المساعد الشخصي الرقمي

مشاهدة النسخة كاملة : I want learn english more


MBI
03-01-2011, 12:45 AM
السلام عليكم. بغيت أتعلم انجليزي اكثر أنا في الانجليزي مستواي لفل 3 وابغي اطور من نفسي ممكن تفيدوني *
The Master
03-01-2011, 01:01 AM
حياك هنا...

:::تعلم الانجليزيه بدون معلم…وبلاش بعد:::احم::: (http://www.ae7m.com/blog/2010/01/19/تعلم-الانجليزيه-بدون-معلم-وبلاش-بعدا/)
Qt.1
03-01-2011, 01:06 AM
اذا عندك ماده ,, روح اقعد لك عند عايله في امريكا كم شهر ,, بترجع بلبل
صعبة وصوفه
03-01-2011, 01:07 AM
الله يوفقك ياخوي..

من تجربتي الشخصيه اول خطوة لازم تسويها انك تتعلم (مصطلحات وكلمات انجليزية) كثر ماااتقدر..
يعني لاتخلي كلمة تمر عليك الا امسك المعجم وطلع معناها..
يعني مثلا كتب المدرسة لازم يمر عليك يوميا كلمات جديدة، وحتى بعد بالجرايد او بالشارع والمحلات... (لاتحاول تهمل اي كلمة) لانه الكلمات الاساسية والمهمة راح تتكرر عليك كثير.. فترجمها واحفظها اول باول.. ومع تكرار الكلمات عليك راح ترسخ بمخك (الكلمة ومعناها مع الاملاء)...

بعدين اذا حسيت انه عندك مخزون لابأس فيه من الكلمات أبدأ بالقراءة.. حاول تقرأ بالبداية قصص قصيرة جدا بالانجليزية وحاول تفهمها كـ (مضمون) بدون ماترجم ولاكلمة.. بس اذا لاحظت انه صعب عليك الفهم ترجم الكلمات الصعبه واكيد بعدين راح تفهم القصه.. والكلمات اللي ترجمتها احفظها ولاتهملها..

ومع الجهد والوقت راح تلاحظ انك اوكي بالقرأءة والفهم.. بس راح تكون عندك مشكلة بالــ (الاستماع)..
ابدأ في هالمرحلة بمشاهدة الافلام عشان تطور من قدرة الاستماع عندك (وهذي كانت اصعب مرحلة بالنسبة لي بسبب الاختلاف الشاسع في اللهجات الغربيه)... بس مع الوقت ان شالله راح تتطور..

هذي تجربتي الشخصية وان شالله تفيدك.. بالتوفيق مرة ثانيه..
دانـة قطـر
03-01-2011, 01:15 AM
وعليكم السلام
الحال من بعضه أنا بعد أبي اتعلم انجلش :(
بس حصلت هالموقع من قوقل وعجبني

http://www.alawazm.com/English.htm

موفق أخوي :nice:
نورالهدى
03-01-2011, 01:42 AM
أنا نصحوني بأن أقرأ قصص قصيرة ولتكن قصص أطفال
وأكثر من القراءة
لأنها الطريقة الأكثر فعالية لتعليم اللغة الإنجليزيه
وقاعده أفكر أطبقها
والله كريم
Qt.1
03-01-2011, 02:35 AM
حبيت اضيف شي ياجماعة الخير ,, اللغه الاانجليزيه علشان تتقنها بطلاقه , لازم اتكون محب حق اللغه اذا اتحبها بتعلمها واذا ماتحبها عمرك مابتعلمها ,
MBI
03-01-2011, 04:20 PM
مشكورين وماقصرتو
اخوي بوعبدالله والله انا احب اللغة الانجليزية وان شاء الله خير
ريماس الغلا
03-01-2011, 04:31 PM
يبيلك تتكلم مع كل من تصادفه بالانجليزي حتى لو مكسر


اجتهد ويبيلها صبر
Qt.1
03-01-2011, 04:33 PM
مشكورين وماقصرتو
اخوي بوعبدالله والله انا احب اللغة الانجليزية وان شاء الله خير

شوف بقولك عن نفسي انا من صغري اموت في شي اسمه لغه انجليزيه ,, ايام الثانويه الشباب يدرسون ومدرسين وعفسه وانا كنت حتى مادرس ودرجاتي عاليه ,, السبب لاني اعشق اللغه الاانجليزيه من صغري ,,, وهالشي خلا لغتي قويه ,,, حاول انك تحتك في اشخاص ايتكلمون انجليزي , مارس اللغه بشكل يومي وان شاء الله بتقوى مع الوقت ,, والله ايوفقك يابن الحلال
vtc_4.8
03-01-2011, 04:55 PM
جرب الكتب الي تجي بلغتين
(انا شريت هالسنه من معرض الكتاب)

