ويــن تقديــم مرشــح ضابــط لكلية أحمد بن محمد؟ ،

[باسكن روبنز]

السلام عليكم ورحمة الله وبركاته ،

عندي أستفسار مهم وآن شالله يستفيدون كل من يطلبون نفس المعلومات ،

واحد من جماعتنـا نسبته 63,1 ويبي يدخل ترشيحـه ،

عمره قريـب الـ26 سنه (في حالة أن كان العمر يفرق ولا لا) ،

وين يقدم وشالمطلوب؟ ،

وآي نصايح منكم أكون شاكــر ،

وأتمنـى التوفيــق للجميــع ،


:)

[ذياب]

اخوي مابغي احطمك ولاكن النسبه ضعيفه
والعمر كبير
والاهم من ذا وذاك
الوااااااا سطه
لازم واسطه جامده
وماعندي معلومات ثانيه

[نورالهدى]

إن شاء الله بيفيدونك الأعضاء

[abdulla999]

واسطة كبيرة مش اي واسطة
الله يعينك

[شويهينــه]

اعتقد التقديم يكون عن طريق الشغل

يعني اذا قدم على لخويا او الداخليه او الحرس الاميري هم يبتعثونه في الكليه

بس الشي اللي ممكن مايساعده هو العمر لان اغلب المرشحين يكونون خريجي الثانويه اللي اقل من 20 سنه

والله يوفقه ويكتب له الخير

[حسن]

مثل ماجاوبوك الخوان عندك واسطه لوتبي ملازم بعد

[إينشتاين]

ويــن تقديــم مرشــح ضابــط لكلية أحمد بن محمد ؟

يسلم أوراقه للشخص الي بيتوسط له شخصياً وإذا مافيه حد خله يرتاح ومايتعب عمره :) .....

[تميم بن خالد]

نسبتة ضعيفه والواسطة ماتمشي في كلية احمد اذا نسبته ماتاهله لدخول الكلية

[سالوته]

هلا أخوي
أول شي بغيت أقولك تقريبا أغلب شباب عايلتي موجودين فالكليه وأحب أكد لك أنهم داخلين الكليه بدون واسطه ونسبهم من 65 وفوق يعني النسبه مش ممكن تكون عائق فلو قدم بهالنسبه عادي ممكن يوافقون عليه لكن المشكله ممكن تكون في عمره لان المطلوبين يكونون صغار فالسن خريجين ثانويه عامه وبالتووووفيق له ان شاء الله خله يقدم وفاله القبول يارب

[مريومة]

تبي الصج :secret:

الواسطة اهم شي

ولد خالتي نسبته 86.5

وطول وعرض ومخ نظيف وعمره 18

وماقبلوه

هالله هالله بالواسطة السنعة



وانا :shy:بنت عقاب

[Qt.1]

ويــن تقديــم مرشــح ضابــط لكلية أحمد بن محمد ؟

يسلم أوراقه للشخص الي بيتوسط له شخصياً وإذا مافيه حد خله يرتاح ومايتعب عمره :) .....

بالظبط ,,

[شموع قطريه]

السنه رفعوا نسبة القبول الى 70 % ..

[تايتنك]

لا مجال للقبول من اهم الشروط العمر ما يتعدى 22 سنه وهذا الشرط موجود في قانون الخدمة العسكرية

[صوت الضمير]

اخوي انحرق قلبه قدم امتحان وكلش

فجآة شطبوا اسمه وحطوا واحد بداله

السالفه للعيال الضباط والعقيد والعميد .. يعني عندك حد تعرفه تمشي امورك

مابي احطمك ولد جيرانا نسبته 86 وخريج جديد ولا اقبلوه

اتوقع انه من الشروط يكون العمر اقل من 20%

وياليت يكون الاختيار بالكلية بأمانة تامة

أبداع

[الكولونيل]

تبي الصج :secret:

الواسطة اهم شي

ولد خالتي نسبته 86.5

وطول وعرض ومخ نظيف وعمره 18

وماقبلوه

هالله هالله بالواسطة السنعة



وانا :shy:بنت عقاب

كلامك صحيح مئة بالمئة

[وردة]

السلام عليكــمـ اخوي ما عليك من الكلام الزايد .. ولد اختي توه مقدم وهو من الدفعه العاشره يعني اول سنه له
النسبه مب مهمه يقول في ناس داخلين نسبهم 60 ومثل ما سمعت يمكن العمر هو الي يخرب عليه شوي بس
بعد ممكن يقبلونه يعني عادي خل يقدم وفاله الترشيحه
بالنسبه لاماكن التتسجيل مثل ما قال لك على حسب وين تبغي تروح لخويا الحرس الخ وتقدم ع انك تبغي مرشح ضابط وهم يبعثونك
بالنسبه للشباب الي يدرسون في الكلية هم مبتعثين عن طريق
1- لخويا ( عددهم بسييط جدا )
2- الداخليه
3- امن الدوله ( بس لازم تشتغل عندهم سنه تالي يبعثونك كمرشح )
4- سلاح الجو ( الدراسة تكون سنه في الكلية والباقي يا في العين او في المملكه وفي حتمال بسيط تكون في الدوحة )
5- البحريه ( عددهم اقل شي ولين الحين ما حددو وين بيدرسون اذا في الدوحة وله برع )
6- القيادة العامه ( التخصصات الفنيه )
نصيحتي لك خله يقدم على القيادة العامة يمكن يقبلونة
بس لازم يشد حيله شوي
بالنسبه للتخصصات الفنيه كثيرة
الهندسه بفروعها ( هندسة طيران - معمارية - ميكانكية - كهرباء - هندسة معدات طبيه الخ ..
وعندك التخصصات الادبية
اداب ترجمة
وتخصصات ادارية
ادارة مصانع
ادارة هندسية
ادارة مستشفيات
وفي تخصصات نادرة
مثل طب طيران وطب اعماق
وفي تخصصات كثيرة وكلهم نادرين ولهم مستقبل ..
بالنسبه لنضام الدراسة
راح تاخذ التاسيسي في الدوحة
وبعدها راح تكمل دراستك في الخارج في احد الدول
( الصين - المانيا - فرنسا - بريطانيا - امريكا - تركيا )
بالنسبه للي بيدرسون في الدول الغير ناطقة بالانجليزي
اكيد لهم امتيازات
منها الترفيعات والراتب وغيرها ..

[باسكن روبنز]

ماشاء الله علي ردودكم الطيـبه ،

بس قمة الأحبـآط ههههههههههه لكن فعـلاً كلامكم صحيح وهذا آلي صاير ،

وجاري البحث عن واسطه وآلي عنده لايبخـل علينـا ،:nice:

[QtrGate]

ألمطلوب النسبة ٧٠٪ والأولوية للي مخلصين الثانوية سنة ٢٠١٠

أنا دخلت وخلصت المقابلة وبعدها الفحص الطبي وبعد أسبوعين فحص اللياقة

وبعدها لين اليوم انتظر ٤ اشهر انتظار. ادري انهم يبون الواسطة على شان يمشوني لأكن الوالد مب راضي يقول اذا يبونك بيتصلون

الشغل مب غصب

[وردة]

اخوي .. qtrgate
خلاص صكر باب التسجيل للدفعه العاشرة والتخريج قريب نصيحتي قدم مره ثانية
للدفعه الـ 11 وقدم على اكثر من مكان عشان تظمن نفسك

[باسكن روبنز]

......

[الذيب الحزين]

.. بتووفيق