المساعد الشخصي الرقمي

مشاهدة النسخة كاملة : قناة براعم للاطفال ....... ماذا تريدون لاطفالنا؟؟!!!!



طريق سلوى
28-12-2010, 09:32 PM
اليوم :الثلاثاء
التاريخ:28|12|2010
الوقت: 9,10 مساء

صادف اني كنت جالس مع العيال وهم يتابعون (حكايات تنغا تنغا) على قناة براعم للاطفال،وباختصار كانوا مطلعين مجموعة من الحيوانات وان الليل مظلم وهم يبحثون عن القمر والنجوم ،وبعد ذلك ظهر نقار الخشب واخذ ينقر فتحات في السماء بمعنى انها النجوم وبعد ذلك نقر على شكل دائرة وبعده انفتحت الدائرة على انها القمر، وبعده ظهرت الحيوانات تشكر نقار الخشب لانه جلب القمر والنجوم وانار ليلتهم.

رسالة للقناة: اتقوا الله في انفسكم
رسالة للوالدين: سووا ديليت للقناة وانا اولكم

الدبلوماسيـه
28-12-2010, 09:36 PM
مع احترآمي لوجه نظرك

يبقى مجرد كآرتون ..

وترى هالاشياء توسع خيآل الطفل

ما اتوقع انه له ضرر على يقينهم بان النجوم والقمر وكل شي من صنع الله

حتى على زمانا كان الكرتون بنفس الطريقه ( بس احنا مال اول )., ناس اتطير بمظله وحصان يطير ..قوري يفتح لك عالم ثاني ..

صاحب حق
28-12-2010, 09:45 PM
وأنا بعد هذي قناه مع أني خايف منها بس الحقيقة من أفضل القنوات لحد ألحين بل أفضلها (للأطفال)
حتى القنوات اللي يقولون إسلاميه ما فيها فايده بس فالحين في الأناشيد ما فيه أبدا شئ مفيد وإذا قدموا مفيد لا ياراعون المستويات العمريه

شبه الملاك
29-12-2010, 12:03 AM
انا اشوف انه القناه جيده واذ كانت فيها سلبيات من وجهة نظرك لابد ان تكون بها ايجابيات
وان اشوف الاطفال يحبونها ويتعلمون اشياء حلوه من خلالها

ahad
29-12-2010, 12:23 AM
بالعكس اخوي مفيدة مفيدة بمعنى الكلمة

مرة قعدت افكر بس في برنامج اسمه ( راسم ) على براعم يرسم اي حيوان في الدفتر ويامره بالتحرك وفجاة يتحرك ويتكلم

بس عقب قلت كرتون وبس ومصيره الياهل بيعرف ان الله سبحانه وتعالى وحده القادر على ذلك

بوخالد911
29-12-2010, 12:24 AM
الله يعيينا بس

نوفا91
29-12-2010, 01:21 AM
انا عندي اعتراض ع اسمها بس يعني ليش براعم حطوهم اشبال والا ناشئين ..

Xx QATARI xX
29-12-2010, 01:45 AM
مع احترآمي لوجه نظرك

يبقى مجرد كآرتون ..

وترى هالاشياء توسع خيآل الطفل

ما اتوقع انه له ضرر على يقينهم بان النجوم والقمر وكل شي من صنع الله

حتى على زمانا كان الكرتون بنفس الطريقه ( بس احنا مال اول )., ناس اتطير بمظله وحصان يطير ..قوري يفتح لك عالم ثاني ..


اما القوري ههههههههههاااااي زين ماطلع لنا كرك ذيك الايام

الدمعه
29-12-2010, 10:00 AM
هو بس علينا احنا نعلم عيالنا ان الله الخالق والله الرازق ..

وان هاي بس رسوم للترفيه ومب صج الافكار اللي فيها ..

وسبحان الله الياهل ذكي وحسب ماتوجهه بيعرف طريجه صح ..

واحب هالقناة والحمدلله اليهال من اذان العشا راقدين ومرتاحين ...

