وين اصلح سيارتي !!؟؟

[منقاش]

السلام عليكم

قدر الله وندعمت بموتري الجديد وين تنصحوني أودي الموتر غير وكالته التويوتا بارك الله فيكم

شاكرين لكم حسن تعاونكم

[Rider]

ياخوي موترك مب تأمين شامل ولا ضد الغير ومن الغلطان انت ولا الثاني وحرام تصلح الموتر في كراج الوكالة احسن ومب شرط وكالة التويوتا روح الاودي والا الدهاتسوا ترى يمدحونهم

[مستثمر 999]

شركة الخليج شارع 15

كراج المستقبل 27

كراج شركة المناعي .... معروف

كراج كريستال 27

شركة ديهاتسو

[ولد الانصاري]

الحمد لله ع السلامه اخوي..

معوض خير ان شاء الله..

اخوي انصحك بالنورمندي .. شارع 5

وشغلهم نفس الوكالة ..

والوكالة عوار راس .. اذا ما تتهاوش وياهم ما يتسنعون وما يخلصون موترك

وهالكلام عن تجربة اكثر من مرة..

وتقدر تمر عليه وتشوف شغله ..

[BuFaisal]

رفيقي مودي الجي اكس ار ماله التويوتا بالصناعيه ودعموا فيه داخل الكراج !!
وداه الصيانة التويوتا بالمحطه اللي شرق اللاند مارك وايضا خبطوه !!
مشكلة اذا هذا تعاملهم

[منقاش]

تسلمون يالربع ماقصرتوا على هالأراء. نويت ان شاء الله على الكرستال
اما الوكاله تكون اخر شي افكر فيه

[أبو بكر سالم]

الله يعوضك اخوي بخير

[أميرااالذوق]

الحمدالله عالسلامه اخوي وزين انها في الحديد

انصحك بالوكاله اذا موترك جديد

وبالتوفيق يااخوي

[Galbi]

تسلمون يالربع ماقصرتوا على هالأراء. نويت ان شاء الله على الكرستال
اما الوكاله تكون اخر شي افكر فيه

وانا معاك اخوي
لا تفكر في الوكالة نهائياً
انا لي سوالف كثيرة مع وكالة التويوتا وياما كنت بتراضخ معاهم :anger1:
وربي شغلهم زفت
وعليك بالكريستال :nice:
وماتشوف شر اخوي
في الحديد ولا فيك

[Dear All]

نصيحة أخو لله وانا ما أعرفك طق من الكريستال وأسأل اللي مجرب شغلهم والله العظيم بتحسف ياخوك ..


إذا تبي شغل مضبوط عليك : ( شركة الأودي أو شركة الديهاتسو أو كراج النورمندي ) هالكراجات اللي ذكرتها لك مب نفس الوكاله إلا أحسن من وكاله التويوتا بألف مره


وانت عقلك في راسك والله يوفقك

[القيادة]

الحمد لله على سلامتك

أخوي روح لشركة المناعي تصليحهم أحسن من وكالة التويوتا

وسعرهم مناسب.