اقياده في الجهه اليسرا من الطريق ببطء النمله!!!

[Hassan111]

شكلها صارت موضه عندنا الواحد او الوحده اتسوق على اليسار من الشارع بسرعه بطيئه جدا جدا وتجاهل الناس الي سرعتها اكثر و اجبارهم على التجاوز من اليمين لا او يمكن ايلف عليك بعد اذا حاولت اتجاوز من اليمين او يزيد السرعه معاك كأنك جاي تتسابق معاه!!! كأن الشارع له بروحه او بروحها على حسب.

او في بعض الاحيان اتصله يتكلم في الجوال ويأشر لك طوف من اليمين بعصبيه.

آبي حل لاني زهقا من هل اشكال

[Arab!an]

هذي من اكثر الاشياء اللي ترفع ضغطي وانا اسوق

وغالبا من بعض الاخوة الاسيويين قبل اللفه بكيلو يمسك اليسار ويخفف السرعه

اعتقد عليها مخالفة (عدم الالتزام بالجانب الايمن من الطريق..إلخ) مادري كم قيمتها 1000 ريال او 500 ريال

لكن المشكلة صعوبة مخالفتهم الا في حالة كانت دورية الشرطه هي اللي ماره في هالموقف

في طريقة ارشادية ممكن تساهم في حل هالمشكلة .. لأنها فعلا مشكلة

الحل هو صبغ المسار الايسر بلون مختلف .. اصفر او احمر

وفي اثناء تعليم السواقه يكون النجاح في الاختبار بعد اجتياز هذه المادة .. ولازم تكون اجبارية

لأن الاخوة الاسيوين ماشالله عليهم .. بس انت تعلمه على شغله وهو يعلق عليها

فالافضل يعلمونهم عليها في مدرسة السواقة وهم اذا شافوا اللون الاصفر ماراح يدوسونه لو يندعمون :p

فقط قبل الاشاره او اللفة بـ 100 متر يكون المسار الايسر بشكله الطبيعي علشان يقدرون يلفون

[لـبـيـه]

في الامارات الرادار يصيد الي فوق السرعه القانونيه والي تحت السرعه

ويحط لك لوحه مكتوب عليها مثلا 100 وتحتها 60 يعني فوق الميه يصيدك الرادار

وتحت الستين يصيدك الرادار

[M007]

في الامارات الرادار يصيد الي فوق السرعه القانونيه والي تحت السرعه

ويحط لك لوحه مكتوب عليها مثلا 100 وتحتها 60 يعني فوق الميه يصيدك الرادار

وتحت الستين يصيدك الرادار

مابتحل المشكلة لان اكيد بيكون اكثر من 60 الي ماسك اليسار بس
انا حتى لو مشيت بالسرعة القانونية بعد يلزقون بالسيارة من ورا يبون اسرع...
المشكلة لو حولت للنص او لليمين تلاقيهم
80 ولا 60

[خطوة]

مابتحل المشكلة لان اكيد بيكون اكثر من 60 الي ماسك اليسار بس
انا حتى لو مشيت بالسرعة القانونية بعد يلزقون بالسيارة من ورا يبون اسرع...
المشكلة لو حولت للنص او لليمين تلاقيهم
80 ولا 60

صح كلامكم بس مو دايما يكون الوضع كذا بل بالعكس

تكون ماسك يسار بسرعه 100 وهي سرعة الشارع المفروضة ويجي من خلفك

ياما تفتح اوتسرع ولا يهتم اذا كان الي تسوق وحده او حتى سياره فيها عائله او اطفال

اتوقع ان الالتزام بالاخلاقيات والتعاون في الشارع اهم من تطبيق قانون المرور

انا مره كنت ماسكه يسار بسرعه 100 وهي سرعة الشارع والي خلفي

لز سيارتي بطريقة متهوره ويكبس لي والمشكلة اليمين مافيها مجال

كان مليان بالشاحنات

يعني وهو وش متوقع اني اسوي؟ وين الاخلاقيات ؟ والا المفروض اني

اتهور وادخل تحت شاحنه؟

القياده فن وذوق واخلاق

وبسسسس

[alrasee]

من تعليقات ربعنا الظاهر ان الخط اليسار صار خط مفتوح السرعة لو سرعة الشارع 100 ما يصير انك تمشي فيه 100 لازم تمشي فيه على حسب طبلون موترك، اذا موترك يمشي 200 المفروض تمشي فيه 200 واذا يمشي 300 تمشي فيه 300 واذا اكثر بعد خير وبركة.
:secret:

