أقضوا حوائجكم بالكتمان / دعوه للنقاش

[الدبلوماسيـه]

السلام عليكم


استعينوا على قضاء حوائجكم بالكتمان فإن كل ذي نعمة محسود

حديث النبي صلى الله عليه وسلم..

هل مازلنا نتمسك به؟؟ ..

هل نعي معنى ( كل ذي نعمه محسود )..؟؟

صحيح أن الله يحب أن يرى أثار نعمته على عبآده ..بس أظن في معايير لأظهار النعمه!!

جزئيه من مجتمعنا (البعض ) بنت نفسها على مبدأ ( المفوشر ) .. مش مبدأ ان الله يحب أن

يرى أثار نعمته على عباده




آمثله :

واحد كل 6 شهور مغير سيآره ..مآ يخلي مواقف مجمع ما يحوطها .. وينشدخ ذيك الشدخه الي يتكسر فيها ..ويقول أنظلوني


الواحد لين فكر بيسآفر ..قبل ما يحجز ..مآآيخلي حد ما يقوله ..عقب أتكنسل السالفه ويقول آنظلوني ..


وحده آنخطبت ..توهم ما زاروهم حتى ..كل ربعها يدورن ..و أتفركش السالفه .. وأتقول أنظلوني




هل هذا مرض أجتماعي ؟؟

حديث النبي صلى الله عليه وسلم ..يطبق على جميع مجالات الحياه ..حتى في سياسه الدول

وتطبيقها لسياساتها الداخليه والخارجيه

والاقتصاد والتجاره وطريقه اتمام المعاملات..انا خذته من زاويه المجتمع..و أتمنى النقاش يتم

محصور في هالزاويه ولا يتشعب


الدبلوماسيه

27-12-2010

[بوحارب]

بعض الناس فيهم حسد مب طبيعي لدرجة يحسدون ربعهم واخوانهم :)

مرة كنا قاعدين على سيف الغارية والربع قعدوا يتكلمون عن موتر واحد من الربع gxr2001

الموتر عادي مافيه شي زود بس لعانه في الربع

واول ما طلعنا من صوب الرملة الا التاير منبط

والحمدلله العين جات في التاير وما جات في المكينة او شي البدي او انقلبنا على الخط

بس صج ذاك اليوم انقهرت وسبيتهم في نفسي :(

الله يكافينا شر الحسّاد

والحديث انا ماخذه مثل في هالحياة ان الواحد يكون كتوم شوي ابرك له :)

شكرا على الطرح :)

[الدبلوماسيـه]

بعض الناس فيهم حسد مب طبيعي لدرجة يحسدون ربعهم واخوانهم :)

مرة كنا قاعدين على سيف الغارية والربع قعدوا يتكلمون عن موتر واحد من الربع gxr2001

الموتر عادي مافيه شي زود بس لعانه في الربع

واول ما طلعنا من صوب الرملة الا التاير منبط

والحمدلله العين جات في التاير وما جات في المكينة او شي البدي او انقلبنا على الخط

بس صج ذاك اليوم انقهرت وسبيتهم في نفسي :(

الله يكافينا شر الحسّاد

والحديث انا ماخذه مثل في هالحياة ان الواحد يكون كتوم شوي ابرك له :)

شكرا على الطرح :)

العين حق.. وأحيانا الواحد ما يقصد ..ترى الواحد احيانا يحسد نفسه..

الشاي اللي هو الشاي ماتوعى الا انت شارق فيه :waiting: وحد ميت من الضحك يقولك والله انا كان خاطري فيه:eek5:

يبيلنا مره نفتح موضوع عن العين الحآرهescape

شكرآ لك عالمدآخله

[ابو عبد الله]

وش الحل مع الصاحب المحقق اللي ما تقدر تقوم من عنده الا طلع كل اخبارك بكثرة اسئلته

حتى في اشياء ما تقدر تكتمها

[Mshari]

صادقه مع اني اشوف ان اغلب الرجال بالذات يقضون حوائجهم بالكتمان

واغلب التجار والناس الناجحين يكون شغلهم بكل هدوء وسريه وهو شي جميل

خبرتس العين حق وفي ناس مب حسوده بس كذا يحسدك ولا يدري



مسالة التفاخر هي عقده نفسيه بعض الناس يركب سياره بنص مليون عشان يقول شوفو ركبت سياره يجيه واحد متفرغ يصكه عين يجيب خبره ههههههههههههههههههههههههههههههههه


حب الظهور والحسد اعداء لبعض

بارك الله فيك على هالموضوع ان شاء الله تعم الفائده

[الدبلوماسيـه]

وش الحل مع الصاحب المحقق اللي ما تقدر تقوم من عنده الا طلع كل اخبارك بكثرة اسئلته

حتى في اشياء ما تقدر تكتمها

+
ما تقدر تتهرب

+

يطلع لك بأسئله مب على بالك

+
ما يعطيك فرصه تسأله .. ولو حصل ..تموت وما يعطيك اجابه:secret:

الحل ..قول لحظه .. سو نفسك عندك مكالمه ..بعدين ارجع وغير مكانك:telephone:

[القيادة]

يعطيج العافية أختي بصراحه موضوع يجذب

الحسد هذي مشكلة الكل يواجها تخاف من أقرب الناس لك بصراحه

فتكون حريص كل الحرص على قضاء حاجتك بالكتمان.

صارت معاي عطيت واحد من الربع خبر عن شي وأنى حطيت أسمى

وبعد ماحطيت أسمى قالولي لاتعلم حد أنت مشيناك قلت جزاكم الله خير

وماخذيت الى متصليلي الى مشوني وقالولي رفيجك فضحك وقال شمعني

تحطون أسمه وماتحطون أسمى

وبعدهااا أقسمت أني ماعلم أحد..

[بـــــــنت النوخـّــــذه]

واضيف بعد الي متميز بشي خارق وابتكار لايقول يطبق وهو ساكت لان العين حق وعن تجربه ولا يقول انا سويت وانا كافئوني وانا عندي شهادات وعندي 000الخ ولا بفتح مشروع :omen2:

انا مع الكلام الي قلتيه 100% بكل شي في حياتنا وانا مطبقته صراحه لان يكفينا عين وحسد الشخص صار مافيه شده حتى يمشي من الحسد 000مادري الناس شخسرانين لي سبق كلامهم كلمه ماشاء الله 000انا حتى لي سئلت وحده شسمها اقولها ماشاء الله انتي شسمج خليتها على الساني دوم 000

[هدهد سليمان]

صدقيني اختي ما ذبحنا غير الحسد .. من شر حاسد اذا حسد .. الناس ما عادت تذكر الله ..

[%حورية قطر%]

اي نعم اختي الرسول عليه الصلاة والسلام ماقال هالحديث الا لان وراه حكمه ...

وفي هالزمن قلوب الناس فيها حقد وحسد حتى اللي عنده خيير ما يتمنى لغيره الخير !!!

اشكرج على هالموضوع

[R 7 A L]

العين حق
وقضاء الامور بالكتمان شي طيب وانا مجربة
وياليت الواحد يكون شوي كتوم على اسراره واذا حد سألة غير السالفة

[انسان]

تأكد من صحة الحديث بارك الله فيك

[حنان الدنيا]

صح اقضوا حوائجكم بالكتمان حتى لو شى تافه

وبعدين مافي احد له الحق انه يعرف او اني اقوله

:tease: كيفي

[ودي أكون]

صدق والله :(

[بوخالد911]

نعم

يفضل الكتمان دوما


والله يحمينا من العيون التيزاااااااااااااااااااااااااااااب الحارقة

[بوصلووح]

والله مافي احسن من الكتمان
لكن من يطيقه ؟! الله المستعان

[بصمة قطرية]

الحســـد صاير على كل شي ..
ناس تمشي وتحســد ..
يحسدون على الصحة ..
والله حتى المرض يحسدون الواحد عليه ..
فلان مرضه بسيط وغيره مبتلي بأمراض ..!!
والله الاشياء اللي نشوفها تصير بسبة الحسد تشيب الراس ..

