للسيدات فقط فرصة للعمل من المنزل(حلويات-تغليف هدايا)

[am5ald]

للسيدات فقط
كلنا كسيدات مانقدر نترك المنزل والاطفال ونجد فراغ اذا ماشتغلنا
ووايد موظفات متقاعدين او قدمو استقالتهم وقاعدين في البيت
مايستفيدون من وقتهم
اذا كنتي تبين كاش زياده
وعندج وقت فراغ
وعندج موهبة في الطبخ او التغليف او التزيين

ممكن ابيع لكم منتجاتكم المنزلية من الاغذية منزلية الصنع والاجبان والمربى الطازجه والشوكليت والكب كيك والكوكيز والموالح والتغليف والتوزيعات وسلال الهدايا الخ
سوف يكون بس عليكم انكم تصنعون المنتج وانا علي اجار المحل والبيع

حيث اغلب الناس يحبون اكل البيت ويحبون يقدمون لضيوفهم شي وحده مسويته بما فيه من ابتكار وابداع وذوق

سوف يتم اختيار المرشحين (حوالي 4-6 منازل )
ويتم التعاقد بيننا وكل سنة سوف يتجدد العقد
هوم ميد بزنس Selling homemade

الشركه في بدايتها وبعد تقديم طلباتكم سوف تتم دراسة جدوى
يلا كل اللي حابة تشتغل وعندها افكار تتواصل معاي على الايميل
homesweet@windowslive.com
(الرجاء ارسال نوع المنتج مع سعر التكلفه وصورة اذا امكن )

[قطرية فذة]

فكره حلوه سبق التفكير بها

وفقك الله اختي

[am5ald]

مشكورة على المرور
ممكن يكونون سبقوني بالفكره لكن اللي اطرحه مب فكره هو تنفيذ يعني بدء مشروع
لان الافكار وايد ممكن الواحد يسوي له كتاب حق الافكار ويبيعه لكن اخترت هالفكره لانها الانسب بما اني اجيد صنع الحلويات والتزيين والاقبال كبير وابي انوع واشارك بنات قطر ممكن افتح مصنع وممكن اجيب عمال لكن طرحت هالفكرة لانه الناس يحبون اكل البيت وعشان يستفيدون انا ماحب الاجانب يستفيدون ولا احب البلاد تنترس اسيويين
وفي اغلب المواقع الاجنبية ربة البيت تبيع من المنزل

[am5ald]

خلاص شكلي بهون
قالت لي اختي بنات عن بعض النسوان قلايص (يعني يقلصونهم قلص) ويسحبونهم عشان يشتغلون
بشتغل بروحي اخف واسرع
مشكورين على التشجيع

[ummohammed]

مشكورة اختي على طرح الفكرة واتمنى اني اشارك معاك
للاسف اني توني اقرا موضوعج وهذي اللي انه كنت ادور عليه من زمان

[Salim_Ghanim]

اشكر الاخت ام خالد على هذه المبادرة وربي يجعلها في ميزان حسناتها

ويا اخوات انا من طرفي اشجعكم على اخذ زمام المبادرة والدخول في مثل هذه المشاريع حتى الموظفة ممكن تشتغل بعد العصر لانها ما تضمن دوامها ويكون تدريب لها على التقاعد ، وعلى فكرة و حسب نقاشات مع عدد من قريباتي فان العمل المنزلي مربح بشكل جيد ولكن المشكلة الوحيدة اللي تكون عقبة في طريق المرأة المنتجة هو التسويق والبيع المباشر وهذه لها ظروفها اللي ما تخفى عنكم ، وبما أن اختنا ام خالد ما قصرت طرحت مثل هذه المبادرة فأنا اشوف انها ازالت كل العقبات امام المرأة حتى تعتمد على نفسها

هذه فرصة والفرص لا تتكرر واشد على يد كل من يأخذ بها وادعو له بالتوفيق والنجاح وان شاء الله اشوف هذه الفكرة تتكرر في كل منطقة في قطر وتنتشر الى خارج قطر ويكون الاجر لمن سن سنة حسنة الى يوم القيامة .

وبالتوفيق

[فواز1976]

المشروع مرررره مربح

وعندنا بالسعوديه فيه اكثر من وحده فتحت مطعم ولا محل حلويات شغل بيت ومشاء الله متوفقين

شغل انظف ... ومضمون اكثر من العماله الاسيويه ..... وبالاخير شغل البيت لا يعلى عليه


بالتوفيق ولا تترددي

[احلى دنيا]

السلام عليكم

ام خالد .... توكلي على الله ... صدقيني .. التزمي مع بيتين ثلاث في البداية .. و موقع مناسب يسهل الوصول له و التوفيق فالك باذن الله ...


شوفي اجبان الامل .. ام جابر ..... نشتري منهم برغم سعرهم لانهم يعرضون التنوع و الجودة ...

في المعارض ندور على هالشغلات ...

بس النظافة و التغليف ...

ام جابر و الامل كانوا في البلاستيك و على طول الغطا ... و الزيت يسرب

الحين في تغليف المنيوم يحفظ الاكل

اهتمي بجودة المنتجات الي تقدمينها و ان شاء الله يطلع اسمك ...

شهد الجزيرة
زنجبيل

و غيرهم نسوان على راس المحلات و تمام التمام ...

توكلي على الله

[أم وضاحي]

و الله فكره حلوه
أنا من هواياتي تغليف الهدايا بشكل مميز
و احب أسوي كيكات من الحفاظات و معاها هدايا مختلفه
اتمنى أشارك معاكم

[ام راشد%]

انا مااعرف اسو ي بس عندي قابلية اتعلم فخاطري اسوووي شي وفكرتج حلوووة وايد اتمنى انج تقبلين اني اشارككم في التغليف حطيلي رقمج ع الخاص للتواصل

[كبشينو]

صراحه عندي مطعم جاهز وابي اكلات شعبيه وحلويات والي تبي تشاركني ماعندي مشكله

[شديد التوق]

بالتوفيق للجميع