مصنع خرسانة - اسعار مواد البناء

[Riku3]

السلام عليكم ورحمة الله وبركاته ..

ترددت في البداية في طرح الموضوع ولكن ماعندي خبرة كثيرة وما اعرف وين ممكن القى اجابات لهالاسئلة فحبيت ابدء من هالمنتدى الطيب ..

قريب لي يريد نقل مصنع خرسانة بالكامل من الامارات الى قطر بالمعدات وكل الادوات وهو جاهز للعمل .. يسأل كم عدد مصانع الخرسانة الجاهزة لدينا حالياً وهل تغطي السوق القطري ؟

وسؤلي الثاني .. ماهي اسعار المواد :

الطابوق 8 انش .. سولد - هولو
طن الحديد
الادوات الصحية
الاصباغ
..الخ

يعني ابي صورة عامه لو حد عنده خبرة وممكن يفيدني .. لان في تفكير للمستقبل حالياً بس ابي اخذ فكرة وخبرة بالبداية .

تحياتي .

[شموخ دائم]

,

,


اخوي الكريم


الاسئله سهل الاجابه عليها وليست مهمه كثير
لانها ليست العقبه ولا هي مشكله للنشاط

المشكله الرئيسيه في قطر لمصانع الخرسانه هو

1- رخصه النشاط
2- ارض في الصناعيه مخصصه للردي مكس وسعر الايجار
3- الحصول على الاسمنت باسعار المدعوم

المشكله لاخيره ان المشاريع الكبيره تاخذ رخصه ردي مكس في مكان المشروع
على سبيل المثال
مشروع اللؤلؤه عملوا مصنع ردي مكس خاص لمشروعهم وانتاجه لهم

وعندك مدينه الوسيل انعمل ردي مكس خاص لهم ولا يحتاجون شي من السوق المحلي

وقيس على ذلك المشاريع القادمه الكبيره اتوقع راح يعملون نفس الحكايه

مواد البناء

اخوي الكريم تعرف ان مواد البناء والمواد الصحيه اكثر من 70 صنف ونوع
تقدر تطلب ( كوتيشن ) عرض سعر من احد المحلات المعروفه بقطر وتعرف كل الاسعار
بشكل صحيح وتكون المعلومه بيدك معلومه صحيحه احسن من نكتبها لك بالمنتدى

عندك شركه العاصمه
شركه الفيروز
شركه القمر
نابينا
اخوان محمد
المناعي

اطلب عرض سعر منهم واخذ المعلومه من مصدرها حتى تبني عليه قرارك

المعلومه الاخيره قطر تستورد مواد البناء من 3 مصادر

الامارات
السعوديه
الصين

والمنافسه قويه في هذا النشاط كل شارع تلاقي فيه محل لبيع الادوات الصحيه

والمعلومه الخطيره
ما تقدر تنافس الهنود ذولا لسبب
تلاقيه محل صغير وعنده دفتر قديم يسجل عليه ويمكن يسجل على طرف كرتونه سجاير فاضي ويحسب بالقلم
ولكنه مضبط نفسه مع 6 او 7 شركات مقاولات يبيع عليهم ويدفع كوميشن للمهندسين الي بالمقاولات
يعني حتى لو قدرت تبيع ارخص منه محد بيجيك :) ولو رتبت شغلك كمبيوترات وبار كود وسيريل نمبر ( ودلفري اوردر ) وايصالات وسند قبض
وشغل متعوب علىه حسب ارقى الشغل مافي فايده حتى الدريول الي يجيهم من البيوت يدفعون له كميشن وذلك تلاقي سائقك بالبيت ما يجيب
الا من مكان محدد :)
الشغل كله تحت الطاوله للاسف

,

,


اخوك


شموخ دائم

[فواز1976]

تحياتي للاخ شموخ دائم على تواصله الدائم مع الاعضاء والرد على استفساراتهم باحترافيه وموضوعيه

فعلاً انت بنك من المعلومات والاحسن انك تحاول تفيد الناس بمعلوماتك .... عسى ربي يحطها لك بميزان حسناتك

[Riku3]

بارك الله فيك اخوي شموخ دائم .. الله يجزاك كل خير على الرد الطيب والمساعدة ..

بالنسبة للارض انا بنقله وجهة نظرك الي اشوف انها صحيحة .. وبنشوف هل بيكون على رايه واتابع الموضوع اكثر او نفتح فرع توزيع ونستورد من مصنعه من الامارات، او يلغي فكرة الخرسانة ..

بالنسبة لمواد البناء .. حاولت ابحث عن موقع الشركات في الانترنت بس ماعرفت ..

اعرف مكان نابينا على طريق الوكرة .. بس ما اعرف كيف اطلب الاسعار :s .. هل في رقم معين لشخص في احد هذه المحلات ممكن يرسلي هالمعلومات وتكون جاهزة عنده لان خبرتي في الادوات مازالت بسيطه .. وشنو اقوله بالضبط علشان يرسلها لي بالفاكس .

[bo_hamad]

البارحه سمعت أن الحديد أرتقع 200 ريال على الطن

[Riku3]

^
^
صحيح .. هالكلام حصل من كم يوم وسمعته لما كنت عند احد التجار الموزعين للحديد .

كل شي هالايام صاير محبط لاي مواطن ان يفكر في دخول السوق او في منافسة الموجودين .. الاسعار تزيد والاحتكار ضاغط على السوق من كل النواحي .