2 مليون .. واكثر .. مجموع المخالفات

[بازار]

*&*&*&*&*&*&*&*&

مع بداية العام الجديد

نشرت جريدة الراية اليوم الثلاثاء 4/1/2011

اعلان مزاد لــ 463 سيارة !!

عليهم مخالفات مجموعها

2.017.621 ريال قطري

المزاد يوم الاحد 9/1/2011

&*&*&*&*&*&*&*&*&*&*&*&

[بوخالد911]

مبلغ كبيير

هل هي ديون متعثرة؟

[شبح الصمت]

يعني مواتر مصدرة من الدولة وراح تنبــاع

:omg:

[راعي ارقام]

يعطيك العافيه اخوي على الموضوع

الصراحه مخالفات بمبالغ كبيره ..وسيارات جديده ايضاً ..

وفي سيارات بمبالغ بسيطه .. بس شنو سبب البيع ؟؟ هل عليهم قضايا ؟؟

[bo_hamad]

لاحظت أن أغلب السيارات عليها مخالفات ؟

[عاشق الوكرة]

مكتوب بالجريدة

المحكمة الابتدائية

يعلن قسم تنفيذ المواد المدنية والتجارية بكل من المحكمتين (مدني كلى _جزئي)

بيع السيارات المحجوز عليها بالمزاد العلني ......

يعني اشخاص عليهم قضايا وحجزو على سياراتهم او بيوتهم او اى شي مسجل بااسم الشخص
مثلا :( سيارة _ بيت _ارض _ سجل تجاري _ اسهم بالبورصة _ او اى حساب اذا موجود عندة بالبنكوك)
يتم الحجز علية

الله يكفينا

[بازار]

مكتوب بالجريدة

المحكمة الابتدائية

يعلن قسم تنفيذ المواد المدنية والتجارية بكل من المحكمتين (مدني كلى _جزئي)

بيع السيارات المحجوز عليها بالمزاد العلني ......

يعني اشخاص عليهم قضايا وحجزو على سياراتهم او بيوتهم او اى شي مسجل بااسم الشخص
مثلا :( سيارة _ بيت _ارض _ سجل تجاري _ اسهم بالبورصة _ او اى حساب اذا موجود عندة بالبنكوك)
يتم الحجز علية

الله يكفينا

صحيح صحيح ...

[qatari 111]

الله يعين الجميع

[بازار]

اب اب

[vtc_4.8]

يا حظ الشريطيه :d
الله يرزقهم

[باسكن روبنز]

الله يعين أصحاب المواتــر بهالديـون! ،

وشلهم بالبحر وأهوالــه دامهم ع قـد الحـال ،

لاحول ولاقوة الآ بالله ،

أحمدوو ربكم ع النعمـه آلي أنتو فيها يا شباب ولحد يتفسق ويشتري شي فوق طاقتــه للكشخه والزبــو ،

[المخفي]

GX 2006 عليه 118 الف ريال مخالفات
Gxr 2006 عليه 57 الف ريال مخالفات
جيب رانجلر 2007 عليه 87 الف ريال مخالفات

[الواافي]

الله المستعان

[vtc_4.8]

لاحظت أن أغلب السيارات عليها مخالفات ؟


يا جماعه هالسيارات محجوزه من المرور بسبب التعديات والمخالفات واصحابها مادافعين مخالفاتها + اجار القعده الحلوة في الشبك :secret:

انا قبل تمت سيارتي (كروزر قديم) وعليها رقم مميز خخخ ماصدقو على الله

قالو لي خلال ثلاث ايام تشلها او بتدخل مزاد علني

هالكلام من 4 سنين تقريبا لما باعو كروزرات الشرطه

[صاحبة إمتياز]

gx 2006 عليه 118 الف ريال مخالفات
gxr 2006 عليه 57 الف ريال مخالفات
جيب رانجلر 2007 عليه 87 الف ريال مخالفات


يعني قيمة المخالفات إلي على الجي أكس 118 ألف ريال؟؟؟؟!!
ولا قيمتها ؟!

[المخفي]

يعني قيمة المخالفات إلي على الجي أكس 118 ألف ريال؟؟؟؟!!
ولا قيمتها ؟!

قيمة المخالفات

[jeep-srt8]

قيمة المخالفات فوق اسعار السيارات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مين بيجيب رانجلر عليه 87 الف ريال مخالفات وهو مايسوى هالسعروقريب من سعره بالوكاله و2011 والكروزرات المخالفات الي عليها فوق السعر ؟؟؟؟؟؟؟؟؟؟؟

المفروض يشيلون 50% من المخالفات !!!!!!!!!

