موسوعة : المطاعم الي جربتوها بقطر

[alsndbad-q8]

الضجة والإعجاب تخليك تكذب ذوقك و تقول ان المطعم أكيد ممتاز وانا اللي ما عندي ذوق :tease:
بس حاولت اقنع نفسي وعيت لا تقتنع ان اكله حلو :shy:

وبما انك من الكويت حاول تفتح استثمار كويتي بالدوحة وتجيب " فريج صويلح " واهم شي طبق المطبق زبيدي من ألذ الأطباق فيه:victory: و صدقني بتربح

وهم في مطعم في الأنفي وز كان عجيب غريب
إيراني لكن تقديمه غريب للأطباق عباره عن أطباق إيرانية مطوره
كان روعه هالمطعم


هههه .. والله انج صاجه
موغلط فريج صويلح بس يامعوده انا دخلته مره يوم هبوا ببداياته الاكل كله دهن الكلسترول يضرب 5000 للي مايتحمل او مورياضي.
ماجازلي ابد.
لكن احس بالدوحة مايحبون العيش بالليل يدورون الرشاقه اهل قطر مونفس ربعنا اهني
انا ماعرف اذا في بالدوحة مطعم مشابه لكن مره رحت مطعم ايراني ناسي اسمه في سوق واقف فخم وممتاز والرز واو للغدا ولو اني مو من هوات الرز لكن لمى ذقته حيل عجبني.
فكرت فريج صويلح المطعم يبيلة مجابل واهم شي النظافة والخ من المحاتاه.. العقار مريح بشكل كبير بالنسبة لأنعدام المصاريف وحتى موظفين ماتحتاجين
خلنا على مينونا.

[SKYTECH]

السلام عليكم

لمحبي الستيك مطعم بوتشر شوب الي في الفيلاجيو احسن مطعم ستيك في قطر

بصراحة ما لك خاطر انه الستيك تخلص

[طير شلوى]

مجموعه مطاعم اعتقد اسمها ذي فيلج تحت جسر العسيري مكان مدماك فيه ثلاث مطاعم إيراني وعربي واعتقد ايطالي.

[بونووف]

جربت قبل كمن يوم مطعم اسمه ماكروني في فيلاجيو اكله مش بطال الصراحه توقعت اكله عادي لكن طلع جيد

[الســـهم]

جربت مطعم ( أروما جاردن ) بشارع سحيم بن حمد بعد لفة شارع النصر مباشرة ..

بصراحة أكله لبناني وطيب والمكان يشرح الخاطر وفيه قسم للعائلات وغرفة ألعاب للأطفال ..

المأخذ الوحيد اللي كان على المطعم أسعاره , بصراحة شفته مبالغ جدا جدا فيها ..

[آنــه]

انا جربت من كم يوم كافيه جديد وتابع ل ماما روتي في الرويال بلازا
صراحة جداً جداً سيء

الأكل مؤ نظيف و السير فس تعبان جداً شخص واحد اللي يسوي كل شي
المعصره اللي هي معصره أحلى وانظف منه
و تكلمت مع المدير وحاول أني ما ادفع وانه يبي يسكتنا
انا بعثت الصوره للبلدية ع طول وقدامه

لازم كل واحد يعرف ان إحنا مب لاقين فلوسنا ع السيف
وان إحنا كلنا نستحي و ما راح نتكلم عن الغلط لو دفعوا لنا
والا اخصموا لنا من المبلغ

[m7mmd]

اليوم جربت زعتر نوع ثاني عندهم
وطلع لذيذ جدآ انصحكم جربوه رهيب :nice:

الحبه بخمس ريال كبيره وعباره عن قطعتين بوسطهم الزعتر والخبز او الكعك مغطى كله بسمسم حار ومقرمش
تاكل نصه تشبع :)


http://www.mlfnt.com/lives6/13527385891.jpg


http://www.mlfnt.com/lives6/13527385902.jpg


http://www.mlfnt.com/lives6/13462680595.jpg

__

[Reemee]