ونصيحه اخوي اشتر لك جوال نوكيا من فئة e فيه مترجم من الشركه
مثلا جوال e71
بس لازم تنزله فقط لغه عربيه من النت (بالوايرلس بلاش)

وايد نفعني صراحه اي كلمة تمر علي ادخلها في المترجم
ام السعف
03-01-2011, 06:00 PM
حبيت اضيف شي ياجماعة الخير ,, اللغه الاانجليزيه علشان تتقنها بطلاقه , لازم اتكون محب حق اللغه اذا اتحبها بتعلمها واذا ماتحبها عمرك مابتعلمها ,

مب شرط يحبها اقولها عن تجربة ،،
المهم الممارسة والممارسة والممارسة بشكل كبيير وخاصة في الشهور الأولى ،،

النصايح راح تكون بالشكل التالي :
ابتعد عن حفظ الكلمات وابتدي بحفظ جمل كاملة يعني
بدل ما تحفظ name , how , far . away
احفظ لك
what is your name
على طوول شوف كم كلمة في الجملة وشوف كيف بتكون صياغة الجملة

حاول انك تتبع اصحاب اللغة الأم في تركيب الجملة ،،
يعني حسب ما قريت الواحد يتعلم لما يسمع بشكل أكبر
فحاول تعيش في عالم كله انجليزي في انجليزي وخصص وقت كبير له
كبير بدرجة كبيرة مب غشمرة :(

ادخل مواقع دردشة انجليزية وانت شاب ما اعتقد راح تلاقي صعوبة
في هالشي على عكس البنت اللي ممكن تتأذى من هالمواقع ،،

حاول تقرا اي شي يطيح تحت يدك ،، لا تتركه في حاله
بتلاحظ بصعوبة كبيرة في البداية صعوبة ما تنوصف ويكون اساسها
عدم حبك للغة هذي لأنها من الأساس صعبة عليك ،، مجرد ما تتمكن
اشوي بس اشوي راح تنطلق في فهم اللغة بشكل أكبر واجمل ،،

في جرير راح تلقى كتاب اسمه
English Grammer in use
راح تلقى عدة مستويات منه
كتاب مفيد ،، ما اعتمد على الكلمات يشرح لك القواعد
بشكل مبسط جدا وامثلة واسئلة ومفاتيح للأجوبة ،،

تقدر اتخلي هالكتاب كمرجع لأي صعوبة تواجهها يوم تنغمس
في عالم اللغة الانجليزية فتراجع سبب وجود الجملة بالشكل هذا
وعدم وجودها بالشكل ذاك ،،
الكتاب معاه سي دي او دي في دي ،، و له نسخ ثانية للكتاب
فيه كلمات للي يبي يحفظ كلمات ،،
بس غالب المواقع اليوم تتعامل مع الجمل مب الكلمات ،،
والقرار قرارك ،،
ahad
04-01-2011, 02:39 AM
مشكلة العصر اسميها

انا عن نفسي اشتط كمن يوم وادرس واحفظ كلمات وعقبها اتم شهور وارجع ادرس كمن يوم عقب التهي

وانسى وهذي حالتي . لو القى مدرسة يمكن راح اجتهد اكثر لاني بشوفها كل يوم واتشجع

بس ماحصلت مدرسات الاغلبية مدرسين رجال
بوحارب
04-01-2011, 02:45 AM
صارلي سنين ادرس انجلش وللحين احس نفسي توني جديد

بس امشي نفسي اذا اتصلت كنتاكي او بيتزاهت اطلب :(

الله يوفقك اخوي :)
ارين
04-01-2011, 03:46 AM
السلام عليكم. بغيت أتعلم انجليزي اكثر أنا في الانجليزي مستواي لفل 3 وابغي اطور من نفسي ممكن تفيدوني *




وعليكم السلام ورحمة الله وبركاته

شوف يا أخوي هالموقع يمكن يساعدك على تعلم اللغة الانكليزية بضغطة زر



هنـــــــــا (http://www.goethe-verlag.com/book2/AR/AREN/AREN002.HTM)


وهذا كتاب لتعلم اللغة الانجليزية في أسرع وقت ومشروح بالعربي !!




اضغط

هنـــــــــــا (http://www.4shared.com/file/74639998/934971cc/__online.html)


والله يوفقك يا رب