حتى احنا يوم صغار شفنا افلام كرتون وايد .. بينوكيو , طم طم , سندريلا ,

غرندايزر ,الرجل الحديدي , باربا بابا وماما ,وغير فقرات الكرتون اللي

مااعرف اسمهم بالانجليزي كانت .. كلها خيال وخيال .. بس تعدينا هالمرحله

وفهمناها ..

Rider
29-12-2010, 10:22 AM
عيل قناة طيور الجنة الي مافيها الا الموسيقى والرقص تعلم الأطفال الرقص والموسيقى حرام يكون هذا اسمها

الطائر الحائر
29-12-2010, 10:44 AM
مع احترآمي لوجه نظرك

يبقى مجرد كآرتون ..

وترى هالاشياء توسع خيآل الطفل

ما اتوقع انه له ضرر على يقينهم بان النجوم والقمر وكل شي من صنع الله

حتى على زمانا كان الكرتون بنفس الطريقه ( بس احنا مال اول )., ناس اتطير بمظله وحصان يطير ..قوري يفتح لك عالم ثاني ..

مع احترامي لوجة نظرك ...
اذا قلنا مجرررد كارتون ... هل يجوز عمل كرتوني الاستهزاء بالدين او بالصحابة او بـ......
اتق الله في كلامك لان مرحلة الطفولة بداية التربية ، وعلينا نحن كمسلمين تربية أولادنا على العقيدة الصحيحة السليمة .
ومثل هذه القنوات تدس السم في العسل .
أسأل الله أن يحفظنا ويحفظ اعيالنا . آمين

Hamad7788
29-12-2010, 10:49 AM
قناة براعم والجزيرة للاطفال

أفضل قناتين وأ أمن قناتين للأطفال

تقدر اتخلي الطفل يشوف القناة بروحه بدون اي مراقبه

لانها قنوات تعليمية وترفيهيه واهم شي فيها انها ماتعرض لقطات مخله للآداب مثل القنوات الثانيه

ركان
29-12-2010, 11:02 AM
هنا يبدأ دورك أخوي صاحب الموضوع في التوجيه والتعريف بالله الخالق , أحنا كآباء نبدأ نعلم عيالنا بوجود الله سبحانه وهو القادر والخالق والرازق وان الله سبحانه فوق كل شي , يعني ما نخلي كل شي على القنوات التعليمية وتأكد أن الأبناء عندهم أستجابك لتوجيهات الآباء أكبر من أستجابتهم لتوجيهات القنوات التعليمية
تقبل تحيتي

الماريّة
29-12-2010, 11:05 AM
صحيح اخوي

تربية الابناء وتوجيهم وتعليمهم لازم يكون من الوالدين

لاتخلونهم يعتمدون على افلام الكرتون

وفهموهم ان هذا كله كذب وخدع ومش صحيحه

على ايامنا بالفعل كنا نشوف الرسوم عيل نسيت
ياسمينه مع السندباد الي تتكلم واخر شئ طلعت بنت مسحورة

ليش ماصدقناها وعرفنا انها مجرد فلم

:)

shmokh
29-12-2010, 12:06 PM
ولا تنسنون قناة نيكولودين تراها غزو وثقافه تعري وحب وغرام ياليت كل اب يمسحها

qatari1
29-12-2010, 12:58 PM
عنوان الموضوع مدوي!

لكن المحتوى..مختلف!

إمسح القناة، وريح راسك، وراسنا!

ولد يافع
29-12-2010, 01:43 PM
اليوم :الثلاثاء
التاريخ:28|12|2010
الوقت: 9,10 مساء

صادف اني كنت جالس مع العيال وهم يتابعون (حكايات تنغا تنغا) على قناة براعم للاطفال،وباختصار كانوا مطلعين مجموعة من الحيوانات وان الليل مظلم وهم يبحثون عن القمر والنجوم ،وبعد ذلك ظهر نقار الخشب واخذ ينقر فتحات في السماء بمعنى انها النجوم وبعد ذلك نقر على شكل دائرة وبعده انفتحت الدائرة على انها القمر، وبعده ظهرت الحيوانات تشكر نقار الخشب لانه جلب القمر والنجوم وانار ليلتهم.

رسالة للقناة: اتقوا الله في انفسكم
رسالة للوالدين: سووا ديليت للقناة وانا اولكم

صح كلام الدبلوماسية بغض النظر هذا كرتون ويفتح عقول الاطفال وبعدين عشان الطفل لو ما يعرف يسال ايش هو شمس وايش هو قمر ...

بو الجوري
29-12-2010, 01:48 PM
انا عندي اعتراض ع اسمها بس يعني ليش براعم حطوهم اشبال والا ناشئين ..


ههههههههههههههههههههههههههههههههههههههههههههههه

ابو ضمير
29-12-2010, 02:02 PM
مشكور بس ايش معنات ديليت سالت الوالده عنه قالت يمكن اكله شعبية:rolleyes2:

%حورية قطر%
29-12-2010, 02:54 PM
بصراحة انا احب قناة براعـــــم واشوفها قبل عيالـــي:shy: .. وحتى اغنية براعم القصيرة اللي تخص القناة ونيسة:shy:
انا اشووف القنــــاة فيها اشيا مفيــدة واحسن من غيرها من القنوات ,,,
ومثل ماقالوا بقية الاعضاء هاي خيالات كرتونية ومجردرسوم والله ماتوقع وراها غرض معين ..

%حورية قطر%
29-12-2010, 03:00 PM
ولا تنسنون قناة نيكولودين تراها غزو وثقافه تعري وحب وغرام ياليت كل اب يمسحها


فعلا نيكولودين للاطفال :thumbdown: .. مسلسلات كرتونية للاطفال تخصص حب وغزل :anger1:

ام السعف
29-12-2010, 03:06 PM
عنوان الموضوع مدوي!

لكن المحتوى..مختلف!

إمسح القناة، وريح راسك، وراسنا!

:eek5::eek5::eek5:

ام السعف
29-12-2010, 03:54 PM
فعلا نيكولودين للاطفال :thumbdown: .. مسلسلات كرتونية للاطفال تخصص حب وغزل :anger1:


لاحظت على اليهال عندي في البيت الفترة الآخيرة تعلقهم بالقناة هذي
وبناء على ما اسمعه واقراه ،، كنت اقول لهم لا تحطون هالقناة
لا تحطون هالقناة ،، لين آخر مرة شفتهم متعلقين في القناة ومن غير
ما اتأكد من القناة ومحتواها قلت لهم :ذيه الانذار الاخير ،،
القناة هذي ما بيها تنفتح في البيت ،، و اذا على السفونج بوب قلت لهم
باشتري لكم دي في دي ونسكر على الحجة اللي تخليكم تفتحون لي هالقناة ،،

اول مرة اسكر شي قبل ما اتأكد منه بشكل خاص ،،
وبحاول اشوف القناة على شعة علشان اتأكد من محتواها ،،،

ذيب ولد ذيب
29-12-2010, 03:59 PM
اخوي انا اشوفه موضوع عادي , هذي الاشياء راح يتعلمها منك اذا صار عمره 4 سنين او اكثر لما تسولف معه , وراح يعرف الصح والخطأ من ابوه وامه ومجالس الشياب الي فيها سوالف طيبه ,,

على سبيل المثال لو البنت رأت امرأه سافره , طبعاً اذا الام والاب جالسين المفروض يعلقون على هذي المره ويعلمون البنت وهي صغيره ان هالمره غلطانه ؟ كيف تطلع سافره لاتلبس الحجاب , او لو وحده لابسه حجاب الي يستر نص و يكشف الاخر او عباءه ضيقه , المفروض الام تنبه البنت ان تصرف فلانه او تلك المرأه خاطئ ,, وان هالتصرف يغضب الله ولايرضي به الام والام وهكذا ؟,,

