والله احب قطر واحب اهلها وحكامها

[جمال النعيمي]

لا بتي يا هل قطـــر يا هل الحميــــه
عزوتي لا ضاق صدري من زماني..


فاحـــت الدله يا زين الشــــــاذليــــه
دلة(ن) صـــفراء وفيها زعـــفـــــــراني..


زينها لا هــب نسناس اصـــفريــــه
واقبل الوســـمــــي مع سهيل اليماني..


وعقب ذاك السيل ديـمه وبرديــــــه
وسط روضـــن فيه حواء وسعــداني..


شدو اشدادي على بنت اقــحديـــــه
عقب ما طـــاح الــمطر والجو زاني..


حيث لي خلا شمال الناصــريـــــه
زاد شوقي لــه وانا لــه رحت عاني..


خلي المجمول لك روحي هديـــــه
بــس اشوفك يا حــبــيــبـي لو ثواني..


ما عشقت امن العرب غير قطريه
عــــزها من عــــز ابــوها الاولاني..


من يداوي علة الـروح الشقــــــيه
اشهــــد ان الخــــل في حبـــه بلاني..

[الأصيلة]

ماشاء الله قصيدة جزيل
في وطن الخير وأهل الخير...

[جمال النعيمي]

قطر تستاهل كل خير

والله يسلم غاليك صدق اسعدني مرورك العطر ويعطيك ألف عافيه لك مني كل الود

[Red rose]

يعطيك ألف عافيه ع القصيدة الرائعة...

صح لسانك يا خوي...

(( والله احبج يا قطر ))

[جمال النعيمي]

مررحبا ألـــــــــــــــــــــف Red rose

صح الله بدنك ولا هنتي وشكرا على كلماتكم الطيبة ومرورك الأطيب تحياتي وتقديري

[بوحارب]

يا سلااااااااام على القصيدة الطيبة

صح السانك اخوي جمال ولاهنت على الأبيات الحلوة :)

[ارين]

يعطيك العافية على كلماتك الجميلة في حب قطر ..

الله يحفظك يا بلادي ..

[6611]

صح لسانك ولسان قايلها

يستاهلون هل قطر ويستاهلون اكثر

[جمال النعيمي]

يـا مرحبا باللـي لفـا يـا هلابـه بوحارب والاخت ارين

مرحبابكم في خضر السيوف المراهيف يا مرحبا ترحيبة انعيم بالضيف


والله هاذي الساعه المباركه يوم انكم زرتونا

[جمال النعيمي]

صح بدنك اخوي6611
ولا عدمنا حضورك الرائع