الصياد بالنادي الدبلوماسي اكله وايد حلو

انا اطلب سيزر سالاد ومشاوي والقعده رهيبه روحي العصر ويلسي ع البحر بس لازم تحجزين
مطعم كريب اواي بشارع سلوى حلو اكله تقريبا نفس ابل بيز وفرايديز
وحلو غدا اجواءه ماتحسبن انج في الدوحه
مطعم النبلاء مب شي والله مو لذيذ ةايد طلب مشاوي
مطعم ريستريكتو اعتقد جيه اسمه اكله ايطالي ولذيذ جدا
اكلات وايد طلبتها وكل اكله لذيذ
مطعم بفندق اسمه سمرست مو ذاك الزود امريكي ومال برجو ما برجر
مطعم كاسبر اكله لذيذ جدا بس مكانه محرج الرايح والياي يمر عليج
بييلا ايطالي اكله نص ونوص
اشاز مطعم هندي اكله مو ذاك الزود طلبت برياني
جوني وكتس لذيذ جدا البرجر ماله نفس البرجر الامريكي الاصلي
رويال جاردن هندي اكله لذيذ طلبت برياني وكاري وبعد دجاج مع روب
رويال تندور اكله مو لذيذ جدا احس العيش صبغ مو زعفران
فلافل حسن احلى فلافل ذقتها بحياتي

لي عوده باجر


وين مكانه !!!!

[العريق]

السلام عليكم و رحمة الله و بركاته

لمحبي البورغر تم افتتاح مطعم شك شاك في فيلاجيو
طبعاً الكثير جربوا هذا المطعم في دبي و أنا منهم
و الزحمة اللي كانت يوم افتتاحة فعلاً يستاهلها
و طعم بورغر يستحق التجربة
انا ما أعمل دعاية له بس انا حبيته من دبي و كنت
انتظره بفارغ الصبر و فعلاً ما خاب ظني نفس الطعم

[wadha-qa]

من كثر ما تمدحون فلافل فايضه جربتها ولاعت كبدي صراحه لا طعم ولا ريحه جربوا فطيرة الفلافل اللي بشهد الجزيرة و صباح ومسا

[WhiteBeard]

كانت لدي قناعة إن ربعنا القطريين ذوقهم في الأكل متواضع... ولازالت... وأن هناك القليل من الناس الذويقة :shy:

العضوة آنة ، اختياراتها خطيرة .. وأغلب المطاعم الي تمدحها تكون فعلاً مطاعم مميزة .. لو إنج واحد من الشباب جان لفينا الدوحة تجارب :tease:

ولكن الشي الوحيد الي استغربته ،، ذمج لمطعم إنتركوت الي عندنا أشوفه جداً متمييز، والكومبنيشن الي يقدمه البطاطا مع اللحم والصوص يشكل وجبه لذيذة لا تقاوم!! ... خاصة إذا كان الطلب medium well!!

شكراً آنه ، وأي إضافات جديدة لا تبخلين علينا بها!

[قطري vip]

مخبز ايراني قديم في منطقة الريان يسوي زعتر رهيب
مكانه من دوار الشيخ عبدالله بن خالد ( الي عند مقبرة الشيوخ ) وانت رايح باتجاه الغرب ثاني لفه على اليمين

للعلم هذا احسن مخبز يسوي زعتر وطعمه رهيب وقديم هالمخبز وبصراحه ماله حل انصح للي يبي خبز مع زعتر من عنده بس ياخذه حار من الفرن وجنبه شطة كريستال

[آنــه]

كانت لدي قناعة إن ربعنا القطريين ذوقهم في الأكل متواضع... ولازالت... وأن هناك القليل من الناس الذويقة :shy:

العضوة آنة ، اختياراتها خطيرة .. وأغلب المطاعم الي تمدحها تكون فعلاً مطاعم مميزة .. لو إنج واحد من الشباب جان لفينا الدوحة تجارب :tease:

ولكن الشي الوحيد الي استغربته ،، ذمج لمطعم إنتركوت الي عندنا أشوفه جداً متمييز، والكومبنيشن الي يقدمه البطاطا مع اللحم والصوص يشكل وجبه لذيذة لا تقاوم!! ... خاصة إذا كان الطلب medium well!!

شكراً آنه ، وأي إضافات جديدة لا تبخلين علينا بها!

اولا اشكرك على هالاطراء .. وانا كنت اتمنى اكون رجال عشان أدور ههههه امنيه كل بنات قطر تمنوها قبل الانفتاح عشان حكرة البيت بس الحمدلله ربي عندنا إخوان ما يقصرون فينا من جذي راحت هالامنيه مع وطرها ... ع العموم الإنتر كوت ترى ما عجبني لان كان في الأكل رائحة نموسيه وانا ما احب الروائح في الأكل

والحين انا انتظر تجاربكم لان انا صار لي شهرين برى البلاد ينفع أحط لكم المطاعم اللي برى قطر ههههه اتغشمر ،بس ان شاء الله من اروح مطعم جديد يعجبني او لا بس راح أحط لكم صور الاكل والسعر ورأيي فيه بكل صراحه .. صدق ترى جربت شيك شاك حلو بس وايد غثيث ما قد جربته قبل في دبي ما كنت اقدر اروح له او أوقف في الكيو و الزحمه بس هني طرشنا السائق و جاب لنا منه وجربناه

