موسوعة : المطاعم الي جربتوها بقطر [الأرشيف] - منتديات شبكة الأسهم القطرية

خشوف

01-01-2011, 12:56 PM

الموضوع : نبي تجاربكم مع مطاعم قطر
والاكلات الي جربتوووه!!
وش الشي الي تنصحونا نجربه؟؟
ورايكم بالاسعار؟؟
والخدمة والقعده فيها ؟؟
كل المطاعم من كفتريا الى ارقى المطاعم
والاهم : الاحلى للفطور / الغداء / العشاء

http://www.saxtonsign.com/img/portfolio/appleBees-CAN%5B1%5D.jpg

http://farm1.static.flickr.com/138/325870321_c16dc14f7c.jpg

http://www.ejaztna-malaysia.com/images/dalel/rest/burger-king.jpg
http://www.pickeringtonpanthers.org/images/20061213mcdonalds.gif

http://1.bp.blogspot.com/_NgRdpp7NaaM/S8cX23IkoCI/AAAAAAAABRo/KLKDm2p9NXo/s1600/tgi_fridays.png

خشوف

01-01-2011, 01:01 PM

http://www.applebees.com/images/logo_international.gif

أبل بيز حق الغداء او العشاء احلى مكان عندي الفرع الي صوب السد

تجاربي

شوربة المشروم حلوه عندهم + السنتفيه سلط كنت مدمنتها بس الحين احسها فيها شي متغير

المقبلات لذيذه
http://www.applebees.com/images/menu/land_appetizers.jpg

جربت ستيك اللحم بالربيان ماعجبني

http://www.applebees.com/images/menu/land_steaks.jpg

جربت فيستا لايم جيكن عجيب
http://www.applebees.com/images/menu/land_chicken.jpg

جربت Shrimp Trio روعه انواع الربيان وتقدرين تغيرين الرز اذا ماتبين تسبدلينه بالباستا بس رزهم مايطوف لذيذ

جربت طبقهم الربيان الجديد ماعجبني كلش
http://www.applebees.com/images/menu/menu_shrimp.jpg

الحلى
حلوى البلوندى
http://www.qaym.com/14996.jpg

عصيري المفضل ستروبري ماهيتو لذيذ

S350

01-01-2011, 08:55 PM

عندك شبستان حلو اكلة واسعارة مب رخيصة ولا غالية وسط وعندك بعد مطعم بخارا اللي في التنس جيد جدا

الوسيط العقاري

01-01-2011, 08:57 PM

أحم سافرت لندن ورحت هاردوز

ودخلت بهاردوز كافتيريا النعيمي ..

http://www.qatarshares.com/vb/attachment.php?attachmentid=63199&d=1273863237

واحسن شي عجبني عندهم

سندويش بيض مفيوح

http://img104.herosh.com/2010/05/20/767383926.jpg

والكرك ..

http://farm1.static.flickr.com/101/285649022_d971284244.jpg

ام عبدالعزيز

01-01-2011, 10:29 PM

صرااااحه احسن مطعم ((السي فود))مطعم سوق واقف

وفيه مطعم ايراني كباب السندباد واحين اهو بنجمه

وسلامتكم

ابو علاوي

01-01-2011, 11:36 PM

مطاعم قطر خدمة ممتازة ونظيفة لكن كلهم اكلهم مو خوش
اللحم استرالي او مجمد والدجاج ساديا مادري شلون مفطسينه
والشاورما لحم جاموس هندي مجمد
احسن شي السمك وبسسس
واحسن مطعم هو البيت وبسسس
وشكراً

دمي قطري

02-01-2011, 01:26 AM

بالنسبة لي الاكل البحررري احبة من السممممممك المفضل صج رووووعه

احب مطعم البيت الشاامي

غراامي ابل بيز وشليز

بوحارب

02-01-2011, 01:28 AM

لاتعد ولاتحصا ولي عودة :)

غايه الطواش

02-01-2011, 01:57 AM

الصياد بالنادي الدبلوماسي اكله وايد حلو

انا اطلب سيزر سالاد ومشاوي والقعده رهيبه روحي العصر ويلسي ع البحر بس لازم تحجزين
مطعم كريب اواي بشارع سلوى حلو اكله تقريبا نفس ابل بيز وفرايديز
وحلو غدا اجواءه ماتحسبن انج في الدوحه
مطعم النبلاء مب شي والله مو لذيذ ةايد طلب مشاوي
مطعم ريستريكتو اعتقد جيه اسمه اكله ايطالي ولذيذ جدا
اكلات وايد طلبتها وكل اكله لذيذ
مطعم بفندق اسمه سمرست مو ذاك الزود امريكي ومال برجو ما برجر
مطعم كاسبر اكله لذيذ جدا بس مكانه محرج الرايح والياي يمر عليج
بييلا ايطالي اكله نص ونوص
اشاز مطعم هندي اكله مو ذاك الزود طلبت برياني
جوني وكتس لذيذ جدا البرجر ماله نفس البرجر الامريكي الاصلي
رويال جاردن هندي اكله لذيذ طلبت برياني وكاري وبعد دجاج مع روب
رويال تندور اكله مو لذيذ جدا احس العيش صبغ مو زعفران
فلافل حسن احلى فلافل ذقتها بحياتي

لي عوده باجر

Dana’1

02-01-2011, 04:21 AM

فلافل حسن احلى فلافل ذقتها بحياتي
ممكن موقع المحل ؟

Fahad Alqahtani

02-01-2011, 05:33 AM

الزرقا والسفير للكيما

والمشاهير للفول

انا حره

02-01-2011, 10:42 PM

البيت الشامي اكله حلووو

وعجبني برج الحمام الي بالؤلؤه وخاصه عقب ماجددوه قعدته رايقه وحلووه واكله زين

Xx QATARI xX

02-01-2011, 11:13 PM

بما ان الموضوع عن المطاعم
فيه مطعم في رويس

يسوي سندويج فلافل بالجباتي وطعمه عجييييييييييييب
ويحط معاه جبس عمااااااااااااااان
جربووووه

خشوف

03-01-2011, 10:01 AM

عندك شبستان حلو اكلة واسعارة مب رخيصة ولا غالية وسط وعندك بعد مطعم بخارا اللي في التنس جيد جدا

وش احلى شي ذقته نبي تجاربك:nice:

خشوف

03-01-2011, 10:02 AM

خشوف

03-01-2011, 10:03 AM

صرااااحه احسن مطعم ((السي فود))مطعم سوق واقف

وفيه مطعم ايراني كباب السندباد واحين اهو بنجمه

وسلامتكم

في واجد اي مطعم تقصد اخوي المحار ؟؟
وش احلى شي جربته عندهم

خشوف

03-01-2011, 10:04 AM

خشوف

03-01-2011, 10:06 AM

بالنسبة لي الاكل البحررري احبة من السممممممك المفضل صج رووووعه

احب مطعم البيت الشاامي

غراامي ابل بيز وشليز

البيت الشامي ما جربته وش احلى شي تنصحني اذوقه

ابل بيز وشليز ماعليهم كلام:victory:

خشوف

03-01-2011, 10:06 AM

لاتعد ولاتحصا ولي عودة :)

:nice: نترياك

خشوف

03-01-2011, 10:09 AM

خشوف

03-01-2011, 10:10 AM

الزرقا والسفير للكيما

والمشاهير للفول

:nice: 100%

خشوف

03-01-2011, 10:10 AM

البيت الشامي اكله حلووو

وعجبني برج الحمام الي بالؤلؤه وخاصه عقب ماجددوه قعدته رايقه وحلووه واكله زين

برج الحمام على كثر ما سمع عنه شكلي بجربه عندهم اكل بحري؟؟

خشوف

03-01-2011, 10:11 AM

بما ان الموضوع عن المطاعم
فيه مطعم في رويس

يسوي سندويج فلافل بالجباتي وطعمه عجييييييييييييب
ويحط معاه جبس عمااااااااااااااان
جربووووه

رويسسسسس بعيييييده :nice:

خشوف

03-01-2011, 10:13 AM

الي فرانس كافيه

http://www.cbq.com.qa/Admin/images/WafaMerchants/elifrance.jpg

مكانهم هادي جدا وحلو للفطور الصبح سوى الي بالستي سنتر او الي قريب فندق رمادا
طلبنا المعتاد فطور عربي + اومليت جيز + 2شاي+ عصير برتقال
اسعاره حلوه مناسبه للجميع

خشوف

03-01-2011, 10:14 AM

الحي الثقافي

مطعم (جباتي وكرك)

2جباتي 2 كرك =10ريال

http://www.ii1i.com/uploads6/fa4128e82e.jpg (http://www.ii1i.com)

خشوف

03-01-2011, 10:15 AM

الحي الثقافي مطعم خان فاروق

تصويري

http://www.ii1i.com/uploads6/7da511fbda.jpg (http://www.ii1i.com)

http://www.ii1i.com/uploads6/54fdb47f7e.jpg (http://www.ii1i.com)

http://www.ii1i.com/uploads6/e21a42fcc2.jpg (http://www.ii1i.com)

طلبنا كان 2 شوربة عدس لذيذه ماتتطوف

http://www.ii1i.com/uploads6/c6198c9a6f.jpg (http://www.ii1i.com)

كشري ماعجبني الله يعز النعمة

http://www.ii1i.com/uploads6/0f706b1de0.jpg (http://www.ii1i.com)

الحساب
http://www.ii1i.com/uploads6/a4b8a4b6d7.jpg (http://www.ii1i.com)

ملاحظة
ريحة الشيشة مخيسه المكاااان

بو خليفه 123

03-01-2011, 11:52 AM

مطعم الدانه في فندق شرق (أكل بحري) لقضاء وقت ممتع و رومنسي مع الزوجه

الاكل و الخدمه 10/10
الاسعار نوعاً ما مرتفعه بحكم انها في فندق 5 نجوم

مطعم لوزار في الحي الثقافي (بالحجز) أكل بحري ايضاً
الاكل 10/10
الخدمه 8/10
الاسعار 8/10

مطعم اسماك الخليج بالمرخيه (take away)
الاسعار والاكل 10/10
يبيلك تتربع على الارض في المنزل و تتوسد ام الربيان :shy:

Xx QATARI xX

03-01-2011, 02:34 PM

رويسسسسس بعيييييده :nice:

فيه ناس يروحون سلوى يعطونها مندي ويرجعون
كل شي يهون عشان هالبططططططططن :nice:

غايه الطواش

03-01-2011, 04:28 PM

من صجكم ماتعرفون فلافل حسن

هاي اشهر محل فلافل في قطر بشارع الريان واختفى مع الازاله

rayyani4ever

07-01-2011, 01:00 AM

من صجكم ماتعرفون فلافل حسن

هاي اشهر محل فلافل في قطر بشارع الريان واختفى مع الازاله

من جذي انا استغربت عبالي فتحوه مره ثانيه.. (كنت بروح لهم لو في الرويس:nice:)

بالنسبه للفلافل.. انصحك تجرب من مطعم في محطة بوهامور اسمه "فلافل فايضه" اعتقد.. الصرااااحه عجييييييييييييييييييييب:nice::nice: تحسه خفيف مب نفس البتراء يخليك:secret:

و في النهايه الناس اذواق:)

بس ابيكم تجربونه و تعطوني رايكم:victory:

الفهد1

07-01-2011, 10:28 AM

مطعم سارة فريج عبدالعزيز مطعم حلو والاسعار احلى جربوة وماراح تندمون

مخطط قطري

07-01-2011, 08:50 PM

الفهد انا جربته ساره بس الاحظ انه كل شوي يرفع في الاسعار صار استغلالي وخليته يولي ولا كلامك صحيح
اكله حلو وخصوصا صالونه الدياي مع الخبز لول

غلا الريان

14-01-2011, 08:32 AM

للرفع

:shy:

