو موجود في مدارسنا لكن للأسف نفتقر الى التطبيق العلمي والعملي والصحيح.
بارك الله فيك وفي رأيك

[بـــــــنت النوخـّــــذه]

السموحه..الشيخ..لك..



بنت النوخذه..
فكرتج حلوة..بس هل بنقدر انطبق..كل يوم فكره..تشمل جميع المواد وتكون مترابطه..
لان فيه مواضيع..صعب تخلينها تدش في كل المواد نفس اليوم..
بس يمكن تشمل بعض الفقرات..
يعني يكون فيه استشهاد بنقطه..ترتبط بالماده السابقه..بيكون اسهل..ومقارب لفكرتج..العبقريه..صراحة..:)


مرحبا اختي وشاكره لج الاهتمام بردي ^_^

:victory: حلو بعد نفس ماقلتي فقره ترتبط بالماده الي قبل او الي بعد الحصه بس الاهم كل المواد في نفس هذا اليوم مرتبطين بمفهوم واحد 000 والفكره اختي سهله بس صعوبتها كيف تقنعين المجلس الاعلى بتطبيق معايير مخخالفه لمعاييرهم ^_^ اوكيف تقنعينهم بضروره ابتكار مناهج لها طابع خاص تتناسب مع قيمنا ودينا ومجتعنا وبيئه الطالب 000

صدقيني لو طبقت الفكره اصلا كل المدرسات بيحصلون سهوله في التدريس والطالب بيسهل عليه التعليم لان قاعدين انرسخ فيه المعلومه نفسها في كل مادة وغير ان الطالب بيكون ملم بالمفهوم من ناحيه شرعيه وعلميه و000الخ

سعيده بمداخلتج :):shy:



اختي بنت النوخذه ,,,,,,,,,
والله لو عندنا معلمين ومعلمات يحملون هذا الفكر والوعي كان شفتي العلم والتعلم متقدم بشكل كبير
طبعا اللي ذكرتيه يسمى التكامل بين المواد وهو موجود في مدارسنا لكن للأسف نفتقر الى التطبيق العلمي والعملي والصحيح.
بارك الله فيك وفي رأيك

هلا اختي كش ملك واشكر لج الاهتمام بتعليقي ^_^

عليج نــــــــــــــــــــــــــــور لخصتي العمليه بمسمى (المنهج المتكامل) :victory:

واختي احتمال نفتقر لان اغلب المناهج مورده من الخارج خصوصا اللغه الانجليزيه التي تكاد ان تكون خاليه من تعاليم الدين الاسلامي وارتباطها بالقرآن الكريم :shy:

وصدقيني كما علقت سابقا" في رد الاخت الفاضله بنت صقار 00ان الطريقه لو طبقت بيكون هناك سهوله في طريقه الشرح بالنسبه للمعلمه لان اساسا" الحصص لهذا اليوم متعلقه بنفس المفهوم فكل معلمة ماده بتشرح المفهوم بمايتناسب مع مادتها وبتطلع تدخل الثانيه و000الخ يعني كلن يدعم الاخر00مهب نفس مناهجنا كل ماده بشرق اتحصلين الطالب مخه مايركز:rolleyes2: على ذي الماده ولا ذيج الماده 000والحلو ان يكون النشاط موحد لان المفهوم واحد مايحتاي يجلس يسوي نشاط لكل ماده ممكن يجمع النشاط في لوحه واحده ولكن متفرعه الطرق تبعا" لكل ماده 000

سعيده بمداخلتج واقتباس ردي ^_^:shy:

