اصوات مدويه نسمعها حد يعرف شالسالفه ؟؟!!!

[شموع قطريه]

من شوي سمعنا اصوات مدويه هزت المكان ومانعرف هل هي العاب ناريه ( وش مناسبتها ) او شي ثاني .. اللي عنده خبر عن مصدر هالاصوات يطمنا الصراحه خوفتني هالاصوات ..

[طرفه]

أختي في اي منطقه ..
ما في شيئ عندنا بمعيذر

[سلمى76]

انا بالمنتزة وسمعتها افتكرتها رعد

قولت ادخل اشوف احوال الطقس المنتدى

[vtc_4.8]

نفس الشي


مسيمير

؟؟

[خالـــــد]

الله يستر

دحيل مدينة خليفه ما بها صوت !!

[لاجل QT]

مافي شي ماسمعنا شي

الخيسة

[شموع قطريه]

الله يستر على بلادنا ويحفظها الصوت جنه صوت قصف والعياذ بالله ..

انا قلت يمكن العاب ناريه لانها استمرت فتره وصوتها مدوي نفس اللي استخدموها في اليوم الوطني بس وش المناسبه وليش ما اعلنوا عنها علشان محد يتخرع من الصوت ..

[شويهينــه]

اختي كانت تقول انهم بيسوون العاب ناريه عشان الالعاب الاسيويه بس مادري وين احنا صوب اسباير ماشفنا شي

[شموع قطريه]

اختي كانت تقول انهم بيسوون العاب ناريه عشان الالعاب الاسيويه بس مادري وين احنا صوب اسباير ماشفنا شي
تو الناس على الالعاب الاسيويه باقي اسبوع وحتى لو فيه مناسبه عادي بنتوقع نسمع الالعاب الناريه .. لكن اذا مافيه مناسبه ونسمع هالصوت .. الصراحه تروعنا ..

[شويهينــه]

تو الناس على الالعاب الاسيويه باقي اسبوع وحتى لو فيه مناسبه عادي بنتوقع نسمع الالعاب الناريه .. لكن اذا مافيه مناسبه ونسمع هالصوت .. الصراحه تروعنا ..

والله مادري بس اذا لاسمح الله صار شي بتسمع ونانات الشرطه

[غير البشر]

الله يستر
انا ماسمعت اي صوت

بس مادام انه الصوت صار له فتره ومافي اي شي او خبر
اكيد بيكون الوضع عادي
ماعليكم شر ان شاء الله

[برزان1]

إذا كان فيه ألعاب نارية بتكون في الكورنيش أو صوب أسباير

[وطن]

يمكن طيارة حربيه مخترقه جدار الصوت!!!!

[ام شوشي]

انا سمعت با الامس انه بلادنا المؤقرة مجهزه العاب نارية بمناسبة السنه الجديدة .....فهل كانت الالعاب با الامس او اليوم ليس لدي علم والله اعلم....

[شموع قطريه]

والله مادري بس اذا لاسمح الله صار شي بتسمع ونانات الشرطه

صحيح اختي وهذا اللي طمني اني ماسمعت صوت ونانات الشرطه والاسعاف ..


مافي الا العافيه ان شالله . . . شوفي من جايبين في مهرجان الدوحه الغنائي واحتفلو فيه بدال ملحم زين ابو الصحون الطائرة

والله يسوونها مب بعيده عليهم تلقاهم خاشين شوي من الالعاب الناريه مالت اليوم الوطني علشان يلطفون فيها الهوا اللبناني :)
ليتها ثايره في وجوهم هالخمه ..


الله يستر
انا ماسمعت اي صوت

بس مادام انه الصوت صار له فتره ومافي اي شي او خبر
اكيد بيكون الوضع عادي
ماعليكم شر ان شاء الله

الشر مايجيك اخوي وان شاءالله مافيه شر لاعلينا ولا عليكم ولا على قطر كلها ..

[شموع قطريه]

يمكن طيارة حربيه مخترقه جدار الصوت!!!!

لا اختي اذا طياره بنسمع الصوت مره بس الصوت اللي سمعناه استمر لعدة دقائق ..

[وسمي2016]

الله يستر ويلطف,,,,,ونبقى متابعين,,,,,يعطيكم العافيه

[بوسعد 55]

مسرع ماتناقلتو الخبر صار المنتدى صراحه وكالة انباء المهم كنت في السوق صوب استاد الدوحه وفعلا سمعنا الصوت صوب الكرنيش وبين بين العمارات العاب ناريه علي الكورنيش بس شالمناسبه مادري يمكن علشان السنه الجديده

[بوخالد911]

يسلممووو

[danh]

مثل ما وصلني على البلاك بيري كل يوم الساعه 6 ولمدة 3 دقائق العاب ناريه من اليوم وحتى تاريخ 7 / 1 يمناسبة كأس آسيا

[شمس]

انا سمعت با الامس انه بلادنا المؤقرة مجهزه العاب نارية بمناسبة السنه الجديدة .....فهل كانت الالعاب با الامس او اليوم ليس لدي علم والله اعلم....



الله الحافظ من هالمناسبات الدخيله ويا ليتها مناسبات بريئه وراها تثليث وتربيع بعد هههههههه

[شموع قطريه]

مسرع ماتناقلتو الخبر صار المنتدى صراحه وكالة انباء المهم كنت في السوق صوب استاد الدوحه وفعلا سمعنا الصوت صوب الكرنيش وبين بين العمارات العاب ناريه علي الكورنيش بس شالمناسبه مادري يمكن علشان السنه الجديده
اذكر الله ياخوي وبعدين هذا منتدى يعني كل واحد يقول اللي في خاطره سواء نصيحه ولا استفسار ولا اخبار عادي مافيها شي ..
وبخصوص الالعاب الناريه فنشكرك على الافادة وزين انك طمنتنا .. بس ليش ما اعلنوا انهم مثل ماذكر احد الاخوان انهم بيسوون العاب ناريه يوميا الساعه 6 !!

[<اضرب واشرد>]

يمكن قامت الحرب وبدأ القصف الايراني

[ريماس الغلا]

احتفاليه رأس السنه



هابي شنو !!!




هابي توي ييييييير

[ريماس الغلا]

يمكن قامت الحرب وبدأ القصف الايراني



:omg:

[شموع قطريه]

يمكن قامت الحرب وبدأ القصف الايراني

فال الله ولا فالك اشهالكلام .. يعل يقصف الله رقبة اللي يفكر يسيء لقطر بأي شكل من الاشكال

[الكبير الله]

يمكن قامت الحرب وبدأ القصف الايراني


فال الله ولا فالك << قل خير او اصمت

[شيزكيك]

يمكن قامت الحرب وبدأ القصف الايراني

اسم الله علينا وعلى بلادنا

[شويهينــه]

مثل ما وصلني على البلاك بيري كل يوم الساعه 6 ولمدة 3 دقائق العاب ناريه من اليوم وحتى تاريخ 7 / 1 يمناسبة كأس آسيا

يعني اللي قالته اختي صح

مشكوره دانه :victory:

وان شاء الله نحضر الالعاب الناريه

[Mshari]

انها اصوات الالعاب الناريه لكأس اسيا وهي تنادي الكتيبه الخضراء للفوز باللقب

يا ربااااه يا منتخبنا











الله يعينكم علينا جاين نبي الكاس :shy:

[فلتة زمانها]

اي صوت شسالفه :eek: