شسالفه يا ناااس ؟؟؟

[حلم الجميع]

السلام عليكم

اخبااركم ؟؟؟


رحت لكلية المجتمع وبغيت اسجل المهم وسجلت قلت لهم متى يبدأ الكورس*__*

قالت لى انتي مسجله 12 لا تو الناااااس .... لان للحين تونا ناخذ البنات الى سجلوا شهر

7 في اول كورس يعني يمكن تكونين على السنة الجايه او بعدها *_*


وازيدكم من الشعر بيت


قالت لى مو شرط نقبلج اذا ما جبتي فوق الافل 4 ما نقبلج بالكلية طبعا هاى الشرط فقط


لناس الى يداومون مساااء



اسغفر الله كل ما قلنا انفرجت اتسكرت من باب ثاني ...


والمشكلة ما يستفيد من التعليم الا الاجانب الله المستعان

[باسكن روبنز]

:omg:
فوق لفل 4؟؟ ،

زين آني مارحت لهم وتعبت نفسـي ،

الله يعينـج والله لو فيـج حيــل تدرسين آنتساب بالجامعات بالدول المجاوره أرحم لج ،

تروحين تقدمـين آمتحانات حزت الآمتحـان بس والآنكلينزي بسـيط مايتعدا لفل2 آعتـقد ،

الله يوفقـج ،

[شبح الصمت]

الله يعينكم والله

الحين يبون العالم تعلم وقاعدين يشردونهم ولفل 4

والي مستواه على عقليته بس يبي يكمل ويدر لازم يكسرون مجاديفه

لازم لفل فور لازم يعني لي متى خلاص كل شيء بيصير بالانقليزي

:weeping:

[مو مهم]

اي والله

انا سجلت من بدى التسجيل ولا بعد كنسلت الدراسه في مصر لعيون كليه المجتمع وبالاخير لين الحين انا بالانتظار

خلوها ع الله

[كويتى1]

:omg:

[الوان]

عيل ليش فاتحينها

يسكرونها احسن

اسمها كلية المجتمع يعني لمساعدة المجتمع ...

[رذاذ]

تعجييييييييييييييييييييز والله

[بوخالد911]

الله يعيينكم

[شموع قطريه]

حسبي الله عليهم سكروا في وجوه عيالنا كل باب للتعليم الجامعي .. سببوا لهم احباط يعلهم الاحباط اللي يكسر قلوبهم

[زمان]

نسخ ولزق من موقع المجلس الأعلى للتعليم

http://www.education.gov.qa/section/sec/_community_college
أسئلة وأجوبة:

ما هو الأمر الذي يميز كلية المجتمع في قطر؟

شهادات دبلوم معترف بها داخل وخارج قطر.


مجموعة واسعة من البرامج الدراسية الأكاديمية والتقنية التي تؤهل الطلاب لمواصلة المزيد من دراساتهم الجامعية أو للالتحاق بسوق العمل.


فرص للطلاب وأصحاب العمل لاختيار برامج تدريبية قصيرة الأجل من أجل التوظيف.


برامج تدريبية متخصصة ومتنوعة تلبي احتياجات سوق العمل القطري.


شهادات تدريب معتمدة - دورات على المهارات الأساسية، بما في ذلك اللغة الإنجليزية كلغة ثانية.


بيئة تعليمية داعمة داخل فصول ومجموعات دراسية صغيرة.


إمكانية نقل جزء من أو جميع الساعات المعتمدة في شهادة الدبلوم التي تم الحصول عليها من كلية المجتمع في قطر إلى الجامعات.


متطلبات قبول مرنة لخدمة الطلاب الذين لم تتاح لهم الفرصة لمواصلة دراستهم بسبب معدل درجاتهم في المدرسة الثانوية أو إجادة اللغة الإنجليزية أو بسبب كبر السن أو بسبب قدم شهادتهم الثانوية العامة أو بسبب العمل أو أية أسباب أخرى.


ما هي الشهادة التي ستمنحها كلية المجتمع في قطر؟
ستمنح كلية المجتمع في قطر شهادة الدبلوم في الآداب(AA) وشهادة الدبلوم في العلوم (AS) وشهادة الدبلوم في العلوم التطبيقية (AAS).


( تلعب كليات المجتمع دور المحطة الاعدادية للطلاب للانتقال من المرحلة الثانوية إلى المرحلة الجامعية. )

[باسكن روبنز]

حسبي الله عليهم سكروا في وجوه عيالنا كل باب للتعليم الجامعي .. سببوا لهم احباط يعلهم الاحباط اللي يكسر قلوبهم

هل من مــزيد؟ ،

عطيهـــــــم من هالزيــن وبرررردي قلوبنــا ،:(

[الوان]

حسبي الله عليهم سكروا في وجوه عيالنا كل باب للتعليم الجامعي .. سببوا لهم احباط يعلهم الاحباط اللي يكسر قلوبهم

زين .. كثروا من الدعاء

لأن دعوة المظلوم مستجابه

الله لا يوفقهم ان كانوا يريدون الاذى لأبناء و بنات المسلمين

[بصمة قطرية]

لاحــول ولا قوة الا بالله ..
حسبي الله ونعم الوكيل ..
والله حــرااام عليهم ..
ليش الأمور كل مالها وتصعب ..!!
وين يروحون الطلاب ..؟؟

للأسف الكلية إسم على غير مسمى ..!!

وفي الأخير بعد كل هاي شهادتها ~ دبلوم ~ مش بكالوريوس ..!!!

عجبي ..!!:eek5:

[ماريسا]

يا ناس الله يكون في عونكم
بس ليش ماننظر للموضوع من جهة ثانية
يبغونكم تطلعون بروفشنال و متعلمين! مايصير شهادة و من غير اتقان اللغة الانجليزية
تراها لغة العصر شئتم أم أبيتم
في ناس تتكلم سبع لغات انتو اش ناقصكم عشان تتقنون الانجليزية !!!!
أعتذر اذا كلامي قاسي بس والله عشان تتشجعون و تتعلمون
و الموضوع مش مستحيل للي يبّي يوصل !

[%حورية قطر%]

والله صج صج شي يقهرررر


الله يعينج .....