الحين خبروني فودافون أن الآيفون متوفر بفروعهم بس أريد نصائحكم

[الحلم الصادق]

السلام عليكم

بعد جهد جهيد وتعب ولأي في متابعة فودافون وموقعهم، أخبروني فودافون قبل قليل أن الآيفون 4 متوفر بجميع الفروع بنوعيه 16 و 32 وبإذن الله سأشتري 16 ولكن أريد نصائح من الإخوة الذين اشتروا قبلي: ما هي المشاكل المتوقعة؟ وكيف أتلافاها؟ وماذا أفعل حتى لا تتعطل خدمة الفيس تايم معايا؟ وهل يلزم أن أشتري له كفر حماية ولاصق للشاشة قبل الاستعمال؟ ومن وين؟ وبكم؟ وما هي أفضل الأنواع؟ وأي تفاصيل أخرى حول الاستخدام لأن بصراحة هذه تجربة جديدة بالنسبة لي ونقلة حضارية هههههه فأريد كافة المعلومات حتى لو من مواضيع قديمة بارك الله فيكم

[دفء الجليد]

والله يابوه ...
زين والله بروح اشتري لي بعد ...

بس يا خوي اي تلفون فيه مشاكل بس اهم شيء تلاقي حاجتك فيه

[حمد بن سعد]

اخوي الايفون 4 تلفون ممتاز ومعليه كلام انت تبرز الدوى قبل الفلعه هههههههههههههههه:nice:

انت روح اشتره وبعدين حتى جناح بيركبولك فيه :victory::victory:

وعن تجربتي تلفون ممتاز والله:nice:

والله يوفقنا وياك

[لمعة الالماس]

التلفون روعه واذا حافظت عليه ما يخترب

ولازم تركب لزقات حمايه عشان ما تتزلق الشاشة او ظهر الجهاز

ولزقات الحماية متوفرة في فيرجن

[شبيــه الريح]

سو له جيل بريك واستانس بالبرامج والالعاب

[BuFaisal]

الله يوفقك وتلحق عليه
انصحك اول شيء تحط حامي الشاشة والكفر الكامل .. تلقاه بفيرجن

وبعدين تتأكد ان الفيس تايم شغال ولا لا ..
مع اني ما اعتقد انه شغال لان الاخوان اللي رقوا من 4.1 لـ 4.2 قالوا ان الفيس تايم ما اشتغل

اذا كان نظام الجهاز 4.2 فلا يمكن كسره بالجيلبريك لانهم ما اصدروا جيلبريك لنسخة 4.2 حسب علمي
وان شاء الله اذا نزلوا الجيلبريك 4.2 اكسر الجهاز وشغل الفيس تايم

ملاحظة :
الايفون تبع كارفور وكيوتل شغال الفيس تايم بلا مشاكل والسعر مقارب للفودافون
لكن عيبهم عدم توفر الجهاز

[بوحمد1]

كم سعره ؟؟؟

اذا حد عنده خبر اكيد

[الحلم الصادق]

للأسف رحت فودافون فرع اللولو وفرع مشيرب وما حصلت عندهم شي، واتصلت فيهم وهاوشتهم وقالوا هذه المعلومة اللي كانت عندنا انه متوفر، قلت لهم هذي ثاني مرة تصير لأني يوم الجمعة نفس الشي قالوا لي متوفر ورحت فرع اللاند مارك وقالوا لي مافي!! قلت لهم ليش ما يتوفر عندكم نت وورك تقدروا تعرفوا لو خلصت في الفروع وللا لا قالوا لي ما نقدر نسوي الشيء هذا!! سبحان الله شركة اتصالات وما عندها نت وورك لو راعي البقالة بسوي نت وورك مع بقالة ثانية!!!

[مرتبش]

من حوالي اسبوعين
كان متوفر في فودافون ستي سنتر
لكن بشرط الاشتراك في خدمتهم الشهرية ..بحساب بنكي
وسعره كان 3300 اظن كان 32 جيجا

ستارلنك عنده بسعر 3999 ريال و 32 جيجا.. يقول البائع الفرق انه الفيس تايم شغال وهذا سبب فرق السعر.. وانا الصراحة ماعندي فكرة
اي سبوت في الستي ماكان متوفر بس سعره 2900 لل 16 جيجا

[الحلم الصادق]

كم سعره ؟؟؟

اذا حد عنده خبر اكيد

في فودافون 16 قيقا 2850 مع ميكروسيم + باقة 110 + 300 قيقا انترنت
32 قيقا مع نفس الأشياء هذه بي 3350

[الحلم الصادق]

يا جماعة فيرجن هذا وين مكانه؟ اللي في فلاجيو؟

[الحلم الصادق]

أشكركم إخوتي كل الذين ردوا علي

[حمد بن سعد]

يا جماعة فيرجن هذا وين مكانه؟ اللي في فلاجيو؟

عند كارفور في الاند مارك كشك اصغير كنهم ايبعون كشري ههههههههههههههه

[(البرنس)]

الايفون مب موجود مخلص

[BuFaisal]

ستارلنك عنده بسعر 3999 ريال و 32 جيجا.. يقول البائع الفرق انه الفيس تايم شغال وهذا سبب فرق السعر..

الايفون 4 من كيوتل وكارفور ايضا يشغل الفيس تايم وسعرهم 2850 لـ 16 جيجا و 3350 لـ 32 جيجا
ما اعتقد ان هذا سبب مقنع لرفع السعر بل مجرد استغلال
-----------------------------------------------------


عند كارفور في الاند مارك كشك اصغير كنهم ايبعون كشري ههههههههههههههه

هذا ماكس يا الطيب ماهو فيرجن
الفيرجن هو المحل اللي بجنب كشك ماكس وهو محل كبير نسبيا ماهو صغير

[MBI]

اليوم شريت ايفون 16 من المخازن الكبرى ب 2999 وفيه فيس تايم