شيزكيك

15-01-2011, 12:24 PM

انا جربت مطاعم كثيره

الاكل الشامي

المجلس

الخيمه

يامال الشام قبل ماكان نظيف

الاوتوماتيك قبل والحين غيروه الى البيت الدمشقي مطعم نظبف واكلهم حلو

البيت الشامي الي في سلوى نظام بوفيه بعد اكلهم حلو ومنوع

ليال الي في فيلاجيو حلو اكلهم

الاكل الايراني

الملك شبستان كنا دوم نروح له وكل الاطباق لذيذه

شاطر عباس

اصفهان

الاكل الهندي

جربت

شاز الي في فيلاجيو مب لين هناك

بخارى كل شي عندهم لذيذ

نجمة الهند وكرفان من زمان كنا نروح اهم بس الحين لا

اشيانا نص نص

المطعم الهندي الي في المنتزه بعد حلو بس ناسيه اسمه

الاكل الغربي

جربت

فرايديز الفاهيتا والسلطات

بتقنيز كباب اللحم والشوربه

فدكرز ماعجبني

ابل بيز المقبلات والستيكات وكان عندهم عصير لذيذ مانغو واناناس

لو نتر الي في فيلاجيو اكلهم لذيذ

دين اند دلوكا الي في فيلاجيو ما عجبني وايد

الاكل التركي

جربت مطعم سكر باشا الي في الحي الثقافي اكلهم لذيذ

للفطور

اوبرا نطلب الفطور الشرقي

ايلي فرانس بعد الشرقي

البتيل بعد الشرقي

فطور الفنادق

جربت شرق خيارات متعدده

لا سيغال روعه فطورهم

فور سيزنز صدمه فطورهم

الانتر حلو فطورهم

chillis

15-01-2011, 04:03 PM

الاكل ايطالي سوق واقف الي ورا مندرين والثاني للي مقابله ماعرف اساميهم بس ال بظهره روووعه هوم ميد. يعني اكل بيت ومطعم العايله كلها تشتغل فيه من الام للابو للعيال الاكل ولا اروع. كل شي فرش. الهندي مطعم. خزانه روعه ورا لخارجيه الي هو اعتقد بيت الدرويش قبل. اما الشامي. النبلاء شارع سلوى. والسي فود الانتر كونتننتال. والمغربي طاجين. الي بفندق رجنسي الي عند مستشى حمد.

adel777

15-01-2011, 04:31 PM

مطعم سميرة .... شباب الوكره يعرفونه

chillis

15-01-2011, 05:24 PM

هههههه شالمطاعم العجيبه. وسمعت ان في مطعم بدريه بعد صج ؟

][ iMedia ][

16-01-2011, 01:46 AM

مطعم سميرة .... شباب الوكره يعرفونه

اااااااااااههههههههههههههههههههههههههههههههههههههه ههه
الله يغربل بليسك . . :pilot::pilot:

بو خليفه 123

16-01-2011, 10:08 AM

مطعم Tse Yung

في اللؤلؤه ..

يفوق الوصف :nice:

مسمس12

16-01-2011, 10:16 AM

ام الحنايا

شيزان

شبستان

المجلس

اللبناني اللي في فيلاجيو نسيت اسمه

كلهم حلووين

نسيت بعد المحارة في سوق واقف عجيب

واسماك الخليج عجيب

البيت الشامي والبيت الدمشقي جربتهم بداية ايام حملي احسهم استغفر الله مدري يمكن من النساة

بو خليفه 123

16-01-2011, 11:48 AM

مسمس اسماك الخليج فعلاً رااااائع

chillis

16-01-2011, 12:01 PM

بس انا اقول البحري الانتر احلى مطعم الي هو مطعم سلطان ابراهيم

خشوف

08-02-2011, 09:44 AM

يعطيكم العاافيه

*¤ بن قطر¤*

08-02-2011, 02:10 PM

أنصح بتجربة مطعم Choices و الواقع في فندق Oryx Rotana بجانب مطار الدوحه الدولي ...

مكان يستحق الزياره

مونديال

08-02-2011, 02:45 PM

اهم شي البلعه وكله يمشي

بونواف2011

08-02-2011, 04:30 PM

السلام عليكم ورحمة الله وبركاته
مطعم لي لي وايت في مواقف النادي العربي خلف الاتحاد القطري للطائره اكله لذذذذذذذذذذذذذذيذ
وهو مطعم فرنسي اجمل شي الاستيك خصوصا باريس ريل استيك سدويش وايضا استيك المشروم
انصح بتجربته
وانصح مقاطعة المطاعم اللي تبيع خمر مثل معظم مطاعم الؤلؤه ومعظم مطاعم الفنادق درجة اولى

بوخالد911

12-02-2011, 05:05 PM

بخارى

الباتروس

الزرقا

بيروت

المجلس العربي

@north_star@

12-02-2011, 05:50 PM

مطعم وافي جورميه اللي فتح جديد باللاند مارك
اكله حلو خاصة المقبلات ومشكلته مفتوح على بعض زياده عن اللزوم وطبعا الى الان ما افتحوا الطابق الثاني اللي اتوقع يكون للعائلات

الشقيان

13-02-2011, 12:50 AM

بس انا اقول البحري الانتر احلى مطعم الي هو مطعم سلطان ابراهيم

:nice::nice::nice:

bo_s3ood

20-02-2011, 02:10 PM

هههههه شالمطاعم العجيبه. وسمعت ان في مطعم بدريه بعد صج ؟

موجود في منطقة بن محمود

فدركرز وبنقنز حلووين بنقنز شيكن سلط عجيبه اكلتي الرئيسيه

خشوف

21-02-2011, 07:17 AM

يعطيكم العافيه

عربسات

21-02-2011, 12:59 PM

السيفوود مطعمي المفضل الاسمال السريعه الي في المطار نصيحه الي ما جربه يجربه خصوصاً هامور مكس مقلي + مشوي وسلطه روبيان وشروبة دجاج ........... بس تيكاوي لان القعده داخل مش ذاك الزود والاسعار جيده

اما المشاوي عندي مطعمين التركي المركزي (شارع النصر) وشابستان

اما العيوش احس مكان للقعده والطعم ... الطواش في سوق واقف اهم شي حلو بالعصيده هههههههههههه

والامريكي ما يحتاي ابل بييز

بويعقوب

21-02-2011, 01:27 PM

علي شان في المنتزه

مطعم هندي اعطيه **** 4 stars

فيه اماكن للعائلات

واكله حلو وخاصة الربيان المشوي (( امس متعشي هناك )) :)

وبالعافيه مقدما

موضي قطر

23-02-2011, 11:06 PM

يعجبني المطعم اللي في شرق رهيب سكنا 3 أيام وكان كل يوم البوفيه يحطونه أكل لدوله معينه والماريوت المطعم اللي فيه نسيت اسمه حلو الصراحة خاصة السي فود :rolleyes2:
والإنتركنتننتال حلو الواحد يحجز فيه كم يوم ويتمتع بأكلهم اللذيذ بصراحة يعجبني خشوف انصحك تسكنين فيه وتروينا التقرير وهم تجربين اكلهم:)

ضي البدر

24-02-2011, 11:34 AM

بعطيكم تجاربي اذا حبيتو مو شرط تعجب الكل:

كوجبة الفطور فندق الأنتركونتننتال..
وجبة الغداء فندق فريج شرق..
وجبة العشاء المطعم اللبناني الإيرني في فلاجيو ماعرف اسمه مو واضح.. اولسو+ المطعم الفرنسي لينتور في فيلاجيو..

وفي النهاية حلو الواحد يجرب ويرفه عن نفسه.. ومافي أحلى من أكل البيت والقعدة والسدحة بعد الأكل..

ويعطيج العافية..

ابو علاوي

01-03-2011, 08:20 PM

علي شان في المنتزه

مطعم هندي اعطيه **** 4 stars

فيه اماكن للعائلات

واكله حلو وخاصة الربيان المشوي (( امس متعشي هناك )) :)

وبالعافيه مقدما

علي شان؟ هههههههههه
ياشيخ حاطين فلفل للاكل يخليك تطير وتناقز ههههههه
ياجماعة لحد ياكل لحم ودجاج عند المطاعم
لانه كله مجمد ومصدر اللحم غير موثوق هل هم يكبرون عالذبايح لما يذبحونها ولا تفطيس
ولحد يقلي طريقة اسلامية لان الطريقة الاسلامية بنظرهم انهم يذبحونه بالسكين وليس صعق
أن الله سبحانه وتعالى أمر بالتسمية عند الذبح فقال جل جلاله فى سورة ‏الأنعام { فكلوا مما ذكر اسم الله عليه ان كنتم بآياته مؤمنين } [آية 18]

خلوها سمك احسن شي وبلا هاللحم المجمد

وقال جل ‏‏شأنه { ولا تأكلوا مما لم يذكر اسم الله عليه وإنه لفسق } [آية 121

وقال أيضا ‏‏{ أنعام لايذكرون اسم الله عليها افتراء عليه } [آية138

دااانة قطر

01-03-2011, 09:23 PM

ممكن موقع المحل ؟

في خبر كااان اللي عنده خبر يعلمنا

شفيهم النااس موااضيع المطااعم تكررت وزاادت

المهم
مطاابخ الدوحه الشعبيه للأكلاات الشعبيه

مطااعم هنديه (روياال تندور .. بخارى .. بريااني هت .. مازا .. مهراجا .. خزنه )
بريااني ودجاج بالزبده والربياان والهاامور وانوااع التيكا

المجلس العربي .. البيت الشاامي .. اوبرا .. اللي فراانس .. سمر لاااند .. تيك اوي .. يلوكااب .. نااندوز .. صبااح ومساا .. صيدا) مشااوي وباستا ومقبلااات فطااير.... الخ

زمن غدار

01-03-2011, 09:27 PM

مافي بعد ماكدونالدز لوول

دااانة قطر

01-03-2011, 09:30 PM

مسمس اسماك الخليج فعلاً رااااائع

كاان
الحين اي كلااام

am5ald

03-03-2011, 09:43 PM

موضوع اكثر من رائع
واتمنى يتم تثبيت الموضوع
عشان كلنا نستفييد من تجارب بعض في المطاعم
كل الشكر

بنت شيوخ

08-03-2011, 11:15 AM

موووووووووووووضوع روووووووووووووووووعه الله يعطيج العافيه

اشراقة الشمس

15-04-2011, 11:29 AM

مطعم نجمة الهند بوفيه مفتوح بسعر 42 ريال
مطعم البيت الشامي طريق سلوى بوفيه مفتوح يوم الجمعة و السبت بسعر 80 ريال
مطعم شاطر عباس بوفيه مفتوح يوم الجمعة بسعر 75 ريال
مستواهم جميعا مقبول

فرحة الكواري

15-04-2011, 11:51 AM

الكوفي اللي في فندق قراند - الطابق الارضي على اليسار

عندهم الحلويات وايد حلوة وخصوصا الجيز كيك

mE mYself & i

15-04-2011, 12:47 PM

أحلى مطعم في قطر ملك الدجاج

البرجوازي

15-04-2011, 01:47 PM

شرايكم ياأهل قطر المطعم الي مايخصص مكان للعائلات ومايوفر خصوصيه عند الطلب نقاطعه او يبيع خمور مع اني ماشفتها في مطعم محترم بعد مقاطعه . او المطعم الي يحط شيشه وخربطه نقاطعه . ممكن واحد يقول هذولا ماتفرق معاهم راح يجونهم اجانب . لكن تلفت حولك راح تلاقي اكثر الزبائن قطريين ويدفعون الفاتوره الي اكثر من 500 ريال . فنشوف من الي راح يخسر هم يبون الانفتاح والخربطه والاختلاط واحنا نبي مرضاة الله والستر ونغير جو ولكن في اماكن محترمه وتحترم دينا واخلاقنا . فبيدك اخي واختي التأثير والتغيير ابدأ بنفسك . لأنك بذهابك لهذه المطاعم المشبوهه وتصرف فيها اموالك تشجع اخوك واختك وابنك وصديقك على هالمطاعم وتربحها . خلونا نغير ونطلب ونسأل مدير المطعم عند الحجز في هذه المطاعم عن هذه الاشياء حتى يعرفون مطالبنا .اما بالنسبه لي المطعم الي ارتاح فيه واكله عاجبني بخارى مجمع التنس والاسكواش . :nice:

leader8118

15-04-2011, 10:24 PM

احسن مططاعم سوشي هي (( مطعم نيو في طريق سلوى . ومطعم مقابل مكتبة جرير. ومطعم داخل رمادا )) لمحبي السوشي

Bo-JaSiM

16-04-2011, 11:57 AM

كفتيريا فلسطين صوب النادي العربي
ياعليهم فلافل .. صج بوريالين
بس شي شي!!!