%حورية قطر%
29-12-2010, 04:11 PM
لاحظت على اليهال عندي في البيت الفترة الآخيرة تعلقهم بالقناة هذي
وبناء على ما اسمعه واقراه ،، كنت اقول لهم لا تحطون هالقناة
لا تحطون هالقناة ،، لين آخر مرة شفتهم متعلقين في القناة ومن غير
ما اتأكد من القناة ومحتواها قلت لهم :ذيه الانذار الاخير ،،
القناة هذي ما بيها تنفتح في البيت ،، و اذا على السفونج بوب قلت لهم
باشتري لكم دي في دي ونسكر على الحجة اللي تخليكم تفتحون لي هالقناة ،،

اول مرة اسكر شي قبل ما اتأكد منه بشكل خاص ،،
وبحاول اشوف القناة على شعة علشان اتأكد من محتواها ،،،

ام السعف الحين سبونج بوب صار ينعررض على قناة ام بي سي 3 خلي عيالج يشوفونه على هالقناة ابرك من نيكولودين:)

شمس
29-12-2010, 04:14 PM
انا استغرب الافكار الدخيله مع ان البرامج مفروض منتقاه ولا ما اعتقد قبل شفنا افلام كرتون تمس كيفية ايجاد المخلوقات اذا الغرب تناولها فلانه يبحث عن الحقيقه اما احنا فالمفروض نصدر لهم افلام بافكار اسلاميه

سويسرا
29-12-2010, 04:24 PM
الله يرحم توم وجيري وفلونا وليدي ليدي وجورجي وبنبن وتوم سوير واوسكار وجراندايزر

qatari1
30-12-2010, 02:24 AM
:eek5::eek5::eek5:

صار لج فترة تتنقشرين فيني:anger1:

في راسج شي:waiting:

:)

ام السعف
30-12-2010, 08:16 AM
ام السعف الحين سبونج بوب صار ينعررض على قناة ام بي سي 3 خلي عيالج يشوفونه على هالقناة ابرك من نيكولودين:)

بشكل عام غرفة القعدة ما يفارقها الام بي سي ثري ،، بس مب عارفة للحين
السبب اللي خلاهم يحولون على نيكولودين وخاصة هالزعبوط الصغير
احتمال تلقينه يفرفر ويدور الاسفونج بوب في كل مكان ،،
على العموم ان القرار انصدر خلاص ،، وبقى اتأكد من محتوى القناة الثانية
اللي اسمها نيكولودين ،،
بس سمعت من بنتي ان نيكولودين لهم اعلان في ام بي سي 3 :secret:

ام السعف
30-12-2010, 08:18 AM
صار لج فترة تتنقشرين فيني:anger1:

في راسج شي:waiting:

:)

اوبس
لا ابدا مافيه شي ،، بس كنت اشوي منصدمة وراحت الصدمة الحين :shy:

ام السعف
30-12-2010, 08:22 AM
الله يرحم توم وجيري وفلونا وليدي ليدي وجورجي وبنبن وتوم سوير واوسكار وجراندايزر

ااااه يا اجمل سنوات العمر

http://www.asdaff.com/imgcache2/6332.gif

الدمعه
30-12-2010, 09:26 AM
ااااه يا اجمل سنوات العمر

http://www.asdaff.com/imgcache2/6332.gif


هههههههههههه ذكرتيني يوم ضرسه يعوره ربطه بالباب .. سوينا مثله ههههههههههههههه

ام السعف
30-12-2010, 09:35 AM
هههههههههههه ذكرتيني يوم ضرسه يعوره ربطه بالباب .. سوينا مثله ههههههههههههههه

هذا حبيبي والله ،، خاطري ارد اشوفه من اول حلقة لآخر حلقة
عجيييييييييييييييبة سوالفه ،، كله بصوب و يوم مع اانجانجو بصوب ،،
والا هاك بو القمل هاها يا زينهم والله قمة البراءة :shy: