المساعد الشخصي الرقمي

مشاهدة النسخة كاملة : وش هو علاج الصــــــــــــــرع ؟ !!!!



Cute Mother
03-01-2011, 10:26 AM
السلام عليكم ورحمة الله وبركاته ..

الصراحة ما اعرف ش اقول عن مستشفى حمد والدكاترة اللي فيه !!!!

بعضهم يكلمك من طرف خشمه وغيــــــــــــــــــر متفهم لنفسية المريض اللي زايره يدور عنده حل لمشكلته المرضية والحل بيد رب العالمين .. !!!!
مايدري إنه بكذا يتعب ويمرض المريض زيااااااااااااده ؟!؟!؟!؟

حسبي الله ونعم الوكيل بس

المهم الله يوفقكم ابي اسأل عن أحسن طبيب استشااااري للمخ والأعصاب عشان يعالج الصـــرع !!!! سواء في قطر أو خارج قطر


انتظر اجابتكم والله الموفق

الوان
03-01-2011, 10:33 AM
الله يشفي مريضكم

بس من هاللحظة لين تحصل دكتور ممتاز

حط يدك اليمين على راس المريض

و اقرأ

اول 4 ايات من البقره

اية الكرسي + الايتين اللي بعدها

اخر 4 آيات من البقره

و اكثر من الدعاء و الاستغفار

الأصيلة
03-01-2011, 10:34 AM
الدكتور سعدات
والدكتور اسامة العلمي
والصرع علاجه سهل جدا
والدواء عالمي في كل البلدان
لايحتاج سوى مجرد أخذ الدواء يوميا وفي الوقت المحدد بدون التهاون فيه...

qatar1111
03-01-2011, 11:17 AM
الله يشفي مريضكم

missperfect
03-01-2011, 11:31 AM
أسأل الله العظيم رب العرش الكريم أن يشفي مريضكم وجميع مرضى المسلمين

فلتة زمانها
03-01-2011, 11:40 AM
علاج الصرع لونج تيرم يعني ياخذه مدى الحياه يعتمد هو من اي نوع
اسمها Anti-epileptic وفي علاج اسمه ECT (العلاج بالصعق الكهربائي)
لمعادلة الشحنات الزايده في المخ هذا العلاج اللي اعرفه
مادري اذا في شي جديد وعالعموم الله يشافي مرضاكم

بوخالد911
03-01-2011, 11:43 AM
الله يشفي كل مريض

القيادة
03-01-2011, 11:47 AM
الله يشفى مريضكم

Cute Mother
03-01-2011, 11:52 AM
الله يجزاااااااااااااااكم خير كلكم ماقصرتوا

أسأل الله يتقبل دعاؤكم يااااااااااارب

والمريض يتعالج عند مستشفى حمد من أكثر من 15 سنة ولااااافادت أدويتهم
واليوم احبطه الدكتور ونكد عليه وعطاه كلام يزود عليه المرض !!!!! وبأسلوب سخيف

نسأل الله العافية يارب

Cute Mother
03-01-2011, 11:53 AM
الدكتور سعدات
والدكتور اسامة العلمي
والصرع علاجه سهل جدا
والدواء عالمي في كل البلدان
لايحتاج سوى مجرد أخذ الدواء يوميا وفي الوقت المحدد بدون التهاون فيه...


ماقصرتي اختي جزااااج الله خير
بس هذيلا الدكاترة في وين ؟

وشنهو هالدواء العالمي ....؟

المليونير الفقير
03-01-2011, 11:57 AM
اختي خذي اوراقه وتقاريره من مستشفى حمد واكتبي طلب للديوان الاميري وهم مراح يقصرون او المكتب الطبي واسال الله ان يشفي مريضكم

مشموم
03-01-2011, 12:01 PM
الله يشفي مريضكم
انا كنت اتعالج في مستشفى حمد عند دكتور توفي نسيت اسمة ...بس عطاني دوا اسمه ( ترجتول) وبعد كم سنة الحمدلله طبيت .

بصمة قطرية
03-01-2011, 12:02 PM
الله يشفي مريضكم ..
اختي كم عمر المريض ..؟

اذا طفل في العيادة المسائية في مستشفى حمد الدكتور
محمود فوزي ..
استشاري ممتاز امدحه عن تجربة ..
شفت حالات صرع عنده والأمهات يمدحون فيه انه الحمد لله
علاجه ممتاز ..

الأصيلة
03-01-2011, 01:44 PM
ماقصرتي اختي جزااااج الله خير
بس هذيلا الدكاترة في وين ؟

وشنهو هالدواء العالمي ....؟

كلهم في مستشفى حمد...
وما اعرف اسم العلاج بس هو نوع واحد ياخذونه كل المرضى أما شراب أو حبوب
لكن لمدة طويلة ويوميا وفي نفس الموعد...

بو الطيب
03-01-2011, 05:31 PM
الحمد الله من بعد الله . والمستشفي في المانيا اسمه مستشفي الجامعه في بون والبرفسور اسمه اللجر

boamir
03-01-2011, 06:12 PM
الله يشفيه إن شاء الله

Cute Mother
03-01-2011, 11:37 PM
اختي خذي اوراقه وتقاريره من مستشفى حمد واكتبي طلب للديوان الاميري وهم مراح يقصرون او المكتب الطبي واسال الله ان يشفي مريضكم


اخووي جزاك الله كل خير
ياليت توضح اكثر عشان اقدر افهم المريض كيف يتصرف يعنى من وين ياخذ التقارير والطلب هذا كيف اجراته ومن في المكتب الطبي ممكن يساعد ؟
لان اللي فهمته من المريض انه في حيره هل يستمر على علاجه القديم اللي صار يضره اكثرمما ينفعه او ياخذ دواء جديد من نفس المستشفى اللي تسبب له في مرض السكري يوم كان اصغير من دواء بالغلط والحين بعد20 سنه رعاش وعدم فايدة والسبب انهم اكتشفوواا اليوم انه يزيد النوبات والشرود الذهني المريض طبعا هو بالبداية رفض تغير الدواء لكن لما مد ايده طلع عنده رعاش من الديجريتول وصار بين نارين

Cute Mother
03-01-2011, 11:42 PM
الله يشفي مريضكم
انا كنت اتعالج في مستشفى حمد عند دكتور توفي نسيت اسمة ...بس عطاني دوا اسمه ( ترجتول) وبعد كم سنة الحمدلله طبيت .

اسمه احمد حمد هو نفسه اللي وصف للمريض المضاد والتيجرتول وهذا يعطل مفعول الثاني وتزيد الشرود بدل ماتنفعه الله يرحمه
شكرا على الدعوة والحمدالله على سلامتك

Cute Mother
03-01-2011, 11:47 PM
الله يشفي مريضكم ..
اختي كم عمر المريض ..؟

اذا طفل في العيادة المسائية في مستشفى حمد الدكتور
محمود فوزي ..
استشاري ممتاز امدحه عن تجربة ..
شفت حالات صرع عنده والأمهات يمدحون فيه انه الحمد لله
علاجه ممتاز ..

جزاك الله كل خير
المريض 29
طبعا مش طفل لكن اكيد فيه اطفال بهذا المرض اكيد هالمعلومه فادتهم

Cute Mother
04-01-2011, 12:05 AM
كلهم في مستشفى حمد...
وما اعرف اسم العلاج بس هو نوع واحد ياخذونه كل المرضى أما شراب أو حبوب
لكن لمدة طويلة ويوميا وفي نفس الموعد...


حاولي تعرفين اسمه جزاك الله كل خير

ابو علاوي
04-01-2011, 12:05 AM
الله يشفي مريضكم ان شاء الله
لكن اللي اعرفه ان الصرع ماله علاج ينهي اثاره نهائياً من المريض
والصرع هو حالة عصبية بسبب اختلال وقتي للنشاط الكهربائي الطبيعي (انطلاق شحنات كهربائية بين الخلايا العصبية للمخ اقوى من تاثير الشحنات الطبيعية في الدماغ) ممايؤدي الى فقدان الوعي احيانا لمدة قصيرة واسبابه من الولادة او حادث او عدوى
والدكاترة بالعادة يعطون عقاقير ضد الصرع ودايما المريض بحاجة الى استخدام اكثر من نوع من العقاقير للتحكم بهذا المرض
وحالات نادرة اللي يكون المصاب فيها بسن الطفولة ربما تشفى
لكن عند الاصابة بسن البلوغ يبقى مدى الحياة
وان شاء الله يشفى مريضكم لكن اختي مافي علاج يلغي الحالة نهائياً
اكثر الناس يروحون البحرين لعلاج الصرع لان عندهم مركز تخصصي خاص بالصرع

والله يشفيه مرة ثانية

Cute Mother
04-01-2011, 12:06 AM
الحمد الله من بعد الله . والمستشفي في المانيا اسمه مستشفي الجامعه في بون والبرفسور اسمه اللجر

جزاك الله كل خير
ممكن تعطيني تفاصيل اكثر

أزهلها
04-01-2011, 12:12 AM
الله يشفي مريضكم ومريضنا ومرضى المسلمين ..
الدكتور محمود فوزي في مستشفى حمد بيفيدك اكثر ..وهو متخصص للأطفال ومايمنع تسال
عن الحاله لانه بيدلك على الدكتور المناسب ..

نوفا91
04-01-2011, 12:29 AM
الله يشفي مريضكم ..

الحال مايساعد
11-05-2011, 02:23 PM
الله يشافي جميع مرضى المسلمين

شميرام
11-05-2011, 03:57 PM
مره شفت فلم امريكي عن قصه حقيقه ان الصغار فيهم صره يسون لهم دايت معين
بس جنه الدايت حق الصغار
http://en.wikipedia.org/wiki/Ketogenic_diet

سكرمر
11-05-2011, 04:14 PM
مثل ماذكر اخوي ابو الطيب

فى مستشفى فى المانيا / بون / مستشفى الجامع/ دكتور اللجر


انا حاليا ً فى المانيا

وكثير اللى اشوفهم يجون من الدوحه ويتعالجون عنده ويمدحونه


دكتور ممتاز وشاطر فى مجاله



اذا بغيت اي خدمه من هالمستشفى انا جاهز لوجه الله

تحياتي

واقعية
11-05-2011, 09:21 PM
انا اعرف ان دكتور غانم السليطي
في مستشفى حمد - استشاري مخ و اعصاب\

بالنسبة للدواء : انا بنتي عطوها نوع و ما فاد

فصارت تستخدم نوعين و الحمدلله رب العالمين - وضعها احسن

بس قال لي د. فوزي استشاري الاطفال بان الدواء لازم تاخذه لين ما تكمل سنتين بدون اي نوبة و بعدين يتخفف تدريجيا

الله يشافي مرضانا و مرضاكم و جميع مرضى المسلمين

قطر دزاين
11-05-2011, 09:27 PM
انا خلتي نفس الشي صراع يجيها والحل الوحيد اللي خفف عليها الطب النفسي فيه دكتور اخلاقه عسل معا المرض بجيب لك اسمه

خزامئ
11-05-2011, 09:35 PM
اسامه العلمي
في حمد ممتاز ونفسه حلوه جدا

شيط ويط
11-05-2011, 09:38 PM
الله يجزاااااااااااااااكم خير كلكم ماقصرتوا

أسأل الله يتقبل دعاؤكم يااااااااااارب

والمريض يتعالج عند مستشفى حمد من أكثر من 15 سنة ولااااافادت أدويتهم
واليوم احبطه الدكتور ونكد عليه وعطاه كلام يزود عليه المرض !!!!! وبأسلوب سخيف

نسأل الله العافية يارب

الله يشفي مريضكم ان شاء الله

لازم تعرفين ان الصرع اكثر من 200 نوع .. وكل نوع يتفاوت عن النوع الثاني من ناحية وجود العلاج من عدمه وفترة العلاج ونوعية العلاج .. أخطر انواع الصرع اللي يحتاج لعلاج عن طريق التدخل الجراحي .. ويتم ذلك بنزع عصب مادري عرق في المخ يتسبب في حدوث نوبات الصرع .. ( توجد مراكز متخصصة في امريكا ) لكن العملية خطيرة حسب ماعرفت .. هذا العرق او العصب لا تصل له كهرباء الجسم في الفترة اللي يصير فيها تشجنات ونوبات صرع للمريض .. ولا يمكن التنبؤ بها في بعض الانواع .. وهذا النوع العلاج البديل غير العلاج الجراحي هو اخذ (كبسولات) بصفة يومية ومستمرة .. تقلل قدر الامكان من حدوث نوبات الصرع .. يعني بدون هذه الادوية ممكن ان يصل عدد النوبات الى 4 نوبات في الشهر .. ومع هذا العلاج ممكن تقل الى نوبة كل شهرين واحيانا كل 6 شهور ..

هناك نوع من انواع الصرع يصيب المراهقين في العادة المريض يكون اقل من 20 سنه .. يعطى علاج يواظب عليه لمدة سنتين متواصلتين .. وبعد ذلك يتشافى بإذن الله بعد تجاوز الـ 20 سنه

اليوم كني قريت خبر في جريدة الشرق مادري الوطن في الصفحة الرئيسية ان مستشفى حمد يقدم علاج للصرع

الله يشفي مريضكم ان شاء الله

قطري vip
13-05-2011, 04:58 AM
اختي بقولج فيه علاج بمستشفى حمد توه طالع ومستشفى حمد يعتبر الاول بالعالم فيه وهو شريحة تتركب بالمريض وتغنيه عن الادويه وانا سالت وقالو موجود تقدرين تسالين عنه الحين والله يشفيه واذا تبين رقم
دكتور بمستشفى حمد يعطيج الجواب الاكيد طرشي لي على الخاص وانا حاضر ان شاء الله