أغاني المحلات ............العيب في من ؟؟؟ [الأرشيف]

مشاهدة النسخة كاملة : أغاني المحلات ............العيب في من ؟؟؟

فيزيائية

31-12-2010, 02:43 PM

السلام عليكم ورحمة الله وبركاته

موضوعي ليس بجديد ولكنه حدث أمس الأول...

المكان فيلاجيو والمحل لبيع الملابس ...

بدون مقدمات مطوّلة ...
المحل ياعالم يبث اغاني اجنبية كلماتها اقل وصف لها انها بذيئة وهابطة...
عندما كلمت الموظفة المتحجبة ...
ردت :انا مالي دخل ؟!!!
رحت للموظف اللي اعلى منها...
قلت له: مب عيب عليكم في بلد اسلامي ومكان محترم تبثون هالاغاني ؟؟:anger1:
(شكله منتبه للكلمات ومطنش ؟!)
رد: انا ماليش خص .....من فوووق !!:eek5:
قلت له:روووح بلغهم كلامي...
شوي ويوقفون الاغنية ...
عاااد مادري اذا رجعوا حطوها !!!!:rolleyes2:

بصراحة قمة قلة الادب والمشكلة ان المحل مليان ناس بكافة الجنسيات ...

معقولة نسمع او نشوف الغلط وكلن (ماله خص؟؟)

كم مرة صارت بلاوي جدامنا وقلنا مالنا خص ومالنا دخل ؟؟
شنو اللي مقوّي الآخرين على ديننا وأخلاقنا ؟؟
والله مابتضيعنا الا هالكلمة !!:weeping:

والله المستعاااااان $

ام شوشي

31-12-2010, 02:53 PM

والله صدقتي اختي ام نونية واللوم مش عليهم ولكن على مسؤلي الدولة والواحد فينا مايقدر يقول غير حسبي الله ونعم الوكيل

شموخ دائم

31-12-2010, 02:58 PM

,

,

مرحبا

الله يعطيك العافيه

اذا نبي الصدق عاد ونحط النقاط على الحروف

الاغنيه صادر من المحل

او صادره من المجمع وفي الحالتين

العيب في القطري

صاحب المحل قطري

صاحب المجمع قطري

لازم نوجه النقد للمالك مباشره

لانه هو الي له الكلمه الاخيره وله الحق بتوقيف هذة التصرفات

ومو معقوله مايعرف عن محله شي او مجمعه واكيد يمر ويشوف ويسمع

:)

,

,

اخوك

شموخ دائم

ضوى

31-12-2010, 05:47 PM

تدرين يام نونية والله اذا ادخل محل وهم مشغلين اغاني اطلب منهم يسكرون المسجل لانه الصوت يتلف اعصابي والله خير يسكرونه من غير ولا كلمة زيادة ، المحلات هذي هي نكست ومانغو وكم محل ماتذكر اسمائهم والله

مقيم

31-12-2010, 05:52 PM

معاك حق اختي
المحل عليه ان يحترم زبائنه والمكان الذي هو فيه
فلايجوز ان يضع الاغاني التي تبث سموما في محل عام
وتلك مسؤولية الجميع
ومن يسمع مثل هذه الاغاني - ويسكت -
يكون العيب فيه وليس في اصحاب المحل فقط

فيزيائية

31-12-2010, 11:28 PM

اشكر كل من مر على الموضوع وعلّق
جميع كلامكم في الصميم والمشكلة في اصحاب المجمعات القطريين لماذا يسكتون عن مايحدث؟؟

jeep-srt8

01-01-2011, 02:23 AM

المشكلة من المالك بالظبط

كيفـي

01-01-2011, 02:32 AM

جزاج الله خير..

وأنا لما أروح أي محل أطلب أقل شيء يخفضون الصوت..

لان يخليني مصدعة وأطلع من المحل بسرعة..

والحمد لله دايم يحترمون رغبتي..

والمصيبة لما يكون الصوت عالي،، والله يعين اللى يشتغلون..

ويازين المحل اللى لما تدخله تسمع قرآن يرد الروح،، ويحسسنا بالطمأنينة..