مبــــرووووك طبيعة العمل بأثر رجعـــــي

[Xx QATARI xX]

من فتـــرة بسيطة في الدوام،، ما اذكر من معاي قالي مبروك الزيادة باثر رجعي على طبيعة العمل ،، واشوف اغلب الموجودين مبسوطين بالخير .. الزيادة طبعا في طبيعة العمل ،، وبداية استحقاقها اعتبارا من اغسطس 2010 ،، وتم صرفها في نهاية اكتوبر 2010
يعني الاثر الرجعي شهرين (2) فقط

نرجع حق قانون الموارد البشرية وتاريخ تنفيذه 01/04/2009 لين 31/10/2010
يعني سنه ونص (18 شهر ) مب شهرين

انا واحد من اللي تضررو بموضوع بدل السكن وكان تنفيذ القانون من بداية السنه المالية في 2009 وفي الشهر نفسه ، تم خصم المبالغ المخصصه للموظفين من بدل السكن وصرف مايستحقونه فقط بالقانون الجديد ( ليش ماصرفتو طبيعة العمل والعمل الاضافي ؟؟ )
وليش يوم تم التصريح عن صرف بدل طبيعة العمل قال ( اعتبارا من 01/08/2010 )

المشكله انه فيه ناس تفرح بالشي البسيط ،، لكن التفكير في الحقوق عملية صعبه

فيه واحد بيقولي حتى لو تكلمنا من بيسمعنا ،، مب شرط حد يسمعنا بس على الاقل عندنا ثقافه المطالبة بالحقوق ،، والواحد يتكلم بالقانون ،، دام انه فيه قانون انا تكون مطالبي من خلال القانون ،، والثغرات بالهبل
___ ___ ___ ___________ _____________ ____ ____

الموظفين في الوزارات استفادوا من القانون ونقول لهم يستاهلون ،، وفيه منهم انظلمو انقول لهم الله يعينكم

احنا في الهيئات الظلم صار علينا ظلمات ،، استغفر الله العظيم
تعديل الدرجات طلع علينا اغلى من بيع السوق ،،، اللي راتبه الاساسي عالي = ذنبه
ولا اتجيه العلاوه الدوريه ،، لكن بتجيه ،، بس مته ؟؟ اذا اللي معاه في نفس الدرجه صار راتبهم مثله ،، ذيك الساعه هو اتجيه العلاوه الدوريه وياخذ الدرجه الجديده ... دور ربعك


طبيعة العمل الجديده المفروض تنصرف لي على راتبي الاساسي يعني ينزل لي شهريا 3500 ريال

اول مانزل المبلغ كان ناقص - - والي نزل 2750 ريال
يوم استفسرت ليش الفلوس ناقصه قالــــــــــــــــوا لي
ينزل لك المبلغ على اساس الدرجه ومب الاساسي

على فكـــره ،، القطري ،،، في الوزارات والاجهزة الحكومية
ماينصرف له بدل المدارس حق عياله
ماينصرف له التامين الصحي
ماينصرف له تذاكر روحه ورده
راتبه الاساسي الله بالخير ( مقارنة مع بوعيون زرق )

اذا مستخسرين فيني 750 ريال وهي من حقي ؟؟ شلووون بيعطونا ذيه كله
ايه نسيت ،، ينصرف له راتب اساسي اذا طلع اجازه بسسسسسسسسسسس

ياهــــل قطر اللي ماسكين امورنا في هالموضوع -- دعوة واحد مظلوم مابينها وبين الله حجاب
خافو الله في عيالكم

للجمــــــــــــيع تحياتي

[بوخالد911]

تستاهلوون كل خيير

[ahad]

على فكـــره ،، القطري ،،، في الوزارات والاجهزة الحكومية
ماينصرف له بدل المدارس حق عياله
ماينصرف له التامين الصحي
ماينصرف له تذاكر روحه ورده
راتبه الاساسي الله بالخير ( مقارنة مع بوعيون زرق

من يحل لي هاللغز ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟


ليش وشمعنى واحنا لا:anger1:

[بوخالد911]

من يحل لي هاللغز ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟


ليش وشمعنى واحنا لا:anger1:



مررة رحت عيادة أسنان


اول ما شافني الموظف قالي ووين بطاقة التأمين الصحي؟

قلت له ما عندي

قال ليش؟


قلت له لأني قطري


:weeping::weeping::weeping:

[Xx QATARI xX]

على سبيل المثال ،، تبون تشوفون شلون هل قطر يستانسون
وينسون حقوقهم ،، دشو على هالموضوع

http://www.qatarshares.com/vb/showthread.php?t=424779

ياركم الله

[مالي ومال الناس]

موضوعك في الصميم , واتمنى رد من الخبراء القانونيين

[لاجل QT]

على الاقل عندنا ثقافه المطالبة بالحقوق ،، والواحد يتكلم بالقانون ،، دام انه فيه قانون انا تكون مطالبي من خلال القانون ،، والثغرات بالهبل

:nice:

[al.wajbah]

ياليت أي عضو له خبرة بالقانون ينورنا

أو ياليت المنتدى يستضيف خبير قانوني يرد على أسئلة الأعضاء المتعلقة بقوانين العمل واللي الكثير منا يجهلها للأسف :(

انا بصراحة أضيع في هالأمور !!

[هارون الرشيد]

بالتوفـــيق

[مساهم عادي]

انا مب قانوني .. لكن حسب ماقريت وفهمت من القانون .... بأن العلاوة الدورية تستحق في اول ابريل التالي لانقضاء سنة من تاريخ استحقاق اخر علاوة دورية..... راجع المادة (23) من القانون

بمعنى لو ان اخر علاوة دورية استحقيتها كانت على سبيل المثال بتاريخ 1/10/2008 ... زيد عليها سنة بتصير 1/10/2009 ... وعليه فإن العلاوة الدورية القادمة تستحق من 1/4/2010

بس في شرط مهم الا وهو ان راتبك الأساسي لازم مايتجاوز نهاية مربوط الدرجة المالية اللي انت عليها

[ودي أكون]

والله وبصراحه حتى لو عندنا خلفيه واضحه عن الظلم وبين المفروض وبين الواقع !!

بصراحه صعب نتكلم ونحلل .. لان فالأخير راح يقولون .. هذا القانون واحنا كمدراء مانقدر انسوي شي !!

عيل احنا كموظفين شبنسوي !! فأحنا صرنا مثل (( عمـك أصمخ )) ..

بالنسبـــة للقانون في ثغرات كثيره .. هو صح عدل اوضاع فئه .. بس ظلم فئه أخرى ..

والواحد بيتكلم عن الظلم في المبالغ والفروقات والخصومات
- والا عن الدرجات والترقيات
- والا عن المسميات
- والا عن التقييمــــات (( بتعكر مزاجكم ودي من على الصبح :tease: )) ..


آلله المستعـــان يأخوي :) .. مالك إلا أنك تسوي مثلنا وتتقبل الواقع بخيره وشره .. (( نصيحه من أخت )) :)

[بوحمد1]

عبنا وحنا نسمع وبنسمع وبعد السمع نسمع وبعديييييييييييييييييييييييييين بيصرفون العلاوه بعد مايسدون نفوسنا من طول الانتظار يالله اهم شئ يارب نلحق على العلاوة قبل فوات الاوان ( التقاعد او بوهامور )

[hamoor4ever]

الدعوه على الظالم اخوي يمكن تنفع وهاذي الحين ملجئنا ومالنا غيره والكلام ماراح يفيد لانهم يدرون بكل شي بس بغيت اقول انا قطري وماعندي تأمين صحي فخافو الله ترى مواعيد مستشفى حمد طويله وكل يوم يمر على هالمريض يدعي فيها وعلى فكره دعوته مستجابه اذا مب بالدنيا في الاخره

[حنان الدنيا]

اوه احنا لين الحين ننتظر طبيعه العمل هاذي اللى مايندرى متى بينزلونها لنا

بس في شى لفت انتباهي للقانون بخصوص منحه الاجازة

هذا نص القانون ((يمنح الموظف القطري منحه اجازة دوريه تعادل راتب شهر واحد عن كل سنه

بشرط قيام الموظف بالاجازة الدوريه))


سؤالي دام المنحه راتب شهر ليه هم ينزلون لنا بس الاساسي هذا اللى مافهمته

[Ash1984]

اخوي الكريم qatari

انا معاك في ثقافةالمطالبة ...بس اخوي الكريم شبتسوي يعني ....ووين بتوصلها ؟؟؟؟؟
بتسوي مظاهرة تبين فيها انك واعي وعارف هالثقافة ؟؟!!!! وماراح يصير شي حالك من حال موظفين كهرماء ...