[R 7 A L]

المفروض القانون يخلون ويسمحون للواحد انة يتجاوز من يمين
عادي شفيها في امريكا عادي تجاوز من يمين حتى الشاحنات والتريلات تحصلها تطوفك من يسار .
مشي الناس عندنا على اليمين ببطء مش هو الخلل
الخلل قوانين مرورنا الى تبي لها شخل

[Hassan111]

الناس الي تمشي ٦٠ في شارع السرعه فيه ١٢٠ اللفات على اليمين مش على اليسار يعني خط الشمال مثلا كل اللفات على اليمين واتحصل واحد ماشي ٦٠ من الدوحه لين ام صلال على اليسار او بعدين يلف يمين على الجسر؟؟؟!!!

[بدون]

يرفعون الضغط و يجيبون الجلطة بعد !!!!

[بوحارب]

والله بعظهم يبيلك تنزلهم من الموتر وتلشطهم على هالحركة السخيفة

واكثر من يسويها الحريم والهنود

سيارات كروة تعلموا الأأدب من كثر التدعم :)

[Qt.1]

صح كلامكم بس مو دايما يكون الوضع كذا بل بالعكس

تكون ماسك يسار بسرعه 100 وهي سرعة الشارع المفروضة ويجي من خلفك

ياما تفتح اوتسرع ولا يهتم اذا كان الي تسوق وحده او حتى سياره فيها عائله او اطفال

اتوقع ان الالتزام بالاخلاقيات والتعاون في الشارع اهم من تطبيق قانون المرور

انا مره كنت ماسكه يسار بسرعه 100 وهي سرعة الشارع والي خلفي

لز سيارتي بطريقة متهوره ويكبس لي والمشكلة اليمين مافيها مجال

كان مليان بالشاحنات

يعني وهو وش متوقع اني اسوي؟ وين الاخلاقيات ؟ والا المفروض اني

اتهور وادخل تحت شاحنه؟

القياده فن وذوق واخلاق

وبسسسس

ياكثرهم ,,, عاد انا لعبتي هلاشكال اخليه يحترق وراي ولين يه صوبي اطل في ويهه على باله باتجنب اشوفه ,,, هلاشكال مايبي لهم ثقافه مروريه لا !!! ثقافه اخلاقيه !! تعالي شوفي السواقه في امريكا والله قمة الفن والذوق في القياده .

[LiL iNVe$ToR]

في وحده عربيه اتصلت في برنامج الدار وكلمت الخرجي عن نفس المشكله ..انها تمسك يسار وتمشي شوي شوي حق لفه او دوار والناس اللي وراها يحشرونها ..

ورده كان ان اللي تسويه غلط ..حتى لو كانت تمشي بالسرعه القانونيه للشارع وماسكه يسار ..المفروض تفتح المجال حق اللي وراها ..يمكن حالة طارئه او شي محد يدري به .

[المريش]

المشكلة في اللي يتجاوز من اليسار ببطء شديد
كنهم. يتسابقون بس بالبطيء هههههه

ياخي بتجاوز اسرع شوي بعدين خفف على راحتك

[M007]

في وحده عربيه اتصلت في برنامج الدار وكلمت الخرجي عن نفس المشكله ..انها تمسك يسار وتمشي شوي شوي حق لفه او دوار والناس اللي وراها يحشرونها ..

ورده كان ان اللي تسويه غلط ..حتى لو كانت تمشي بالسرعه القانونيه للشارع وماسكه يسار ..المفروض تفتح المجال حق اللي وراها ..يمكن حالة طارئه او شي محد يدري به .

لو ما كان في مجال افتح له
عادي ازيد سرعتي فوق الحد المسموح؟

[إلا..إذا]

بعيدا عن الموضوع وتركيزا في العنوان .. ببطء النمله !! الصح السلحفاة لان النمله انا اشوفها سريعه يالله نصيدها ههههه ادحكوا

[المتألق]

انا اذا حصلت واحد يمشي على اليسار ببطى واعطيه ليت اذا ماراح يمين اطوفه وضغط بريك لين اهو يروح يمين

هنا لو كلنا نسوي كذا خلال اسبوع تحصلهم كلهم يمين

محد يسار خخخ

[@north_star@]