ممنوع اللمس

19-04-2011, 01:26 AM

مطعم السفير
2 ساندويش دجاج ماله حل
واحد كوكاكولا
والمكان رومانسي وهادي...شارع سلوى جنب البنشري
وانت تاكل بنفس الوقت تتعلم طريقة البنشر السليمه وفيه العافيه

نوفي

19-04-2011, 09:50 AM

معصرة بوسالم في مدينة خليفه .. سندويج دجاج مايونيز وعصير موز
ترتييييييييييب:victory:

omabdulla

19-04-2011, 10:21 AM

ابل بيز
شمسوه عجييييييييييب
السفير
غفور طبعا معروف في العزيزيه
المجلس الله يديم النعمه تغييير وايد
فنيسيا حلوه مقبلاته والمشاوي
فرايديز
جباتي وكرك معطينه اكبر من حجمه
مرمرة اسطنبول تسمم
اكس على ماكدونالد وهارديز وكنتاكي

almaf1a

19-04-2011, 11:08 AM

مافي مطاعم فيها جلسات خاصه مسكره للعائلات نفس فينيسا ستاير مسكره عليك
اغلب المطاعم الجديده مفتوحه على بعض حتى في قسم العائلات

king fish

20-04-2011, 10:09 PM

من صجكم ماتعرفون فلافل حسن

هاي اشهر محل فلافل في قطر بشارع الريان واختفى مع الازاله

سمعت انه كان يحط جت

جمال اليافعي

20-04-2011, 10:21 PM

احسن مططاعم سوشي هي (( مطعم نيو في طريق سلوى . ومطعم مقابل مكتبة جرير. ومطعم داخل رمادا )) لمحبي السوشي

جرب مطعم Oishi في الرويال بلازا ولا بتروح نيو مرة ثانية , نيو غالي على الفاضي والسوشي تعبان .

كنت عايش في اليابان واعرف السوشي السنع واسعارة مهب مبالغه ( اسعار طبيعية مهب سياحية )

بـن عدوان

21-04-2011, 04:06 AM

مطعم محمد سلطان اللي في بن عمران ( 2 جباتي مع بيض وجبن وكرك )

احلا ريوق في العالم

جمال اليافعي

21-04-2011, 08:01 AM

مطعم محمد سلطان اللي في بن عمران ( 2 جباتي مع بيض وجبن وكرك )

احلا ريوق في العالم

اي واحد الي صوب الساحة الحصى ولا الي صوب شارع جمعية اليرموك ههه

شمعة الدوحه

21-04-2011, 08:56 AM

مافي مطاعم فيها جلسات خاصه مسكره للعائلات نفس فينيسا ستاير مسكره عليك
اغلب المطاعم الجديده مفتوحه على بعض حتى في قسم العائلات

المجلس اللي في السد

بخارى اللي صوب التنس والاسكواش بس مافيه ستاير
عندهم حاجز انت تقدر تطلبه وتحطه

رويال تندوور .. عجيب انصحك فيه . عائلي وموجود فيه ستاير
أحلى شي اللي بسوق واقف .. اللي في السد المكان ضيق يادوب يكفي 2 أو 3
وماانصح ناس متان يروحون اللي في السد الا اذا كان في الطاولات المكشوفه لانه الضعاف يالله يالله يدشون والطاوله لاصقه فينا مافي أمل تتنفس :(

ديوانية البخاري .. فيه غرف بس عيبهم النظافه .. الجلسات رايحه فيها والمكان تحسه مكركب (فرع الغرافه)

هذا اللي اعرفه بس

تحداني

21-04-2011, 09:17 AM

:)

حلو الأكل لما يكون لذيذ وغريب .. ومع الاهل والاحباب
يلا خلوني اقول لكم شلي جربته وحبيته وايد

1. Il Teatro مطعم ايطالي راااائع في الفورسيزن " لكن غالي اشوي " بس لذيذ
Isaan Restaurant مطعم تايلندي :) في جراند حياه ايضا جميل جدا " لكن غالي " :(
la mer مطعم فرنسي وايد حلو بعد في الريتز
Porcini ايطالي لذيذ وايد " في الريتز " بعد غالي اشوي
Tse Yang مطعم chinese في " اللؤلؤه "

طبعا صعب الشخص يروح هالمطاعم كل يوم .. بس لدعوه شخصين ممكنه
او لو ودك اطلع اضيوفك :) الي جايين من برا الدوحه

في مطعم عراقي وايد حلو بعد حبيته في سوق واقف

نجي لباقي المطاعم
مطاعم " فندق رمادا " احب معظمها
مطعم سراي المقبلات حلوه
مطعم بي كيو في فيلاجيو صحي ونظيف وحلو
مطعم فرايدز ابد مو صحي بس حلو بعد

شبستان كان جدا مميز بس يمكن مع تنوع المطاعم ما عاد الواحد يشوفه لين اهناك

وبالهناء والشفاء

جملكم الله برضى الرحمن

شمعة الدوحه

21-04-2011, 04:17 PM

للفطور :

زيت وزعتر في سوق واقف

أو المطعم اللبناني بعد في سوق واقف

مطعم في فندق شرق اللي تحت فيه بوفيه ريوق بس ناسيه اسمه

بالنسبه للغداء :

فرايديز _ باستا
جيليز _ باستا + مولتن كيك غرااااامي :(

http://www.hayah.cc/forum/imgcache/165353.png

أبل بيز _ باستا
مطعم لوزار في الحي الثقافي ( أكلات بحريه )
رويال تندور _ برياني دجاج + ماسالا دجاج + خبز براتا
بخارى _ بعد للبرياني تقريباً نفس مستوى رويال تندور
ديوانية البخاري
يم يم تري _ باستا
مطعم المجلس
الخيمه _ أم علي عندهم روووووعه
فينيسيا

:nice:

صــوت قطــر

21-04-2011, 04:40 PM

في فندق على شارع (( الاصمخ )) اظن اسمه قطر بلاس وبالدور الاول فيه مطعم هندي وعندهم برياني ربيان وكاري ربيان .. المطعم نادر ماتشوف قطري كله هنود ولكن انصح الي بيروح يتغدا ان مايكون عنده شغل او موعد لانه اكلهم لذيذ وايد وبيتخدر ..

فرايديز
الله يعز النعمه عوار بطن

احلى ام علي في الشيراتون واحلى سي فود في الشيراتون كل اربعاء بوفيه بس خطيررر وعيبه الزحمه

A l i

21-04-2011, 07:04 PM

آبل بيزز احب الستارتز مالهم ( كومبوتاور)
احب المطعم الفرنسي اللي في اللؤلؤه اللي فيه من كورس واحد يجيك ستيك وفرنش فرايز
احب خااان فارووووووق في كتارا يازين الكشري والفراخ والمصقعه <3
احب سكرر باشااااا في كتارا مطعم تركي المشاوي حلوه
مطعم لوزااار في كتارا >>>> الله يعزز النعمه بسس :(
مطعم مزاا في اللؤلؤه ماعجبني :(
مطعم مانغو تري اللي في اللؤلؤه كلش كلش ما آنصح فيه !!!
زعفران المطعم الهندي في كتارا يجننن انصصحكم فيه <٣
بوفيه لاسيقال ( استغفر الله )
بوفيه الدانه في شرق حلوو للريوق
بوفيه جراند حيااه حلووو <333

خشوف

22-04-2011, 08:29 PM

مافي مطاعم فيها جلسات خاصه مسكره للعائلات نفس فينيسا ستاير مسكره عليك
اغلب المطاعم الجديده مفتوحه على بعض حتى في قسم العائلات

عندك في مجمع وذنان
مطعم وكافيه شامي راقي ومصكر كل وحد بغرفه محد بيشوفكم

لاجل QT

22-04-2011, 08:37 PM

الساحة.. بخارى..المطعم الفرنسي بالرتز..
ابل بيز ستيكاتة حلوة..صب واي السندويتش الايطالي الحار يمي يمي لذيذ

خشوف

22-04-2011, 08:50 PM

يعطيكم العافيه ونتريا باقي تجاربكم

Chambray

23-04-2011, 12:48 AM

سمعت انه كان يحط جت

بالعكس الجت ( البرسيم ) صحي جداً :)
وحتى لو كان يحط جـــــــت كان له زباينه :)

rayyani4ever

24-04-2011, 10:46 AM

كفتيريا فلسطين صوب النادي العربي
ياعليهم فلافل .. صج بوريالين
بس شي شي!!!

صار ب4 ريال الحين:weeping:

احلى شي صفيحه من "عمر خيام".. منها نتذكر ايام المقصف ههههه:nice:

ابل بيز
شمسوه عجييييييييييب
السفير
غفور طبعا معروف في العزيزيه
المجلس الله يديم النعمه تغييير وايد
فنيسيا حلوه مقبلاته والمشاوي
فرايديز
جباتي وكرك معطينه اكبر من حجمه
مرمرة اسطنبول تسمماكس على ماكدونالد وهارديز وكنتاكي

انا معاج في هالشي.. عطيتهم X من كثر ما تسممت منهم..:anger1:

almaf1a

24-04-2011, 11:17 AM

المجلس اللي في السد

بخارى اللي صوب التنس والاسكواش بس مافيه ستاير
عندهم حاجز انت تقدر تطلبه وتحطه

رويال تندوور .. عجيب انصحك فيه . عائلي وموجود فيه ستاير
أحلى شي اللي بسوق واقف .. اللي في السد المكان ضيق يادوب يكفي 2 أو 3
وماانصح ناس متان يروحون اللي في السد الا اذا كان في الطاولات المكشوفه لانه الضعاف يالله يالله يدشون والطاوله لاصقه فينا مافي أمل تتنفس :(

ديوانية البخاري .. فيه غرف بس عيبهم النظافه .. الجلسات رايحه فيها والمكان تحسه مكركب (فرع الغرافه)

هذا اللي اعرفه بس

الف شكر ان شاء الله نعملهم زيارة

عندك في مجمع وذنان
مطعم وكافيه شامي راقي ومصكر كل وحد بغرفه محد بيشوفكم

للاسف ماعرف مكان هذا المجمع اول مره اسمع عن اسمه
شكرا

qatari_xp

25-04-2011, 12:35 PM

الكوفي اللي في فندق قراند - الطابق الارضي على اليسار

عندهم الحلويات وايد حلوة وخصوصا الجيز كيك

جربت رزبيري شيزكيك بس ماعجبني :shy:

MaRuKoO

25-04-2011, 08:55 PM

مازا :nice:
مطعم هندي عجيييب :discuss: وكله غرف مسكره ستير
ماعندي صور للأسف له :omen2:

بوحارب

26-04-2011, 01:45 AM

بس انا اقول البحري الانتر احلى مطعم الي هو مطعم سلطان ابراهيم

حق الخساير:omen2:

بو الجوري

26-04-2011, 09:30 AM

مازا :nice:
مطعم هندي عجيييب :discuss: وكله غرف مسكره ستير
ماعندي صور للأسف له :omen2:

وين مكانه :.. ؟

في حد جرب مطعم آش الإيراني :.. !!!
توه جديد :.. شفت المنيو مالهم :.. شكله عجيب :..

مكانه في شارع آل شافي :..
اللي جربه يعطينه رايه :.. وهل يصلح للعائلات :..

www.ash-restaurant.com

فرحة الكواري

26-04-2011, 05:54 PM

جربت رزبيري شيزكيك بس ماعجبني :shy:

امممممممم مدري انا جربت الستروبري

الناس
اذواااق :nice:

فرحة الكواري

26-04-2011, 06:00 PM

وين مكانه :.. ؟

في حد جرب مطعم آش الإيراني :.. !!!
توه جديد :.. شفت المنيو مالهم :.. شكله عجيب :..

مكانه في شارع آل شافي :..
اللي جربه يعطينه رايه :.. وهل يصلح للعائلات :..

www.ash-restaurant.com

اذا تقصد اللي مره وزعوه مع الجرايد

بصراحه جربت كم طبق في المشاوي وماعجبني

اكلهم اغلبه ناااشف :rolleyes2:

الحال مايساعد

27-04-2011, 01:18 PM

من جذي انا استغربت عبالي فتحوه مره ثانيه.. (كنت بروح لهم لو في الرويس:nice:)

بالنسبه للفلافل.. انصحك تجرب من مطعم في محطة بوهامور اسمه "فلافل فايضه" اعتقد.. الصرااااحه عجييييييييييييييييييييب:nice::nice: تحسه خفيف مب نفس البتراء يخليك:secret:

و في النهايه الناس اذواق:)

بس ابيكم تجربونه و تعطوني رايكم:victory:

كل يوم أفطر عنده قبل الدوام ... خفيف وحلو بس الـ top كافتريا فلسطين

قطر love

27-04-2011, 03:22 PM

وين مكانه :.. ؟

في حد جرب مطعم آش الإيراني :.. !!!
توه جديد :.. شفت المنيو مالهم :.. شكله عجيب :..