هذا احنا هل قطر نحمد الله عالنعمه وشي داااايمن احسن من ولا شي ....وكلنا نعرف نقرى ونعرف نطالب بس محد بيفيدنا ولا حد بيسمعنا ولا حد بياخذ بيدنا ولا بثقافتنا ولا شي ...
وبعدين اخوي الكريم فكر فيها شوي ....يعني معقوله بتنزل لنا طبيعة العمل بأثر رجعي من تاريخ صدور القانون؟؟؟!!!!!!! لو تنطبق السما عالارض ماصدق !!!!! ووووايد صعبه ...أدري انه ذي من حقنا بس خلاص ف ذمتهم ....

بس الحمدلله انها نزلت وانا عن نفسي فرحت وفرحت اكثر لما جفت مسج من البنك ....يمكن لاني احلم على قدي وبتفكير منطقي ...

[مخطط قطري]

لي حاط قانون الموارد البشريه هم الاجانب ياجماعه في مستشارين يناقشون الوضوع الاقتصادي في قطر وتخيلوووووو كلهم اجانب عمركم شفتوو دوله تخلي الاجنبي يتناقش في جانب مهم من جوانبها يعني تتتخيلون الامور الاقتصاديه تكون في يد اجنبي وابشركم اكثر موظفين ادارة الموارد البشريه الحكومية اجانب يعني اي شي بيصير حق القطري تطلع له بطعلعه الروح يعني ابشركم ابشاره حقوقنا ضايعه وخاص رواتبنا لي تاكلنا عيش

[SomeOne]

اخوي الكريم qatari

انا معاك في ثقافةالمطالبة ...بس اخوي الكريم شبتسوي يعني ....ووين بتوصلها ؟؟؟؟؟
بتسوي مظاهرة تبين فيها انك واعي وعارف هالثقافة ؟؟!!!! وماراح يصير شي حالك من حال موظفين كهرماء ...

هذا احنا هل قطر نحمد الله عالنعمه وشي داااايمن احسن من ولا شي ....وكلنا نعرف نقرى ونعرف نطالب بس محد بيفيدنا ولا حد بيسمعنا ولا حد بياخذ بيدنا ولا بثقافتنا ولا شي ...
وبعدين اخوي الكريم فكر فيها شوي ....يعني معقوله بتنزل لنا طبيعة العمل بأثر رجعي من تاريخ صدور القانون؟؟؟!!!!!!! لو تنطبق السما عالارض ماصدق !!!!! ووووايد صعبه ...أدري انه ذي من حقنا بس خلاص ف ذمتهم ....

بس الحمدلله انها نزلت وانا عن نفسي فرحت وفرحت اكثر لما جفت مسج من البنك ....يمكن لاني احلم على قدي وبتفكير منطقي ...

خلاص طاح الحطب ،، الرجال سحب كلامه ، :rolleyes2:

[Ash1984]

اخوي someone

انا قلت ابرر موقفي واعبر عن راي بما انه منتدى حر وكلامي موجه لاخوي الكريم qatari
واحنا اهني اناقش المواضيع وشدخل طاح الحطب ...؟؟؟؟ اصلن ماكان فيه حطب !!!!:tease:

[Xx QATARI xX]

انا مب قانوني .. لكن حسب ماقريت وفهمت من القانون .... بأن العلاوة الدورية تستحق في اول ابريل التالي لانقضاء سنة من تاريخ استحقاق اخر علاوة دورية..... راجع المادة (23) من القانون

