كم من البلاوي ترتكب باسم الحب [الأرشيف] - منتديات شبكة الأسهم القطرية

مشاهدة النسخة كاملة : كم من البلاوي ترتكب باسم الحب

مساهمة بسFresh

03-01-2011, 12:45 PM

مساء الخير

وحدة بنت ناس واهلها لهم وزن في المجتمع ، تطلع مع اللي تسميه حبيبها ، ويرتكبون الفظايع كلها ، وكله باسم الحب
هل هذا فعلا حب؟ انه حب ، ولكن حب الشهوة والجاذبية التي في الغالب تكون مؤقتة

انسانة متزوجة تمل من زوجها(او يمكن مهملها) وتتعرف على واحد ، وتطلع وياه وترتكب كل مايمكن ارتكابه ، وكله باسم الحب ، اي حب اللي مايؤدي الا الى الفواحش؟

للأسف اصبحت الامور اللااخلاقية عادية عند البعض ، واسمحوا لي على صراحتي لما اقول الزنا صار عادي عند البعض لانه في زعمهم مع الحبيب !! وكأن الله فرّق بين حبيب وغيره استغفر الله
لدرجة ان البعض يعتبر ان التمنع عن مثل هالامور والترفع عنها يعتبر نقيصة في حق البنت او عقدة
ولما تجي تكلم وحدة من هالبنات تقول لك عادي هذا حبيبي ، وعلاقتنا غير! علاقتكم غير في شنو؟الذنب واحد عند رب العالمين

وتقول انا محترمة لاني مااعرف غيره! بصراحة ماعندي تعليق على هالكلام
اترك لكم التعليق

وطن

03-01-2011, 12:47 PM

الله يهديهم ويصلحهم

بوخالد911

03-01-2011, 12:52 PM

يا ساااتررر

الحياة الخالدة

03-01-2011, 12:53 PM

لا حول و لا قوة إلا بالله العلي العظيم ..

اللهم يا مقلب القلوب و الأبصار ثبت قلوبنا على دينك ..
اللهم يا مصرف القلوب صرف قلوبنا على طاعتك ..
اللهم استرنا فوق الأرض و استرنا تحت الأرض .. و استرنا يوم العرض ..
اللهم اكفنا بحلالك عن حرامك .. و أغننا من فضلك ..

أستغفر الله الذي لا إله إلا هو الحي القيوم و أتوب إليه ..

Rider

03-01-2011, 12:56 PM

للاسف هذا هو الواقع المرير الي حاصل في زمنا هذا والا يبغي يشوف العجب حياه في حديقة اسباير ترى كل مسميات الحب الغير شريف موجودة

نــــظــــره

03-01-2011, 01:16 PM

اتفقا أن يتقابلا في مكان بعيدا عن الناس..فأراد الشاب أن يطمأنها فقال:

) والله لآخذك إلى مكان الله لايرانا فيه (

استحوذ عليه الشيطان فكان مصيره الموت على ذلك خزي في الدنيا وعذاب مهين في الاخره

اللهم اهدي شباب وبنات المسلمين واصلح شانهم وانفع بهم الامه يارب العالمين

مشكوره اختي عل الموضوع بارك الله فيج

بـــــــنت النوخـّــــذه

03-01-2011, 01:41 PM

السبب واحد:

تهاونو بنظره رب العالمين لهم 0000

سبحان الله هالزمن الاحظ ان مغريات الماده لدى البعض ممكن تلغي كل شي بحياتها تحت مسمى الحب 000للاسف للاسف شي محزن لما الكرامه والعزه تنباع تحت مسمى وعذر الحب

احب اغير عنوان موضوعج لان الحب بريئ من الفئه الظاله ويكون:

عندما ترتكب الكبائر بعذر (الحب) :nice:

الحبتور

03-01-2011, 01:50 PM

نسأل الله الستر والعافيه ..

abdulla999

03-01-2011, 01:52 PM

كل يوم اشوف ها الاشكال
وبذات في الحي الثقافي
الله يحفظ المسلمين من كل شر

بوحمد111

03-01-2011, 01:57 PM

يا سبحان الله لهذه الدرجه وصلنا والمشكله الأساس وهل يعتقد المخطىء ان يفر من رؤية الله له فإن الله يمهل ولا يهمل فتوبوا الى الله يا مخطئين بارك الله لكم

باسكن روبنز

03-01-2011, 02:29 PM

غلطنــا ولعبــنا لكن ماوصلنـا لهدرجه ،

الله يسامحنا جميعـاً ويغفر لنــا ،

بوحارب

03-01-2011, 02:35 PM

الشيطان يزين لأبن آدم المعصية ومايخليه يفكر فيها الا بعد وقوعها :)

ويغطي عليها بأسم الحب

اي حب واي خرابيط

الا يبغي يحب يحب أمة , زوجتة , اخته

مايحب لي وحدة من الشارع ويسوون الكبائر !!

الله يهدي الجميع

ومشكورة على الطرح اختي مساهمة

لاجل QT

03-01-2011, 02:42 PM

قطر تغيرت كثير عن قبل
كل شي صار عادي حتى العيب صار عادي

تحت اسم ان كل الناس تسوي كذا

الله يحفظ قطر ويهدي من عليها

قناص 787

03-01-2011, 02:46 PM

قناص 787

03-01-2011, 02:57 PM

يا سبحان الله لهذه الدرجه وصلنا والمشكله الأساس وهل يعتقد المخطىء ان يفر من رؤية الله له فإن الله يمهل ولا يهمل فتوبوا الى الله يا مخطئين بارك الله لكم

والعن من كذا دام كل وحده حاطه في بلوتوثها

ملكة العشق
والثانيه الحساسه
والثالثه ملاك وعيوني هلاك
والرابعه حبيبة حبيبي
و.............. والخ
وغير المنكر اللي يصير من اللبس حشى مب عبايه هاذي اللي لابستها الا قميص نوم

ورد في الحديث الصحيح قوله صلى الله عليه وسلم للنساء : ( إني رأيتكن أكثر أهل النار ...) وفي حديث آخر قال صلى الله عليه وسلم : ( إن أقل ساكني الجنة النساء ) –أخرجه البخاري ومسلم –

boamir

03-01-2011, 03:21 PM

لا حول ولا قوة الا بالله

الله المستعان

الله يرحمنا برحمته

فيزيائية

03-01-2011, 03:40 PM

الشيطان يزين لهم بداعي الحب والهيام
والحب بريء من أفعال الحرام ...
أليس ((ماللمتحابين الاّ النكاااح ؟؟))

بـــــــنت النوخـّــــذه

03-01-2011, 06:28 PM

هاذي نتيجة الاختلاط وخروج المرأه من غير حسيب ولا رقيب

وكل هذا تحت مسمى ان المرأه متساويه مع الرجل

انا اقول يستاهلون وعساهم ازود :anger1:

دام كل وحده عندها بيبي وتلفون بالخشش

يعلهم الحراق وجهنم تقول هل من مزيد

وكل واحد مسؤول عن نفسه وعن هله وبسسسسسسس

ياكافي الشر منك اذكر الله ادعي لهم بالهدايه لا اله الا الله

واشله اترد وانت معصب دام انت بالسليم

وعلى طاري اخر جمله : وكل واحد مسؤول عن نفسه وعن هله وبسسسسسسس

اذا الكل كان رده جذيه ماقول الا على قطر السلام دام المنكر انشوفه وانقول ماعلينا منهم 000الدين النصيحه وطرق النصيحه انواع00
00

مساهمة بسFresh

03-01-2011, 06:50 PM

مشكورين جميعا على ردودكم ، وللاسف ان اللي تسوي هالشي او اللي يسوي هالشي يمكن في قرارة نفسه يدري انه غلط لانه لو ماكان غلط ماراح يسوونه بالخش لكن مع هذا يسويه
وهنيه تذكرت حكمة تقول ان اللي تشتري فستان جديد تحب ان الناس كلهم يشوفونها لابسته ، لكن اللي تبوق لها فستان ، اكيد ماراح تلبسه الا في الظلام ، وهذا حال العلاقات الخفية
غلطنــا ولعبــنا لكن ماوصلنـا لهدرجه ،

الله يسامحنا جميعـاً ويغفر لنــا ،

عجبتني صراحتك وعسى الله يتقبل توبتك ويغفر لنا ولك يارب

قناص 787

03-01-2011, 07:00 PM

ياكافي الشر منك اذكر الله ادعي لهم بالهدايه لا اله الا الله

واشله اترد وانت معصب دام انت بالسليم

وعلى طاري اخر جمله : وكل واحد مسؤول عن نفسه وعن هله وبسسسسسسس

اذا الكل كان رده جذيه ماقول الا على قطر السلام دام المنكر انشوفه وانقول ماعلينا منهم 000الدين النصيحه وطرق النصيحه انواع00
00

هذول مايستاهلون الهدايه هذول جهنم تاكلهم
لا بارك الله فيهم ناس ماتحشم حد لا رجال مع زوجته
ولا تعمل اعتبار لحد ولين طاح الفاس في الراس تجي
تصيح وتقول الرجاجيل ذيابه
وهذول ماتنفع معاهم النصيحه لو تنفع معاهم كان
اتعضوا من اللي قاعد يصير
ترا اقسسسسم بالله بلاوي الله يكافينا الشر وياريت الناس
تتعض الا تزيد في الفجور والمصخره لدرجه ان بعض الامهات
عندها عادي تقول خل بنتي تستانس انا ماستانست في شبابي
اجل هذا رد اذا الام تقول ذا الكلام وشرايج انتي هل يستاهلون
الهدايه وفي ضنج هل بيهتدون ماراح يهتدون الا اذا جاتهم مصيبه
لكن حزتها وش يفيد مايفيد شي

والظاهر اختي انتي ماتدرين وش من العلوم اللي قاعده تصير
شكلج ماجيتي سيلين في ليلة راس السنه بلاوي والله بنات ناس
بنات قبايل مغرزين بين الطعوس وهم سكارى والله مايدرون وين الله قاطهم
وكل وحده معاها شقلة بنات طالعين في انصاف الليالي وين اهلهم ذولي

فلتة زمانها

03-01-2011, 07:15 PM

هذول مايستاهلون الهدايه هذول جهنم تاكلهم
لا بارك الله فيهم ناس ماتحشم حد لا رجال مع زوجته
ولا تعمل اعتبار لحد ولين طاح الفاس في الراس تجي
تصيح وتقول الرجاجيل ذيابه
وهذول ماتنفع معاهم النصيحه لو تنفع معاهم كان
اتعضوا من اللي قاعد يصير
ترا اقسسسسم بالله بلاوي الله يكافينا الشر وياريت الناس
تتعض الا تزيد في الفجور والمصخره لدرجه ان بعض الامهات
عندها عادي تقول خل بنتي تستانس انا ماستانست في شبابي
اجل هذا رد اذا الام تقول ذا الكلام وشرايج انتي هل يستاهلون
الهدايه وفي ضنج هل بيهتدون ماراح يهتدون الا اذا جاتهم مصيبه
لكن حزتها وش يفيد مايفيد شي

والظاهر اختي انتي ماتدرين وش من العلوم اللي قاعده تصير
شكلج ماجيتي سيلين في ليلة راس السنه بلاوي والله بنات ناس
بنات قبايل مغرزين بين الطعوس وهم سكارى والله مايدرون وين الله قاطهم
وكل وحده معاها شقلة بنات طالعين في انصاف الليالي وين اهلهم ذولي

(في حجوه تقرقع في قلبي بس مب دفاعا عن هالبنات الخمه)
ليش دايما تضخمون غلطة البنت وتنسون الريال
هالبنات اللي تكلمون عنهم يزنون مع من قولي
مع شباب قطريين عيال البلد اللي المفروض مايرضى
على بنت بلاده بالخطيئه :(
وين المرجله والاخلاق ليش صاروا الرياييل خفاف
وينجرون ورا الحريم بسرعه

ضوى

03-01-2011, 07:21 PM

هذول مايستاهلون الهدايه هذول جهنم تاكلهم
لا بارك الله فيهم ناس ماتحشم حد لا رجال مع زوجته
ولا تعمل اعتبار لحد ولين طاح الفاس في الراس تجي
تصيح وتقول الرجاجيل ذيابه
وهذول ماتنفع معاهم النصيحه لو تنفع معاهم كان
اتعضوا من اللي قاعد يصير
ترا اقسسسسم بالله بلاوي الله يكافينا الشر وياريت الناس
تتعض الا تزيد في الفجور والمصخره لدرجه ان بعض الامهات
عندها عادي تقول خل بنتي تستانس انا ماستانست في شبابي
اجل هذا رد اذا الام تقول ذا الكلام وشرايج انتي هل يستاهلون
الهدايه وفي ضنج هل بيهتدون ماراح يهتدون الا اذا جاتهم مصيبه
لكن حزتها وش يفيد مايفيد شي

والظاهر اختي انتي ماتدرين وش من العلوم اللي قاعده تصير
شكلج ماجيتي سيلين في ليلة راس السنه بلاوي والله بنات ناس
بنات قبايل مغرزين بين الطعوس وهم سكارى والله مايدرون وين الله قاطهم
وكل وحده معاها شقلة بنات طالعين في انصاف الليالي وين اهلهم ذولي

ياخوي لا تقول هذولا مايستاهلون الهداية ترى الهداية عند رب العالمين ، إنك لن تهدي من احببت ولكن الله يهدي من يشاء
واللي صار في سيلين وغير سيلين مانقدر نقول الا حسبنا لله ونعم الوكيل والله يستر عليهم ويهديهم ويصلح احوالهم ، هذولا بنات ضايعين لا اهل ولا عزوة ولا والدين تكفلوا بتربيتهم التربية الصح ، هداهم الله واصلحهم

المزن الرياني

03-01-2011, 07:31 PM

(في حجوه تقرقع في قلبي بس مب دفاعا عن هالبنات الخمه)
ليش دايما تضخمون غلطة البنت وتنسون الريال
هالبنات اللي تكلمون عنهم يزنون مع من قولي
مع شباب قطريين عيال البلد اللي المفروض مايرضى
على بنت بلاده بالخطيئه :(
وين المرجله والاخلاق ليش صاروا الرياييل خفاف
وينجرون ورا الحريم بسرعه

مب بس مع عيال البلد على قولتج
وصلت مع عيال بلاد الشام وشرق أفريقيا و جنوب غرب آسيا بعد
بحجه ذيله مايفضحون نفس القطري

يعني تقدرين تقولين جوله عالميه بنكهه قطريه

البعض وليس الكل
مسكينات هالنوعيه ... بالوعه للرايح والجاي وبيجي يوم تطفح فيه ولاتحصل من يقربها

بـــــــنت النوخـّــــذه

03-01-2011, 07:38 PM

والظاهر اختي انتي ماتدرين وش من العلوم اللي قاعده تصير
شكلج ماجيتي سيلين في ليلة راس السنه بلاوي والله بنات ناس
بنات قبايل مغرزين بين الطعوس وهم سكارى والله مايدرون وين الله قاطهم
وكل وحده معاها شقلة بنات طالعين في انصاف الليالي وين اهلهم ذولي

الله ربــــــــــــــــــــــــــــي سكارى وبعد احتفال راس السنه وقطريات وقبايل حســــــــــــــــــــــــــــــــــــــــــــره عليج ياقطر وين كنا ينضرب في اهل الديره المثل ووين صرناااااااااااااا :eek5::eek5:

طيب انت لما شفتهم ليش مابلغت عليهم ولا اصبحت البلاد سبهلله لفعل المنكر والسكوت واجب على الجميع ؟؟؟؟؟
وبعد ارد واقول لازم كنت اتبلغ عنهم او انك تدعي بالهدايه لهم وعلى فكره مافي منكر يصير الا ووراه شاب قطري 00انا مادري وين النخوه وين الغيره انعدمت ياعالم :weeping::weeping:

اللهم لاتؤاخذنا بما فعل السفهاء منا

Empress_QTR

03-01-2011, 07:56 PM

قناص 787

03-01-2011, 08:15 PM

[QUOTE=بــــــــــــنت النوخـّـــــــــــــذه;6768485]الله

[COLOR="Red"]طيب انت لما شفتهم ليش مابلغت عليهم [SIZE="7"]ولا اصبحت البلاد سبهلله لفعل المنكر والسكوت واجب على الجميع ؟؟؟؟؟
ليششششش انا من اكون لها ابوها اخوها اذا هي رضت على نفسها وجات
لين هالمكان انا اشلي فيها وبعدين اذا تكلمت عارف الرد منهم ومن اشكالهم
هاذي حريه شخصيه

وعلى فكره [COLOR="DarkOrchid"]مافي منكر يصير الا ووراه شاب قطري 00انا مادري وين النخوه وين الغيره انعدمت ياعالم :weeping::weeping:

الحين صارت البلاوي من القطري مادري هو اللي معلمها على المصخره
مب كن كل وحده هي اللي طالعه من بيتها برضاها مب غصبن عنها
وارجع واقول والله اتحدى اي واحد انه يتحرش بوحده محتشمه
والله اتحدى مااااااااااااااااااااااااااااافي حد يقدر لانه اول مايشوفها
على طول يصد ويعرف ان هاذي مالها بهالسوالف لكن اللي تركض ورا
الموضه ومن مجمع لين مجمع تنقز سوااااااء عندها شغل اوماعندها شغل

قناص 787

03-01-2011, 08:18 PM

علينا باصلاح انفسنا قبل ان ننظر لعيوب الاخرين

ان التزم كل شخص بنفسه فلن نرى عيباً ظاهرا او خافياً علينا

وكل انسان يحاول ان يعض نفسه ويخشى الله في نفسه ،، وان شاهد منكراً عليه بالنصح

والنصح ثم النصح ،،

الله يهديك الزمن هذا اللي ينصح فيه هو انساااااااااان معقد
ومايعرف شي شكلك اخوي ماتطلع من البيت ماتشوف وش اللي يصير

لاجل QT

03-01-2011, 08:19 PM

قناص 787

03-01-2011, 08:31 PM

الحين صارت البلاوي من القطري مادري هو اللي معلمها على المصخره
مب كن كل وحده هي اللي طالعه من بيتها برضاها مب غصبن عنها
وارجع واقول والله اتحدى اي واحد انه يتحرش بوحده محتشمه
والله اتحدى مااااااااااااااااااااااااااااافي حد يقدر لانه اول مايشوفها
على طول يصد ويعرف ان هاذي مالها بهالسوالف لكن اللي تركض ورا
الموضه ومن مجمع لين مجمع تنقز سوااااااء عندها شغل اوماعندها شغل

اشدخل الموضة في الانحراف:)[/quote]

الموضه اللي هي :
1- العبايه المخصره ولا الحين طالعين بعبايه جديده عباية السروال
2- الشيله موديل بسسس والجبهه طالعه لين ورا
3- المكياج فل ماتخلي مكان ماتحط فيه مكياج حتى باطها
4- العبايه مفتوحه من قدام ( مادري وش الحكمه من لبس العبايه
لو تطلع سفور اشرف لها )

بعد واااااااااااااااااايد اشياء

فلتة زمانها

03-01-2011, 08:41 PM

اشدخل الموضة في الانحراف:)[/size][/color][/font]

الموضه اللي هي :
1- العبايه المخصره ولا الحين طالعين بعبايه جديده عباية السروال
2- الشيله موديل بسسس والجبهه طالعه لين ورا
3- المكياج فل ماتخلي مكان ماتحط فيه مكياج حتى باطها
4- العبايه مفتوحه من قدام ( مادري وش الحكمه من لبس العبايه
لو تطلع سفور اشرف لها )

بعد واااااااااااااااااايد اشياء[/QUOTE]

يا مال الضعفه شدراك بسوالف البنات :omg:

قناص 787

03-01-2011, 08:42 PM

لاتعليق

قناص 787

03-01-2011, 08:46 PM

لاجل QT

03-01-2011, 08:47 PM

اشدخل الموضة في الانحراف:)

الموضه اللي هي :
1- العبايه المخصره ولا الحين طالعين بعبايه جديده عباية السروال
2- الشيله موديل بسسس والجبهه طالعه لين ورا
3- المكياج فل ماتخلي مكان ماتحط فيه مكياج حتى باطها
4- العبايه مفتوحه من قدام ( مادري وش الحكمه من لبس العبايه
لو تطلع سفور اشرف لها )

بعد واااااااااااااااااايد اشياء[/QUOTE]

غضو البصر وانتهى الموضوع:)

واللى يخاف الله ماراح يعصية:nice:

اما اللى قلبة خضر يستاهل مايجيلة بس لايقط اللوم على البنات...دام انة عاقل رشيد:nice:[/SIZE][/COLOR][/FONT]

قناص 787

03-01-2011, 08:53 PM

الموضه اللي هي :
1- العبايه المخصره ولا الحين طالعين بعبايه جديده عباية السروال
2- الشيله موديل بسسس والجبهه طالعه لين ورا
3- المكياج فل ماتخلي مكان ماتحط فيه مكياج حتى باطها
4- العبايه مفتوحه من قدام ( مادري وش الحكمه من لبس العبايه
لو تطلع سفور اشرف لها )

بعد واااااااااااااااااايد اشياء

غضو البصر وانتهى الموضوع:)

واللى يخاف الله ماراح يعصية:nice:

اما اللى قلبة خضر يستاهل مايجيلة بس لايقط اللوم على البنات...دام انة عاقل رشيد:nice:[/QUOTE]

شلون غضو البصر يعني الرجال يغض البصر والمرأه تطلع سفور
وشلون هاذي تصير مااااااااااااااايصير هذا شي مخلوق في البني أدم
نفس ما المراه ماتعرف الا تحش بخلق الله
وبعدين الرسول عليه الصلاة والسلام طلب من المراه انها تحفض فرجها
شلون تحفظ فرجها وهي العبايه مفتوحه من قدام ولابسه برمودا واذا مر
عليها رجال تقول شوفيه شلون يقز :eek5: يعني انتي مطلعه ريلج
كلها برررررررررررررررررررررررررع وتقولين شلون يقز :anger1:
وين غض البصر
خل الحريم يحترمون نفسهم في لبسهم اكيد الرجال بيحترمون نفسهم

فلتة زمانها

03-01-2011, 09:01 PM

غضو البصر وانتهى الموضوع:)

واللى يخاف الله ماراح يعصية:nice:

اما اللى قلبة خضر يستاهل مايجيلة بس لايقط اللوم على البنات...دام انة عاقل رشيد:nice:[/SIZE][/COLOR][/FONT]

شلون غضو البصر يعني الرجال يغض البصر والمرأه تطلع سفور
وشلون هاذي تصير مااااااااااااااايصير هذا شي مخلوق في البني أدم
نفس ما المراه ماتعرف الا تحش بخلق الله
وبعدين الرسول عليه الصلاة والسلام طلب من المراه انها تحفض فرجها
شلون تحفظ فرجها وهي العبايه مفتوحه من قدام ولابسه برمودا واذا مر
عليها رجال تقول شوفيه شلون يقز :eek5: يعني انتي مطلعه ريلج
كلها برررررررررررررررررررررررررع وتقولين شلون يقز :anger1:
وين غض البصر
خل الحريم يحترمون نفسهم في لبسهم اكيد الرجال بيحترمون نفسهم[/QUOTE]

رسول الله صلى الله عليه وسلم يقول : (سبعة يظلهم الله في ظلّه يوم لا ظل إلا ظله: إمام عادل، وشاب نشأ في عبادة الله، ورجلان تحابا في الله اجتمعا عليه وتفرقا عليه، ورجل ذكر الله خالياً ففاضت عيناه، ورجل قلبه معلق بالمساجد، ورجل تصدق بصدقة فأخفاها حتى لا تعلم شماله ما تنفق يمينه، ورجل دعته امرأة ذات منصب وجمال فقال: إني أخاف الله رب العالمين )

وين اللي يقول اني اخاف الله الحين الا يبيها من الله
ويبرر لنفسه رضت لنفسها وباعت وتسلفت :nice:

الجووري

03-01-2011, 09:07 PM

قال الرسول صلى الله عليه وسلم " سوف ياتي زمن علي أمتي الماسك علي دينه كماسك علي حجر من جمر "

الله يهدي الجميييع

قناص 787

03-01-2011, 09:09 PM

شلون غضو البصر يعني الرجال يغض البصر والمرأه تطلع سفور
وشلون هاذي تصير مااااااااااااااايصير هذا شي مخلوق في البني أدم
نفس ما المراه ماتعرف الا تحش بخلق الله
وبعدين الرسول عليه الصلاة والسلام طلب من المراه انها تحفض فرجها
شلون تحفظ فرجها وهي العبايه مفتوحه من قدام ولابسه برمودا واذا مر
عليها رجال تقول شوفيه شلون يقز :eek5: يعني انتي مطلعه ريلج
كلها برررررررررررررررررررررررررع وتقولين شلون يقز :anger1:
وين غض البصر
خل الحريم يحترمون نفسهم في لبسهم اكيد الرجال بيحترمون نفسهم

رسول الله صلى الله عليه وسلم يقول : (سبعة يظلهم الله في ظلّه يوم لا ظل إلا ظله: إمام عادل، وشاب نشأ في عبادة الله، ورجلان تحابا في الله اجتمعا عليه وتفرقا عليه، ورجل ذكر الله خالياً ففاضت عيناه، ورجل قلبه معلق بالمساجد، ورجل تصدق بصدقة فأخفاها حتى لا تعلم شماله ما تنفق يمينه، ورجل دعته امرأة ذات منصب وجمال فقال: إني أخاف الله رب العالمين )

وين اللي يقول اني اخاف الله الحين الا يبيها من الله
ويبرر لنفسه رضت لنفسها وباعت وتسلفت :nice:[/QUOTE]

حنا بنقتدي انشاالله فيهم لكن ياريت انتوا تقتدون بحريم قبل اللي
مايطلع منها شي واذا بتروح مكان تمشي بجنب الطوفه وعباتها
تتشقق من كثر ماهي تلزق في الطوفه من كثر الحشمه ولا ينسمع لها
صوت مب ماسكه التلفون وتتصنكع وتتضحك وتسولف واخر مصخره
وعينها على هذا وذاك وتشوف هذا وتتكلم مع هذا وذاك

بـــــــنت النوخـّــــذه

03-01-2011, 09:29 PM

[QUOTE=;6768485]الله

طيب انت لما شفتهم ليش مابلغت عليهم [SIZE="7"]ولا اصبحت البلاد سبهلله لفعل المنكر والسكوت واجب على الجميع ؟؟؟؟؟
[COLOR="Black"]ليششششش انا من اكون لها ابوها اخوها اذا هي رضت على نفسها وجاتلين هالمكان انا اشلي فيها وبعدين اذا تكلمت عارف الرد منهم ومن اشكالهم
هاذي حريه شخصيه

وعلى فكره مافي منكر يصير الا ووراه شاب قطري 00انا مادري وين النخوه وين الغيره انعدمت ياعالم :weeping::weeping:

الحين صارت البلاوي من القطري مادري هو اللي معلمها على المصخره
مب كن كل وحده هي اللي طالعه من بيتها برضاها مب غصبن عنها
وارجع واقول والله اتحدى اي واحد انه يتحرش بوحده محتشمه
والله اتحدى مااااااااااااااااااااااااااااافي حد يقدر لانه اول مايشوفها
على طول يصد ويعرف ان هاذي مالها بهالسوالف لكن اللي تركض ورا
الموضه ومن مجمع لين مجمع تنقز سوااااااء عندها شغل اوماعندها شغل

اخوي انا قلت اتبلغ الشرطه 00ترى الشرطه هذي وظيفتهم نشر الامن والامان في قطر 000هذا الي اعرفه :discuss:

وبالنسبه للصفات والاشكال الي ذكرتهم انا ارد واقول وين النخوه في شباب قطر وينهم وينهم

وبالنسبه للمجمع اشدخل السالفه لاتخلط الامور الحين انت بسيلين ولا المجمع ماشاء الله عليك كل هذا تشوفه ومارين عليك :eek5: ماخليت مكان مارحته 000انا انصحك نصيحه انك تغض النظر عن الشبهات والناس المنحطه 000واذا صادف وشفت هالبلاوي بلغ الشرطه وبس الي عليك سويته 000 مهب الواحد يمر ويشوف هالبلاوي ويجي يدعي عليهم ترى ماسويت شي دامك شفت اذا عليك تبليغ الشرطه مهب لجلهم [COLOR="Red"]بل لجل قطر خاليه من التلوث البشري00

لاجل QT

03-01-2011, 10:55 PM

غضو البصر وانتهى الموضوع:)

واللى يخاف الله ماراح يعصية:nice:

اما اللى قلبة خضر يستاهل مايجيلة بس لايقط اللوم على البنات...دام انة عاقل رشيد:nice:

شلون غضو البصر يعني الرجال يغض البصر والمرأه تطلع سفور
وشلون هاذي تصير مااااااااااااااايصير هذا شي مخلوق في البني أدم
نفس ما المراه ماتعرف الا تحش بخلق الله
وبعدين الرسول عليه الصلاة والسلام طلب من المراه انها تحفض فرجها
شلون تحفظ فرجها وهي العبايه مفتوحه من قدام ولابسه برمودا واذا مر
عليها رجال تقول شوفيه شلون يقز :eek5: يعني انتي مطلعه ريلج
كلها برررررررررررررررررررررررررع وتقولين شلون يقز :anger1:
وين غض البصر
خل الحريم يحترمون نفسهم في لبسهم اكيد الرجال بيحترمون نفسهم[/QUOTE]

اذا انت ضعيف جدام الفتن حاول على قد ماتقدر ماتروح الاماكن اللى تفتنك وتبعدك عن ربك.. انت ماتقدر تربي اعيال الناس ولكن تقدر تربي نفسك وتعلمها الصح اذا انت بغيت..
ترا كلنا نتعرض للفتن ولكن يعتمد على قوة الايمان من شخص لاخر..خل ربك في كل موقف فية فتن جدام عينك..عيل تبون دشون الجنة كذا
لازم مجاهدة النفس[/SIZE][/COLOR][/FONT]

قناص 787

03-01-2011, 11:12 PM

[quote=speed 4 ever;6768554]

اخوي انا قلت اتبلغ الشرطه 00ترى الشرطه هذي وظيفتهم نشر الامن والامان في قطر 000هذا الي اعرفه :discuss:

وبالنسبه للصفات والاشكال الي ذكرتهم انا ارد واقول وين النخوه في شباب قطر وينهم وينهم

وبالنسبه للمجمع اشدخل السالفه لاتخلط الامور الحين انت بسيلين ولا المجمع ماشاء الله عليك كل هذا تشوفه ومارين عليك :eek5: ماخليت مكان مارحته 000انا انصحك نصيحه انك تغض النظر عن الشبهات والناس المنحطه 000واذا صادف وشفت هالبلاوي بلغ الشرطه وبس الي عليك سويته 000 مهب الواحد يمر ويشوف هالبلاوي ويجي يدعي عليهم ترى ماسويت شي دامك شفت اذا عليك تبليغ الشرطه مهب لجلهم بل لجل قطر خاليه من التلوث البشري00

انا قلت المجمع ارد على كلامج ان المنكر مايصير الا من ورا القطري
وبالنسبه للشي اللي شفته انا شفته في سيلين وانا ماكذبت في شي
وصدقيني ماخفيا كان أعظم

قناص 787

03-01-2011, 11:16 PM

شلون غضو البصر يعني الرجال يغض البصر والمرأه تطلع سفور
وشلون هاذي تصير مااااااااااااااايصير هذا شي مخلوق في البني أدم
نفس ما المراه ماتعرف الا تحش بخلق الله
وبعدين الرسول عليه الصلاة والسلام طلب من المراه انها تحفض فرجها
شلون تحفظ فرجها وهي العبايه مفتوحه من قدام ولابسه برمودا واذا مر
عليها رجال تقول شوفيه شلون يقز :eek5: يعني انتي مطلعه ريلج
كلها برررررررررررررررررررررررررع وتقولين شلون يقز :anger1:
وين غض البصر
خل الحريم يحترمون نفسهم في لبسهم اكيد الرجال بيحترمون نفسهم

اذا انت ضعيف جدام الفتن حاول على قد ماتقدر ماتروح الاماكن اللى تفتنك وتبعدك عن ربك.. انت ماتقدر تربي اعيال الناس ولكن تقدر تربي نفسك وتعلمها الصح اذا انت بغيت..
ترا كلنا نتعرض للفتن ولكن يعتمد على قوة الايمان من شخص لاخر..خل ربك في كل موقف فية فتن جدام عينك..عيل تبون دشون الجنة كذا
لازم مجاهدة النفس[/quote]

شوفي اختي كل بني أدم ضعيف لكن الواحد يحاول بقد مايقدر يتجنب
هالاشياء والموضوع انا تكلمت فيه ان السبب الرئيسي فيه هو الحريم
هم ساس البلا واللي تحشم نفسها راح تكون بعيده كل البعد عن الشبهات
ولا راح تجيب الكلام لها او حق اهلها
و صدقيني اذا الرجال ضعيف قدام هالاشياء حتى المرأه ضعيفه قدام
الكلام الحلو والوعود الكذابه
الله يستر على جميع بنات المسلمين

بوخالد911

03-01-2011, 11:45 PM

الله يحفظكم

نوفا91

03-01-2011, 11:56 PM

اللي يقول الحب موجوووود كذااااااااااااب ..حاجات ممنوعه ويسمونها حب ..

ANONYMOUS

04-01-2011, 12:36 AM

بالله اقتبسوا عدل >>> خلونا نركز

:p

جرح الزمان

04-01-2011, 12:57 AM

الحب ...... بريء من هؤلاء

الحب هو حب الروح للروح

الحب هو التضحيه لاجل من نحب

الحياة الخالدة

04-01-2011, 05:53 AM

اللهم صل و سلم على سيدنا محمد .. و على آله و صحبه أجمعين ..

راعي ال VXR

04-01-2011, 06:37 AM

بيان لمفاسد الزنى والخيانه

1-الزنا يجمع خلال الشر كلها من : قلة الدين ، وذهاب الورع ، وفساد المروءة ، وقلة الغيرة،ووأد الفضيلة
2ـ يقتل الحياء ويلبس وجه صاحبه رقعة من الصفاقة والوقاحة
3ـ سواد الوجه وظلمته ، وما يعلوه من الكآبة والمقت الذي يبدو للناظرين
4ـ ظلمة القلب ، وطمس نوره
5ـ الفقر اللازم لمرتكبيه
6ـ أنه يذهب حرمة فاعله ، ويسقطه من عين ربه وأعين عباده ، ويسلب صاحبه اسم البر، والعفيف ، والعدل ، ويعطيه اسم الفاجر ، والفاسق ، والزاني ، والخائن
7ـ الوحشة التي يضعها الله في قلب الزاني ، وهي نظير الوحشة التي تعلو وجهه؛ فالعفيف على وجهه حلاوة ، وفي قلبه أنس ، ومن جالسه استأنس به ، والزاني بالعكس من ذلك تماماً
8ـ أن الناس ينظرون إلى الزاني بعين الريبة والخيانة ، ولا يأمنه أحد على حرمته وأولاده
9ـ ومن أضراره الرائحة التي تفوح من الزاين ، يشمها كل ذي قلب سليم ، تفوح من فيه ، ومن جسده
10ـ ضيقة الصدر وحرجه ؛ فإن الزناة يعاملون بضد قصودهم ؛ فإن من طلب لذة العيش وطيبه بمعصية الله عاقبه الله بنقيض قصده ؛ فإن ما عند الله لا ينال إلا بطاعته ، ولم يجعل الله معصيته سبباً إلى خير قط
11ـ الزاني يعرض نفسه لفوات الاستمتاع بالحور العين في المساكن الطيبة في جنات عدن
12ـ الزنا يجرئ على قطيعة الرحم وعقوق الوالدين ، وكسب الحرام ، وظلم الخلق ، وإضاعة الأهل والعيال وربما قاد إلى سفك الدم الحرام ، وربما استعان عليه بالسحر والشرك وهو يدري أو لا يدري ؛ فهذه المعصية لا تتم إلا بأنواع من المعاصي قبلها ومعها ، ويتولد عنها أنواع أخرى من المعاصي بعدها ؛ فهي محفوفة بجند من المعاصي قبلها وجند من المعاصي بعدها ، وهي أجلب شيء لشر الدنيا والآخرة ، وأمنع شيء لخير الدنيا والآخرة
13ـ الزنا يذهب بكرامة الفتاة ويكسوها عاراً لا يقف عندها ، بل يتعداها إلى أسرتها ؛ حيث تدخل العار على أهلها، وزوجها ، وأقاربها ، وتنكس به رؤوسهم بين الخلائق
14ـ أن العار الذي يلحق من قذف بالزنا أعلق من العار الذي ينجر إلى من رمي بالكفر وأبقى ؛ إلا إن التوبة من الكفر على صدق القاذف تذهب رجسه شرعاً ، وتغسل عاره عادة ، ولا تبقي له في قلوب الناس حطة تنزل به عن رتبة أمثاله ممن ولدوا في الإسلام، بخلاف الزنا ؛ فإن التوبة من ارتكاب فاحشته ـ وإن طهرت صاحبها تطهيراً ، ورفعت عنه المؤاخذة بها في الآخرة ـ يبقى لها أثر في النفوس ، ينقص بقدره عن منزلة أمثاله ممن ثبت لهم العفاف من أول نشأتهم
وانظر إلى المرأة ينسب إليها الزنا كيف يتجنب الأزواج نكاحها وإن ظهرت توبتها ؛ مراعاة للوصمة التي أُلصقت بعرضها سالفاً ، ويرغبون أن ينكحوا المشركة إذا أسلمت رغبتهم في نكاح الناشئة في الإسلام 0
15ـ إذا حملت المرأة من الزنا ، فقتلت ولدها جمعت بين الزنا والقتل ، وإذا حملته على الزوج أدخلت على أهلها وأهله أجنبياً ليس منهم ، فورثهم ورآهم وخلا بهم ، وانتسب إليهم وهو ليس منهم إلى غير ذلك من مفاسد زناها
16ـ أن الزنا جناية على الولد ؛ فإن الزاني يبذر نطفته على وجه يجعل النسمة المخلقة منها مقطوعة عن النسب إلى الآباء ، والنسب معدود من الروابط الداعية إلى التعاون والتعاضد؛ فكان الزنا سبباً لوجود الولد عارياً من العواطف التي تربطه بأدنى قربى يأخذون بساعده إذا زلت به فعله، ويتقوى به اعتصابهم عند الحاجة إليه ،، كذلك فيه جناية عليه ، وتعريض به ؛ لأنه يعيش وضيعاً في الأمة ، مدحوراً من كل جانب ؛ فإن الناس يستخفون بولد الزنا ، وتنكره طبائعهم ، ولا يرون له من الهيئة الاجتماعية اعتباراً ؛ فما ذنب هذا المسكين ؟ وأي قلب يحتمل أن يتسبب في هذا المصير؟!
17ـ زنا الرجل فيه إفساد المرأة المصونة وتعريضها للفساد والتلف
18ـ الزنا يهيج العداوات ، ويزكي نار الانتقام بين أهل المرأة وبين الزاني ، ذلك أن الغيرة التي طبع عليها الإنسان على محارمه تملأ صدره عند مزاحمته على موطوءته ، فيكون ذلك مظنة لوقوع المقاتلات وانتشار المحاربات ؛ لما يجلبه هتك الحرمة للزوج وذوي القرابة من العار والفضيحة الكبرى ، ولو بلغ الرجل أن امرأته أو إحدى محارمه قتلت كان أسهل عليه من أن يبلغه أنها زنت
قال سعد بن عبادة ـ ـ (( لو رأيت رجلاً مع امرأتي لضربته بالسيف غير مصفح ))
فبلغ ذلك رسول الله فقال : (( أتعجبون من غيرة سعد ! والله لأنا أغير منه ، والله أغير مني ؛ ومن أجل غيرة الله حرم الفواحش ما ظهر منها وما بطن )) [ أخرجه البخاري ومسلم ]
19ـ للزنا أثر على محارم الزاني ، فشعور محارمه بتعاطيه هذه الفاحشة يسقط جانباً من مهابتهن ـ كما مر ـ ويسهل عليهن بذل أعراضهن ـ إن لم يكن ثوب عفافهن منسوجاً من تربية دينية صادقة بخلاف من ينكر الزنا ويتجنبه ، ولا يرضاه لغيره ؛ فإن هذه السيرة تكسبه مهابة في قلوب محارمه ، وتساعده على أن يكون بيته طاهراً عفيفاً
20ـ للزنا أضرار جسيمة على الصحة يصعب علاجها والسيطرة عليها ، بل ربما أودت بحياة الزاني ، كالإيدز ، والهربس ، والزهري ، والسيلان ، ونحوها
21ـ الزنا سبب لدمار الأمة ؛ فقد جرت سنة الله في خلقه أنه عند ظهور الزنا يغضب الله ـ عز وجل ـ ويشتد غضبه ، فلا بد أن يؤثر غضبه في الأرض عقوبة
قال ابن مسعود ـ ـ : (( ما ظهر الربا والزنا في قرية إلا أذن الله بإهلاكها ))

ROSE

04-01-2011, 06:48 AM

بالله اقتبسوا عدل >>> خلونا نركز

:p

هههههههههه

الله يرحمنا برحمته

حنان الدنيا

04-01-2011, 07:56 AM

هاذي نتيجة الاختلاط وخروج المرأه من غير حسيب ولا رقيب

وكل هذا تحت مسمى ان المرأه متساويه مع الرجل

انا اقول يستاهلون وعساهم ازود :anger1:

دام كل وحده عندها بيبي وتلفون بالخشش

يعلهم الحراق وجهنم تقول هل من مزيد

وكل واحد مسؤول عن نفسه وعن هله وبسسسسسسس

بيبي وتلفون بالخش :eek5:

هذا كان اول اخوي الحين مافي بالخش الله يسلمك

تلاقي وحده عندها 3 او 4 تلفونات طيب ليه

وبالنسبه لي عمر المراه ماتساوي الرجل

الله يهدي الجميع يارب

حنان الدنيا

04-01-2011, 08:18 AM

R 7 A L

04-01-2011, 08:33 AM

قال ابن مسعود ـ ـ : (( ما ظهر الربا والزنا في قرية إلا أذن الله بإهلاكها ))

الله يطهر بلدان المسلمين منها

بلوتنيوم

04-01-2011, 08:36 AM

الحب ياحرام ياحرام الحب :(
هو بس الحب الى صارت البلاوي ترتكب باسمه
كل شيء في هالزمن ترتكب الجرائم باسمه
من الحب والوطنية والتطور
وغيره الكثير

ضوى

04-01-2011, 10:03 AM

الحب ياحرام ياحرام الحب :(
هو بس الحب الى صارت البلاوي ترتكب باسمه
كل شيء في هالزمن ترتكب الجرائم باسمه
من الحب والوطنية والتطور
وغيره الكثير

حتى باسم الدين ترتكب الجرائم اليس كذلك !! وعجبي

بلوتنيوم

04-01-2011, 10:07 AM

حتى باسم الدين ترتكب الجرائم اليس كذلك !! وعجبي

نعم حتى الدين وغيره وغيره الكثير :omen2:
وعلى قولتك
وعجبي:victory:

qatari911

04-01-2011, 10:12 AM

[QUOTE=بــــــــــــنت النوخـّـــــــــــــذه;6768554]

اخوي انا قلت اتبلغ الشرطه 00ترى الشرطه هذي وظيفتهم نشر الامن والامان في قطر 000هذا الي اعرفه :discuss:

وبالنسبه للصفات والاشكال الي ذكرتهم انا ارد واقول وين النخوه في شباب قطر وينهم وينهم

وبالنسبه للمجمع اشدخل السالفه لاتخلط الامور الحين انت بسيلين ولا المجمع ماشاء الله عليك كل هذا تشوفه ومارين عليك :eek5: ماخليت مكان مارحته 000انا انصحك نصيحه انك تغض النظر عن الشبهات والناس المنحطه 000واذا صادف وشفت هالبلاوي بلغ الشرطه وبس الي عليك سويته 000 مهب الواحد يمر ويشوف هالبلاوي ويجي يدعي عليهم ترى ماسويت شي دامك شفت اذا عليك تبليغ الشرطه مهب لجلهم بل لجل قطر خاليه من التلوث البشري00

^
^
^
^
بنت النوخذه
عز الله تلته الرجال بكره اليوم الي بلغ فيه
بيخلون المراه وبيمسكونه تحقيق ليه كنت هناك وشلون شفتها ومادري شنو
انا بلغت مره على وحده ضاربه هندي
جاني الشرطي يقولي من مقدم البلاغ واخذ البطاقه الشخصية وكتب اسمي وكل شي عني وهي قاله تقدرين تروحين الهندي معنا:eek5::eek5:<<<<<وهذي هي :rolleyes2:

speed 4 ever
والله ماقلت الا الي يصير
وبعض البنات الله يهديهم قامو يطلعون مع الاجانب اكثر من القطرين <<<<<< علشان هم يخافون مايفضخونهم
وكل كلمه والثاني الشاب القطري <<<<<<<<<<<<<<مو كل الشباب القطرين صايعين ومو متربين (اسف على الجمله )
فيه شباب تخاف الله ومترضى على بنات الناس (كم تدين تدان )
الدنيا دواره

قناص 787

04-01-2011, 10:14 AM

بس بقول شى واحد كل واحد يشوف بنته واخته وزوجته وامه وخلاص

لاتعورون راسنا وبعدين تعالوا تكلموا وقولوا حريه وبالخش وهالخرابيط

انقهر لما اشوف تكتبون هالمواضيع في المنتدى بس ان تكلمنا في الواقع للاسف العكس

خلاص كلن يراقب نفسه واهله اشوف

اقسم بالله اني مااحب اشارك في هالمواضيع

لان مامنها فايده والواحد بيقعد يتكلم ويحرق دمه

على الفاضي بسسسسسسس الشي اللي خلاني

اتكلم ان بعض الردود بصراحه تبع بسسسسسس

يعني كلام مايدرون وش معناه

والوحده منهم صايره بوالعريف

باسكن روبنز

04-01-2011, 06:08 PM

عجبتني صراحتك وعسى الله يتقبل توبتك ويغفر لنا ولك يارب

آمــين يـارب ،
لو باكذب على النـاس ماراح آكـذب على ربــي والله يسامحنـا ،

بالله اقتبسوا عدل >>> خلونا نركز

:p

:taunt:

مساهمة بسFresh

10-01-2011, 11:16 AM

لو كانت البنت تبي اتصد الشاب اللي يحاول معاها كان قدرت
ولو كان الشاب يبي يصد ايضا بعد بيقدر
والله يستر على بنات وشباب المسلمين ، يابنات لاتغترون بشهوة ساعة ترى كرامة وشرف البنت ان راحوا مايبقى لها شي ، وهاذي معصية وذنب عظيم ، لحد يستهين في الموضوع ، ونفس الكلام ينطبق على الشباب

عسولة

10-01-2011, 03:05 PM

صح كلامك واللي قلتة عن سيلين أو غيرة هاي اللي صاير

لحد يزعل او ياخذ الموضوع بحساسية ؟؟؟ مجرد نقااااااااااااااااااش

مساهمة بسFresh

11-07-2011, 09:53 AM

الله يهدي شباب وبنات المسلمين

انتر ميلان

11-07-2011, 10:43 AM

لكل بنت تزعم أن حبيبها غير عن باقي الشباب
وتخون أبوها اللي تشيل اسمه
وتخون أمها وشلون تعبت عليها
وتخون أخوانها وجماعتها
وتسوي المستحيل علشان ( روميو )

خلها تسأله: متى تتزوجني ؟

والله ماتشوف الا غبرته :tease:

تحداني

11-07-2011, 11:14 AM

خليني آخذ آخر مشاركه في هالموضوع وأبدأ من عندها ... " قبل فتره إطرحت " ام السعف "
موضوع عن الحب .. كان الموضوع راقي جدا بالمضمون مع العلم " المضمون واحد الا وهو " الحب "
كان محتوى الموضوع ممتع للغايه " وكان المحتوى ايضا واحد عن الحب "
كانت المداخلات من الطراز العالي .. ومشاركات كثيره لشخصيات كثيره هنا في المنتدى .. لم تشارك في موضوع " اختنا الفاضله مساهمه " ..
ليش ما شاركوا ؟؟ عندي توقعات اعتقد ان 60 % منها صحيحه
لكن احتفظ فيها فلست من من يحللون تصرفات الغير ابدا واتركها لهم ولذاتهم
ولا يعني التطرق لموضوع ام السعف هنا هم " التقليل من قيمه هذا الموضوع " لا والله
انما لكي اقول لكي سيدتي الفاضله ما شاهدته انا وسمعته .. وعايشت ضروف بعض الاشياء من مداخلات او ردود او تفسيرات

قد يقع الانسان في الحب .. هذا ليس بشي غريب عجيب
وليس معنى هذا ان هذا الشخص حاله شاذه .. قد يحب بنت الجيران
يناظر فتاه في الجامعه .. يتتبع موظفه .. يحاول ان يقترب من كاتب مقاله
يحاول ان يبحث عن طريقه من اجل ان يصل لهذا البعيد

نوعيه تفكير الطرفان جدا مهمه في هالعلاقه
مستوى النضج مهمه ايضا لاستمراريه هاذي العلاقه
سقف الحريات والتحديات والاصرار والرغبه اهم من كل ما تطرقت له
ووضع هدف واضح وصريح من اجل المشي من خلاله هذا هو زبده الكلام

العلاقات قد تنجرف لها الفتيات والشباب
لسنا في كهف مغلق وقلوب تحجرت وادمغه لا تتمنى وقلب لا يتودد
وهناك من لا يبحث عن الحب ولا يعني له الامر " هي فطرته "
ولكن هناك بالمقابل اناس " يرغبون بالحب والعيش في الحب والوصول لشريك الحياه من خلاله "

ما يرتكب اثناء هذه العلاقه .. ان كان كلام جميل هذا طبيعي .. فالحب بكل تفاصيله جميله
ما يرتكب من افعال هناك من يقود تلك الأفعال .. كشارب الخمر قد يقتل .. قد يزني .. قد يبيع امه وابوه واخوانه واخواته وعندما يتعالج .
يرطم نفسه في الجدار لانه تعالج وتحسف

كذاك الذي يحب .. عندما يحب .. نقول له طيب حب لكن خلك عاقل
بعضهم من شده الحب يصاب بما اعرف ايش " ما ابي ابرر لهم " عشان ما تعطوني تظره المدافع او المبرر ..
لكن ينجرف وحدود انجرافه ايضا يجب ان تكون بحدود .. / هالحدود وين؟؟ يعرفونها من جربوها

ولكن لا تصل لحدود صعب تصحيحها
هنا نسأل من جديد " هل هناك هدف " ؟؟ ان لم يكن للعلاقه هدف الا وهو الزواج "
اذا هو مضيعه للوقت
وكذب
وزيف وخداع
ان لم يكن هناك اصرار وتحدي
اذا هي لعبه من الالعاب الثمينه وهي بعيده وبمجرد الاقتراب اصبحت رخيصه

ان كان هناك انسحاب
هذا يعلم اسبابه الطرفان

ما اقول لج خلينا انسامحهم
او خلينا اندور لهم شي يقبله مخنا
بس خلينا نقول ترى الحب احيانا يسوي بلاوي .. وهو ابتلاء
واي ابتلاء يبتلي به الانسان

ورب العالمين لم يخلق الناس سواسيه ..
ولا خلق الجميع على خطوط مستقيمه وصفحات بيضاء .. هل هذا عذر؟؟ .. لا مو عذر

هل هاذي حجه ؟؟ ايضا مو حجه
هاذي مداخله بإسمي لتلك القلوب فقط

وليسأل الانسان دائما في صلاته ويدعي ويقول
اللهم حببني في خلقك .. وحبب خلقك فيني . وبعدني عن اعيال الحرام
واللهم استر علينا في الدنيا والاخره وآمن روعتنا .. فهو وحده الغني ونحن الفقراء لشفاعته

الدنيا يا اختي .. فيها ابتلاءات كثيره
اسألي لهم الهدايه والستر وان يرزقهم ما يتمنونه ان كان في حبيب صادق ليصبح زوج
او هدايه في الدنيا ورضى الوالدين

جملك الله برضاه