بالنسبة لمثال السفر انا عانيت من هالشي وايد ..
حتى لو بسافر ليلتين اقول للكل ..
من اطلع من حدود الدوحة تنتكس حالتي وامرض ..
آ خر سفره يومين قضيتها في المستشفى ..
الكل صار يقول لي سافري من غير لا تقولين ..

قبل كنت احب اطلع ازور هلي وجيراني
كانوا يقولون لي انتي اجتماعية وتوجبين الناس
والله صرت اكره شي اسمه طلعه ..

الله يكفينا واياكم شر الحسد ..
ويحفظ عيالنا يارب ~
الحل الوحيد لتجنب الحسد الرقية الشرعية ..

[العـوا]

الحسد موجود بين الناس والكتمان مطلوب ..

[الدبلوماسيـه]

صادقه مع اني اشوف ان اغلب الرجال بالذات يقضون حوائجهم بالكتمان

واغلب التجار والناس الناجحين يكون شغلهم بكل هدوء وسريه وهو شي جميل

خبرتس العين حق وفي ناس مب حسوده بس كذا يحسدك ولا يدري



مسالة التفاخر هي عقده نفسيه بعض الناس يركب سياره بنص مليون عشان يقول شوفو ركبت سياره يجيه واحد متفرغ يصكه عين يجيب خبره ههههههههههههههههههههههههههههههههه


حب الظهور والحسد اعداء لبعض

بارك الله فيك على هالموضوع ان شاء الله تعم الفائده

معروف كل الناجحين او اغلبهم ..هذا نظامهم:victory:

[الدبلوماسيـه]

يعطيج العافية أختي بصراحه موضوع يجذب

الحسد هذي مشكلة الكل يواجها تخاف من أقرب الناس لك بصراحه

فتكون حريص كل الحرص على قضاء حاجتك بالكتمان.

صارت معاي عطيت واحد من الربع خبر عن شي وأنى حطيت أسمى

وبعد ماحطيت أسمى قالولي لاتعلم حد أنت مشيناك قلت جزاكم الله خير

وماخذيت الى متصليلي الى مشوني وقالولي رفيجك فضحك وقال شمعني

تحطون أسمه وماتحطون أسمى

وبعدهااا أقسمت أني ماعلم أحد..

وآيد تصير هالسالفه قبل:anger1:

الحين آنطر لين مايروح وقت الشي الي صار بعدين اقول :secret:

[ابو خليفه]

"العين حق لتورد الرجل القبر والجمل القدر وإن أكثر هلاك أمتي في العين

[لوردغاليري]

لولا الحسد مامات احد

[بدون]

موضوع جميل
و عن تجربة : لا تتكلمون حتى لوقضيتوا الشغلةاللي تبون تسوونها لأنهم يقولون
(ظعفة ،،، كل هذا سووه و ما احد درى ؟؟؟)

و سمعت هاجملة باذني

العين حق و تلقى اللي يطالع الناس انسان حقود حسود ضعيف الهمة ، يتكاسل عن العمل و يكره أن يرى غيره يعمل و يترقى ، أو أن ينعم بما أفاضه الله عليه من النعم فيصبح همه مراقبتهم و تمني زوال النعمة عنهم

و للاسف يفرح إذا رأى غيره قد أصابته مصيبة أذهبت ما عنده أومرض أو نزل به بلاء

عافانا الله و إياكم و أذهب عن قلوبنا الحسد و الحقد و الغل

[الدبلوماسيـه]

واضيف بعد الي متميز بشي خارق وابتكار لايقول يطبق وهو ساكت لان العين حق وعن تجربه ولا يقول انا سويت وانا كافئوني وانا عندي شهادات وعندي 000الخ ولا بفتح مشروع :omen2:

انا مع الكلام الي قلتيه 100% بكل شي في حياتنا وانا مطبقته صراحه لان يكفينا عين وحسد الشخص صار مافيه شده حتى يمشي من الحسد 000مادري الناس شخسرانين لي سبق كلامهم كلمه ماشاء الله 000انا حتى لي سئلت وحده شسمها اقولها ماشاء الله انتي شسمج خليتها على الساني دوم 000

صدقتي..