بمعنى لو ان اخر علاوة دورية استحقيتها كانت على سبيل المثال بتاريخ 1/10/2008 ... زيد عليها سنة بتصير 1/10/2009 ... وعليه فإن العلاوة الدورية القادمة تستحق من 1/4/2010

بس في شرط مهم الا وهو ان راتبك الأساسي لازم مايتجاوز نهاية مربوط الدرجة المالية اللي انت عليها


مشكور على المرور والمشاركة

اخوي ،، ماعندي اعتراض على كلامك وكل شي صحيح او واضح ،، لكن احنا عندنا مشكله في جهة عملنا ،، حطونا على درجات مالها خص رواتبنا - - انا راتبي الاساسي يخليني على نهاية الرابعة وسنين الخبرة ومؤهلاتي ودرجتي في شغلي تأهلني اني اكون في هالدرجه
( انحرمت من كل شي بسبة هالقانون )

القانون يصرف لك حقوقك بنسبة من الراتب الاساسي على سبيل المثال طبيعة العمل 25% من الراتب ، لكن احنا عندنا غير اي شي بيصرفونه لنا يروحون حق الدرجه ويعطونك اللي ياخذونه موظفين الدوله كلهم
جيزك من جيز خلق الله
اوكيه انا راضي بس مب هالشكل خلو المخ يستوعب اللي تسوونه

[Xx QATARI xX]

والله وبصراحه حتى لو عندنا خلفيه واضحه عن الظلم وبين المفروض وبين الواقع !!

بصراحه صعب نتكلم ونحلل .. لان فالأخير راح يقولون .. هذا القانون واحنا كمدراء مانقدر انسوي شي !!

عيل احنا كموظفين شبنسوي !! فأحنا صرنا مثل (( عمـك أصمخ )) ..

بالنسبـــة للقانون في ثغرات كثيره .. هو صح عدل اوضاع فئه .. بس ظلم فئه أخرى ..

والواحد بيتكلم عن الظلم في المبالغ والفروقات والخصومات
- والا عن الدرجات والترقيات
- والا عن المسميات
- والا عن التقييمــــات (( بتعكر مزاجكم ودي من على الصبح :tease: )) ..


آلله المستعـــان يأخوي :) .. مالك إلا أنك تسوي مثلنا وتتقبل الواقع بخيره وشره .. (( نصيحه من أخت )) :)


انتقبل الواقع مافيه اي مشكله ،، لكن اذا حزت الحزه الواحد بيسكت ؟؟ اشكره والعين تره ،، لا مايصير

اذكر اني راجعت الشئون القانونيه في موضوع يتعلق بوضع زوجتي ،، وكان الموضوع يتعلق بالقانون الجديد ،، وانا اتناقش مع مساعد المدير قلت له وجهة نظري ،، قالي كلامك صح وان شالله بنرد عليك
وفي الاخير ،، جاني الرد بالموافقة
انا لو ساكت كان زوجتي بينزل لها شهريا 700 ريال
معاش خدامه هههههه نسسسسسكت ولا نتكلم
شرايج ؟

[Xx QATARI xX]

اخوي الكريم qatari

انا معاك في ثقافةالمطالبة ...بس اخوي الكريم شبتسوي يعني ....ووين بتوصلها ؟؟؟؟؟
بتسوي مظاهرة تبين فيها انك واعي وعارف هالثقافة ؟؟!!!! وماراح يصير شي حالك من حال موظفين كهرماء ...

هذا احنا هل قطر نحمد الله عالنعمه وشي داااايمن احسن من ولا شي ....وكلنا نعرف نقرى ونعرف نطالب بس محد بيفيدنا ولا حد بيسمعنا ولا حد بياخذ بيدنا ولا بثقافتنا ولا شي ...
وبعدين اخوي الكريم فكر فيها شوي ....يعني معقوله بتنزل لنا طبيعة العمل بأثر رجعي من تاريخ صدور القانون؟؟؟!!!!!!! لو تنطبق السما عالارض ماصدق !!!!! ووووايد صعبه ...أدري انه ذي من حقنا بس خلاص ف ذمتهم ....

بس الحمدلله انها نزلت وانا عن نفسي فرحت وفرحت اكثر لما جفت مسج من البنك ....يمكن لاني احلم على قدي وبتفكير منطقي ...