فعلا حركة ترفع الضغط بصراحة ويجب اتخاذ اجراء حازم ضد هالفئة الغير مثقفة مروريا

[vtc_4.8]

الحين في ناس تفتح وتخليك تعدي

لايجيك واحد او وحده في موتر كشخه كنه شارع ابوه

احسن حل ركبو ليتات زينون ب350 خخخ في الليل تسوي شغل

[نوفا91]

انا مافهمت شالطبخه فهمت انكم معصبين على اللي يمشون يسار وبطئ ..صح؟؟

[hamad1990]

انا مافهمت شالطبخه فهمت انكم معصبين على اللي يمشون يسار وبطئ ..صح؟؟

العالم معصبين عاللي يمشون يسار و ببطئ لا ولما يجيهم موتر وراهم مستعجل مايفتحون له الطريق :anger3:

[بوخالد911]

عندكم وعندنا خير

نفس الحااال

والله يعييينا

[وطن]

تجاوز من اليمين
واللي يخالفك خله يخالف اللي ماسك الخط

:)

[][ iMedia ][]

البــعض يرفع الضغط . .
لا والنكبه اللي فوق ما هو ماشي 60 ع الخط السريع
يروح يكععع بريك عشان يخســـــــــس فيك
وانت اصلااا لاصق في ### عشان يفتحلك
يعني لا سمح الله لو صار حادث راح يكون قااتل
مره واحد سواها فيني ما هديته الا بعد ماا ركبته الرصيف
لولا ان الاهل معاي ولا جان دخلت فيها علوم " وعرظ اخطي "
واللبيب بالاشاره يفهمُ
سحقــاً :(


هــامش :

خطوة
banned
هههههههههه :d

[راعي المواجيب]

من الردود اظن ان البعض فاهم قوانين المرور خطأ

ليس من حقك حجز يسار الشارع حتى وإن كنت تمشي بالسرعة القانونية القصوى

لأن اجبار الناس على التقيد بسرعة محددة هو من اختصاص المرور لا من اختصاصك

سواء كان اللي خلفك متهور او مراهق او انسان مستعجل او مصاب أو عنده حالة طارئة

خاصة بيجينا واحد بيمشينا على 80 والشارع 120 من باب الحفظ السلامة نيابة عن مستشفى حمد

[Hassan111]

هذي المشكله تخطة الحدود لاني شفت دوريه اتحاول اتجاوز واحد مافتح لها الطريق مع انها دوريه و الفلاشر و الصوت شغالين و اظطرو يتجاوزونه من اليمين، بعد بتقولون السرعه القانونيه.

حتى الاسعاف و الدوريات ما اسلمت منهم.

[LiL iNVe$ToR]

لو ما كان في مجال افتح له
عادي ازيد سرعتي فوق الحد المسموح؟


قانونياً المفروض محد يزيد سرعته عن سرعة الشارع ..لكن مثل ماقلت اللي جاي ومسرع وماسك يسار يمكن عنده حالة طارئه ..ساعات يمكن سيارة شرطه مدنيه.

" اذا " في مجال ..الكل لازم يعطيه الشارع ..اذا مافي هو بيفهم ان اصلا مافي مجال والمفروض ماتزيد سرعتك, فقط تعطيه المجال ان امكن .

[مالي ومال الناس]

من الردود اظن ان البعض فاهم قوانين المرور خطأ

ليس من حقك حجز يسار الشارع حتى وإن كنت تمشي بالسرعة القانونية القصوى

لأن اجبار الناس على التقيد بسرعة محددة هو من اختصاص المرور لا من اختصاصك

سواء كان اللي خلفك متهور او مراهق او انسان مستعجل او مصاب أو عنده حالة طارئة

خاصة بيجينا واحد بيمشينا على 80 والشارع 120 من باب الحفظ السلامة نيابة عن مستشفى حمد

اختصرت واوجزت , كلامك كله صح

في مرضى نفسيين يحبون المشاكل , ماسكين اليسار ومايلفون للي وراهم مستعجل

واكثرهم هنود وانجليز وحريم , يبون هم يحددون سرعتك بكيفهم

احيانا احس بارتكب جريمة في واحد منهم :)

[مالي ومال الناس]

, , , ,

إضافة :

قانونياً اللي ماسك اليسار وتكون وراه سياره اسرع منه عليه ان يتجه لليمين

سواء كان اللي خلفه متعدي السرعه القانونيه او لا

فهو ليس مكلف بإلزام الجميع بالسرعة القانونية

والناس لها ظروفها

[do7awi]

حاله مستعجله قال .. اللي جد عنده حاله طارئه ما راح يلزق وراك ينتظرك تغير خط

واللي يبي يلحق على مواعيده كان طلع قبل الموعد بشوي.

