ليش الفقع غالي ومن السبب

[بوحمد111]

السلام عليكم ورحمة الله وبركاتة

اخواني وأخواتي اعضاء منتدى شبكة الأسهم القطريه الموقرين

يمكن موضوعي مكرر او اتوقع ينشر كل سنه في هذا الموسم اقصد موسم الفقع

امس قمت بزيارة سوق عمان الواقع بالقرب من سوق الفواكه والخضروات بالدوحه ولفت انتباهي سعر صندوق الفقع اللي ما يتعدى الكيلوين الى ثلاثه كيلو بالكثير من 500 ريال الى 700 ريال وأكثر عند بعض البائعين وسؤالي
من السبب في ارتفاع السعر بشكل مبالغ
فيه ويا ريت الفقع طازج مثل ما يقولون فرش والضحيه الناس اللي خاطرها تأكل الفقع والمشكله يجي الصندوق مغلف بالنايلون (البلاستيك) والحبات الكبيره الكل يشوفها فوق ولكن من داخل الصندوق حبات صغيره واكثرها معفنه والله اعلم كم صار لها ولو رجعنا نسأل عن البائع الكل راح ينكر بأنه غير موجود وأتوقع هذه عصابه متفقه مع بعضها البعض لتضليل الزباين

حسبنا الله ونعم الوكيل

[s500]

أخوي حاسب من الفقع الي جايبينه من برع وخاصه من الجزائر وتونس وليبيا ترى مايسوى ريال شريت منهم وبسعر مبالغ ويوم جربته كانه محزر .

وهذي نصيحه لوجه الله .

[قطرية فذة]

افضل نصيحه لاتشترون اتركوهم يعفنون

[البدع]

زين انه فقع معفن

واحد من الربع باعوا عليه عيولم (بطاطس)

والمسؤولية هي :

1. البلدية

2. الي يشتري (هو الي الغشيم والمسؤول)

[بوحمد111]

أخوي حاسب من الفقع الي جايبينه من برع وخاصه من الجزائر وتونس وليبيا ترى مايسوى ريال شريت منهم وبسعر مبالغ ويوم جربته كانه محزر .

وهذي نصيحه لوجه الله .


هلا اخوي ابشرك انا ما شريت منه لأن السعر ما عجبني واحلى شي الواحد يروح بنفسه يدور الفقع من اراضي قطر والله يرزقنا الخير ان شاء الله

[بوحمد111]

افضل نصيحه لاتشترون اتركوهم يعفنون


شاكر لكي اختي قطريه وان شاء الله نتفق على مقاطعة الشراء ولو حصل بينزل سعره الى القاع

[بوحمد111]

زين انه فقع معفن

واحد من الربع باعوا عليه عيولم (بطاطس)

والمسؤولية هي :

1. البلدية

2. الي يشتري (هو الي الغشيم والمسؤول)


مسكين الله يعينه علولم بدال الفقع والله صج نكبه ولو رجع يدور البايع والله مستحيل يحصله

[جوال 11]

يمكن الفقع غير موجود في كشف حماية المستهلك ، فالتجار يرفعون الأسعار على كيفهم .

[عاشق الشهادة]

انا اخذت من عندهم الاسبوع الماضي
صندوق فيه تقريباً كيلو ونصف الى كيلويين بـ 100 ريال والنوع خلاص

[بوخالد911]

دعوووها تخييييييييييييييييس

:)

[سارونه]

:(

اتمنى تقاطعونهم ولا تاخذون منهم شي .

[Mishari]

يا جمااعه يسولف لي واحد من الربع عندكم ويشتغل بالمطار يقوول الفقع الي يجي الدوحه هالايام كله من توونس والجزائر ويجبوونه بحااوياات وهو جاي اصلاً حك .... الاكبااريه يتنقوون الزين منه والباقي ينزلوونه السووق وعلى العموم صبروو شوي وراح تلقطوون فقع بأذن الله

[بوحمد111]

يمكن الفقع غير موجود في كشف حماية المستهلك ، فالتجار يرفعون الأسعار على كيفهم .


يمكن كلامك صحيح والله يعينا على التجار

[بوحمد111]

انا اخذت من عندهم الاسبوع الماضي
صندوق فيه تقريباً كيلو ونصف الى كيلويين بـ 100 ريال والنوع خلاص


دلني على صاحب الفقع خاطر العيال ياكلون منه بس السعر الأمسي مبالغ فيه

[بوحمد111]

دعوووها تخييييييييييييييييس

:)


ياريت الكل يتفق

[بوحمد111]

:(

اتمنى تقاطعونهم ولا تاخذون منهم شي .


الحل الوحيد مقاطعتهم 100% معاك

[بوحمد111]

يا جمااعه يسولف لي واحد من الربع عندكم ويشتغل بالمطار يقوول الفقع الي يجي الدوحه هالايام كله من توونس والجزائر ويجبوونه بحااوياات وهو جاي اصلاً حك .... الاكبااريه يتنقوون الزين منه والباقي ينزلوونه السووق وعلى العموم صبروو شوي وراح تلقطوون فقع بأذن الله


كلامك منطقي ويمكن هذا اللي حاصل

[السهم الشمالي]

السلام عليكم ورحمة الله وبركاتة

اخواني وأخواتي اعضاء منتدى شبكة الأسهم القطريه الموقرين

يمكن موضوعي مكرر او اتوقع ينشر كل سنه في هذا الموسم اقصد موسم الفقع


امس قمت بزيارة سوق عمان الواقع بالقرب من سوق الفواكه والخضروات بالدوحه ولفت انتباهي سعر صندوق الفقع اللي ما يتعدى الكيلوين الى ثلاثه كيلو بالكثير من 500 ريال الى 700 ريال وأكثر عند بعض البائعين وسؤالي
من السبب في ارتفاع السعر بشكل مبالغ
فيه ويا ريت الفقع طازج مثل ما يقولون فرش والضحيه الناس اللي خاطرها تأكل الفقع والمشكله يجي الصندوق مغلف بالنايلون (البلاستيك) والحبات الكبيره الكل يشوفها فوق ولكن من داخل الصندوق حبات صغيره واكثرها معفنه والله اعلم كم صار لها ولو رجعنا نسأل عن البائع الكل راح ينكر بأنه غير موجود وأتوقع هذه عصابه متفقه مع بعضها البعض لتضليل الزباين

حسبنا الله ونعم الوكيل



الحقيقة سؤال وجيه

وليس الفقع كل شي غالي أنا أمس شريت حليب أطفال وكرتون ماي مسافي صغير وكيس روتي وبامبرز رقم 5 وصابون اريل الحساب 114 ريال

الأغراض وهي في الجاري ضايعه وبالتخيل ماتقدر تخيل حتى أنها بهذا السعر .
وأنت تسأل ليش

أنا باقولك ليش ومن السبب

أحنا السبب

مانقاطع ومانعارض

يبي لنا وقفه قويه
لازم نقاطع بعض الأغراض أو بعض المجمعات أو بعض السلع كنوع من الأعتراض
ومثل ماقالوا يد وحدة ماتصفق
لو يصير رفض من شريحة كبيرة ومقاطعه لمنتج معين ولا مثلا سلعه معينه راح يصير تبديل في الحال وفي الوضع لكن أنا أقاطع بروحي وغيري يروح يشتري من وراي ماسوينا شي
وأقرب مثال في الفترة الماضية ومن مدة بسيطة يوم صار إرتفاع في أسعار الخضار والفواكه وش سوينا في قطر ماسوينا شي والله لو مجموعه كبيرة قاطعت وخلت هالخضرة تخيس عندهم كان شفت العجب .

وبعد أقول دام أن الدولة ماراح تقوم بحل مشكلة غلاء المعيشة لازم أحنا المواطنين نسوي مقاطعة ونعمل خطوة جريئة ولازم كل واحد منا يتبنى فكرة المقاطعة .

[حزينه]

روح فرايدز واكل عندهم المشروم والله ريحته و طعمه مثل الفقع هههه

لانه مشرومهم طازج وكبير :)

بالتوفيق اخوي

[أخر الدنيا]

أخوي حاسب من الفقع الي جايبينه من برع وخاصه من الجزائر وتونس وليبيا ترى مايسوى ريال شريت منهم وبسعر مبالغ ويوم جربته كانه محزر .

وهذي نصيحه لوجه الله .
:nice::nice:

[أخر الدنيا]

مع المقاطعة -المقاطعة -المقاطعة وبتشوفون السعر كم بيصير

[Rider]

يازين الفقع مع كبسة اللحم انا شريت يوم الخميس الي طاف عن خاطري صندوق خلاص بـ 100 ريال اذا تبغي تصيدهم روح لهم اخر الليل على الساعه 10 تحصلهم يبغون يبعون بس يعني الصندوق الي 500 بتأخذه 200

[الدمعه]

ام زوجي توها متصله لي من السوق تقول لي الفقع على 1000 :omg:

قلت لها ليش عسى ماشر ..خله يولي مانبيه مب لازم ناكله ....:weeping:


استغربت تقولي يعني شنو تبون والا ماتبون ...:anger1:


لازم المقاطعه وخلها تخيس عندهم ...