دايما نقول الحمد لله على كل حال ،، وانا يوم قلت ثقافه مب ضروري اقول حق الناس شوفوني اعرف وانا فاهم هالشي للشخص نفسه ،، ياجماعة اليد الوحده ماتصفق ،، دام لي حق باخذه ،، احنا في قطر الحمد لله ماعندنا ثقافة المظاهرات وهالسوالف ،، وحال موظفين كهرماء يرثى له

لكن مب منطقي اللي يصكني كف على خدي اليمين اعطيه اليسار
تحياتي يامنطق

[Xx QATARI xX]

لي حاط قانون الموارد البشريه هم الاجانب ياجماعه في مستشارين يناقشون الوضوع الاقتصادي في قطر وتخيلوووووو كلهم اجانب عمركم شفتوو دوله تخلي الاجنبي يتناقش في جانب مهم من جوانبها يعني تتتخيلون الامور الاقتصاديه تكون في يد اجنبي وابشركم اكثر موظفين ادارة الموارد البشريه الحكومية اجانب يعني اي شي بيصير حق القطري تطلع له بطعلعه الروح يعني ابشركم ابشاره حقوقنا ضايعه وخاص رواتبنا لي تاكلنا عيش



الله ينور عليك يامخطط

يوم كنت اداوم في الاسكان الشعبي ،، كان القانوني اللي يدرس اوضاع العجزه والارامل والمطلقات وهل قطر كلهم ( قانوني اجنبي /عربي ) يخيط ويبيط على كيفه

هو واللي معاه اكفرو في هل قطر

خلوها على الله واذا على الكلام بنتكلم عشان الناس اللي ماتدري شسالفه اتعرف واتغير منطقها من السكوت لين الكلام

[Xx QATARI xX]

مشكورين على المرور والمشاركة
تحيــاتي

[ودي أكون]

انتقبل الواقع مافيه اي مشكله ،، لكن اذا حزت الحزه الواحد بيسكت ؟؟ اشكره والعين تره ،، لا مايصير

اذكر اني راجعت الشئون القانونيه في موضوع يتعلق بوضع زوجتي ،، وكان الموضوع يتعلق بالقانون الجديد ،، وانا اتناقش مع مساعد المدير قلت له وجهة نظري ،، قالي كلامك صح وان شالله بنرد عليك
وفي الاخير ،، جاني الرد بالموافقة
انا لو ساكت كان زوجتي بينزل لها شهريا 700 ريال
معاش خدامه هههههه نسسسسسكت ولا نتكلم
شرايج ؟

محشـوم أنت وياها أخــوي ..


أكيـد أخوي اذا لك أو لغيـرك حـق .. ماتسكـت عنـه .. والحـق ماينسكـت عنــه .. يعنـي ماشاءالله عليكـم أنتـو رياييـل تقدرون تراكضـون لأعماركـم ..

أما الحريــم المساكيـن إللي أغلبهـم موب عارفيــن شلي لهم وإللي عليهـم ..

نصحيتي كل واحـد ياخذ نص قانون المـوارد ويقعـد يقراه هو وهلـه فالبيــت .. ترا بتحتاجــون له أوقـات :tease:

[لطآم]

ان شاءلله سنة 2013 او مايتشكل مجلس للأمه قطري
راح تنحل كل الأمور بأذن الله بس لحد يصوت لأعضاء عصبيين :secret:

[ريماس الغلا]

من وين نأخذ قانون الموارد البشرية ؟

[Xx QATARI xX]

ان شاءلله سنة 2013 او مايتشكل مجلس للأمه قطري
راح تنحل كل الأمور بأذن الله بس لحد يصوت لأعضاء عصبيين :secret:


ان شاء الله

[Xx QATARI xX]

من وين نأخذ قانون الموارد البشرية ؟


اذا بغيتي هارد كوبي اطلبي من الموارد البشرية عندكم نسخة وبيعطونج
واذا سوفت كوبي ابحثي في واحد من محركات البحث بتحصلين روابط وايد
مابغيت احط رابط لاني ماعرف قوانين المنتدى

تحياتي