الواحد المفروض حتى لو سمع كلام ..يقول للناس قولوا ما شاء الله:)

[الدبلوماسيـه]

صدقيني اختي ما ذبحنا غير الحسد .. من شر حاسد اذا حسد .. الناس ما عادت تذكر الله ..


لين حد قالك شي.. قولهم آذكروا الله :)


اي نعم اختي الرسول عليه الصلاة والسلام ماقال هالحديث الا لان وراه حكمه ...

وفي هالزمن قلوب الناس فيها حقد وحسد حتى اللي عنده خيير ما يتمنى لغيره الخير !!!

اشكرج على هالموضوع


وما ينطق عن الهوى إن هو إلا وحي يوحى



العين حق
وقضاء الامور بالكتمان شي طيب وانا مجربة
وياليت الواحد يكون شوي كتوم على اسراره واذا حد سألة غير السالفة


تغيير السالفه يبيلها شطاره


تأكد من صحة الحديث بارك الله فيك

رواه الطبراني :)

[الدبلوماسيـه]

صح اقضوا حوائجكم بالكتمان حتى لو شى تافه

وبعدين مافي احد له الحق انه يعرف او اني اقوله

:tease: كيفي

مب كل مره تقدر تقول كيفي .. ><


صدق والله :(

:)


نعم

يفضل الكتمان دوما


والله يحمينا من العيون التيزاااااااااااااااااااااااااااااب الحارقة


آمين



والله مافي احسن من الكتمان
لكن من يطيقه ؟! الله المستعان

الواحد لازم يعود نفسه :)


الحســـد صاير على كل شي ..
ناس تمشي وتحســد ..
يحسدون على الصحة ..
والله حتى المرض يحسدون الواحد عليه ..
فلان مرضه بسيط وغيره مبتلي بأمراض ..!!
والله الاشياء اللي نشوفها تصير بسبة الحسد تشيب الراس ..

بالنسبة لمثال السفر انا عانيت من هالشي وايد ..
حتى لو بسافر ليلتين اقول للكل ..
من اطلع من حدود الدوحة تنتكس حالتي وامرض ..
آ خر سفره يومين قضيتها في المستشفى ..
الكل صار يقول لي سافري من غير لا تقولين ..

قبل كنت احب اطلع ازور هلي وجيراني
كانوا يقولون لي انتي اجتماعية وتوجبين الناس
والله صرت اكره شي اسمه طلعه ..

الله يكفينا واياكم شر الحسد ..
ويحفظ عيالنا يارب ~
الحل الوحيد لتجنب الحسد الرقية الشرعية ..

صدقتي والله ..الواحد لازم دايما يقرى على عمره


الحسد موجود بين الناس والكتمان مطلوب ..

نعم مطلوب :)

[القيادة]

وآيد تصير هالسالفه قبل:anger1:

الحين آنطر لين مايروح وقت الشي الي صار بعدين اقول :secret:



أنا مانطر ليما تروح السالفة الا أسكر على الموضوع ولا كنه صار شي:secret:

[الدبلوماسيـه]

"العين حق لتورد الرجل القبر والجمل القدر وإن أكثر هلاك أمتي في العين


اللهم أحفظنا


موضوع جميل
و عن تجربة : لا تتكلمون حتى لوقضيتوا الشغلةاللي تبون تسوونها لأنهم يقولون
(ظعفة ،،، كل هذا سووه و ما احد درى ؟؟؟)

و سمعت هاجملة باذني

العين حق و تلقى اللي يطالع الناس انسان حقود حسود ضعيف الهمة ، يتكاسل عن العمل و يكره أن يرى غيره يعمل و يترقى ، أو أن ينعم بما أفاضه الله عليه من النعم فيصبح همه مراقبتهم و تمني زوال النعمة عنهم

و للاسف يفرح إذا رأى غيره قد أصابته مصيبة أذهبت ما عنده أومرض أو نزل به بلاء

عافانا الله و إياكم و أذهب عن قلوبنا الحسد و الحقد و الغل

وفي ناس اتعمد اتسوي هالشي ..عافانا الله




أنا مانطر ليما تروح السالفة الا أسكر على الموضوع ولا كنه صار شي:secret:

في أشياء ما تقدر تخشها