[الخيالة]

آخر مطعم جربته كان في فندق فريج شرق مطعم بريسا مطعم ايراني روووووووعه

[آنــه]

جربت مطعم دمسكا في سوق واقف ما عجبني يعني ما افكر اروح له مره ثانيه

و جربت الكمبنسكي اللي قريب من منطقة الأبراج قريب الدبليو اكله حلو و في وجبة غداء يوميه وسعرها مب غالي يعني للشخص و حلو ان المكان مافي زحمه الظهر الا الأجانب طايحين في الاماكن اللي تقدم عروض

[الصقر999]

كوفي شوب mado من أشهر وأرقى محلات الكوفي شوب في تركيا افتتح فرع جديد بقطر ممكن للي عنده معلومات ويين مكانه بالضبط يفيدنا؟

[آنــه]

^

سالت ومحد أفادني بوجوده في قطر

[غرِيبهـ]

آنه شحالج
لاحظت كاتبه شهرين مانتي في لبلاد

برشلونة :telephone:

[Khaled Qatar]

كوفي شوب mado من أشهر وأرقى محلات الكوفي شوب في تركيا افتتح فرع جديد بقطر ممكن للي عنده معلومات ويين مكانه بالضبط يفيدنا؟

اللي اعرفه انه افتتح في برج اشغال

[باحثة]

الفطور
جربت الماريوت- شرق- mbco-لاسيقال

بس التوب فيهم الماريوت

الغدا
ذا فيلج اكلهم روعه وخاصة البرياني

العشا
ماميك-لوزار- فندق شرق- لاسيقال-شك شاك- زعفران-الي في اللولوة اللباني بسناسية اسمه
بس افضلهم عندي لوزار ( للسي فود).

[نو لمت]

ذا فيلج احلى شي و فندق شرق

[بوعجيل]

جزاك الله خير

[تغلبية]

من كثر ما تمدحون فلافل فايضه جربتها ولاعت كبدي صراحه لا طعم ولا ريحه جربوا فطيرة الفلافل اللي بشهد الجزيرة و صباح ومسا



وفلافل شاورما اكسبريس لذيييييذة ومب تقليدية

[العنود22]

هلا

في لو نوتر للفطور في فيلاجيو

وبلو في جراند هيرتج للغدا

وثري سيكستي في الشعلة للعشا

[برشلوني قطر]

بوسالم

سندويش كووولش:victory:

[دمي قطري]

صباح الخير

امم هالفترة انا ما اكل الا برررع بقولكم المطاعم اللي زرتها

salsa مكسيكي في الماريووت الاكل رهيييييييب وغير تقليدي وخاصة الشوربة والسلطاات

مطعم الكورنيش في الماريوت طبعا سي فوود اكل 70% مقبول

مطعم ايطالي نسيت اسمة في الماريوت كورديارد اللي جنب الستي سنتر حلوو اكلة وغير تقليدي

وعندكم في الشيراتون مطعم ايطالي اسمة لافراندا طلتة حلووة على البحر والطاولات برع وداخل امم اكلة شبة عادي بس القعدة تشرح الصدر

المطعم الهندي اللي في فيلاجيووو بعد حلووو تقيمي له 70%

المطعم الهندي اللي في الموول رووووعه تقيمي لع 95 %

بوتيك سلط بصراحة اكله جدااا عادي بس النااس رافعينة فوووق ما ادري لية بس الناس اذواق

واحلى مطعم طبعا بالنسبة لي الوزار احبببب اكلة

ذا فليج دووم اكلهم في ريحة ومايعجبني واايد بس السيرفز حلوووو

وسلامتكم

[OM_OMAR_QATAR]

المطعم الهندي اللي في الموول رووووعه

[آنــه]

المطعم المغربي اللي في اللاجونا حلو و خصوصا طاجن اللحم بالبرقوق و الكسكس بالخضار اول مره اكل اكل مغربي جذي حتى الشاي والغريبه روعه عندهم

[كازانوفا]

للعلم هذا احسن مخبز يسوي زعتر وطعمه رهيب وقديم هالمخبز وبصراحه ماله حل انصح للي يبي خبز مع زعتر من عنده بس ياخذه حار من الفرن وجنبه شطة كريستال

هاي وين باي منطقه ؟؟؟:omg: مع غرشة بيبيسي باااااااااارده