كاهي وصلت بشوفها شرته والا سمعت الحجي ...:nice:

[الـقـاسـي]

حلات الفقع يكون فريش توك ملقطه ومضبطه ويا ذيك الكبسه اللي ترد الروح .. انا اخبر العام مريت على اللي في السوق العماني حتى شكل الفقع عندهم يسد النفس ..

[سوق واقف]

جات على الفقع أمس كيلو الربيان البحريني 75 ريال

[Ash1984]

اخوي بوحمد 111 :

انا رحت سالت قالوا لي الصندوق ب 1000 !!!!!!
انصدمت بس لانه خاطري فيه قلت معليه يالله ....

ويوم جفت الصندوق انصدمت !!!! صغييييييير ...
قلتله يالله باي باي ...

اشدعوه ليش جذي ....ليش جذي واااااايد غالي وين حماية المستهلك والبلدية عنهم ؟؟؟؟؟
ليش مافي ضوابط وعقوبات ؟؟؟!!!!!


الله المستعان

[الصريحه]

دوروا احسن لكم

[منصوربن حمد]

دوروا احسن لكم

وين اندور في مكان سري

[هبوب الكوس]

هذا ميزة الفقع غالي لندرة وجوده

امس مريت سوق العماني صراحه الزبيدي غالي

خذة اخلاص ارخص شوي سويت عليه جبسه صراحه طعمه زين

[abdulla999]

البداية بس بعديين ببلاش

[بوحمد111]

الحقيقة سؤال وجيه

وليس الفقع كل شي غالي أنا أمس شريت حليب أطفال وكرتون ماي مسافي صغير وكيس روتي وبامبرز رقم 5 وصابون اريل الحساب 114 ريال

الأغراض وهي في الجاري ضايعه وبالتخيل ماتقدر تخيل حتى أنها بهذا السعر .
وأنت تسأل ليش

أنا باقولك ليش ومن السبب

أحنا السبب

مانقاطع ومانعارض

يبي لنا وقفه قويه
لازم نقاطع بعض الأغراض أو بعض المجمعات أو بعض السلع كنوع من الأعتراض
ومثل ماقالوا يد وحدة ماتصفق
لو يصير رفض من شريحة كبيرة ومقاطعه لمنتج معين ولا مثلا سلعه معينه راح يصير تبديل في الحال وفي الوضع لكن أنا أقاطع بروحي وغيري يروح يشتري من وراي ماسوينا شي
وأقرب مثال في الفترة الماضية ومن مدة بسيطة يوم صار إرتفاع في أسعار الخضار والفواكه وش سوينا في قطر ماسوينا شي والله لو مجموعه كبيرة قاطعت وخلت هالخضرة تخيس عندهم كان شفت العجب .

وبعد أقول دام أن الدولة ماراح تقوم بحل مشكلة غلاء المعيشة لازم أحنا المواطنين نسوي مقاطعة ونعمل خطوة جريئة ولازم كل واحد منا يتبنى فكرة المقاطعة .[/size][/center]


بارك الله فيك بالمشاركه في الموضوع ومثل ما قلت لو انا قاطعت غيري بيشتري من وراي وعلى هذا الأساس لازم تكون يدنا وحده ونقاطع اي شي غالي وان شاء الله بنعيش حتى على روتي وجبن

[بوحمد111]

روح فرايدز واكل عندهم المشروم والله ريحته و طعمه مثل الفقع هههه

لانه مشرومهم طازج وكبير :)

بالتوفيق اخوي


شكراً على النصيحه ومن يومين متعشي عندهم وخوش سلطه يسونها اللي بفيلاجيو

[بوحمد111]

:nice::nice:


الكل يحاسب

[بوحمد111]

مع المقاطعة -المقاطعة -المقاطعة وبتشوفون السعر كم بيصير


انا وانت والقليل بيقاطعون ولكن غيرنا بيشترون ولا عندهم مشكله بسل خلهم يشترون ويوزعون علينا

[بوحمد111]

يازين الفقع مع كبسة اللحم انا شريت يوم الخميس الي طاف عن خاطري صندوق خلاص بـ 100 ريال اذا تبغي تصيدهم روح لهم اخر الليل على الساعه 10 تحصلهم يبغون يبعون بس يعني الصندوق الي 500 بتأخذه 200


اي والله خوش شي مع المجبوس ولكن سعره الغالي نسوي مكانه مشروم ابرك لنا وما يحتاج تنظيف من الرمل مثل الفقع

[بوحمد111]

ام زوجي توها متصله لي من السوق تقول لي الفقع على 1000 :omg:

قلت لها ليش عسى ماشر ..خله يولي مانبيه مب لازم ناكله ....:weeping:


استغربت تقولي يعني شنو تبون والا ماتبون ...:anger1:


لازم المقاطعه وخلها تخيس عندهم ...

