ماعندهـ \ ـا شغل غيري

[الدبلوماسيـه]

ماعندهـ \ ـا شغل غيري


احيانا لما تكون مجتمع مع ناس ..اما دوام ..مدرسه ..جامعه .. جمعه الاهل .. او المجلس..

يكون في حد حاط دوبه ودوبك ..

او بمعنى آخر .. يقط نقزات ..او يسألك اسأله كلش كلش مالها داعي بس بقصد انه ينرفزك او

يحرجك قدام الموجودين..

او بيسوي نفسه يتغشمر ويذكرك بموقف سخيف .. بس عشان يضحك الجالسين عليك

ماعنده شغل الا انت طول الجلسه



في شخصيات فعلا مريضه .. وكثير منا يعاني من هالشي..

آبي اشوف آرائكم .. ومناقشتكم..

والاهم .. شلون يكون تصرفك اذا مر عليك موقف من هالنوعيه؟

واذا كنت انت من هالنوعيه المستفزه ؟؟ لماذا تفعل هكذا ؟؟


الدبلوماسيه

2-1-2011

[مو مهم]

انا مرات يصيدني هالموقف اقول لشخص ( تلايط ) ويتسكر الموضوع

بس انا اشوووفه منتشرة بشكل كبير وتقريبا مافيه مجلس ما يخلى من هذي الظاهرة


اشكرج اختي الدبلوماسية على الطرح

[Mshari]

لا بلاك الله بعاقه من مقاريـد الرفاقـه====لاتوريـه الحماقـه ليـن ربـك يقلعـه

هذا التصرف الامثل مع هالنوعيه

وحلات الواحد يخلي له حد معين فالتعامل مع الناس يعني مب اي شخص تخليه يتداخل معك او يضحك معك


السطحيه فالتعامل مع الاخرين اشوفها افضل

شكرا الدبلوماسيه ع الموضوع

[الدبلوماسيـه]

انا مرات يصيدني هالموقف اقول لشخص ( تلايط ) ويتسكر الموضوع

بس انا اشوووفه منتشرة بشكل كبير وتقريبا مافيه مجلس ما يخلى من هذي الظاهرة


اشكرج اختي الدبلوماسية على الطرح

هاي الي يبي يخليك توصله..الناس بتنتبه لكلامك انت مب كلامه:anger1:

[فيزيائية]

التطنيش مفيد دااائما مع هؤلاء ....

[الدبلوماسيـه]

لا بلاك الله بعاقه من مقاريـد الرفاقـه====لاتوريـه الحماقـه ليـن ربـك يقلعـه

هذا التصرف الامثل مع هالنوعيه

وحلات الواحد يخلي له حد معين فالتعامل مع الناس يعني مب اي شخص تخليه يتداخل معك او يضحك معك


السطحيه فالتعامل مع الاخرين اشوفها افضل

شكرا الدبلوماسيه ع الموضوع

احيانا في ناس اتعدى هالحدود بدون اذنك:secret:

[Mshari]

احيانا في ناس اتعدى هالحدود بدون اذنك:secret:

اذا تعدى حدوده بدون اذني اتوطا فبطنه :nice:

مع الحل الامثل هو ان لا تجعل الاخرين يستفزونك باي صوره كانت

والتعامل بجديه مع الاخرين افضل حل

[مو مهم]

لا يا اختي
التطنيش يخليه يكمل
والخروج من المجلس صرت مسخرة
اقوله تلايط وهذا يسكته حتى هو ينحرج

[باسكن روبنز]

الثقاله والتكانــه ،

آختيــار الردود الطيـبه وفـرض آحتــرامي عليـه لدرجة آخلي آلي حواليني يلاحظون مدى سخافته ،

آسهل شي الواحد يفقد آعصـابه ويغلط ويسب ،

بس بنظــري الرجــال الذكــي هو آلي يختـار معاركـه ولا يعكـر مزاجــه مع هالفئـه ،

تعاملي بآحترام مع غيري مب شرط لآنهم محترمـين لآني آنا محتــرم ،;)

شكــراً دبلوماسيــه ،

[الماريّة]

مرحبآ اختي الدبلوماسية


صارت معي هذي المواقف من احدى الموظفات
اول مره اسكت وماارد

بس بعد ماتمادت رديت عليها وفشلتها
وبعدها .. خلاص اذا شافتني تحسب لي الف حساب

:)

[Xx QATARI xX]

ماصارلي هالموقف الحمد لله
المهم والاهم
ان الواحد ينقي ربعه نقوه
ويعرف يقعد مع من

والا الردي ،، ماله محل صوبنا

تحياتي

[الدبلوماسيـه]

لا يا اختي
التطنيش يخليه يكمل
والخروج من المجلس صرت مسخرة
اقوله تلايط وهذا يسكته حتى هو ينحرج

وتخليه يسكر حلجه على طول بعد:nice:

[صوت الضمير]

ماصارلي هالموقف الحمد لله
المهم والاهم
ان الواحد ينقي ربعه نقوه
ويعرف يقعد مع من

والا الردي ،، ماله محل صوبنا

تحياتي

اتفق معك .

[الدبلوماسيـه]

الثقاله والتكانــه ،

آختيــار الردود الطيـبه وفـرض آحتــرامي عليـه لدرجة آخلي آلي حواليني يلاحظون مدى سخافته ،

آسهل شي الواحد يفقد آعصـابه ويغلط ويسب ،

بس بنظــري الرجــال الذكــي هو آلي يختـار معاركـه ولا يعكـر مزاجــه مع هالفئـه ،

تعاملي بآحترام مع غيري مب شرط لآنهم محترمـين لآني آنا محتــرم ،;)

شكــراً دبلوماسيــه ،

شخصيتك ثقيله وراكزه ..نيالكـ ..في ناس حزتها ينسون الثقل :anger1:

[Qt.1]

ماصارلي هالموقف الحمد لله
المهم والاهم
ان الواحد ينقي ربعه نقوه
ويعرف يقعد مع من

والا الردي ،، ماله محل صوبنا

تحياتي

بالظبط ,, واذا حصل معاي هالشي بحاول اني ارد رد هادي ولااعصب لانه مايسوى ,, ولانه هدفه اني اعصب فليش اعطيه الي يبيه ,, خلج هاديه وردي بكل هدوء

[الدبلوماسيـه]

التطنيش مفيد دااائما مع هؤلاء ....

مب الكل يقدر يسوي جيه:nice:

[الدبلوماسيـه]

مرحبآ اختي الدبلوماسية


صارت معي هذي المواقف من احدى الموظفات
اول مره اسكت وماارد

بس بعد ماتمادت رديت عليها وفشلتها
وبعدها .. خلاص اذا شافتني تحسب لي الف حساب

:)



انا يا ارد رد بكلمه وحده ..اما ما اعطي اجابه تريحه تخليه يحس بسخافته ..او نظره وصمت..

بس رد يفشل من قلب ما عمري ..بس خاطري اسويها مره ..حزتها تلقيني فيوزاتي ضاربه بس اسوي نفسي يبلفيت هاديه ..عشان جيه ما اعطي جمله:anger1: ولا بعفس الدنيا

[الوان]

ماعندهـ \ ـا شغل غيري


احيانا لما تكون مجتمع مع ناس ..اما دوام ..مدرسه ..جامعه .. جمعه الاهل .. او المجلس..

يكون في حد حاط دوبه ودوبك ..

او بمعنى آخر .. يقط نقزات ..او يسألك اسأله كلش كلش مالها داعي بس بقصد انه ينرفزك او

يحرجك قدام الموجودين..

او بيسوي نفسه يتغشمر ويذكرك بموقف سخيف .. بس عشان يضحك الجالسين عليك

ماعنده شغل الا انت طول الجلسه



في شخصيات فعلا مريضه .. وكثير منا يعاني من هالشي..

آبي اشوف آرائكم .. ومناقشتكم..

والاهم .. شلون يكون تصرفك اذا مر عليك موقف من هالنوعيه؟

واذا كنت انت من هالنوعيه المستفزه ؟؟ لماذا تفعل هكذا ؟؟


الدبلوماسيه

2-1-2011

الهجوم احسن وسيلة للدفاع

يعني اول ما تقعد في المكان و تشوفه قدامك

اسئلة عن اخباره بالتفصيل

و كل اجابة يقولها قول لييييش تسوي جذيه

يعني لعوزه لين يحرم يقعد معاك في نفس المكان

صدقني طريقه مجربه و مضمونه

[الدبلوماسيـه]

ماصارلي هالموقف الحمد لله
المهم والاهم
ان الواحد ينقي ربعه نقوه
ويعرف يقعد مع من

والا الردي ،، ماله محل صوبنا

تحياتي


مب شرط يكون من ربعك ..

ممكن حد يقربلك..:secret:

ولا من يرافق الردي !

[Prestige]

امور مثل هذه احيانا تحصل بين الاصدقاء بداعي المزح

واحيانا اخرى بدواعي اخرى لا نعلم اسبابها

اللي يجي عن طريق المزح يمكن تقبله من الاصدقاء وتمشي الامور طبيعية لان اليوم يكون علي بكرة بيكون على اخر وهكذا

ولكن اذا كان من شخص مستقصد انه يحرجني في الطالعة والنازلة

اسكت عنه في بداية الامر

اذا كثر

اوقفه عند حده

اما

بنظرة فيها شي من عدم الارتياح
او بنظرة سخرية
او بنظرة غضب

اما اذا تمادى

فارد عليه باللساان

ظريف الاخ
تبيني اضحك مثلا
انثبر:nice:

المشكلة التي قد تكون فعلا اصعب

ان يوجد من هم مثل هؤلاء بكثرة في المحيط الذي تجلس فيه

اذا بدا شخص يكمل الاخر ويؤيدون بعضهم البعض

لكي يغيضوك او يستفزوك بقصد

لدرجة انهم ينطقون باي كلمة ويضحكون عليه وتكون تافه ولا تضحك ولا تعني شي، فقط لكي يغيضوك

امثال هؤلاء اما ان تسايرهم وتعمل بنفس اسلوبهم لانهم مجموعة ويؤيدون بعضهم البعض، او انك تتركهم

واذا حاولت ان تغير من طباعهم باي طريقة سواء بنظرة او غضب او اي طريقة اخرى

فانهم يتلامزون بين بعضهم البعض وانت جالس بينهم، لدرجة انك تشك بان اي موضوع يتحدثون عنه تكون انت المقصود

تركهم ابرك

[intesar]

طنش تعش تنتعش

[بنت سيف]

يعتمد على الموقف نفسه ..

بعض المواقف .. تحتاج التجاهل التام ..

وبعض المواقف .. تحتاج الرد عليها .. لمنع التمادي ..

السكوت والتجاهل .. لا يعني الضعف ..
ولكن يعني .. أن الموقف تافه ولا يهم ..

والرد ووضع حد .. لا يعني القوة ..
ولكن يعني .. أن الموقف يحتاج توضيح ونهاية

في كل الأحوال .. انصحك
بعدم جعل هذه المواقف تؤثر على نفسيتك وتغضبك ..
تنفسي بعمق .. ثم فكري كيف ستتصرفين ..

تحياتي


بنت سيف

[chillis]

والله في وايد ملاقيف هالزمن وبالمنتدى تشوف منهم وايد

[سكرمر]

اعامله كأنه غـير موجود

[Miss]

انا لين حد سوالي جيه اقول يا ربي على هالناس .. منهم هذولا اللي اتكلمين عنهم؟؟ حزات يسكتون وحزات يقولون انتي يعني ما تدرين !! اقولهم اول مره ادري ان فيني هالشي واشارك اللي معاي اقولهم انا فيني هالشي؟؟

جربيها وشوفي ردة فعلهم

[خليفـة]

موضوع جميل ومفيد اختي الدبلوماسية
:)

اسمحي لي أبدي رايي بشكل صريح .. والي ممكن يكون رأي مختلف نوعاً ما عن باقي الأراء مع كامل احترامي للجميع .

اعتقد اختي الكريمة ان مثل هذا الأمر يعتمد على طبيعة الشخص المتحدث نفسه .. فلو كانت شخصيته من البداية أمام الجميع شخصية قوية .. لن يتجرأ أحد ان يستخفف بكلامه او كلامها .. لأن الجميع سيكون على علم مُسبق ان هذا الشخص لا يتقبل الأستخفاف او الاستهزاء بكلامه .. وسيجنب نفسه ردة فعل المتحدث ذو الشخصية القوية .. والتي قد تكون ردة فعله مُهينة لكرامة اي مستهزىء .

اما لو كانت شخصية هذا الانسان ضعيفة .. ومسالمة .. وطيبة .. و و و الخ ..
انا واثق في هذه الحاله انه سيواجه بعض المتاعب مع أصحاب العقول التافهة .. والذين يستمتعون بالتقليل من قيمة كلام وأفكار صاحب هذه الشخصية الجميلة في نظر العقلاء .


الخُلاصة اختي دبلوماسية .. يجب ان يعيش كل شخص شخصية مختلفة .. على حسب عقول وتفكير الناس من حوله .. الناس الطيبة الفاهمة .. يكون معاهم انسان طيب .. وحنون

اما الناس التافهة .. الي كل همها الاستهزاء بعقول واراء الآخرين .. يكون معهم انسان شرس .. عدواني .. وعصبي

وفي النهاية أنا أجزم لكي اختي الكريمة .. ان هذا الشخص لن يواجه في حياته أي شخص تافه ان شاء الله .

هذا رأيي .. والله أعلى وأعلم

:)

اخوج / خليفــة
مالكم أمل سابقاً

[شمس قطـر]

اشكرج عالطرح المفيد

مرو علي ناس من هالنوعية وخصووووصا ايام الثانوية


بصراحه يسببون ازعاج وينرفزون الشخص بشكل مب طبيعي وشالسبب ؟؟ ما تدرين !!! :anger1:


المفروض كل شخص يواجه هالنوعيه يضع لهم حد ما يتجاوزونه :discuss:

تحياتي

[روضة]

قال تعالى: {وَإِذَا خَاطَبَهُمُ الْجَاهِلُونَ قَالُوا سَلاماً}

عامل الناس باخلاقك لا بأخلاقهم.. خاطب الناس على قدر عقولهم

واذا صادفك انسان غير مهذب ولا يحترم الآخرين .... ما عليك إلا أن تتجاهله
قال الشافعي

إذا نطق السفيه فلا تجبه .. فخير من إجابته السكوت
فإن كلمته فرجت عنه .. وإن خليته كمدا يموت

فـ ( ليس على المجنون حرج )


يخاطبني السفيه بكل قبح فأكره أن أكون له مجيبا
يزيد سفاهة فأزيد حلما كعود زاده الاحتراق طيبا

اختي الدبلوماسية

http://www.mooode.com/data/media/308/bsmlh_d9b.gif

[العـوا]

صراحه موضوع مهم
وياكثرهم في الحياه بس اهم شي التطنيش لهم لا تعطيهم اهميه

[ahad]

ايييييييه ماكثرهم قطيعه

اكثر شي اطنش لاني اذا عصبت انسى نفسي

[بنت^البحرين1]

دبلوماسية لي عدة مواقف صارت لكن ..

شرايج في وحده في قعدة حريم تسلم يوم وصلتني متعمده فرصتني في ويهي يا زعم تغشمرني، ومحد كان منتبه وهي ترحب وتهلي، ماضيعت الوقت لان داخلي نار شابه هههههههههه توها بتقعد قلت لها يا فلانه معلش بس مره ثانية لاتفرصين ماحب هالحركة، شنو ردة فعلها؟؟ فقعت من الضحك تقولي لا اتذكرج يوم كنتي صغيره وسويتها ،، عادي قلت لها لا وايد تضايقني وماحبها ولو سمحتي لاتسوينها وتغير الموضوع .. ورجعت سوتها لي مرتين في قعدات ثانية،، وقبل سنتين يمكن في حفل استقبال عقب عرس عندنا توووووووووووني صرنا في ويه بعض ونسلم ويوم يات تسلم علي وترجع تسوي نفس الحركة جدام العالم ،، حزتها ابليس رقص جدامي ،، واعطيها كف على ويهها .. وفجأة صار الميلس صخخخخخه .. ولي يومج لين تشوفني تروح مكان بعيد تصد عني .. والحمدلله افتكيت منها


أعرف ان يمكن ردة فعلي مبالغ فيها لكن والله في ناس يتعمدون يستفزونج بتصرفات مقصودة لان كل مرة تسوي الحركة تضحك وانا شكثر اتنرفز خاصة ان هذي حركة تتسوى لليهال مب وحده في عمري وسط الحريم ..

الخلاصة مرات الواحد يحاول يمسك اعصابه ويحترم نفسه لكن والله في ناس عديمين احساس واخلاق مايتأدبون الا لين الواحد يحرجهم ويفشلهم .. يحبون يحطون نفسهم في مواقف بايخه هم في غنى عنها

[هارودز]

لازم يكون في ادب الحوار