مكانه في شارع آل شافي :..
اللي جربه يعطينه رايه :.. وهل يصلح للعائلات :..

www.ash-restaurant.com

مطعم مازا صوب اشارت المطار الدولي عند سامكوو وبيتزاهات

اما مطعم اش المنيو صج كان زحمه هههههههه بس يبيله تجربه

حق السمج مطعم سوق واقف \ احلى شي هامور بروستد :nice:

وافي غورميه الاند مارك عجييييب والخدمه ممتازه :nice:

آلملآزم

27-04-2011, 03:50 PM

بخارا أكلهم له نكهه خاصه ولذيذه :victory:

بو الجوري

28-04-2011, 09:31 AM

اذا تقصد اللي مره وزعوه مع الجرايد

بصراحه جربت كم طبق في المشاوي وماعجبني

اكلهم اغلبه ناااشف :rolleyes2:

إي هو إختي :.. فرحه :..

الصراحه أمس مريت قلت بروح مع المدام :..
المطعم شكله ما يساعد والمكان مكشوف يعني كل اللي بيمرون شارع آل شافي بيشوفوني :.. :)

فرحت مطعم شاطر عباس :.. << كان خاطرنا فاكل إيراني :.. :nice:

waledrehan

30-04-2011, 05:44 PM

مطعم أم الحنايا للمأكولات البحريه بسوق واقف روووووعه

هام السحاب

30-04-2011, 06:05 PM

مخبز ايراني قديم في منطقة الريان يسوي زعتر رهيب
مكانه من دوار الشيخ عبدالله بن خالد ( الي عند مقبرة الشيوخ ) وانت رايح باتجاه الغرب ثاني لفه على اليمين

بيانو

09-05-2011, 12:01 PM

مطعم سارة فريج عبدالعزيز مطعم حلو والاسعار احلى جربوة وماراح تندمون

:victory::victory::victory:

رحته زمان مره - واحد عزمنى هناك

بس حابب أروح مره تانيه بس متوه العنوان مش عارف - كل إلى أنا فاكره أنه عند إشارات الهندسه بالشارع اللى خلف الرغيف الساخن

صح ؟؟؟

إلى يعرف يفيدنا وشكراً

بيانو

09-05-2011, 12:27 PM

موضوع يجوع :rolleyes2:

ويفتح الشهيه:telephone:

بو خليفه 123

09-05-2011, 01:16 PM

يوم السبت تعشيت فس Tse Yung الصيني في اللؤلؤه للمره الثالثه اتوقع .. و الأكل كالعاده ممتاز لكن الي يقدمون الخدمه من الجنسيه الصينيه يعني الصبر ثم الصبر على لغتهم .

انصحكم بتناول التالي :

1 shrimps with wasabi sauce
2 Been tenderloin sliced
fried rice with eggs

البارحه تعشيت في مطعم Megu الياباني وهو فرع للفرنشايز في نيويورك

جربت نوعين ستيك

المطعمين المذكورين اعلاه 10/10

كازانوفا

09-05-2011, 01:19 PM

انا احب اكل البيت الشامي فرع قطر للديكور لانه في نوعا ما خصوصيه للعائلات
احلى شي عندهم المشاوي المشكله وطبق المقبلات الكبير طبعا يختلف لانه في كذا نوع للمقبلات ومنوعه

توتة

09-05-2011, 01:31 PM

مطعم tse yung

في اللؤلؤه ..

يفوق الوصف :nice:

عجيييييييييييييب هالمطعم الصراحة

شوربة الدجاج
الرز الصيني مع الخضروات
اللحم مع الخضروات نفس الباربكيو كانه مع الصوص
البط عجبني حدددددددددددددددددددده
الربيان حلووو وايد بعد
سبرنغ رول الخضروات حلو مع الصوص

سيف العشق

09-05-2011, 01:44 PM

انا انصح بأحدث المطاعم اللي جربتها في قطر وهي موجوده في اللؤلؤه

1- مطعم مانغو تري وهو مطعم تايلندي في الجهة المقابلة لسكند كوب بصراحه اكله جداً حلو

2- المطعم الايطالي اللي جنبه بعد مطعم عجيب وجربت فيه الباستا

خشوف

14-06-2011, 09:56 AM

يوم السبت تعشيت فس tse yung الصيني في اللؤلؤه للمره الثالثه اتوقع .. و الأكل كالعاده ممتاز لكن الي يقدمون الخدمه من الجنسيه الصينيه يعني الصبر ثم الصبر على لغتهم .

انصحكم بتناول التالي :

1 shrimps with wasabi sauce
2 been tenderloin sliced
fried rice with eggs

البارحه تعشيت في مطعم megu الياباني وهو فرع للفرنشايز في نيويورك

جربت نوعين ستيك

المطعمين المذكورين اعلاه 10/10

لنا زياره ان شاءالله

Mohammed2

03-08-2011, 04:32 AM

بالنسبه لي مطعم زعتر وزيت بسوق واقف وفرعه الثاني في شارع ال شافي فالريان
ومطعم لوزار بالحي الثقافي مكانه جميل ديكورات المكان حلوه خدمه ولا اروع واكل بحري مافي احسن منه واسعاره وايد وايد رخيصه حتى الحمام الله يعزكم مرتب وعلى احسن مستوى
ومطعم بخارى الهندي >> دجاج بالكاري والزبده وبرياني دياي ياويلييييييي ههههه

بوحمد2

05-08-2011, 12:00 PM

قهوه حمود وبس...2جباتي جبن وواحد كرك وواحد ماي,,حسابك 4ريال ,,,الموقع بن عمران

~ عاشق قطر ~

06-08-2011, 01:04 AM

بالنسبه لي مطعم زعتر وزيت بسوق واقف

ماله حل هالمطعم ما شاء الله عليه رحت له مرة مع الربع وكل شيء فيه تمام :nice:

قطر 88

06-08-2011, 01:36 AM

في حد جرب شي من المطاعم الصينية بالستي تحت .!

اتوقع نودلز هاوس وفيه مقابله بعد واحد ثاني ؟!

ياليت اللي جربو يقولون لي شلون اكلهم ^^

م.زووس

16-08-2011, 12:56 AM

احلى شي مامي زون السيزر والباستا

DReaM*ANgeL

16-08-2011, 01:47 AM

في مطعم في اللولوة
اسمه
le relais de l'encotre
مطعم ستيكات عجيب
ولذيذ

ابوالكلام

13-09-2011, 11:59 AM

شباب في في محل تركي صغير اسمه شئ؟؟ للفلافل..في محطة بترول بوهامور ورا الهايبر ماركت قريب مركز صيانة النيسان..
للبرغر شبه الامريكي واحلى من جوني روكتس بالدهن مطعم في برج سمر ست جنب فندق دبليو مقابل السيتي سنتر
احلى سنتدويتش دجاج معاصر في محطة بترول الجامعه بالدفنه ايس كريم بلازا مقرمش بالزبده

المتحدث الرسمي

13-09-2011, 12:21 PM

mtabshi

18-09-2011, 07:22 AM

مافي مطاعم فيها جلسات خاصه مسكره للعائلات نفس فينيسا ستاير مسكره عليك
اغلب المطاعم الجديده مفتوحه على بعض حتى في قسم العائلات

مطعم وافي غورميه في اللاندمارك فيه جلسات مغلقة

للصبر اخر

18-09-2011, 12:11 PM

انا جربت مانغو تري
ابد ماعجبببني صراحة

كايد الوكره

18-09-2011, 02:35 PM

ذا فيلج افضل مطعم حالياً
( إيطالي - هندي - ايراني - لبناني )

.
.
.

سؤال بو خليفه 123 ؟
وين احصل مطعم صيني يضبط النودلز ؟

للصبر اخر

28-09-2011, 11:27 AM

جربت من كم يوم مطعم برياني هت بالوكره
اكله ماله طعم
وغاااااااالي على ولاشي

ابو عبد الرحمن

02-10-2011, 10:22 PM

.....

فلافل فايضه

.....

بصراحة اليوم جربتهم طعم الفلافل طيب ورائع جدا

nyzk

03-10-2011, 11:13 PM

مطعم ماميك في كتارا

QtrGate

07-10-2011, 09:20 AM

ذا فيلج افضل مطعم حالياً
( إيطالي - هندي - ايراني - لبناني )

.
.
.

سؤال بو خليفه 123 ؟
وين احصل مطعم صيني يضبط النودلز ؟

ذا فيلج
سمعت عنه وايد لاكن شنو احلى الاكلات عنده
وهل فيه اماكن للعائلات

فرحة الكواري

07-10-2011, 09:40 AM

.....

فلافل فايضه

.....

من يومين مجربته بالصدفه ماره هناك .. :nice:

الفلافل حلوة لكن السندويش حسيته ناشف شوي :omen2:

A l i

08-10-2011, 12:55 AM

لايفوتكم مطعم روجرز اللي مقابل الصالون الازرق توه جديد وحلو
امريكي نفس ابل بيز و فرايديز

دوحة الجميع

09-10-2011, 09:05 PM

مطعم المحاره في سوق واقف يوم السبت عشاء بوفيه بحري بسعر 129 ريال للشخص الواحد جيد نوعاً ما

NOOUR

11-10-2011, 12:26 PM

بالنسبة للفلافل ... أنصحكم تجربوا مطعم بربر اللبناني اللي في مقابل رمادا ... هذا يسوي الفلافل عالطريقة الشامية

واللي يبحث عن مكان معزول للعائلات في مطعم في قلب الدوحة اسمه الحمراء

المطاعم اللي أنصح بها ... المطعم الدمشقي ... وأنا بنصحكم نصيحة أخوية ابتعدوا عن الكنتاكي وجربوا مطعم والي اللي في قرية بروة على طريق الوكرة ... الصراحة أكله رااااائع وطازج ودجاج الوطنية وفي قعدة بره وداخل كمان ... وفيه بعد ألعاب ونطاطيات للأطفال والمكان الصراحة جميل وخاصة هالأيام لأنو الجو جميل
في عنده وجبة خاصة صحية ... عجبتني هالفكرة للي ما يحبو الدسم الزيادة

بالتوفيق للجميع وألف صحة عافية على قلوبكم ...

saif-q6r

15-10-2011, 01:13 PM

برج الحمام - اللؤلؤة ،

الاكل مب لي ذاك الزود حلو ، جربت ( الفتوش و مشكل مشاوي < انصح بتجربته فيه حموضه ، حلوم مشوي < انصح بتجربته حلو ، حمص باللحم اللحم كان بارد والحمص العادي اتوقع افضل ، وبس.

مطعم ماميك ارمني - كتارا (الحي الثقافي)

جو المطعم و قعدته كلش ماعجبوني ، الموظفين تعاملهم لكم عليه ،

انصح بتجربت المقبلات حلوة عنده، المشاوي ماعجبتني كلها ،الكبة حلوة والخبز من الفرن لذيذ .

عليكم بالعافية انتظروني بتجارب جديدة

علي.

alma3ani

16-10-2011, 06:31 AM

مادري ليش حسيت ان في نس يتطنزون بختياراتهم

الصراحه الموضوع صدمة اتوقعة صور اكلات وصور للمطاعم مثل المنتديات اليساحية

بس بعد تشكرون على الموضوع

بنسبة للي قال مطعم الحمرا ما انصح فيه الصراحه المطعم مايسوا وسيئ

بنسبة لي جربت مطاعم وايد

عندكم مطعم وهم في دبليو

و مطعم الليوان في شرق بوفيهم رووووعه

وبعد وفية الفندق اليديد الي في اسباير على ما اعتقد اسمه جراند هرتاج شي جذي

واكيد مطعم ليالي اللبناني طريق سلوى وايد حلو

ومطعم اشاز الهندي وااااااايد حلو فيلاجيو

يمدحون مطعم خزانه الهندي يقولون قريب سوق واقف

مطعم ماركت في دبليو وايد حلو

يمدحون الصيني الي بلؤلؤة

مطعم الايطالي الي في ابراج الفردان بس ناسي اسمه اكلهم وايد حلو
مطعم حباري بشرتون

abdo222

16-10-2011, 02:04 PM

مطعم انصح فيه:

The Village

دوار مدماك, المبنى الي شعاره احمر قرب "الدرويش سابقا"

المبنى مكون من 3 مطاعم ,, الطابق الارضي "مطعم ايطالي اكل بحري" مافيه خصوصيه بس شكله راقي"
و
كافي شوب سندوتشات وحلويات وعصاير وكوفي (الصور تحت)

الطابق الثاني فيه مطعم "ايراني هندي" فيه مكان للعائلات وراقي

الاسعار في الكافي شوب 50-70 للشخص من طبق رئيسي ومشروب وحلويات,,

الخدمه سريعه و راقيه (على عكس مطعم روجرز) !!

