يمــه تكفيــن ارجعــي , بـس هل من متجإآوب ؟

[عرٍيب الساس]

يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟
يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!
يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..
يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمه مريلولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...
يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا
يــمــه
يالله خلاص لاتمزحي
يالله قومي
تعالي معي للبيت ارجعي
يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...
يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..
أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..
\
/
\
/
والله العظيم ابكتني القصيده بجد حزينة
والله يخلي لناا امهـــــــــــاتنااااااا يارب امـــــــــــين


وللآســف ناس مايحسون بها النعمة الي عندهم وهي الام واالاب ,,

نـإآس انولدوا بدون ام ؟

نـإآس صار لهم سنين وسنين ,, وهم في حسرة ,,

تخيل تقضي سنة كاملة , وكله ضيق ودموع وقهر وحسرة ؟

جزإآكم الله خيـر ,, كل واحد يروح لمه يحبها على راسها ويعتذر لها لو ماخطئ في شــي ,,

يضمها يحسسها بالامإآن ,,

لو عمرك 40 سنة لو 20 لو 30 ,,

لو انكم كبـإآر امكم تبي تضمكم على صدرهإـآ ,,

ماتعرفون شالاحساس الي تحس فيه لاضميتوها وخالفتوا ظنونها في ها الشــي تقول كبـار ماراح يضموني

وفجإـآءه تضمونها وتحبونها وتعاملونها معاملة طفـل

مثل ماكانت تعاملكم

يآلله بحـسـن الخـإآتمــة

يالــلــه ترزق والديني بالجنــة

يـآرب ويـأرب ويـأرب

ترحم امهاتنا ,,

ادعوا لهم بالخيـر يستاهلون كـل شــي منكــم ولو بكلمة حـلـوة ,,

الله يهدينـإآ جميــع ويسخرنـإآ لهلنـإآ


القصـيـدة مـنـقـولـة

[ام شوشي]

صحيح مافي اعظم من الوالدين .....يــــــــــارب يحفظهم لنا ويطول بأعمارهم ..اللهم ااااااامين

ومشكورين على نقل تلك القصيدة وجعلها في ميزان حسناتكم......

[بصمة قطرية]

آآآآآآآآآآآآآه
الله يرحمج يا يمه ..
افتقدت دعواتها اللي كنت اسمعها دوووم ..
لين آخر يوم في حياتها ما حرمتني دعوتها ..:weeping:

[اسعاف]

الله يرحم امهاتكم

[حزينه]

فديت امي من كثر ما احبها اذا نامت وايد اطل عليها اشوفها تتنفس او لا ( وسواسيه)

[فيزيائية]

الله يرحم ابوي ويخليلي أمي

يازينها لي دعت لي....

[خطوة]

عسى ربي يطول بعمرها ويمتعها بصحتها

[نوفا91]

عسى الله يطوول باعمارهم وان شاء الله ياخذون كل شهايد هالعالم الا شهاده الوفاااه ..يااااارب

[أخر الدنيا]

الله يرحم والدينا ووالديكم اللهم اميييييييييييييييييييييييييييييييييييين

[الماريّة]

اااااااااااااالله يرحم الميتين منهم ويطول باعمار الحيين منهم يارب

والله يحفظ لكم امهاتكم وابائكم يارب

:(

وانا فقدت الاثنين الام والابو

:(

حتى بيتنا صار مهجور صج ان الوالدين الخير معاهم اذا راحوا
راح خيرهم معاهم

:(

حزنتني اخوي بالقصيده الله يهديك

[المهاجر]

الله يجزيك الخير اخوي

على هالموضوع والدعوى الطيبه

والله يحفظ لنا امهاتنا ويطول باعماره

الام ماتنعوض ودعوتها مكسب لنا

عساها تكون راضيه علينا

يعطيك العافيه

[الجووري]

اللهم البسهم لباس الصحه والعافيه اللهم امييييييين

اللهم وأعنا على برهما حتى يرضيا عنا فترضى

[Xx QATARI xX]

الله يرحمهم ،، راحو الغالييين

[الصريحه]

الله يرحم ابوي
ويطول بعمر الوالده على طاعته ويعينا على برها
امين

[قطرية فذة]

باباين الجنه فقدانهم عظيم

يحفظ الله امي وابي يطول الله بأعمارهم بالصالحات يارب
ويشفيهم مما بهم ويخلي لكم اهلكم يارب

داروا على والدينكم مايتكررون بالدنيا
لو واحد منهم عايش برو به
وان كان مابه ولا واحد منهم
احسنوا لهم

اوجعتمنونا ع الصبح

تحلوا بالجلد
الفقد شر لابد منه لأي شيئ بالدنيا


شكراً لما استتزفتي واضفتي

حفظك الله

[ولد شرق]

اللهم ارحم والدينا رحمة واسعة...

[شبح الصمت]

الله يرحم أبوي ويطول بعمر أمي

الله يرحم آبائنا ويغفر لهم ويسكنهم فسيح جناته يارب ويجمعهم في الحوض مع نبينا محمد صلى الله عليه وسلم

الأم أحن منها وأطيب منها مافي في هالدنيا

قلبها عليك وين ما كنت مهما كبرت في عيونها طفل

يمه أنا كبرت يا وليدي انت توك في عيوني طفــــل يحبي
يمه تراني كبرت متزوج وعندي عيالي مالك غير حناني
يمه تراني منصب وجاه ادري يا وليدي بفـــــضل دعائي
يمه تكفين احبك واحبك واحبك حبتك العافيه يا وليـــدي

:weeping:

[قطريه ماركه]

الله يخليهم لنا ياااااااااارب ....

[نورالهدى]

انا فقدتها الغالية الحنونه
وابوي الاغلى من عيوني الله يرحمه
واخوي الوحيد
الله يرحمهم
انطر متى اروح لهم الدنيا مافيها خير


اللهم لا إعتراض

[سويسرا]

انا بعد اسوي نفسج يوم كنت بنت بس تزوجت وابتعدت عنها
فديت امي من كثر ما احبها اذا نامت وايد اطل عليها اشوفها تتنفس او لا ( وسواسيه)


الله يرحم امهاتكم ويطول في عمر امهاتنا اللي منورين البيت بدعواهم

والله بكيت والله