على فكره خواتي انا قدرت اطبق هذه الفكره بمنهج متكامل وسويت برنامج تعليمي ربطت الدروس كلها بكل المواد تميت سنه كامله امخمخ واجمع الافكاروالصور واصمم واضيف ايقاعات وحركه وامثله وتمارين وانشطه طلع البرنامج التعليمي شي شي ماشاء الله اهههه تخيلي عشان الطالب يفهم معنى المركز ونصف القطر والزوايا صممت عرض متحرك للطواف حول الكعبه وصممت عرض متحرك يبين شكل الكره الارضيه وتواجد الكعبه المشرفه في المنتصف فكانت الكره الارضيه بمثابه الدائره والكعبه بمثابه المركز والطواف والدعاء عند مقام ابراهيم بمثابه زاويه :shy: واستدليت بآيه قرآنيه من القرآن الكريم وربطت الجاذبيه وعلاقه رفع الكف عند المرور بالحجر الاسود والدعاء وعلاقه الخشوع والجاذبيه اثناء السجود يعني دخلت العلوم ودخلت الاجتماعيات و000الخ تخيلي المشهد وانتي تسميع تلبيه الحج وشرح متحرك يطبقون الطلبه بقطع مجسمات دائريه (الكره الارضيه ) وامدادهم بصوره مصغره للكعبه ويتم توزيعها وكل طالب يلصقها بالمنتصف ويتم تركيز يلك في نهايته شخص (انسان ) ويركز نهايه السلك في مركز الدائره الكعبه ويبدأ الطالب يدور السلك الي بنهايته الحاج دلاله على الطواف واستكمال دائره كامله غير تحديد الزوايا والوقوغ عن الحجر الاسود :nice: وهذا الدرس نقطه من بحر من افكاري بطرح الماده خرج الطالب بترسيخ مفاهيم دينيه وعلميه وصناعه مجسم بيده ^_^

صحيح هالبرامج المتحركه الي تعبت عليها وصممتها وربطت القرآن الكريم بالمواد التعليميه لاقت على استحسان الجميع ولكن اصبح محلها النهائي درج المكتب :shy: لان اكتشفت نظره المسؤولين عن التعليم كل ما استوردتي من الخارج كل ماكان التعليم مطور في نظر البعض واكثر تطويرا" لما تستعينين بستاف اجنبي لتصميم البرامج والمناهج وعلى فكره كان برنامجي باللغتين الانجليزيه المبسطه والعربيه00بس سبحان الله هالزمن الي عنده قلب حيّ مايقدر يستمر في مهزله المناهج الحاليه (البعض لاتزعلون ) ونقلت لوظيفه حكوميه أخرى ابرك من حرقه الاعصاب ^_^ :nice:

[عرٍيب الساس]

زين والله اني لقيت موضوع مفيـــد :)

وراح اطلق العنـإآن فيـــه

مع احترامي للشيخـة موزة على العين والرإآس ,,

بس للاسفــ ,, الاداريين تحتهـإآ فاشلين بدرجة قصوى ,,

جايبين لنإـآ اجانب يحدون الدراسات على الطلاب القطريين ؟

يسوون مناهج ؟

سؤـإآل ,,

كم واحد يقول التعليم السعؤدي فـإآشل ؟


الكل يقول انه افشل نظإآم ,,

بالعكس انه افضل نظام شفته بحيإآتي

اول سبب :

تخرج الطالب من مرحلة الثانوية بدرجة ان عقله يستخدمه استخدام كامل يفكر يتصرف ذكي يعرف يحفظ من اول مره ,,

لدرجة اصيع واحد فيهم علمي يجيب 96 ؟


فالدوحة طلابنا فالصف الاول ,, اسئلهم شخذيتوا اليؤم ,,

عطاني صوره قال هذا واجب

شفت الصورة ,,


صورة سجادة ؟

شايب معه ولده ؟

طلاب في فصل ؟

والقراءن الكريم ؟


سئلته قلت له يالله جاوب هذي وشي وهذي وشي ؟

تتوقعون شقـآل ,,

احب جدي ؟ اشتري سجادة ؟ اشارك فالصف ؟ اقرا الكتاب ؟ قلت تحب جدك شمعناه ؟ تحب ابوك شمعناه ؟ اكتفى بالسكوت مب بالتفكير ,, الـــخ ,,

انا عن نفسي,,

لحقت على اخر سنة من نظام المستقلة

صح ماقصروا خلوا الفيزياء باللغة الاجنبية ؟ وصححوا بعض الاشياء وساعدت على الدراسهـ بنسبة 2% فقط من وجهة نظري ؟

وصرت افهم اكثر ,,

لكن ؟ الرياضيات باالانقليزي ؟

من الي خبير في الرياضيات مب الخوارزمي ؟

عربي ومسلم ؟

يحطونه بالانقليزي ,,, ماينس وبلس ؟ ليش طيب ,, اوكي تبونهم يفهمون انقليزي ,,, انا اتحدى اي واحد فالمستقلة يعرب لي جملة احددها انا ,, انا متاكد بيسئلني شنو اعرب ؟

الشريعه الاسلاميــة ,, مانشوف عليه تدقيق ابد ابد ابد

مانشوف مثل اول المدارس الحكومية

كان اول ربع ساعة من الحصة كل طالب يقرا بترتيل وتجويد الاحكآم سورة او ايــه ,, كل يوم على طالب ويكون حافظ ,,

كنا نفتتح اليؤم بالقراءن ؟

لدرجة الحين عيال قطر الجيل القادم ,, صاروا يتشبهون بالاجانب اكثر شي ؟

حتى البدوي البدوي الي هو مايعرف ها الاشياء صار يميل لهـإآ ؟

تطور راح بناحية غــلــط

المفروض نمشي على الشريعه هذا اولآً

الحين تقول لواحد اقراء ايه من القراءن الكريـم ,, يقراها كنه قاعد يقرا قصة او مقال ؟

حتى لدرجة فالمقالات والقصص يحدد بالصوت القائل والكاتب ؟

القراءن لا ,؟

ليش يجماعة الخيـــر

انا تخرجت وانا مخي مقفل مادري شركز فيـه ولا حتى قدرت احدد مستقبلي ,,

لدرجة الحين دخلت تخصص مب تخصصي بسبة شي اسمه الواسطات

دخلت شي مب من نوعيتي دخلت تخصص صناعة صرت اداوم بدال لا اكمل دراستي ؟

انا ملم بالتكنولوجيا ,, لابعد الحدود ؟ لدرجة ان عندي اكثر من مشروع راح ينهض الدولية تكنولوجيآ ؟
وهم بعد اتطرق لموضوع ثـإآني ,, مافي دعم للجيل القطري ,, صعب التنفيذ يطلبون اشياء منين اجيب الطلبات ؟ دراسة جدوى ,, اول مره اسمع عنها حتى ف المدرسة ؟


للاسف الشديد جامعة قطر تسحب الطلاب ,, تغريهم وبعدهـإآ ,,

للاسف ,, احكام وقوانين ,, تنقلب جامعة قهــر ,,

وين الجهات التعليمية ,, ايام الكتــــــــب ,, الحين حاطين لي اوراق كل طالب تختلف ورقته عن الثانية ؟

بديت احس ان بعض المرات تتخص في اشياء ,, مثل الادبي والعلمي ,,

والطالب يبي يروح المدرسة ذيك لانها ادبي او علمي ,,,
بس لللاسف تم تطبيق الموقع الجغرافي ؟ يعني مافي انت ساكن في الريـأن اقرب مدرسة لك تخصصها علمي ,, درس ولدك علمي يالله

خلاص ولدي مايبي ها المدرسة ؟ مب على كيفه ؟؟ تخلونه يحدد مصيره غصبن عنه ؟ ماتخلونه يتخير ويشوف الي يحبه قلبه ويرتاح له

ليش النظام مب موحد ؟

ليش مافي نظام يخلي الطالب يشغل مخه بدال مايحفظ في مخه ويتؤؤؤه

يفكر بدال لايحفظ


يبتكر بدال لايكرر

يبتدي بدل لاينتهي

يخترع يعرف يفهم يركز ؟

الصرإآحــة النظام الدراسي من وجهة نظري ,,

فـإآشـــــــــــــــــــــــــــــــــــــــــــــ ـــــــــــــــــــــــــــل


وعن اذنكم

[عرٍيب الساس]

والصراحه اكثرية الردود في ها الموضوع ,, مب خارقة الا عبقرية وتساعد الدولة ,

بس وين الجهات المختصة ,,
مستر مارك وربعه ,,

[kooool]

:(:(<< كانت تتمنى يكون هناك ملاحظه او رأي ومناقشه بالاقتراح

بالعكس اختي ..ردج طيب ووافي وان كنت بضيف ..فمسألة ربط جميع المواد بالشريعة قياسا بربط اللغة العربية بالقران ماعتقد بتكون عملية بسبب خصوصية اللغة العربية وانها صميم مادة الشريعة , بعكس المواد الاخرى ..اذا الربط ليس مطلب بحد ذاته الا بقدر ماتتحقق الفائدة منه , وشكل الربط يختلف من مادة لاخرى ..بارك الله فيك

[بـــــــنت النوخـّــــذه]

زين والله اني لقيت موضوع مفيـــد :)

وراح اطلق العنـإآن فيـــه

مع احترامي للشيخـة موزة على العين والرإآس ,,

بس للاسفــ ,, الاداريين تحتهـإآ فاشلين بدرجة قصوى ,,

جايبين لنإـآ اجانب يحدون الدراسات على الطلاب القطريين ؟

يسوون مناهج ؟

سؤـإآل ,,

كم واحد يقول التعليم السعؤدي فـإآشل ؟


الكل يقول انه افشل نظإآم ,,

بالعكس انه افضل نظام شفته بحيإآتي

اول سبب :

تخرج الطالب من مرحلة الثانوية بدرجة ان عقله يستخدمه استخدام كامل يفكر يتصرف ذكي يعرف يحفظ من اول مره ,,

لدرجة اصيع واحد فيهم علمي يجيب 96 ؟


فالدوحة طلابنا فالصف الاول ,, اسئلهم شخذيتوا اليؤم ,,

عطاني صوره قال هذا واجب

شفت الصورة ,,


صورة سجادة ؟

شايب معه ولده ؟

طلاب في فصل ؟

والقراءن الكريم ؟


سئلته قلت له يالله جاوب هذي وشي وهذي وشي ؟

تتوقعون شقـآل ,,

احب جدي ؟ اشتري سجادة ؟ اشارك فالصف ؟ اقرا الكتاب ؟ قلت تحب جدك شمعناه ؟ تحب ابوك شمعناه ؟ اكتفى بالسكوت مب بالتفكير ,, الـــخ ,,

انا عن نفسي,,

لحقت على اخر سنة من نظام المستقلة

صح ماقصروا خلوا الفيزياء باللغة الاجنبية ؟ وصححوا بعض الاشياء وساعدت على الدراسهـ بنسبة 2% فقط من وجهة نظري ؟

وصرت افهم اكثر ,,

لكن ؟ الرياضيات باالانقليزي ؟

من الي خبير في الرياضيات مب الخوارزمي ؟

عربي ومسلم ؟

يحطونه بالانقليزي ,,, ماينس وبلس ؟ ليش طيب ,, اوكي تبونهم يفهمون انقليزي ,,, انا اتحدى اي واحد فالمستقلة يعرب لي جملة احددها انا ,, انا متاكد بيسئلني شنو اعرب ؟

الشريعه الاسلاميــة ,, مانشوف عليه تدقيق ابد ابد ابد

مانشوف مثل اول المدارس الحكومية

كان اول ربع ساعة من الحصة كل طالب يقرا بترتيل وتجويد الاحكآم سورة او ايــه ,, كل يوم على طالب ويكون حافظ ,,

كنا نفتتح اليؤم بالقراءن ؟

لدرجة الحين عيال قطر الجيل القادم ,, صاروا يتشبهون بالاجانب اكثر شي ؟

حتى البدوي البدوي الي هو مايعرف ها الاشياء صار يميل لهـإآ ؟

تطور راح بناحية غــلــط

المفروض نمشي على الشريعه هذا اولآً

الحين تقول لواحد اقراء ايه من القراءن الكريـم ,, يقراها كنه قاعد يقرا قصة او مقال ؟

حتى لدرجة فالمقالات والقصص يحدد بالصوت القائل والكاتب ؟

القراءن لا ,؟

ليش يجماعة الخيـــر

انا تخرجت وانا مخي مقفل مادري شركز فيـه ولا حتى قدرت احدد مستقبلي ,,

لدرجة الحين دخلت تخصص مب تخصصي بسبة شي اسمه الواسطات

دخلت شي مب من نوعيتي دخلت تخصص صناعة صرت اداوم بدال لا اكمل دراستي ؟

انا ملم بالتكنولوجيا ,, لابعد الحدود ؟ لدرجة ان عندي اكثر من مشروع راح ينهض الدولية تكنولوجيآ ؟
وهم بعد اتطرق لموضوع ثـإآني ,, مافي دعم للجيل القطري ,, صعب التنفيذ يطلبون اشياء منين اجيب الطلبات ؟ دراسة جدوى ,, اول مره اسمع عنها حتى ف المدرسة ؟


للاسف الشديد جامعة قطر تسحب الطلاب ,, تغريهم وبعدهـإآ ,,

للاسف ,, احكام وقوانين ,, تنقلب جامعة قهــر ,,

وين الجهات التعليمية ,, ايام الكتــــــــب ,, الحين حاطين لي اوراق كل طالب تختلف ورقته عن الثانية ؟

بديت احس ان بعض المرات تتخص في اشياء ,, مثل الادبي والعلمي ,,

والطالب يبي يروح المدرسة ذيك لانها ادبي او علمي ,,,
بس لللاسف تم تطبيق الموقع الجغرافي ؟ يعني مافي انت ساكن في الريـأن اقرب مدرسة لك تخصصها علمي ,, درس ولدك علمي يالله

خلاص ولدي مايبي ها المدرسة ؟ مب على كيفه ؟؟ تخلونه يحدد مصيره غصبن عنه ؟ ماتخلونه يتخير ويشوف الي يحبه قلبه ويرتاح له

ليش النظام مب موحد ؟

ليش مافي نظام يخلي الطالب يشغل مخه بدال مايحفظ في مخه ويتؤؤؤه

يفكر بدال لايحفظ


يبتكر بدال لايكرر

يبتدي بدل لاينتهي

يخترع يعرف يفهم يركز ؟

الصرإآحــة النظام الدراسي من وجهة نظري ,,

فـإآشـــــــــــــــــــــــــــــــــــــــــــــ ـــــــــــــــــــــــــــل


وعن اذنكم

ممكن اعرف شنهو تخصصك ؟؟؟؟؟؟؟؟؟؟؟

ماشاء الله عليك ورى هالكلام عقل كبير وعارف وين نقاط الضعف والقوه بالتعليم 000

والنظام السعودي بالتعليم من قال انه فاشل بالعكس معروف تعليمهم قوي وشوف نسبهم تبارك الرحمن 000

[طارق العلي]

ودي اشاركم في الموضوع بس مب فاهم تتكلمون عن وشو . . . المؤهل الدراسي اللي عندي سادس ابتدائي سنة 84

اذا فيه مجال تتكلمون عن المجموعة الشمسية ( زحل والطخه اللي معاه ) هذه انا افهم فيها وكنت شاطر بعد في حصة الانشاء

[بوخالد911]

يا ريت بس

[طارق العلي]

يا ريت بس

لا يكون انت نفسي داخل مب فاهم شي ههههه
الحمدلله لقيت واحد نفس المؤهلات . . اتمنى ان تقبلني صديق لك واذا تعرف احد في المنتدى
نفس المؤهلات ارجو ان تدعوه الى الانضمام في القروب

[عرٍيب الساس]

والله حإآله يجماعة الخير


لازم نشوف لنا حل

كذا بدال مانطلع اجيال ناجحة ومستقبل واعد لهم


راح نطلع لنا اجيال ماتفهم

يعني بالراحه بالراحه اجيال مالها شخصية مالها كلمة

كلمة توديها وكلمة تجيبها

حرآم الي يصير ,,

والله كلامكم يدش المخ كل واحد عنده مشروع دراسي ماشاءالله لو تمشي الدولة فيه صدقوني بننجح


ياحي هالاسم والله


التــربية والتعليم .,,


تربية

ثم

تعليم

[kooool]

ودي اشاركم في الموضوع بس مب فاهم تتكلمون عن وشو . . . المؤهل الدراسي اللي عندي سادس ابتدائي سنة 84

اذا فيه مجال تتكلمون عن المجموعة الشمسية ( زحل والطخه اللي معاه ) هذه انا افهم فيها وكنت شاطر بعد في حصة الانشاء

مرحبا طارق ..تهمني مشاركتك اكثر من ردك ..لاتحرمنا منها ..لك احترامي

[شنايدر]

زين والله اني لقيت موضوع مفيـــد :)

وراح اطلق العنـإآن فيـــه

مع احترامي للشيخـة موزة على العين والرإآس ,,

بس للاسفــ ,, الاداريين تحتهـإآ فاشلين بدرجة قصوى ,,

جايبين لنإـآ اجانب يحدون الدراسات على الطلاب القطريين ؟

يسوون مناهج ؟

سؤـإآل ,,

كم واحد يقول التعليم السعؤدي فـإآشل ؟


الكل يقول انه افشل نظإآم ,,

بالعكس انه افضل نظام شفته بحيإآتي

اول سبب :

تخرج الطالب من مرحلة الثانوية بدرجة ان عقله يستخدمه استخدام كامل يفكر يتصرف ذكي يعرف يحفظ من اول مره ,,

لدرجة اصيع واحد فيهم علمي يجيب 96 ؟



في ذي صدقت .. وسبق ان جلست مع سعوديين من نفس الحاله مع انهم زاحفين زحفان بس والله انهم اذكياء وعندعم ملعلومات انصمت منها ..

ونسبهم فوق + علمي :omg:

[الصريحه]

عليك افكار ما شاء الله
الله يبارك لك بس ياليت تروح لاهل الاختصاص وتبحث وياهم
حرام بس تكون افكار مكتوبه وتنسى

[kooool]

عليك افكار ما شاء الله
الله يبارك لك بس ياليت تروح لاهل الاختصاص وتبحث وياهم
حرام بس تكون افكار مكتوبه وتنسى

المنتدى مشاهد ..وانت عارفه ان الطريق العادي مغلق ..فلابد من شخص يوصل هالموضوع

[مخطط قطري]

ياخوي انا اعرف مدر س شريعه عرض على مدرسته انه يدرس لهم القران رفضو الفكره قدمها كا فكره ياخذها المجلس هي الفكره دراسه الطالب ماده القران كا حفظ وكا تفسير وكاحكام تجويد ومخارج الحروف بس لاسف رفضو ايضا بحجة وجود مراز تحفيظ القران؟؟؟؟؟؟ لاتعليق انا اقولك حاجة فكرتك طيبه بس ماراح تتنفذ لاسف

[kooool]

ياخوي انا اعرف مدر س شريعه عرض على مدرسته انه يدرس لهم القران رفضو الفكره قدمها كا فكره ياخذها المجلس هي الفكره دراسه الطالب ماده القران كا حفظ وكا تفسير وكاحكام تجويد ومخارج الحروف بس لاسف رفضو ايضا بحجة وجود مراز تحفيظ القران؟؟؟؟؟؟ لاتعليق انا اقولك حاجة فكرتك طيبه بس ماراح تتنفذ لاسف

الفكرتين مختلفه ..الاولى تربط بين اللغة العربية والقران ..والثانية تدريس مباشر لاحكام القران

[عرٍيب الساس]

الي بيروح يوصل الموضوع

يحطني اول مثـإآل ,,

:)

تخصصي الحيــن فني تشغيل مصآنع ,,؟

سبحإآن الله ,, شخص يحب التكنولوجيـإآ ,, صار يشتغل فني تشغيل مصانع ,,

القهــر واكثر مايقهرنــي ,,

المدارس المستقلة الي درست فيــه

60% على يد المدرسين < نسبة النجاح
40% في يد الطالب < نسبة النجاح

كلها 100% ,,

60% على شنو ؟

اول شـــي ,, لبسك الرسمي نظيف ؟ هل انت مرتب ؟ سلوكك مع اصحابك ؟ سلوكك مع المدرسين ,, غيآبك ؟ مشاركتك في الفصـل ؟