اعطيه 9.3 من 10

الطلبات "كلاب ساندوتيش" و "همبرجر سبيشل"

Emarati

25-10-2011, 12:31 PM

برج الحمام - اللؤلؤة ،

أحلى شي بهالمطعم

http://t3.gstatic.com/images?q=tbn:ANd9GcTU6bruWcubrHHV1XlAC4H2GrAijq9zf 4V8BU0mFbmGSkGXD1jB1R0DYQcH

A.L.I

25-10-2011, 12:37 PM

قهوه حمود وبس...2جباتي جبن وواحد كرك وواحد ماي,,حسابك 4ريال ,,,الموقع بن عمران

:nice::nice::nice::nice::nice::nice::nice:

AL-MAYSTRO

25-10-2011, 12:39 PM

الزرقا:nice:

almaf1a

25-10-2011, 01:04 PM

Miss

25-10-2011, 11:11 PM

يعطيكم العافيه http://haitham-yousif.com/vb/images/smilies/essen.gif

AL-MAYSTRO

20-11-2011, 12:39 PM

الطواش سوق واقف

عليهم خوش برياني

+

حيابيا (سويت ) ولا اروع مع القهوة العربيه

وعوافي عليكم كلكم

alkatalony

28-11-2011, 02:04 PM

مطعم تشاو الايطالي في طريق سلوى كل شيء عندهم لذيذ الباستا والبيتزا والاستيكات

مطعم ايطالي في السد بجانب قصر الاغذية بعد عجيييب تخصص باستا

مطعم هندي ذي غارديان تندوري دجاج بالروب ماله حل كووليش

مطعم شرق اسيوي في ثنين اوكي الاول تشوب ستيكس في فندق ريجنسي اللي قريب مستشفى حمد المقبلات عنده رووعه وخاصة الربيان المقلي والقباقب
والمطعم الثاني نودلز هاوس في اللؤلؤة والستي النودلز عندهم عجييبه والمقبلات بعد حلوه

مطعم دمشقي احب المجلس عنده اكله خاصة اسمها طشطاش عبارة عن هامور مقلي مع خلطة عجيبة من البصل والمشروم والجبن والروبيان ومقبلاته والشوربة رووعه بعد

مطعم ايراني اكيد الافضل هو شبستان وبعده شاطر عباس

مطعم امريكي بننغنز وتشيليز

مطعم وجبات سريعة هارديز وفي مطعم نفس طريقة صب واي في نادي قطر عجيبه سنتدويتشاته الصراحة

مطعم شعبي المطابخ الشعبية قريب دوار التلفزيون المجبوس عنده شغل بيت ومطعم الصيوان في شارع الغرافة التجاري

مطعم هندي شبابي عندكم مطعم ساره ناشف اللحم عنده ضياع وبعد مطعم السفير في طريق سلوى ناشف اللحم دمار ومطعم سميره في الوكره لا يعلى عليه الصراحة مع لحم الخصوصي عنده ابداع

افضل معصرة بالنسبة لي معصرة سلسبيل والطيبات في مدينة الوكره الجميلة

افضل فلافل عندكم مطعم فلسطين ورا استاد الدوحه وفلافل العكاوي في المطار

افضل شاورما البتراء الصراحة مع شوية عوار بطن لكن راح امشيها له لان عجيب

هذي الاقتراحات تعبر عن ذوقي ورأيي الشخصي فقط والمنتدى لا يتحمل مسؤولية ما قيل وما سيقال

دمتم بود وحفظكم الرحمن

دااانة قطر

28-11-2011, 02:18 PM

المجلس عنده اكله خاصة اسمها طشطاش عبارة عن هامور مقلي مع خلطة عجيبة من البصل والمشروم والجبن والروبيان ومقبلاته والشوربة رووعه بعد
اول مره ادري ان اسمها طشطااش اخبرها هاامور المجلس:nice:

مطعم ايراني اكيد الافضل هو شبستان
عندهم مشااوي ومقبلااات خطيره

مطعم امريكي بننغنز
رااح عن باالي

عندكم مطعم ساره
اللي في الدوااعيس
ايه صح عجيب

والنااس اذوااق

alkatalony

29-11-2011, 08:45 AM

[QUOTE=دااانة قطر;7817900][FONT="Comic Sans MS"][COLOR="DarkRed"][SIZE="5"][B]
اول مره ادري ان اسمها طشطااش اخبرها هاامور المجلس:nice:

صح كلامج اسم الاكلة الرسمي هامور المجلس لكن طشطاش هاي البن كود حق اسم الاكلة لانه لما يجيب الهامور يكون يطش مثل السزلنغ طششششش :nice:

اللي في الدوااعيس
ايه صح عجيب

ايوااا اللي في الدواعيس ورا هوم سنتر

ريتويت

19-12-2011, 06:58 PM

مطعم عمو حسني للاكلات المصريه

doha2012

20-12-2011, 10:44 AM

ذا فيلج طريق سلوى

m7mmd

28-12-2011, 06:57 PM

مطعم عمو حسني للاكلات المصريه

وين مكانه من فضلك وايش افضل الاكلات ؟؟؟

mtabshi

29-12-2011, 09:13 AM

مطعم أنصح فيه وبشدة:
وافي غورميه في اللاندمارك
عندهم كل يوم بوفيه افطار رائع
ويوم الجمعة والسبت عندهم بوفيه غداء مثل طبخ البيت
ويوميا عندهم أطباق يومية شهية
والمشاوي رقم واحد في قطر
روحو وجربو وادعولي

المهندس عبدالعزيز

30-12-2011, 09:17 AM

برياني هوت في الوكرة اكله حلو

جربوا برياني ربيان

المهندس عبدالعزيز

30-12-2011, 09:39 AM

اللي يمدحون مطعك مشاهير

حصلت مره في مطعم مشاهير ناموسة مثلجة في المقبلات

تحداني

06-01-2012, 07:37 PM

كان ودي ابأكل هندي جربت مطعم " مازا " بعد الخطوط الجويه القطريه كان حلو
ومن فتره جربت اكل بربر بجانب بندروزا بعد حلو

جملكم الله برضاه

ريتويت

06-01-2012, 07:40 PM

كان ودي ابأكل هندي جربت مطعم " مازا " بعد الخطوط الجويه القطريه كان حلو
ومن فتره جربت اكل بربر بجانب بندروزا بعد حلو

جملكم الله برضاه

احلى مطعم هندي هو بخارا صراحه عجييييييييييييييييييييييييييييييييييييب

Mohammed2

07-01-2012, 04:42 PM

مطعم قصر شيراز
عند اشارات رمادا بجانب مطعم صباح ومساء

الصراحه المطعم حلو اكله وخدمته وايد زينه وسريعين
لكن مكانه صغير ومافيه قسم للعائلات

اعطيه ٩ من ١٠

تحداني

08-01-2012, 12:02 PM

احلى مطعم هندي هو بخارا صراحه عجييييييييييييييييييييييييييييييييييييب

معاج حق .. بس قلت هالمره خل اغير
مع العلم في مطعم هندي في الماريوت هم حلو ولذيذ

جملك الله برضاه

ذيب ازغوى

15-01-2012, 03:02 PM

السلام عليكم ورحمة الله وبركاته

اشحالكم يالربع ؟؟

الربع وين مكان مطعم ملك الدجاج

almaf1a

16-01-2012, 10:57 AM

السلام عليكم ورحمة الله وبركاته

اشحالكم يالربع ؟؟

الربع وين مكان مطعم ملك الدجاج

شارع بن محمود التجاري

ابو العبد

16-01-2012, 03:49 PM

اللي يمدحون مطعك مشاهير

حصلت مره في مطعم مشاهير ناموسة مثلجة في المقبلات

الله يستر من الناموس

ابو العبد

16-01-2012, 03:49 PM

احلى مطعم هندي هو بخارا صراحه عجييييييييييييييييييييييييييييييييييييب

موفقين

للصبر اخر

29-01-2012, 07:56 AM

مطعم الطبخه اكله حلوو
في اللؤلؤه
جربت الهامور المشوي حلوو

ام علي1981

29-01-2012, 10:34 AM

ابل بيز عجيب
ذا كافيه في الانتر كونتيننتال روعة
لوزار في كتارا ايضا جميل
ليالي حلو
الفطور في جراند حياة
كوك دور في فيلاجيو
البتيت اكلهم حلو
وعندي استفسار اذا حد جرب ذا فيليج

تحداني

01-02-2012, 11:03 AM

وعندي استفسار اذا حد جرب ذا فيليج

جربت البحري مب لين اهناك عادي
تكلموا عنه وايد وعطوه حجم اكبير ما يستاهل .. لانهم يلعبون في الجانب الجمالي اكثر من الطعم

والمنيو وايد متواضع ومحدود

جملك الله برضاه

تحداني

01-02-2012, 11:06 AM

مطعم " بي كيو " في فيلاجيو
صحي .. لذيذ .. وعنده خبز اسمر من الطراز الاول وجودته عاليه

جملكم الله برضاه

AL-MAYSTRO

01-02-2012, 11:08 AM

مطعم الزرقا مال عنيزة

ولا اروع خخخخخخخخخ

AL-MAYSTRO

01-02-2012, 11:09 AM

وبعد عندكم مطلعم ارجيسه الصومالي خخخخخخخخخخخخخ

عندهم ار كيك ولا اروع هههههههههههههههههههههههه

ريم 28

01-02-2012, 02:56 PM

موضوع حلوووووووووو الصراحه

مشكورين

اناقه

18-02-2012, 08:04 PM

بالنسبة لي احب مطعم النبلاء

أكلهم لذيييييذ

و طبعا مب شرط انه يعجب الكل لان الناس أذواق

آنــه

20-02-2012, 12:13 PM

من المطاعم اللي اعجبتني صراحة في قطر
ما راح اصنف بالترتيب

1- ستيك و برغر روعه :

Maze Gordon Ramsay

2- المطعم الايطالي اللي يذكرني في الاكل الايطالي الصح :

تشاو اللي بطريق سلوى
و المطعم الايطالي اللي في اللؤلؤه BICE وان شاء الله راح اضيف الصور

وفي محل بسوق واقف تدخلون في الداعوس اللي جنب مندرين وتروحون على اليسار
فعلا اكله روعه و ايطاليه اللي تطبخ فيه والاكل فرششش واجد حبيته بس اللي يشتغلون فيه مب واجد فيتأخرون شوي بس الطعم ممتاز

3- الأكل الهندي :

صراحة المطاعم الهندية كثيره بس انا عن نفسي يعجبوني المحلات المتواضعه اللي جنب سوفتيل مثل اللي اسمه الشوكه او شي كذا
وبعد يعجبني رويال تندور اكثر وبعده محل تندور اعتقد اللي جنب الفاميلي فود سنتر في المطار وبعدهم بخارى
اما بخصوص مازا كلت مره منه واااااااااااااايد حار بدون طعم يعني اللذه تروح من حرارة الاكل
واللي في رمادا حلو بس صراحه مبالغ في الاسعار والقعدات مب مريحه بعني اقعد على جلسه عاديه ولا يقعدون ويانا ناس خير ان شاء الله هههههههه ولا بعد مشروبات روحانيه

4- اللبناني او الشامي بأنواعه :

المرجان اللي في الكورنيش ( بلهمبار ) سابقا اكله لذيذ صراحه
ماميك اللي في كتارا كثير يعجبني وخصوصا المقبلات والكفته اللي في الروب
البيت الشامي طريق سلوى
اسكندر كباب تعجبني مقبلاته لكن المشاوي مب حلوه بالنسبه لي يمكن انتوا تحبونها

X برج الحمام / المجلس / الحمرا / فينيسيا
كلهم صاروا متواضعين جدا واقل بعد من المتواضع بالنسبه لي انا ما اعرف انتوا شنو رايكم

5- البحري :

لوزار وايد عجبني
المحار و المرجان عجبني فيهم الهامور بالرده ( الرده : هي طحين وماي )
لاني ما احب انواع الاكل البحري
احب الاكل البحري المنزلي اكثر وخصوصا من اللي اعرف شلون يطبخون ما احب اجازف هههههههه
وعجبني اللي في الدبليو اتوقع اسمه سبايس ماركت
والسمك المفضل

6- الاكل الشعبي :
اتوقع مطابخ الدوحه شي جذي اللي جنب دوار التلفزيون
احب المضروبه عندهم وبسرعه تخلص هههههه

وفي اللي في الغرافه حلو يسوي السمج
وفي بعد مشوار الخليج في مدينة خليفه حلو طباخهم

7- الفطور :

لانوتر ( لي نوتغ ) ع حسب نطق الناس حلو بوفيه الفطور عندهم
الشيراتون
الريتز
جراند ريجنسي ( اللي جنب المستشفى )
الدبليو
زيت وزعتر