كاهي وصلت بشوفها شرته والا سمعت الحجي ...:nice:



الله الله الله وصل 1000 صج عسى ماشر ليكون محشي بالذهب وخلوه يخيس عندهم وبنشتريه بـ 50 ريال عقب اسبوع وثلاث ارباعه خايس الله يعزكم

[بوحمد111]

حلات الفقع يكون فريش توك ملقطه ومضبطه ويا ذيك الكبسه اللي ترد الروح .. انا اخبر العام مريت على اللي في السوق العماني حتى شكل الفقع عندهم يسد النفس ..


اي والله حلاته فرش وانت اللي ملقطه من البر ويازين الكبسه معاه وصدق الفقع اللي جاي من برع مشكوك في امره ويمكن مخزن من السنه اللي راحت والله كريم

[بوحمد111]

جات على الفقع أمس كيلو الربيان البحريني 75 ريال


اخوي سوق واقف

منور الموضوع بوجودك فيه طال عمرك وصدقت يا اخوي مو بس الفقع اللي مرتفع سعره ولا حتى الربيان وفيه اشياء كثيره لا تعد ولا تحصى والله المستعان

[بوحمد111]

اخوي بوحمد 111 :

انا رحت سالت قالوا لي الصندوق ب 1000 !!!!!!
انصدمت بس لانه خاطري فيه قلت معليه يالله ....

ويوم جفت الصندوق انصدمت !!!! صغييييييير ...
قلتله يالله باي باي ...

اشدعوه ليش جذي ....ليش جذي واااااايد غالي وين حماية المستهلك والبلدية عنهم ؟؟؟؟؟
ليش مافي ضوابط وعقوبات ؟؟؟!!!!!


الله المستعان


Ash1984

شاكر لك المداخله ومثل ما قالوا بعض الاخوان في ردودهم يمكن الفقع في الأصل مش موجود من ضمن قائمة الأطعمه المتداوله في كتيب حماية المستهلك وعلى هذا الأساس سعره طاير في السما ولا حسيب ولا رقيب

[بوحمد111]

دوروا احسن لكم


باروح ادور بس علمونا وين واكثر الأماكن اللي نخبرها صارت محميه؟؟؟؟؟ وممنوع الاقتراب منها

[بوحمد111]

وين اندور في مكان سري


خاطري اعرف وين وابشر بس انت بقول لك وين يا اخوي منصور بن حمد

[بوحمد111]

هذا ميزة الفقع غالي لندرة وجوده

امس مريت سوق العماني صراحه الزبيدي غالي

خذة اخلاص ارخص شوي سويت عليه جبسه صراحه طعمه زين


صحيح الزبيدي مبالغ في سعره اكثر من اللازم وجعل فيه العافيه ولا احد عزمي على الكبسه لين الحين

[بوحمد111]

البداية بس بعديين ببلاش


متى عاااااد بينزل سعره وعلى ما اعتقد بعد ما يوصل الفقع الايراني لأنه بيترس السوق من كثره

[s500]

بوحمد لاتفقعت انت والعيال والله رزقكم بالزبيدي الله الله في اخوانك فالي ردو عليك في موضوعك عن الفقع لاتنسانا :nice:

[هبوب الكوس]

صحيح الزبيدي مبالغ في سعره اكثر من اللازم وجعل فيه العافيه ولا احد عزمي على الكبسه لين الحين

اطلب عزك بوحمد

http://sa3kh70.jeeran.com/f4.jpg

------------------------
بس انتظر نص شهر واحد او نهايته بيرخص الفقع

بس اذا مب شحيح في البلادان المصدره مثل العام كان شحيح في السوق

[QtrGate]

خاطري اعرف وين وابشر بس انت بقول لك وين يا اخوي منصور بن حمد

اذكر الوالد يودينا سميسمة عند الوديان والمكان يكون متروس حده

لأكن المشكله الحين سوه محمية وممنوع الدخول

طلع لنا تصريح ونسوي رحله مع الاعضااء

وفي في راس لفان اذكر من سنتين رحت بتصريح

كان كل ماتمشي خطوتين تلقى فقعه

[بوحمد111]

