الى المحاكم والقضاة القطريين ... إفلاس القطري خبر من سجنه, وانتم لستم افضل من امريكا

[البدع]

اليوم جلست اتابع قناة الجزيرة

وفيه خبر عن افلاس 1,500,000 امريكي (مليون وخمسمائة الف امريكي) بسبب الازمة المالية العالمية

الصراحة لست مطلع على نظامهم, ولكن اذكر اني جلست مع عربي امريكي في ولاية ميتشاجن الامريكية وقال لي انه اعلن افلاسه

واستغربت انه ليس مسجون كما هو الحال عندنا

وهنا عندي سؤال: اليس من الافضل ان يكون هناك قانون افلاس للمواطن القطري مثل الذي بامريكا بدل سجنه مدى الحياة

كيف سيسدد ديونه وهو مسجون

شيء مؤلم ان تسمع ان شخص مسجون وانه لن يخرج من السجن حتى يدفع الاموال التي خسرها

الصراحة, محاكمنا وقضاتنا بحاجة الى اعادة ترتيب

[Fahad Alqahtani]

اعلان الافلاس سلاح ذو حدين ...

بنك المشرق في الثماينات افلس وقعد واحد من الربع 10 سنين لين استرد فلوسه .

واللي يعلن الافلاس يسمى معسر في السعودية حتى انهم يعطونه صك اعسار يعني لو سلفته ومارجع الفلوس

مالك حق تشتكي حتى لو اشتكيت ماراح تاخذ حقك لانه معسر ..

فحل الديون في قطر.. يكون فيه لجنة تدرس اوضاع المديونين .

ولاتنسى ان فيه بعض الاشخاص مايعتبرون بالسجن لو تسجنه بعد بيتسلف لاسباب ماتستاهل ان الواحد

يتسلف مثل موتر ولا سفره . والمساكين اللي تسلفوا لاسباب قهريه واشياء ضرورية تضرروا بسبب

هالاشخاص .

واتذكر انها طلعت اشاعة ان الديون بتسدد وقابلت شخص عنده محلات في الغرافة . وقال لي بالحرف الواحد ان

معظم ربعه في السوق حطوا ديون شركاتهم ومحلاتهم على حسابهم الخاص ..

مثال : لو تسلفت منى مبلغ وقدره وانت تدري انك ماراح تنسجن فماراح تسدد وبتقول لي رح اشتك فمن اللي

يضمن لي حقي عندك .على الاقل اللي بيتسلف يدري ان وراه سجن ومحاكم فيمكن يخليه هالشئ يفكر 100 قبل لايتسلف ويخليه يفكر كل يوم كيف يسدد دينه

[Fahad Alqahtani]

جميل ماكتبت اخوي البدع فعلاً كيف لشخص يسجن ويدمرون اسرة بأكملها . . واخرتها ماتطلع من السجن الا تسدد دينك ههههههه


انا اشوف يجب محاكمة كل مديون قطري يكون هناك مدير بنك يسجن مع هذا القطري لانه يعتبر شريك وله علاقه بتوريط هذا المسكين

البنك ماغصبك تسلف منه . المفروض الاشخاص اللي يتسلفون يسألون عن الhiding fees

قبل لايتسلفون ويكون الواحد مستعد انه يسدد. مهب منطق انك تسلف وانت تدري انك ماتقدر تسدد

[R 7 A L]

يبي لها سنين طويلة حتى نكون نفس امريكا