8- المقاهي :

ستاربكس
النجار ( لاميزون )
1982 اللي فيه له فرع في نادي قطر
اروما كافيه
كوستا

ما ادري يمكن هاللي طرى في بالي حاليا
واتمنى اكون كفيت و وفيت :)

آنــه

20-02-2012, 12:30 PM

هذا المطعم تبع الستيك Maze Gordon Ramsay

والصوره الاخيره راح تكون للمرجان ( بلهمبار ) اللي فيها مقبلات و الهامور بالرده

تحداني

21-02-2012, 10:21 PM

هذا المطعم تبع الستيك Maze Gordon Ramsay

وين مكانه هالمطعم ؟؟؟

بالعافيه وجملك الله برضاه
*

*

بو طالب

21-02-2012, 10:41 PM

مطعم الزرقا مال عنيزة

ولا اروع خخخخخخخخخ

من افضل المطاعم في قطر الصراحه واعطيه تصنيف 45الف نجمه

بس الدجاج تشيلي عنده مب لين هناك ..واحتمال يكون فيه حصى وشوية رمل

الزرقا الي بالدوحه صوب الصحه المدرسيه رهيب

آنــه

22-02-2012, 09:16 AM

هذا المطعم تبع الستيك Maze Gordon Ramsay

وين مكانه هالمطعم ؟؟؟

بالعافيه وجملك الله برضاه
*

*

الله يعافيكم بلباس العافيه والصحه الوافيه

هالمطعم في اللؤلؤه

اذا انت داش من اليوابه اللي جهة الشوكلت بار
تروح على اليمين وتكمل طوالي تلقاه على اليسار
تلقى رول اب عليه صور ستيك واسم المحل عليه
هو والايطالي ورا بعض بس تروح له فوق بدرج
والاسعار مو بسيطه تراه غالي والمينيو اجنبي :)

عشان محد يدعي علي ويقول وهقتنا :shy:

الايطالي ترى فيه عرض حلو الظهر من الاحد لين الخميس
تاكل 3 اطباق نفس اللي انا حطيتهم بالصوره تقريبا بـ 90 ريال
بالنسبه لاسعاره العاديه تراه وايد زين لان اسعاره هم غاليه :)

بوخالد2

22-02-2012, 09:30 AM

احسن مطعم كلت فيه ( سلطان ابراهيم ) و ( ذافيلج )
ولا الباقي لك عليهم

تحداني

23-02-2012, 02:13 AM

نودلز هاوس في الستي سنتر .. مطعم صيني

http://i1087.photobucket.com/albums/j468/aemadi/f0f5c5c0.jpg

http://i1087.photobucket.com/albums/j468/aemadi/313bf672.jpg

http://i1087.photobucket.com/albums/j468/aemadi/1c981d86.jpg

آنــه

23-02-2012, 01:04 PM

اليوم جبت لكم صور للأكل الارمني من مطعم ماميغ

مع ان هالمره الأكل ماعجبني مثل كل مره بس بعد وايد حلو

الطلبات :

سو بوريك بالجبنه
ورق عنب
حمص .. وبالاصل كنا نبي حمص باللحمه ترى طعمه روعه بس قالوا لنا مافي
فتوش
كباب باللبن

عصير ليمون بالزنجبيل
عصير فراوله ومانغا و اناناس بس كان وايد ثقيل
و ماء

كله طلع قريب 240 يمكن

تحداني

26-02-2012, 11:27 PM

مطعم ماميغ
خاطري أجربه .. كل ما أروح له ألقاه زحمه
ودي اروح يوم الظهر

ان شاء الله قريب

جملك الله برضاه

تحداني

27-02-2012, 12:41 AM

لوزار

http://i1087.photobucket.com/albums/j468/aemadi/76f63278.jpg

آنــه

02-03-2012, 08:48 AM

ثالث مره اكتب تقرير و ينمسح :("

انا بتكلم عن التجربة اللي قمت امس فيها
انا كنت ابحث عن مطعم جديد ما جذب ناه قبل أعززم فيه أهلي
و تشاورت مع كثير ناس وعطوني اقتراحات
ومنها مطعم وكافيه كارلوتشي الايطالي في اللؤلؤة بإرسال 10
الجهة الثانيه مؤ جهة الشوكلت بار
يوم تدخلون اللؤلؤة توصلون الدوار الثاني الصغير تروحون يسار

المهم

انا بكتب لكم الطلبات ونضيف لكم الصور

الطلبات كالاتي

عصير ليمون نعناع
سلطة
رووزيتو ( انا اول مره اجرب هالطبق ) وتم إلغائه من الفاتورة
خبز الغوكاشا بالثوم والجبن
و كافي لاتيه ( البن كان نابولي ) لانه أقوى من النوع الثاني وأحلى
و كيك الفوندا ( مع أني ما احبه )

والحلو ان عندهم مكان تشترون منه امل جاهز تسخن ونه او
أشياء للمطبخ

صراحه المطعم خدمتهم زينه وهادي بس انا أشوف بيتشي يتفوق عليه
من ناحية النكهة هذا من رأيي المتواضع لكن بالسعر والكمية هذا افضل

وفي شي حلو فيه انه يفتح الساعة 8 صباحا لحد 12 إفطار
وللعلم الناس اللي يشتغلون في البنك البريطاني hsbc عندهم خصم

وووو انتوا روحة وجربوه

راح أضيف لكم الصور قريبا

آنــه

11-03-2012, 01:21 AM

هذا هو المطعم الايطالي اللي تكلمت عنه
عن نفسي ما ادري شلون ياكل الواحد الروزيتو ولا عاد اطلبه مره ثانيه
الله يعو النعمه

بس الباقي كان حلو

آنــه

11-03-2012, 01:31 AM

آنــه

11-03-2012, 01:40 AM

وهذا مطعم بيتشي الايطالي أنا عن نقسي واجد احب اكله
هذي بعض الصور

الصور فيها نوع من العروض اللي تروحون تطلبونها الشخص تقريبا 90 او 99
وفيه 3 اطباق
انا اخترت المأكولات البحريه
وبعدها معكرونه اربياتا وبعدها
الدجاج سكالوب مع البطاطا المهروسه وصلصة الليمون
كان روعه

البيتزا مو حلوه

آنــه

12-03-2012, 11:19 AM

ليش ما أشوف ناس تضيف معلومات وصور
اتمنى ان نصير نفس ثقافة باقي الشعوب اللي تكون مشاركاتهم فعاله مب بس طنايز

love-m

13-03-2012, 08:33 PM

عش البلبل شارع المطار...كل انواع الصراصير مكس مع كبده ..... وفلافل... لا تنسى تاخذ موعد مع الدكتور في نفس اليوم او اليوم التالي.....

تحداني

13-03-2012, 11:21 PM

.

مطعم ( تشاي ) مطعم صيني في فيلاجيو
أحب الاكل الصيني ( صحي وطريقه الطهو والمكونات غريبه )

طلبت سلطه المأكولات البحريه
سوب بحري

رز بالبخار مع الخضار
دجاج بخلطه الكريما بالطريقه الصينيه وكان حالي اشوي
وربيان بالباربكيو بالطريقه الصينيه

سبرنج رول ونودلز
كان لذيذ جدا جدا والقروب كان كبير واستمتعنا

نسيت اصور وما تذكرت الا لما خلصت

http://i1156.photobucket.com/albums/p574/OmarQaz/453bc271.jpg

http://i1156.photobucket.com/albums/p574/OmarQaz/e153977d.jpg

http://i1156.photobucket.com/albums/p574/OmarQaz/b05fd6e5.jpg

آنــه

14-03-2012, 09:17 PM

ولا عليكم امر ابي استفسر عن مطعم "Flying Carpet"
اللي في الشعله

شهر سبعة

02-04-2012, 12:26 AM

رحنا مره نزور ذا جيت اللي جنب السلام او بالاحرى القسم الجديد من السلام
هذا كان الظهر كنا طالعين من الدوام وجربنا هالمطعم
ما اعرف صراحه ما عجبني انا جربت اللي بحطهم في الصوره
الشيء الوحيد اللي عجبني اللي نفس الخبز فيه لحم مع جبن او لبنه
والا الباقي ما حسيته ذوفي

واول صوره اللي هي خبز مع زبده هذا مجانا

استغفر الله ماينوكل ماحبيته كلش

واللي عجبني المجانا خبز مع زبده:rolleyes2::nice:
______________________________________

maaaaaaaaaamig اكله واااااااااااااايد حلو اللي بكتارا

abdo222

08-04-2012, 07:29 AM

ولا عليكم امر ابي استفسر عن مطعم "flying carpet"
اللي في الشعله

فيه بوفيه الشخص اب 235, لازم تحجز قبل ما تروح,, ما دخلته بس فضلت اروح لل 360 عن اروح له,, لكم سبب منهم المكان حق 360 في اخر طابق والمنظر فله, السعر نسبيا غالي مقارنه باسعار البوفيه,, (ال360 غذاء لشخصين مع المقبلات والمشروبات 300- 350 تقريبا)

بـارود

10-04-2012, 05:49 PM

بغيت استفسر عن مطعم بندر عدن

وين موقعه بالضبط في سوق واقف ؟

وأسعاره ؟

وأحسن أكلة عنده ؟

:)

آنــه

11-04-2012, 07:06 PM

بغيت استفسر عن مطعم بندر عدن

وين موقعه بالضبط في سوق واقف ؟

وأسعاره ؟

وأحسن أكلة عنده ؟

:)

هو جنب مطعم المحار
بس ما قد رحت له ولا جربت الأكل اليمني ككل
الا من جارتنا تجيب لنا خبز المشلتت له اسم ثاني بس ما اعرفه
بس لو احد جربه راح افيدكم بخبرته

doha2012

12-04-2012, 08:52 AM

صباح الخير

وين مطعم ماميج ؟

,,

بو الجوري

12-04-2012, 09:11 AM

مطعم ماميك في كتارا

بو الجوري

12-04-2012, 09:16 AM

أمس رحت فندق الشعله اللي عند إسباير و قلت بجـرّب ( Three Sexty )
المطعم الدوار فالـدور 47 :..
المهم قالي اللي تحت لازم حجـز ، فـقلت بروح المطعم الثاني اللي تحت يسوي بوفيه :..
بس طلع البوفيه مكسيكي
( كل يوم نوع ، مره مكسيكي مره آسيوي مره إنترناشيونال )

المهم قلت خلني أروح فوق و أجرب جني مادري إنه لازم حجز ههههههه

و مسكينه ماقصرت يوم قلت مادري إنه حجز قالت wait ورجعت وعطتنا طاوله :)

المطعم غالي لكـن بعض الأطباق لذيذه :)

والفاتوره طلعت 325
2 مين كورس ، 1 مازه مشكله ، 2 عصير ، 1 ماي

تحداني

12-04-2012, 10:08 AM

ماميك على كثر ما يمدحون اكله
الا ان مشكلته في " الشيشه .. والجلسه ابدا مب مريحه للنساء "
مزعج جدا هالمطعم

عندي كمن مطعم بحطه لكم ان شاء الله

جملكم الله برضاه

آنــه

13-04-2012, 03:33 AM

ماميك على كثر ما يمدحون اكله
الا ان مشكلته في " الشيشه .. والجلسه ابدا مب مريحه للنساء "
مزعج جدا هالمطعم

عندي كمن مطعم بحطه لكم ان شاء الله

جملكم الله برضاه

انا اروح له الظهر ولا نص الاسبوع محد فيه
بس عائلتين والمحل ببكره فاضي
ننتظر جديدج وحشتنا اضافاتج

آنــه

13-04-2012, 03:35 AM

أمس رحت فندق الشعله اللي عند إسباير و قلت بجـرّب ( three sexty )
المطعم الدوار فالـدور 47 :..
المهم قالي اللي تحت لازم حجـز ، فـقلت بروح المطعم الثاني اللي تحت يسوي بوفيه :..
بس طلع البوفيه مكسيكي
( كل يوم نوع ، مره مكسيكي مره آسيوي مره إنترناشيونال )

المهم قلت خلني أروح فوق و أجرب جني مادري إنه لازم حجز ههههههه

و مسكينه ماقصرت يوم قلت مادري إنه حجز قالت wait ورجعت وعطتنا طاوله :)

المطعم غالي لكـن بعض الأطباق لذيذه :)

والفاتوره طلعت 325
2 مين كورس ، 1 مازه مشكله ، 2 عصير ، 1 ماي

سعره جيد لمطعم في فندق
ليتك أضفت لنا صور ع الاقل نأخذ فكره عن الأكل
ننتظر إضافاتكم

بو الجوري

15-04-2012, 07:18 AM

هلا إختي آنــه :..
مع الأسف صورت بس صورتين

مـازا ( عباره عن عينات ) خخخخ
http://www.almlf.com/get-4-2012-almlf_com_r6iq33zxhm.jpg (http://www.almlf.com)

دجاج بارميغيان ( عجيــــب )
http://www.almlf.com/get-4-2012-almlf_com_050q74i2ow.jpg (http://www.almlf.com)

آنــه

15-04-2012, 01:30 PM

بو الجوري

15-04-2012, 01:50 PM

و الله إن هالدجاج طعمه لذيييييذ جداً و إستمتعت و أنا آكل :..

و حتى فوتوشيني أم الجوري كان حلو :..

و يوم إختي شافت صورة المازا ،
قالت ليش يوم إحنا طلبنا من شهر ماكان جي :(

بو الجوري

17-04-2012, 09:37 AM

almaf1a

17-04-2012, 10:10 AM

أمس رحت ذا فيليج :..

الكوبيده و السلطاني و التشكن بتر ماسالا عندهم شي خيااااالي :..

المهم تحسفت إني رحت :.. حسيت نفسي في بندروزا من الإزعاج و اليهال :rolleyes2:
و الله ناس بلشتيه نرفزوني غيرت مكاني و بعد جاو ناس إزعاج :.. :rolleyes2:

يعني اللي يصارخ و اللي عياله يصارخون و اللي يتكلمون جنهم قاعدين في حضني
صج لا حيا ولا مستحا !!!! :anger1:

نرفزوني الصراحـه المكان حلاته هادي بالإضاءه اللي فيه :shy:

بس مع الأسف كلت و أنا متنرفز :anger1:

ذي فيليج حطي عليه اكس مع العيش اليابس الي عور بطني
الكوبيده والسلطاني عند حدائق شيراز خيالي وعندهم شوربة اااش انصح بها اول مره اجرب الاش وكان خيالي عنده
الاكل والمعاملة والاسعار افضل من ذي فيليج بمراحل
بس فيه مشكلة ان المطعم حجمه صغيير

ايزو

17-04-2012, 10:28 AM

وين مكان حدائق شيراز

almaf1a

17-04-2012, 10:43 AM

وين مكان حدائق شيراز

في المطاعم الي قبل ستاربكس الي عند اشارات رمادا وانت جاي من دوار مدماك
:nice:

بو الجوري

17-04-2012, 11:02 AM

تسلم يالمافيا :..

قصدك اللي عند صباح و مسا و هالمطاعم !

وهل في أماكن مسكره !!

almaf1a

17-04-2012, 11:19 AM

تسلم يالمافيا :..

قصدك اللي عند صباح و مسا و هالمطاعم !

وهل في أماكن مسكره !!

اي نعم عند صباح ومساء
لكن للأسف لا توجد اماكن مسكره في طاولات مكانهم صاد على الزوايا

تحداني

17-04-2012, 12:09 PM

وين مكان حدائق شيراز

اي نعم عند صباح ومساء
لكن للأسف لا توجد اماكن مسكره في طاولات مكانهم صاد على الزوايا

اكلهم مب لين اهناك .. وحتى طريقه التقديم جدا عاديه
صح مافي اماكن مسكره بس لو تبي بارتشن ممكن يحطون لك
ما عجبني كلش

مكانه احذى دايت سنتر مكان الــفولكس ويجن القديم

جملك الله برضاه

لجين

18-04-2012, 12:53 PM

صراحة شكل الاكل حلو
يعطيك الف عافيه على اضافة الصور
وان كانوا صورتين الا انهم غيروا انطباعي عن المطعم

لان الصور اللي طرشتها لي رفيجتي
والانطباع اللي عطتني اياه يجيب المرض ههههههههه
نوعية الاكل اللي كانت هي طالبته الله يعز النعمه :eek:

وانا رايي من راي رفيجتج .. مافكر اروح له مرة 2

اكله مب شي ..عدا الباستا كانت عادية جدا

سعره غالي ع الفاضي ..

قيس الكيومي

22-04-2012, 08:32 AM

احلى كرك الكرك النعيمي الي في قرية بروة طريق الوكرة جربوه خوش كرك

آنــه

09-05-2012, 02:27 AM

السلام عليكم و رحمة الله و بركاته

حبيت ابدي رأيي في مطعم البلد جربته و للأسف ما صورت الطلبات
بس الأكل جيد جداً الي ممتاز الخدمة ممتازة جداً و سريعه ما شاء الله
والسعر جيد

والإطباق اللي طلبناها تعتبر مقبلات

هندباء - ورق عريش ( ورق عنب ) - فتوش - حمص باللحمة - رقائق الجبنة - متبل - فتة باذنجان - عصير جلاب - اثنين عصير ليمون

التحليه : عصمليه او عثمليه وقهوة تركيه و كابتشينو

اذا ما خاب ظني الحساب حول الأربع مئة ريال

بس للي ما يحبون الاماكن المفتوحة ما راح يعجبهم لان بدون بارتشنات

وبس خلاص

محمد الجفيري

14-05-2012, 09:32 PM

مجهود رائع يعطيكم العافيه

doha2012

15-05-2012, 04:34 PM

,

مره جربت مطعم وافي غورمي ..

احسن شي ان فيه اماكن عائليه مسكره بس

لكن الباقي اكلهم عادي ... ومكانهم عادي جداً

الحلويات العربيه تحت ومحل الحلويات اللي فرعه الرئيسي في البحرين بعد هناك .. صراحه عادي جداً ..

صباح ومسا ..الفطور عندهم ممتاز

,

بو الجوري

21-05-2012, 11:27 AM

رحت مطعـم حدائق شيراز :..

الصراحـه ممتاز و أكله حلو :)

وجبت لكـم كم صوره ،،،

http://up.arab-x.com/Apr12/faw88508.jpg

http://up.arab-x.com/Apr12/Sqz88508.jpg

http://up.arab-x.com/Apr12/5go88508.jpg

http://up.arab-x.com/Apr12/biy88508.jpg

http://up.arab-x.com/Apr12/st088508.jpg

http://up.arab-x.com/Apr12/uOq88705.jpg

http://up.arab-x.com/Apr12/kWM88705.jpg

الطلب كان
صحنين كباب + آش + لبن منعنع + بيبسي + ماي
و آيس كريم + شاي أحمر بالزعفران

والحساب طلع 203 ريال

اللي عجبني فالمكان مع إنه صغير ، قعدته حلوه وهادي مافيه حد :)

قطرية مثقفة

21-05-2012, 07:25 PM

حدائق شيراز رووووووعة انه جربت بعد ماسكرو شبستان:nice::nice:

عزووز قطر

24-05-2012, 07:16 PM

فيه العافية يابو الجوري بس وين مكانه؟

قطرية مثقفة

24-05-2012, 10:48 PM

فيه العافية يابو الجوري بس وين مكانه؟

مجمع المتنبي @ إشارات رامادا

للصبر اخر

25-05-2012, 11:38 AM

انا كلت في مطعم البلد
ماعجبني وايد

عزووز قطر

26-05-2012, 12:29 PM

مجمع المتنبي @ إشارات رامادا

مشكورة اختي
وبروح له هاليومين ان شاءالله من الصور شكله يستاهل

بو الجوري

28-05-2012, 07:31 AM

فيه العافية يابو الجوري بس وين مكانه؟

الله يعافيك :tooth: تم الرد عليك من قبل الإخت قطريه :..

انا كلت في مطعم البلد
ماعجبني وايد

حتى أنا ماعجبني :..

ParadEyes

29-05-2012, 07:14 PM

شكل الصور حماااس :) يبيله نجرب حدائق شيراز

يعطيكم العافية

ابوجاسم2008

14-06-2012, 08:32 AM

مطعم اشاز الهندي وايد حلو فيلاجيو

و مطعم خزانه الهندي قريب سوق واقف حلو وانا مجربه
المجلس راحت ايامه والخيمه لازال قوي والسمكه الذهبيه في السد
اما البوفيه البحري في الريتز بس ماجربته اسمع من كم واحد

بونواف2011

14-06-2012, 02:49 PM

:v

شرايكم ياأهل قطر المطعم الي مايخصص مكان للعائلات ومايوفر خصوصيه عند الطلب نقاطعه او يبيع خمور مع اني ماشفتها في مطعم محترم بعد مقاطعه . او المطعم الي يحط شيشه وخربطه نقاطعه . ممكن واحد يقول هذولا ماتفرق معاهم راح يجونهم اجانب . لكن تلفت حولك راح تلاقي اكثر الزبائن قطريين ويدفعون الفاتوره الي اكثر من 500 ريال . فنشوف من الي راح يخسر هم يبون الانفتاح والخربطه والاختلاط واحنا نبي مرضاة الله والستر ونغير جو ولكن في اماكن محترمه وتحترم دينا واخلاقنا . فبيدك اخي واختي التأثير والتغيير ابدأ بنفسك . لأنك بذهابك لهذه المطاعم المشبوهه وتصرف فيها اموالك تشجع اخوك واختك وابنك وصديقك على هالمطاعم وتربحها . خلونا نغير ونطلب ونسأل مدير المطعم عند الحجز في هذه المطاعم عن هذه الاشياء حتى يعرفون مطالبنا .اما بالنسبه لي المطعم الي ارتاح فيه واكله عاجبني بخارى مجمع التنس والاسكواش . :nice:

:victory::victory::victory::victory::victory::vict ory::victory::victory::victory::victory::victory:: victory::victory::victory::victory::victory::victo ry::victory::victory::victory::victory::victory::v ictory::victory:

flourish

12-07-2012, 09:38 AM

البوفيه في الفورسيسونز رائع
والبداوي من المطابخ الشعبية في بن عمران
والكبسة من مطاعم جبري
الستيك في أبل بيز وتشيليز مع البروكلي والبطاطا المهروسة وخبز الثوم رائع
الجباتي والكرك في الصالحية
وفطيرة الجبن من الناعورة
وسمك الهامور والروبيان من جمبريكا
والأيس كريم والميلك شيك من كولد ستون
والكنافة من حبيبة وأبو سير
والبقلاوة من حبيبة وماسيس
والكيك فيكتوريا من البتيل والمانجو والفروالة من الحلويات السويسرية

m7mmd

15-07-2012, 12:53 AM

محبين الاكل التونسي انصحكم في مطعم سيدي بوسعيد بشارع النصر اسعاره معقولة وطعامه لذيذ.
جربوا كسكسي اللحم (العلوش) او بدجاج.
والمشاوي عنده لذيذة وفريش.

http://www.mlfnt.com/lives6/13423023621.jpg

http://www.mlfnt.com/lives6/13423023622.jpg

http://www.mlfnt.com/lives6/13423023623.jpg

__

m7mmd

15-07-2012, 01:04 AM

محبين الاكل المصري
جربوا مطعم حسني خلف مطعم مرمرة اسطنبول السد

طرب وريش وفته وممبار ورز معمر وام علي
وطواجن وحمام مشوي.

جربت الممبار, الطرب, سلطة الطحينة (ناقصها كمون), ريش ,والرز المعمر وام علي كانوا رائعين :nice:

صورة المطعم من الخارج

http://www.mlfnt.com/lives6/13423033251.jpg

__

____

بحرقطر

16-07-2012, 08:13 PM

من احلى واهم المواضيع في المنتدى
الواحد قبل ما يطلع يتغدى او يتعشا مع اهله عليه يدش على الموضوع وينقي المطعم الي على مزاجه
مشكورين ويعطيكم العافيه :)

النجلا

22-07-2012, 06:06 PM

احلى اكل في رمضان اكل البيت بس كنوع من التغيير ودنا نتفطر برع ..

وين تنصحوني نروح نتفطر..؟ مانبي بحري ,,,:nice:

m7mmd

12-08-2012, 01:39 AM

عشاق الفلافل /// مطعم جست فلافل فتح حديثآ في شارع النصر

http://www.mlfnt.com/lives6/13447243981.jpg

http://www.mlfnt.com/lives6/13447243982.jpg

http://www.mlfnt.com/lives6/13447243983.jpg

http://www.mlfnt.com/lives6/13447247271.jpg

__

فكتوريا

12-08-2012, 02:03 AM

وين مكانه بالضبط؟

بو الجوري

12-08-2012, 12:59 PM

جست فلافل

شكله ممتاز ، يبيله همبرقر فلافل خخخخخخ

بس عقب رمضان إن شاء الله بنجربه :..

و إن شاء الله اسعاره تكون مناسبه

آنــه

14-08-2012, 12:41 AM

إيه نبي الاشياء الجديدة
وانا بعد حبيت جونز ذا جروسر
مكانه في ذا جيت التابع للسلام
عجبني عنده البرغر حلو و احب عندهم سندويشات التونه ههه
وعندهم الكابتشينو واللاتيه عجيبيييين انا أطلبهم ست رونق
و حبيت السيربت عجيب ايسكريم بس مؤ كريمي

m7mmd

23-08-2012, 12:42 PM

جست فلافل شارع المرقاب اوشارع النصر كماهوشائع

من جهة فاملي فودسنتر جنب صيدلية قطر

صورة واجهة المحل بشارع النصر وصور للمينيو بس الاسعار ليست بالريال القطري هذا مينيو الامارات

http://www.mlfnt.com/lives6/13457148671.jpg

http://www.mlfnt.com/lives6/13457144322.jpg

m7mmd

23-08-2012, 03:47 PM

http://www.mlfnt.com/lives6/13457259571.jpg

آنــه

24-08-2012, 03:41 AM

امس كنت في أرماني كافيه صراحه ولا يوصل واحد في الميه من أرماني كافيه الي في دبي وإمارات مول

لا طعم لا نضافه لا اكل مثل الناس

وكان عددنا ٧ أشخاص طلبنا ٧ مشروبات بارده
عباره عن قهوه بارده وماء متوسط و كيكتين طلع ب ٣٦٦ ريال

لكن الله يعز النعمه كل شب كان يلوع الجبد
ويوم صبوا لنا المائي في القلاصات كانت رائحتهم زفرة بيض :(

لا صراحه ما انصح احد يروح للمقهى التعبان

almaf1a

27-08-2012, 08:53 AM

شبستان فتح بعد غياب طويل
للاسف مستوى الاكل ليس كما كان
ورفع الاسعار بعد

للصبر اخر

29-08-2012, 01:38 PM

من فتره كلت من شورما اكسبرس اللي في محطة بوهامور
الله يعز النعمه
وبعدها خذت فلافل فايضه
احلى فلافل كلته صج حلوو وطلبت منه شوارما دجاج بعد كان لذييذ

بو الجوري

29-08-2012, 01:41 PM

من فتره كلت من شورما اكسبرس اللي في محطة بوهامور
الله يعز النعمه
وبعدها خذت فلافل فايضه
احلى فلافل كلته صج حلوو وطلبت منه شوارما دجاج بعد كان لذييذ

مع الأسف من سنين و أنا أنتظر يفتحون شاورما إكسبرس هني :..
وعقب مافتحوه ، مثل ماقلتي ( الله يعز النعمه ) :rolleyes2:
بس لو تجربين اللي فالبحرين ، أحلى من هني بوااااايد :..

وفعلاً الفلافل عند فلافل فايضه ممتاااازه

m7mmd

29-08-2012, 10:27 PM

http://www.mlfnt.com/lives6/13462680591.jpg

http://www.mlfnt.com/lives6/13462680592.jpg

http://www.mlfnt.com/lives6/13462685911.jpg

http://www.mlfnt.com/lives6/13462680593.jpg

http://www.mlfnt.com/lives6/13462680594.jpg

http://www.mlfnt.com/lives6/13462680595.jpg

__

بو الجوري

30-08-2012, 08:20 AM

و الله كعكات شكله فلّه :... يبيلنـا نجربـه :)

أمس رحت جست فلافل
قلت بجرب ، وطلبت الإيطالي :..
الصراحـه حلو كان :) وبعيد التجربه إن شاء الله مع نوع ثاني

آنــه

30-08-2012, 09:56 AM

سوو المطاعم صوب طريج الشمال شوي
كلها متمركزه في النصر وعاد يالله يالله لين نقدر نروح لهم
بس شفيتوني على الفلافل و الكعكات

وبعدين عندي سؤال شنو يعني فلافل فايضه ؟؟!!

بو الجوري

30-08-2012, 10:04 AM

إسم المطعم ( فلافل فايضه ) يعني طافحه هههههههههههههه

آنــه

30-08-2012, 10:22 AM

هههههههه لا تفسر يا بو الجوري عارفه المعنى
ولو تشرح زياده عن الاسم بتلوع جبدي من الاسم قبل ما اجربه

وين مكانه المحل ترى انا خبري بـ فلافل حسن بو جت مال شارع الريان
والبتراء و فلسطين وعش البلبل وفي واحد في ام غويلينه قريبه من الشارع اللي يطلعك على الدوار المجنون يعني مقابل هيبر ماركت دسمان هني في محل يسوي فلافل بالعيش المصري محل حق عمال ترى تتخيل نفسك في مصر وانت تاكل العيش المصري والطعميه

وحاليا اسوي الفلفل بروحي في البيت .. بس اذا شي حلو نجربه ليش لا

للصبر اخر

30-08-2012, 10:28 AM

المحل في محطة بوهاموور
مطعم كعكات وين في اي صووب ؟

آنــه

30-08-2012, 11:24 AM

المحل في محطة بوهاموور
مطعم كعكات وين في اي صووب ؟

على الخريظة اللي حطها اخونا في اول النصر اذا تعرفين افران الريم وكنفاني او شي جذي يعني اللي اللفه اللي صوب فرايديز يعني اذا تدلين غاردينيا الجديد هو في الجهة المقابله

http://www.mlfnt.com/lives6/13462680595.jpg

للصبر اخر

30-08-2012, 11:58 AM

اها عرفت
يسلموو اختي

HabsiAsaad

08-09-2012, 09:47 AM

الله يعطيك العافية .. تسلم على الموضوع الرائع .. الله يجعله في ميزان حسناتك

تقبل تحياتي

آنــه

09-09-2012, 10:08 AM

حد جرب مطاعم الماريوت اللي جنب الستي سنتر ؟!!

Khaled Qatar

09-09-2012, 10:20 AM

حد جرب مطاعم الماريوت اللي جنب الستي سنتر ؟!!

الماريوت جربت مطعم

ستيك هاوس / عجيييييييييب بس غالي

المطعم البارازيلي عجيب بعد

وفي مطعم ايطالي ناسي اسمه جنب ستيك هاوس

كلهم في نفس الطابق

للصبر اخر

09-09-2012, 11:54 AM

الماريوت اللي عند شرق يوم السبت بوفيه عالمي كل الاصناف والاشكال والالوااان
شي رهيب صراحه انا كنت يوعانه من شفت الاكل شبعت

البحار00

09-09-2012, 11:09 PM

رحت المطعم البرازيلي الي في ماريوت جنب الستي

صراحه المطعم روعه حلو وهادي

اما طريقة تقديم الاكل رهيبه ومحد يتوقعها

قطري 777

09-09-2012, 11:23 PM

موفقين

للصبر اخر

16-09-2012, 10:06 AM

امس تغدينا في مطعم ليالي في طريق سلوى
عند فوشون
الاكل حلو كثير
يجيبون لك مقبلات من عندهم
وحتى سويت بعد لين خلصت
والسعر مناااسب كثيير
عيبه بس الشيشه

زمان

16-09-2012, 10:49 AM

هذي مطاعم متنوعه ممكن تشوفونها وفيها صور
وممكن تتنقل :
12345678910next »»
نتائج البحث عن شركات مطاعم في قطر الدوحة هي 391 حسب دليل التجارة و الصناعة و الصفحات الصفراء

http://www.qatarmark.com/companies/مطاعم*.html

الغلا كله لك

18-09-2012, 03:56 PM

مطعم دكن ديوان مطعم اكله ماله حل

خاصة برياني الدجاج لايفوتكم لمحبي الأكل الهندي

ALA-N

21-09-2012, 05:32 PM

مطعم بيت جدي

مطعم بيت جدي 1.png - (http://zaiin.com/2ws6hyjkfdz8)

Qatar-supra

23-09-2012, 08:00 AM

بخصوص مطعم جست فلافل شدعوه ب8 ريال و12 و18 ريال السندويش خير زين مايسونه من لحم الفلافل

افضل فلافل
1 فلافل فائضه بمحطه بوهامور
2 عروس الشام بشارع السد التجاري بجانب شركه النوكيا وعندهم شورما لحم قرل عربي ماله حل

Khaled Qatar

23-09-2012, 08:14 AM

مطعم جونز ذا جروسر في ذا جيت التابع للسلام مقابل الستي سنتر . باب المطعم مجابل الشارع الرئيسي او تقدر تروحله من داخل السوق

مطعك كرب اوي تقاطع رمادا
مطعم حدائق اصفهان تقاطع رمادا
مطعم جوني روكتز - البرجر خييييال مكانه تقاطع رمادا بجانب ستار بوكس
مطعم choises في فندق روتانا - عشا يوم الثلاثاء - بوفيه بس متخصص في الستكات - روووووعه - الشخص ب 210
بوفيه فندق W يوم غداء يوم الجمعه في مطعم The Markit بس غالي الشخص 320
المطعم الفرنسي الشهيرلا ريليه دي لي إنتركوت في اللولوه - عنده بس طبق واحد اللي هو ستيك بس يستحق التجربه
مطعم dalloyau في اللولوه بجانب محل ارماني - ماعنده خيارات وايد بس البرجر حلو عنده وسمك الهامور - والقعده حلوه مقابل البحر
مطعم ستيك هاوس والمطعم البرازيلي في فندق الماريوت اللي حذا الستي سنتر

هذي المطاعم اللي جات على بالي ألحين

وبالعافيه للجميع

آنــه

24-09-2012, 09:48 AM

خبيت افيدكم في المطاعم اللي جربتها الفتره اللي طافت من بعد اخر رد لي

المطعم الايطالي بالفورسيزن .. سيء للغاية صراحة كنا رايحين غدا ما كان فيه طعم ابدا واحلى شيء فيه كان العصير والا لا السيرفس ولا الاكل الله يعز النعمة

المطعم البرازيلي اللي في الماريوت .. جدا لذيذ بس يعيبه مكانه صغير من جذي الواحد يحس بالزحمه في المكان والا نضامه بوفيه اول شي موجوده الشوربه و السلطه انت تروح تاخذهم من على البوفيه وبعدها عندك كروت على الطاوله اذا قلبتها على اللون الاحمر تكون ما تبي واذا على اللون الاخضر تكون تبي واللي تبي او ما تبي عباره عن اسياخ فيها انواع من المشويات طبعا .. خروف و بقر و دجاج وبط انا عن نفسي استمتعت في المطعم تجربه حلوه وناويه ازوره مره ثانيه و نسيت اقول لكم فيه سويتات بعد الاكل وتقريبا للشخص 300 ريال

و اخر شي بتكلم عن حبيب الناس الانتركونت هذي ثاني مره ازوره بس المطعم جدا يلوع الجبد يعني طبق واحد والستيك عليه ( سوس / صوص ) وجبس مقلي ما عجبني وينه و وين لو بنقارنه بـ باقي محلات الستيك

و بسسسسس

alsndbad-q8

25-09-2012, 09:58 AM

مطعم فندق لاسيجال باللوبي بالجانب المقابل من الاستقبال.
حده عجيب انصح فيه للجميع

وشهر 4 او 5 جيت الدوحة وسكنت بفندق الماريوت اللي عند المطار في مطعم ستيك هاوس المطعم جدا حلو والاجواء هم حلوة.
بالعافية عالجميع.

alsndbad-q8

25-09-2012, 10:09 AM

آنــه

26-09-2012, 12:34 AM

اختي بخصوص الانتركوت مثل ماانتي عارفة موجود بكذا ديرة و معروف نظامهم ماعندهم منيو طبق واحد تدخلين واييج طبقج وانتي ماستطعمتيه لأن شغل اهني غير عن شغل اهناك انا ذقته بالكويت تو فاتحينه من فترة الاكل موذاك الزود مقارنه مع الموجود في فرنسا دايما الاصلي افضل.
ولا بعد بالكويت فتحوا من كم سنه وصكوه والحين ردوا فتحوا بمكان ثاني.
تحياتي.

الضجة والإعجاب تخليك تكذب ذوقك و تقول ان المطعم أكيد ممتاز وانا اللي ما عندي ذوق :tease:
بس حاولت اقنع نفسي وعيت لا تقتنع ان اكله حلو :shy:

وبما انك من الكويت حاول تفتح استثمار كويتي بالدوحة وتجيب " فريج صويلح " واهم شي طبق المطبق زبيدي من ألذ الأطباق فيه:victory: و صدقني بتربح

وهم في مطعم في الأنفي وز كان عجيب غريب
إيراني لكن تقديمه غريب للأطباق عباره عن أطباق إيرانية مطوره
كان روعه هالمطعم