بوحمد لاتفقعت انت والعيال والله رزقكم بالزبيدي الله الله في اخوانك فالي ردو عليك في موضوعك عن الفقع لاتنسانا :nice:


س500

ابشر ولا يهمك بطرش لك المكان وبعطيك من الفقع بس الاخلاص منه والزبيدي بنتناصفه بينا

[بوحمد111]

اطلب عزك بوحمد

http://sa3kh70.jeeran.com/f4.jpg

------------------------
بس انتظر نص شهر واحد او نهايته بيرخص الفقع

بس اذا مب شحيح في البلادان المصدره مثل العام كان شحيح في السوق


جعل من ورثك الجنه

وان شاء الله السوق بيمتلي من الفقع

[بوحارب]

اتوقع اللي رفع سعره الناس اللي تشتريه بسعر غالي :)

وبقيمته اشتري لي احلى خرووووووووووف :(

[بوحمد111]

اذكر الوالد يودينا سميسمة عند الوديان والمكان يكون متروس حده

لأكن المشكله الحين سوه محمية وممنوع الدخول

طلع لنا تصريح ونسوي رحله مع الاعضااء

وفي في راس لفان اذكر من سنتين رحت بتصريح

كان كل ماتمشي خطوتين تلقى فقعه


مثل ما قلت في احدى الردود عندي اكثر الأماكن صارت محميه او يكون عندك واو لتدخل اتفقع

[بنتلي]

مقاطعتهم

[بوحمد111]

اتوقع اللي رفع سعره الناس اللي تشتريه بسعر غالي :)

وبقيمته اشتري لي احلى خرووووووووووف :(


صحيح اخوي بوحارب المشكله احنا اللي نرفع سعره ولو قاطعناه صدقني بنشتريه برخيص

انزين اخوي بوحارب متى بتعزمني على الكرك

[بوحمد111]

مقاطعتهم


احسن ما سويتي والفال لنا نقاطعهم

[sul6an.q6r]

هلا اخوي ابشرك انا ما شريت منه لأن السعر ما عجبني واحلى شي الواحد يروح بنفسه يدور الفقع من اراضي قطر والله يرزقنا الخير ان شاء الله



ايي والله انك صادق..

[بوحمد111]

ايي والله انك صادق..


شاكر لك اخوي سلطان قطر المداخله بارك الله فيك

[فيزيائية]

1000 ريال
= فقع
=ربع شنطة ماركة
=كم فستان ماركة
=تسريحة عرس
=مكياج خفيف
=راس قطو ريشي من واقف
جنها ماصارت ال1000 تسوى شي عدل ؟؟

[لاجل QT]

ب 700 اشتري لي خروف ابرك

[بوحمد111]

1000 ريال
= فقع
=ربع شنطة ماركة
=كم فستان ماركة
=تسريحة عرس
=مكياج خفيف
=راس قطو ريشي من واقف
جنها ماصارت ال1000 تسوى شي عدل ؟؟


ام نونية

وازيدك تقدرين تشترين جاري متروس اغراض من الجمعيه يكفي البيت اسبوع كامل من فواكه وخضروات ومعلبات وحلويات و و و و ....

[بوحمد111]

ب 700 اشتري لي خروف ابرك


كلامك صحيح

[الحره]

الله يسامحك شفيتني على الفقع كنت ناسيته :(

بخليهم بكره يشترون لي عشان نتغدى مجبوس فقع

[القيادة]

أهي جات على الفقع بس

كلشي أرتفع الله يرحم الحال

[صليب الراي]

في مزادات تصير بالسوق لما توصل الكميات من برا والتاجر الكبير يحطها مزاد ويشترونها البنغاليه ويبيعونه عليكم

اسألوا البياعين خصوصا العرب هناك والبدو عن المزاد وبيقولون لكم متى يصير

[بوحمد111]

الله يسامحك شفيتني على الفقع كنت ناسيته :(

بخليهم بكره يشترون لي عشان نتغدى مجبوس فقع


ليش يا الحره الحين احنا نبي نقاطع الفقع وانت بتشترين بس لا تنسيني بكيلو زبيدي وجعل فيه العافيه اختي

[بوحمد111]

أهي جات على الفقع بس

كلشي أرتفع الله يرحم الحال


اي والله مو بس على الفقع كل شي طار سعره عندنا والله المستعان

[بوحمد111]

في مزادات تصير بالسوق لما توصل الكميات من برا والتاجر الكبير يحطها مزاد ويشترونها البنغاليه ويبيعونه عليكم