انا اذا المجال يسمح لي اني اغير خط أغير لان هذا من الذوق و الاخلاق العامه. لكن اني ادعس نفسي بين السيارات و ابطئ سرعتي و ابهدل نفسي عشان الاخ ما حب يطلع من البيت 5 دقايق قبل .. انا اسف

بس من يعرف الذوق و الاخلاق هالايام .. كل الناس تتجاوز الطابور من كتف الطريق و كأن باقي الناس ما فكروا او ما يقدرون يسوون نفس الحركه.

نحتاج الى كتاب فيه جميع قوانين المرور في قطر حتى يكون الامر واضح. كتاب فيه ان الواحد ما يصير يصف و ياخذ له موقف و نص! و ان البقر اللي تشوف التقاطع مصتك و بعد يمشي و يوقف في نص التقاطع. او اللي يلف على العالم في الدوار كأنه دوار ابوه

الشرهه على اللي حاط دوبه في دوب الحزام و ناسي اشيا اهم ( وانا ما اقول ان الحزام مب مهم).

[انتر ميلان]

واللي يقهر أكثر

أن الأخ يمشي 60 وماسك الخط اليسار ومن يشوف رادار يكع بريك :anger1: :anger1:

[بن جلبان]

طوفه من اليمين وحط بريك خشــن ويفضل لو يكون توك امبدل السفايف ..

[GULFSUN]

حاله مستعجله قال .. اللي جد عنده حاله طارئه ما راح يلزق وراك ينتظرك تغير خط

واللي يبي يلحق على مواعيده كان طلع قبل الموعد بشوي.

انا اذا المجال يسمح لي اني اغير خط أغير لان هذا من الذوق و الاخلاق العامه. لكن اني ادعس نفسي بين السيارات و ابطئ سرعتي و ابهدل نفسي عشان الاخ ما حب يطلع من البيت 5 دقايق قبل .. انا اسف

بس من يعرف الذوق و الاخلاق هالايام .. كل الناس تتجاوز الطابور من كتف الطريق و كأن باقي الناس ما فكروا او ما يقدرون يسوون نفس الحركه.

نحتاج الى كتاب فيه جميع قوانين المرور في قطر حتى يكون الامر واضح. كتاب فيه ان الواحد ما يصير يصف و ياخذ له موقف و نص! و ان البقر اللي تشوف التقاطع مصتك و بعد يمشي و يوقف في نص التقاطع. او اللي يلف على العالم في الدوار كأنه دوار ابوه

الشرهه على اللي حاط دوبه في دوب الحزام و ناسي اشيا اهم ( وانا ما اقول ان الحزام مب مهم).

أخطيت على البقرة الله يعزّها من هذه الاشكال اللي ماسكه اليسار

[antar]

السلام عليكم

في بريطانيا
في الخطوط دايم في لوحات تقول بمعناها

الزم اليمين ما عدا عند التجاوز

ودايما تلاقي العالم كلهم يمين الا فقط اللي يسرع

[Qatar-Qa]

المفروض يسوون قانون ان اللي يمسك الحاره اليسار في بعض الطرق لااااازم يكون ماشي بحد سرعه الشارع

وبعدها يطبقون علينا مخالفات التجاوز من اليمين

[qatar1111]

شكلها صارت موضه عندنا الواحد او الوحده اتسوق على اليسار من الشارع بسرعه بطيئه جدا جدا وتجاهل الناس الي سرعتها اكثر و اجبارهم على التجاوز من اليمين لا او يمكن ايلف عليك بعد اذا حاولت اتجاوز من اليمين او يزيد السرعه معاك كأنك جاي تتسابق معاه!!! كأن الشارع له بروحه او بروحها على حسب.

او في بعض الاحيان اتصله يتكلم في الجوال ويأشر لك طوف من اليمين بعصبيه.

آبي حل لاني زهقا من هل اشكال

الحل الله يسلمك اتجاوزه واتصك بريك في وجهه

وتلزق خشمه بالسكان

من هنيه الله يسلمك بتعض وبيتسنع

ويايمشي مثل العالم او يفتح