[بازار]

قيمة المخالفات فوق اسعار السيارات ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مين بيجيب رانجلر عليه 87 الف ريال مخالفات وهو مايسوى هالسعروقريب من سعره بالوكاله و2011 والكروزرات المخالفات الي عليها فوق السعر ؟؟؟؟؟؟؟؟؟؟؟

المفروض يشيلون 50% من المخالفات !!!!!!!!!

الصراحه انا معاك ...

الجي اكس اللي عليه 115 الف كم بزايد عليه !!!

والا الكامري اللي عليها 78 الف !!

[الزجاجي]

^^^^لو السياره ببلاش ما اخذتها :)
تطلع خسران ووايد

[HAMAD2008]

يقول واحد من اللي يشتغلون هناك انك تشيل السياره مثل ماهي وانت وحظك..ماعندك اختيار انك تفحص..سيارات واقفه لها ست شهور ويمكن اكثر ومغبره وحالتها حاله..اشتريها بالسعر الفلاني والا اقدر افحص..مواتر 2007 و2008 و2010 ..بصراحه هذه مغامره ومغامره فاشله بعد.

شكرا

[كبير المتداولين]

سيارات كثيره قيمه مخالفاتها اكثر من سعرها السوقي هاي شلون بيصير عليها المزاد الظاهر بالسالب

[بازار]

اتفق معاكم

[R 7 A L]

انا الى ابي اعرفة
هل اصحاب هالسيارات في قواهم العقلية ولا عندهم مشاكل ؟

[ممنوع اللمس]

بيجيون الشريطيه مثل اي مزاد ويغثونا السياره بـ 10 يوصلونها 40 وكل اللي فالمزاد شريطيه وفاهمين بعض كل واحد يحط من مخه ويخربون عالناس

[(رمز المحبه)]

انا ابي افهم .. الموتر أخذه بمخالفاته والا كيف النظام ؟؟

إذا بالمخالفات بعضها ما تسوى قيمة مخالفاتها

[بوخالد911]

انا الى ابي اعرفة
هل اصحاب هالسيارات في قواهم العقلية ولا عندهم مشاكل ؟

قالووها : الثوراة ما يبي لها راس مال
والسمووحة عااد

:secret::secret::secret:

[نوفا91]

بيجيون الشريطيه مثل اي مزاد ويغثونا السياره بـ 10 يوصلونها 40 وكل اللي فالمزاد شريطيه وفاهمين بعض كل واحد يحط من مخه ويخربون عالناس


حراااام

الله يهديهم بسسس..

[jeep-srt8]

بس ممكن مكان المزاد والوقت

[jajassim]

انا ابي افهم .. الموتر أخذه بمخالفاته والا كيف النظام ؟؟

إذا بالمخالفات بعضها ما تسوى قيمة مخالفاتها

بدون ،، :nice:

[simota uae]

انا الى ابي اعرفة
هل اصحاب هالسيارات في قواهم العقلية ولا عندهم مشاكل ؟

,والله انك صادق
ما ظني انهم صاحيين خبلان او مستهترين او انهم احداث او مراهقين او مدمنين خمور او مخدرات او انهم يبون يشتهرون على عقلية متخلفه..........الخ
الله يحفظ عيالنا والله لا تبلينا آمين

[GAS]

من الواضح ان من اسباب ديون وقروض اهل قطر

هم ادارة المرور

فلا تميز بين مستهتر او مربوش او سائق ارعن قد يفتعل الكوارث على الطريق

وبين اشخاص محترمين القوانين في قطر وقد اخطاء البعض بمحض الصدفة

او ليس بقصد او نية المخالفة فقد يكون القدر او تشتيت لحضي للانتباه .

فكل الاشخاص مدانون تحت اسم قانون واحد لايستطيع التمييز بين

السائق الصالح وبين السائق المستهتر المفتعل للكوارث .

[SomeOne]

من الواضح ان من اسباب ديون وقروض اهل قطر

هم ادارة المرور

فلا تميز بين مستهتر او مربوش او سائق ارعن قد يفتعل الكوارث على الطريق

وبين اشخاص محترمين القوانين في قطر وقد اخطاء البعض بمحض الصدفة

او ليس بقصد او نية المخالفة فقد يكون القدر او تشتيت لحضي للانتباه .

فكل الاشخاص مدانون تحت اسم قانون واحد لايستطيع التمييز بين

السائق الصالح وبين السائق المستهتر المفتعل للكوارث .

كلامك غير منطقي ، وهذا الكلام لانك مقروص من المرور ، :omen2: