الاتحاد الآسيوي وموقفه من لاعبي منتخب الكويت...

[الأصيلة]

الاتحاد الآسيوي يحرم فهد العنزي
ومحمد راشد من المشاركة في كأس آسيا .....

صرّح رئيس الاتحاد الكويتي لكرة القدم الشيخ طلال الفهد بقوله :
"وضع الاتحاد الآسيوي عراقيل جديدة قد تحول دون مشاركة فهد العنزي ومحمد راشد مع منتخب الكويت
في كأس آسيا بطلبه إرسال بطاقة مدنية لكلا اللاعبين للجنة المنظمة لنهائيات كأس آسيا
في الدوحة 7 يناير المقبل يطلب فيها وضع كلمة "كويتي" في خانة الجنسية وإلا لن يشارك اللاعبان في البطولة".
وأضاف الشيخ طلال: "نحاول تلافي العراقيل لإشراك اللاعبين في البطولة".
وكان الاتحاد الآسيوي بقيادة محمد بن همام قد أصدر القرار مؤخراً والذي من الممكن أن يؤثر على حظوظ المنتخب الكويتي
المتواجد الآن في القاهرة في معسكر إعدادي للتجهيز لبطولة الأمم الآسيوية
لأن هذين اللاعبين من فئة البدون...
الكويتيين فرحين بهذا القرار لأنهم يتوقعون أن يحصلا هذين اللاعبين الجنسية الكويتية ولو مؤقتا...
لأن الفهد سيعمل جاهدا لمؤزارة المنتخب الكويتي
وفعل المستحيل حتى يحصل على نتائج مرضية...
ويشكرون محمد بن همام على هذه الخطوة
ويعترفون بازدهار الكرة الآسيوية في عهده...

[£عبدالعزيز£]

مع احترامي للاتحاد الكويتي .. عبالهم كاس اسيا بطولة فرجان

عسى ما شر يلعبون لعيبة ما عندهم الجنسية الكويتية ؟

المفروض حتى ما يخلونهم يلعبون في كاس الخليج لو انهم يبون يطورون البطولة

ولا عيل بنلعب كل محترفين الدوري فالمنتخب بدون ما نعطيهم جواز !!

[Mshari]

بطولة اسيا غير وكاس الخليج غير

بطولة اسيا بطوله عالميه معترف فيها من الفيفا
وكاس الخليج غير معترف فيه

اللاعبين من الي ينقالهم بدون جنسوهم دامهم عرب وعيال قبايل يكفي ولائهم للكويت

جنسوهم وخلوهم يدخلون البطوله
وش يبي يضرون الكويت هالاثنين

احسن من تجنيس الفنانات على الاقل لاعبين يحملون شعار وطن

[خــطــافــ]

بما ان اللاعبين تم منحهم بطاقة مدنية للمشاركة في كأس اسيا بكل اريحية وبدون اي مشاكل .. يعني ازمة غيرهم سهلة الحل .. !!

[يراعٌ فراتي]

وليش اخوانا فالكويت زعلانين

يعني مايبون يعطونهم الجنسية وفي نفس الوقت يبونهم يمثلون الكويت

اللي اعرفه ان فهد بدون ومن عنوز سوريا

والله اعلم

[Q8JP]

الله بالخير

فاهمين الموضوع غلط و شوي القنوات الرياضية بهرت الموضوع زادت الملح.

فحوى الموضوع و زبدتة سوء اداري في لاتحاد الاسيوي ..مافي تنظيم و تنسيق

بين موظفين بن همام في الاتحاد الاسيوي .. وتم مخاطبتهم و تصحيتهم من النوم

محمد راشد و فهد العنزي

مثلوا المنتخب في تصفيات نفس البطوله ........ صبحنا عليهم بالخير و صحيناهم

الموضوع عدم تنسيق بين موظفين التصفيات التمهيديه و موظفين النهائيات فقط !

كنا
نتمنى ان يصل الموضوع لمحكمة الكأس لكن الجماعة تداركوا موضوع و تمموه

:victory:

[بوسويره]

حصل خير ياالربع واهم شيء الي سوى مسلسل ابوقتاده يعرف انا الكويت اكبر دولة فيها بدووون مب قطر
ومع احترامي لكل الكويتين والبدون اهناك واتمنى اللاعبين الاثنين يشاركون لانهم بصراحه مبدعين

وباالله التوفيق