يعني من الاخر الي يحبه المدرس بينجح ,, الي بيشبك المدرس بينجح ,,

والـلــه اكثـر ماقـهـرنــي ,, اني انا شخصيآ شـفـت ها الشــي طالـب قطري ذكــي ماشاءالله عليه كان من الاوائل في المدارس الحكوميـة وكان علمي

لكن اول ماقلبوا النظام ,, توهقنا ,,

لدرجة انــه ماخذ 76% ونسبة غيآبـه ماتوصل 1% ؟

وشـخـص غيـآبـه تقريبن نسبتـه 40% ؟ وماخذ 80% ؟

والمشكلة انه يالله يالله يفهـم ؟

شفتوا الظلم شلـون ,,


60% ,, عن طريق التشبيك مع المدرس ,,

40% ,,< توهق فيها يالطآلب ,, لو تحل الامتحان مثل الكتاب بالظبط وتغش والكتاب قدامك ,, ماراح تنجح ,,

يعني يكفي وجودك فالمدرسة ينجحك ,, مب لازم تفهم لا بس تواجد ؟

ليــش مانشووف هئية التعليــم العـآلي على قولتهـم

ماتسوي زيارات للمدارس ؟

ماتسوي مقابلات للمدرسيـن ؟

ماتسوي اجتماعات للطلبة في اماكن خاصة مثل فنادق او قاعات ؟ وتاخذ افكار الطلبة وش الي يعوق مستقبلهم وشنو الي يعكر صفو هالمدارس من الجو الدراسي الممتع


مع احترإآمي الشديد لنظام المدارس المستقـلـة ,, وراعي ها الفكـرة

والله ايام المستقلة ماشتقت ولا فهمت ولا فكرت ,,

لكن ايام قبل المستقلة ,,

ماظني حد منكم يالكبير بينسى هالايـإآم

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,

ويكفي يتـأخر الطــآلــب اول مره ,, مايدش لمدرسة ؟

1- بيته قريب < وهو بالاصل بيته بعيد بسبب نظام الموقع الجغرافي صار العكس المدرسة صارت تجيب البعيد وتنسى القريـب

2-هله مايبونه يدرس مايقعدونه هو مايبي يدرس < شي طبيعي كل طالب يسوي ها الشــي وشي طبيعي ان الطالب مايبي يروح هالمدرسة

مدري هو داش العكسرية عشان يتقيد بقوانين ,؟ لدرجة انه يفكر يدرس القوانين او لا هههههه :)

كل الي اتمنإآه ,,

هالمدارس المستقلة كلها تتفق على منهـج وإآحــد ,, ووقت واحد ( المواضيع كثيرة يالمدارس المستقلة وخصوصآ موضوع الاجازات ) صـأر المدير ,, مدير لانه يبي الفلوس ,,

صـأر المدرس مدرس لانه يبي المعاش

ماصار المدير لانه يبي يخرج اجيـإل

ماصار المدرس مدرس ,, لانــه يبي طالب يبتكر شي وهو السبب في الابتكار والاختراع


ودمتم سـألميـن

[مخطط قطري]

صدقني فكرتك لو توديها المملكة العربيه السعوديه رالح تتنفذ بحذافيرها بس في قطر ماقولك بس مستحيل بل من سابع المستحيلاات

[قطريه ماركه]

فكرة راااااااائعة ...

بس مستحيييييييل تتطبق عندنا في الوقت الحالي :(

[kooool]

فكرة راااااااائعة ...

بس مستحيييييييل تتطبق عندنا في الوقت الحالي :(

ليش في الوقت الحالي يعني

[kooool]

صدقني فكرتك لو توديها المملكة العربيه السعوديه رالح تتنفذ بحذافيرها بس في قطر ماقولك بس مستحيل بل من سابع المستحيلاات

راااااحت وتسلم على النصيحة

[gulfnet]

صحيح مثل ما قالت بنت النوخذة ..... هذا عمل مب بسيط .. يبيله ناس باحثين ومعدين للمناهج