اسألوا البياعين خصوصا العرب هناك والبدو عن المزاد وبيقولون لكم متى يصير


يعطيك العافيه صليب الراي

انا من زمان خاطري اعرف متى يصير عندهم المزاد ولكن ولا مره صاديتهم وكل المرات مصيود من البنقاليين وربك كريم

[صليب الراي]

هو يعتمد اخوي على موعد وصول الطيارات
فأحسن شي تسويه ترتب مع بياع وتعطيه رقم جوالك
وهو يتصل لك اول ما يوصله خبر

[الصريحه]

الحمد لله امس تفقعت وحصلت ولااحد يسالني عن المكان
لان صاحبه حلفني
بالتوفيق للجميع
ولا للاستغلال

[مضارب مستثمر]

هلا اخوي ابشرك انا ما شريت منه لأن السعر ما عجبني واحلى شي الواحد يروح بنفسه يدور الفقع من اراضي قطر والله يرزقنا الخير ان شاء الله

,,,,,,,:victory:,,,,,:),,,,,:victory:,,,,,,,,,,,

[بوحمد111]

هو يعتمد اخوي على موعد وصول الطيارات
فأحسن شي تسويه ترتب مع بياع وتعطيه رقم جوالك
وهو يتصل لك اول ما يوصله خبر


يعطيك العافيه اخوي صليب الراي

وين الواحد يقدر يحصل البياع الثقه في هذه الايام والله المستعان

[بوحمد111]

الحمد لله امس تفقعت وحصلت ولااحد يسالني عن المكان
لان صاحبه حلفني
بالتوفيق للجميع
ولا للاستغلال


اختي الصريحه

لالالالالالالالالالالا ارجوك دليني والا بحرث الأرض كلها الى ما احصل

الله يوفقك باللي حصلتي عليه بارك الله فيك

[بوحمد111]

,,,,,,,:victory:,,,,,:),,,,,:victory:,,,,,,,,,,,


منور اخوي مستثمر

جعل عيني ما تبكيك

[بن غنيّم]

ياخوك المشكله مهب بس في قطر حتى في الامارات تشوف مكان القريه العالميه كانت في نهايه شهر 1 كلها فقع
زبيدي لكن من حطوها وقاموا يبنون قطعوا عنا الفقع الله يسامحها صرنا ندورها في اماكن ثانيه والحمدلله نلقى
كميه طيبه وعلى طول انظفه ونطبخه يا مجبوس ولا صالونه ياسلام ..... ومن سنتين شاري من واحد كان يبيع الكيلو على 1000 درهم والفقع كان كبير الشيوخ قالطينه عليه وهو قام يبيع ....

[بوحمد111]

ياخوك المشكله مهب بس في قطر حتى في الامارات تشوف مكان القريه العالميه كانت في نهايه شهر 1 كلها فقع
زبيدي لكن من حطوها وقاموا يبنون قطعوا عنا الفقع الله يسامحها صرنا ندورها في اماكن ثانيه والحمدلله نلقى
كميه طيبه وعلى طول انظفه ونطبخه يا مجبوس ولا صالونه ياسلام ..... ومن سنتين شاري من واحد كان يبيع الكيلو على 1000 درهم والفقع كان كبير الشيوخ قالطينه عليه وهو قام يبيع ....


هلابك اخوي بوغنيم ومثل ما قلت في كل مكان الغلا منتشر والله المستعان ويبي لنا زيارة لكم ونشوف الفقع الزين اللي عندكم

[باسكن روبنز]

3 أرباع الفقع بالسـوق وهذا ان ماكان كله ،

مخـزن من العــام لكثرتـه وقاعدين يصرفون الموجود مع بدايـة الشتـا ،

الفقعه تمسكها يابسه ومافيها ريحه ومالها طعـم كنك تاكل علولم ،

حاسبـوا ياجماعــه ،

[الأرجنتيني]

الفقع غالي ؟؟ ليش ؟؟

لازم نشتريه ؟؟ لا !

اللهم لك الحمد محد ميت من الجوع

ياناس ياشعب ياهل قطر اقرأوا هذه القصه لعلها تفيدكم :

استيقظ الشعب الأرجنتيني صباح أحد الأيام وإذا بتجـّار الدواجن والبيض قد اتفقوا على رفع سعر البيض كلهم مرة واحدة ، عقدوا اتفاقهم دون أن يفكروا في لحظة واحدة أن هناك من لا يستطيع أن يجد قوت يومه وأن هناك من يكّد النهار والليل ليسـّد رمق أطفال جياع هل تعلمون لماذا ؟ لانهم تجـّار جشعين حثالة لايهمم إلا أن يملئوا جيوبهم بأموال الناس كيفما اتفق .
فماذا حصل بعد ذلك ؟
الشعب الأرجنتيني شعب متطور وشعب يفهم الحضارة ويعرف القوانين ،، لقد كان المواطن الارجنتيني ينزل الى السوبرماركت ويأخذ البيض وعندما يجد سعره مرتفعاً فإنه يعيده إلى مكانه ويقول : لا بأس ،ليس هناك داع للبيض حالياً ، لايضر أبنائي إن تركوا البيض لفترة بسيطة ، فالأكل ولله الحمد متوفر ،، كان هذا هو حال جميع المواطنين الأرجنتينيين ، لقد كان الشعب الأرجنتيني متفقون فكرياً فيما بينهم فعندما وجدوا ان سعر البيض مرتفع تركوه في السوق.

فماذا تتوقعون انه حصل بعد ذلك ؟
بعد أيام وكالعاده تأتي سيارة التوزيع الخاصة بشركة الدواجن لتقوم بتنزيل الكميات الجديدة من البيض ولكنهم فوجئوا بأن اصحاب المحلات يرفضون إنزال أي كميات جديدة نظراً لأن البيض الذي لديهم مازال كما هو لم ينقص لأن الناس عزفوا عن الشراء ، فقام التجـّار بإعادة الكميات إلى مستودعاتهم وقالوا لنصبر أياماً قليلة لعل وعسى أن يعود المواطنين لشراء البيض ، انتظر التجـار أياماً وانتظر الشعب أياماً وانتظروا وانتظروا ،،، ولكن هل تعلمون من هو الخاسر في فترة الانتظار هذه ؟؟
هل هم المواطنون الذين لم يأكلوا البيض ؟؟
أم حثالة التجـّار الذين رفعوا سعر البيض ؟؟

ولا تنسوا أن الدجاج خلال فترة الانتظار مازال يبيض ويبيض ويبيض فالدجاج واصل إنتاجه وتورط حثالة التجـار بالبيض الذي ملأ الدنيا فقد تكدّس البيض في الثلاجات والمخازن والمستودعات والبقالات دون وجود مشترٍ ، والدجاج الخائن في المزارع قد اتفق مع المواطنين وواصل إنتاجه من البيض ولم يتوقف ، وأصحاب محلات التموين لم يطلبوا أي طبق بيض فالبيض الموجود لديهم بالأسعار الجديدة مازال متسمّراً في الرفوف ،، وبعد عدة أيام اتفق التجـّار الحثالة ولكن هذه المرة اتفاقاً جديداً وهو بيع البيض بسعره السابق قبل الارتفاع ،، ولكـّن الشعب الأرجنتيني الأبّي رفض أن يشتري البيض مرة أخرى ،، وذلك لكي يتأدب التجـّار ولا يعودوا لمثلها ،، فعاد التجـّار وخفضوا من سعر البيض مرة أخرى ولكن الشعب العظيم لم يشتري البيض . فكاد عقول التجـّار أن تزول ، فالخسائر تتراكم والموت قادم
وليش تحط راسك براس الشعب الأرجنتيني .
أخيراً وبعد كل هذا اتفق حثالة التجّار الخاسرين وهم خاسئين بأن يبيعوا البيض بربع سعره قبل الارتفاع مع تقديم اعتذار رسمي للشعب في الصحف بعدم تكرار ماحدث واصبح الشعب الأرجنتيني العظيم فائزاً في معركته مع التجار وفائزاً بأنه يشتري البيض بخصم 75% من سعره الأصلي . وهنيئاً للشعب الواعي ، الشعب المتفق فكرياً والعارف بمصلحته ،، لقد مسحوا وجوه التجـّار بالتراب وداسوا عليهم بأقدامهم .

[بوحمد111]

3 أرباع الفقع بالسـوق وهذا ان ماكان كله ،

مخـزن من العــام لكثرتـه وقاعدين يصرفون الموجود مع بدايـة الشتـا ،

الفقعه تمسكها يابسه ومافيها ريحه ومالها طعـم كنك تاكل علولم ،

حاسبـوا ياجماعــه ،


مرحبا بك باسكن روبنز

كلامك اتوقعه صحيح او مثل ما قالوا بعض الاخوان في البدايه ينقون الزين والباقي ينشرونه في السوق

[بوحمد111]

الفقع غالي ؟؟ ليش ؟؟

لازم نشتريه ؟؟ لا !

اللهم لك الحمد محد ميت من الجوع

ياناس ياشعب ياهل قطر اقرأوا هذه القصه لعلها تفيدكم :

استيقظ الشعب الأرجنتيني صباح أحد الأيام وإذا بتجـّار الدواجن والبيض قد اتفقوا على رفع سعر البيض كلهم مرة واحدة ، عقدوا اتفاقهم دون أن يفكروا في لحظة واحدة أن هناك من لا يستطيع أن يجد قوت يومه وأن هناك من يكّد النهار والليل ليسـّد رمق أطفال جياع هل تعلمون لماذا ؟ لانهم تجـّار جشعين حثالة لايهمم إلا أن يملئوا جيوبهم بأموال الناس كيفما اتفق .
فماذا حصل بعد ذلك ؟
الشعب الأرجنتيني شعب متطور وشعب يفهم الحضارة ويعرف القوانين ،، لقد كان المواطن الارجنتيني ينزل الى السوبرماركت ويأخذ البيض وعندما يجد سعره مرتفعاً فإنه يعيده إلى مكانه ويقول : لا بأس ،ليس هناك داع للبيض حالياً ، لايضر أبنائي إن تركوا البيض لفترة بسيطة ، فالأكل ولله الحمد متوفر ،، كان هذا هو حال جميع المواطنين الأرجنتينيين ، لقد كان الشعب الأرجنتيني متفقون فكرياً فيما بينهم فعندما وجدوا ان سعر البيض مرتفع تركوه في السوق.

فماذا تتوقعون انه حصل بعد ذلك ؟
بعد أيام وكالعاده تأتي سيارة التوزيع الخاصة بشركة الدواجن لتقوم بتنزيل الكميات الجديدة من البيض ولكنهم فوجئوا بأن اصحاب المحلات يرفضون إنزال أي كميات جديدة نظراً لأن البيض الذي لديهم مازال كما هو لم ينقص لأن الناس عزفوا عن الشراء ، فقام التجـّار بإعادة الكميات إلى مستودعاتهم وقالوا لنصبر أياماً قليلة لعل وعسى أن يعود المواطنين لشراء البيض ، انتظر التجـار أياماً وانتظر الشعب أياماً وانتظروا وانتظروا ،،، ولكن هل تعلمون من هو الخاسر في فترة الانتظار هذه ؟؟
هل هم المواطنون الذين لم يأكلوا البيض ؟؟
أم حثالة التجـّار الذين رفعوا سعر البيض ؟؟

ولا تنسوا أن الدجاج خلال فترة الانتظار مازال يبيض ويبيض ويبيض فالدجاج واصل إنتاجه وتورط حثالة التجـار بالبيض الذي ملأ الدنيا فقد تكدّس البيض في الثلاجات والمخازن والمستودعات والبقالات دون وجود مشترٍ ، والدجاج الخائن في المزارع قد اتفق مع المواطنين وواصل إنتاجه من البيض ولم يتوقف ، وأصحاب محلات التموين لم يطلبوا أي طبق بيض فالبيض الموجود لديهم بالأسعار الجديدة مازال متسمّراً في الرفوف ،، وبعد عدة أيام اتفق التجـّار الحثالة ولكن هذه المرة اتفاقاً جديداً وهو بيع البيض بسعره السابق قبل الارتفاع ،، ولكـّن الشعب الأرجنتيني الأبّي رفض أن يشتري البيض مرة أخرى ،، وذلك لكي يتأدب التجـّار ولا يعودوا لمثلها ،، فعاد التجـّار وخفضوا من سعر البيض مرة أخرى ولكن الشعب العظيم لم يشتري البيض . فكاد عقول التجـّار أن تزول ، فالخسائر تتراكم والموت قادم
وليش تحط راسك براس الشعب الأرجنتيني .
أخيراً وبعد كل هذا اتفق حثالة التجّار الخاسرين وهم خاسئين بأن يبيعوا البيض بربع سعره قبل الارتفاع مع تقديم اعتذار رسمي للشعب في الصحف بعدم تكرار ماحدث واصبح الشعب الأرجنتيني العظيم فائزاً في معركته مع التجار وفائزاً بأنه يشتري البيض بخصم 75% من سعره الأصلي . وهنيئاً للشعب الواعي ، الشعب المتفق فكرياً والعارف بمصلحته ،، لقد مسحوا وجوه التجـّار بالتراب وداسوا عليهم بأقدامهم .


كفيت ووفيت اخوي الارجنتيني بطرحك هذا المثل وياريت يتطبق عندنا ولو حتى القله القليله تطبق هذا المثل كان الامور بتكون بخير

والله المستعان