الأي باد وين يضبطونه

[خوي الدرب]

مساء / صباح

الخير والسرور

باركوا لي شريت ipad

ولكن ما عرفت وين أجد محل يمكن له أن يضبطه ويركب عليه البرامج اللي أبيهم

فيه واحد قال لي انه يمكن يضبطه ولكن خفت من الناس اللي كل همها التعلم وبالتالي يخرب علي الجهاز وانا جالس أربعة شهور أجمّع فلوسه


يا أحبة وين أجد المحل المضبوط في تضبيط الجهاز دون مشاكل أوخوف

[MANS MANS]

مبروك اخوى

[Index Signal]

إفتحه بالجلبريك عشان تقدر تنزّل كل شي بنفسك و ببلاش ..

الآيباد بدون الجلبريك ما يسوا .

[خوي الدرب]

مبروك اخوى


الله يبارك فيك

[خوي الدرب]

إفتحه بالجلبريك عشان تقدر تنزّل كل شي بنفسك و ببلاش ..

الآيباد بدون الجلبريك ما يسوا .

مشكور أخي الكريم على النصحية

بس حبيت أسألك شنهو الجلبريك هذا ؟

أول مره اسمع عنه تراي غشيم بالمرة

[مساهم فنان]

إذا كنت شاريه من جرير ،الموظف يظبطه لك ... أما البرامج فأنت تقدر اتنزلها.

[خوي الدرب]

إذا كنت شاريه من جرير ،الموظف يظبطه لك ... أما البرامج فأنت تقدر اتنزلها.

لا والله ياخوي شاريه من حياة بلازا

[لمعة الالماس]

اول شي نزل برنامج iTunes على الاب توب

http://www.apple.com/itunes/download/

وعقب لازم يكون عندك حساب في الابل

تقدر تفتح حساب قطري واذا تبي تشتري برامج والعاب ( طلع لك بطاقة من المجموعة تعبيها بمبلغ وتدخل رقم البطاقة في معلومات حسابك )

https://appleid.apple.com/cgi-bin/WebObjects/MyAppleId.woa/



بعد ما تفتح الحساب توصل الاي باد مع الاب توب بالوصله

وتسجل اسم الايباد في برنامج الايتونز وراح ينزل لك اخر تحديث للاصدار


وعقب ما تخلص تقدر تنزل البرامج من خلال الايباد مباشرة بس ادخل على ايقونة App store

ترى الخطوات سهلة وبسيطة مع التكرار راح تتعود

وافضل تسويه بنفسك بدال ما تروح المحلات

[حمد بن سعد]

اخوي مبروك على الجهاز

ربي يعطيك خيره ويكفيك شره

عن تجربتي في الايباد كنت ان مسوي له الجلبريك وهو مثل ماتقول برنامج هكر انزلك الالعاب بلاش لاكن اذا شبكته على الكبيوتر ودخلة على برنامج الاي تونز يهنق الجهاز مثل ماحصل لي ومسح الي فيه كله ونزلة له سوفة وير جديد من النت وقمة انزل الالعاب من ابل استور في العاب بلاش وفيه بفلوس هذا الي صار معاي .

فا نصيحه خلك في السيفتي وقانوني نزل البرنامج الاي تونز وسولك احساب في الابل استو ونزل الي تبي .

والله يوفقنا وياك

[qatari1]

لا تدخل دوامة الجيلبريك وانت مبتدئ.

خلك بالطرق الرسمية، وبعد سو اللي تبي:)

[bojassem13]

:) ضاع مسكين

اخوي من الاخر روح شارع النصر حذا المطاعم التركيه وعطه المصري اللي هناك وامورك طيبه او المغربي بعد زين
وهم ممتازين بس المصري احسن منه بس هو يداوم بس فالليل وما يجي الصبح بس برامجه احسن والعابه اكثر اما المغربي 24 ساعه موجود في المحل :)

يعني عطه الاي باد وروح اطلب لك شاورما من المطعم وخذ لك لفه تلاقي الاي باد جاهز ولا تتعب روحك بشي
وللعلم الالعاب والبرامج على 100 واذا تبي تنزل البرنامج اللي ينزل لك البرامج والالعاب ببلاش على حسب اختيارك (اللي هو الجليبريك) على 100 واذا تبي تنزل السوفت وير الجديد اللي فيه الكيبورد العربي منه وفيه وبدون برامج ثانيه على 100
وانت اختار :)
توني كنت هناك الاسبوع اللي طاف وضبطت عندهم جهازي


ومبروك الاي باد يا كابتن :)

[BuFaisal]

إفتحه بالجلبريك عشان تقدر تنزّل كل شي بنفسك و ببلاش ..

الآيباد بدون الجلبريك ما يسوا .

:victory:

[خوي الدرب]

:) ضاع مسكين

اخوي من الاخر روح شارع النصر حذا المطاعم التركيه وعطه المصري اللي هناك وامورك طيبه او المغربي بعد زين
وهم ممتازين بس المصري احسن منه بس هو يداوم بس فالليل وما يجي الصبح بس برامجه احسن والعابه اكثر اما المغربي 24 ساعه موجود في المحل :)

يعني عطه الاي باد وروح اطلب لك شاورما من المطعم وخذ لك لفه تلاقي الاي باد جاهز ولا تتعب روحك بشي
وللعلم الالعاب والبرامج على 100 واذا تبي تنزل البرنامج اللي ينزل لك البرامج والالعاب ببلاش على حسب اختيارك (اللي هو الجليبريك) على 100 واذا تبي تنزل السوفت وير الجديد اللي فيه الكيبورد العربي منه وفيه وبدون برامج ثانيه على 100
وانت اختار :)
توني كنت هناك الاسبوع اللي طاف وضبطت عندهم جهازي


ومبروك الاي باد يا كابتن :)


أبو جاسم
ربي يعطيك العافية
ومشكور حبيبي والله يبارك فيك

اخوي تقول المصري احذا المطاعم التركية
وين بالضبط هل هو صاحب محل ؟ معروف
هل له اسم على أساس أسأل عنه ؟

ضعت وانا ادور عليه

[أبو تميم]

إفتحه بالجلبريك عشان تقدر تنزّل كل شي بنفسك و ببلاش ..

الآيباد بدون الجلبريك ما يسوا .

اخوي الريال يقولك توه جديد في هالسوالف وموب عارف كيف يبتدي

وانت تقول له جيلبريك :omen2:

وانا أأيد راي اخونا اللي قال ان الجيلبريك يسوي مشاكل وتهنيق مع الايتيونز

[الغلاااا]

اخوي مكان برمجتة من والى بمكان اسمة دريم استشين في طريق سلوى بالقرب من مصرف الاسلامي

[مو مهم]

اخوي العزيز اتمنى انك تحاول تتعلم تنزل بروحك لان البرامج الي تنزلها مصيرها تنتهي

واذا ودك بمحل زين في محل بالغرافه اسمه فوريو للاتصالات مدير المحل اسمه ابراهيم بس قوله ضبطني يضبط ويشرح لك