SOUD.QA
28-12-2010, 07:15 AM
السلام عليكم ورحمة الله وبركاته
لفت نظري امس برودكاست فالبيبي عن عيدية طلبة البعثات ولما سألت الاهل عنها اشرحوا لي الموضوع وقلت اكتبه لعل وعسى يوصل للمجلس ونلقى تفسير
الموضوع بما فيه الله يسلمكم ان المجلس الاعلى معود الطلبه من سنين على حاجه اسمها العيديه تنزل قبل العيد بكم يوم مع راتب الطلبه الشهري عيديه بمبلغ معين ثابت لعيد الفطر وعيديه بمبلغ ثاني لعيد الاضحى, طبعا هذي لفته احيي المجلس عليها واشكرهم بما انها تبعث الفرح في نفوس الطلبه وتساعدهم على قضاء حاجات العيد
اللي استغربوا منه الطلبه السنه انهم بعيد الفطر ماستلموا العيديه انزلت لهم 500 زياده عالراتب المتعود عليه والشهر اللي بعده نزلت لهم العيديه المهم ان الطلبه افرحوا فيها ولو انها كانت متأخره شوي, المجلس الاعلى عادوا نفس الحركه بعيد الاضحى ونزلوا 500 زياده وانتظروا راتب هالشهر قالوا بعد احسن اجازة طلبة المدينه التعليميه وبتجي فوقتها بس للاسف الراتب نزل امس من غير عيديه.
اتمنى من اي شخص من المجلس الاعلى للتعليم يفسر الموضوع للطلبه!؟ اللي مستانس بيسافر بهالعيديه واللي بيجهز للكورس الجاي واللي الله واعلم شمخطط له بهالعيديه وناطرها ولانزلت, للعلم ان احب شي للطلبه هالعيديه وينطرونها على نار كل سنه مرتين لانها تساعدهم بحاجات كثيره لان رواتبهم مقارنة بغلاء المعيشه يادوب تسد متطلباتهم من تصوير وطباعه وقرطاسيه ولبس والخ... بعضهم الله واعلم بظروف اهلهم ممكن مايقدرون يوفرون لهم كل حاجه يبونها للجامعه معتمدين اعتماد كلي على هالعيديه اللي يجمعونها لمتطلباتهم الدراسيه والحياتيه
السموح عالاطاله قلت اكتب كل اللي سمعته من بعض الطلبه لعل وعسى توصل استفساراتهم عبر منبر القطريه
شاكر لكم
لفت نظري امس برودكاست فالبيبي عن عيدية طلبة البعثات ولما سألت الاهل عنها اشرحوا لي الموضوع وقلت اكتبه لعل وعسى يوصل للمجلس ونلقى تفسير
الموضوع بما فيه الله يسلمكم ان المجلس الاعلى معود الطلبه من سنين على حاجه اسمها العيديه تنزل قبل العيد بكم يوم مع راتب الطلبه الشهري عيديه بمبلغ معين ثابت لعيد الفطر وعيديه بمبلغ ثاني لعيد الاضحى, طبعا هذي لفته احيي المجلس عليها واشكرهم بما انها تبعث الفرح في نفوس الطلبه وتساعدهم على قضاء حاجات العيد
اللي استغربوا منه الطلبه السنه انهم بعيد الفطر ماستلموا العيديه انزلت لهم 500 زياده عالراتب المتعود عليه والشهر اللي بعده نزلت لهم العيديه المهم ان الطلبه افرحوا فيها ولو انها كانت متأخره شوي, المجلس الاعلى عادوا نفس الحركه بعيد الاضحى ونزلوا 500 زياده وانتظروا راتب هالشهر قالوا بعد احسن اجازة طلبة المدينه التعليميه وبتجي فوقتها بس للاسف الراتب نزل امس من غير عيديه.
اتمنى من اي شخص من المجلس الاعلى للتعليم يفسر الموضوع للطلبه!؟ اللي مستانس بيسافر بهالعيديه واللي بيجهز للكورس الجاي واللي الله واعلم شمخطط له بهالعيديه وناطرها ولانزلت, للعلم ان احب شي للطلبه هالعيديه وينطرونها على نار كل سنه مرتين لانها تساعدهم بحاجات كثيره لان رواتبهم مقارنة بغلاء المعيشه يادوب تسد متطلباتهم من تصوير وطباعه وقرطاسيه ولبس والخ... بعضهم الله واعلم بظروف اهلهم ممكن مايقدرون يوفرون لهم كل حاجه يبونها للجامعه معتمدين اعتماد كلي على هالعيديه اللي يجمعونها لمتطلباتهم الدراسيه والحياتيه
السموح عالاطاله قلت اكتب كل اللي سمعته من بعض الطلبه لعل وعسى توصل استفساراتهم عبر منبر القطريه
شاكر لكم