ساعدوني!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!1

[(البرنس)]

السلام عليكم
والله امس طرحت موضوع عشان المدارس الخاصة عشان ولدي بس في شي ابغيكم تفيدوني فيه
اخواني ولدي في قريد 9 في مدرسة مستقله وابغي انقله خاصه وامتحانات التيرم الاول في نهاية شهر 1 والمدارس الخاصه بادين التيرم 2 يوم الاحد وعنده ثلاث تيرمات
والمستقلة تيرمين
ساعدوني الله لا يهينكم

[MBI]

ان شاء الله الاغضاء يفيدونك

[مضارب مستثمر]

خليه بالمستقله ,,,,يمكن احسن

وركزي على تحسين وضعه,,,,,هذا برأيي

اوتنقلينه اكاديمية قطر,,,,,,,,,,,,
بس ممكن اعرف ليش تبين تنقلينه من المستقله؟؟؟؟

[(البرنس)]

خليه بالمستقله ,,,,يمكن احسن

وركزي على تحسين وضعه,,,,,هذا برأيي

اوتنقلينه اكاديمية قطر,,,,,,,,,,,,
بس ممكن اعرف ليش تبين تنقلينه من المستقله؟؟؟؟
اخوي والله ابغي يصير احسن في الانجليزي واساسا المدارس المستقله مب شي
طيب اكاديمية قطر هل في مكان وكم رسومهم

[استغفرالله]

دخله مدرسة امريكية تيرمين بس

لكن انصحك انك ماتنقله من مستقلة الى خاص لان بيكون صعب عليه التغيير

خله في المستقلة وقوه في الانجليزي

[(البرنس)]

دخله مدرسة امريكية تيرمين بس

لكن انصحك انك ماتنقله من مستقلة الى خاص لان بيكون صعب عليه التغيير

خله في المستقلة وقوه في الانجليزي

لا لا لا
بانقله بس بعد مايخلص الفصل الاول بعد شهر تقريبا بيخلص وعقب بانقله بس مادري يصير !!!

[(البرنس)]

اب اب اب

[Just Smile]

اخوي افضل تنقله بداية الفصل في اي مدرسه خاصه اذا بتنقله بعد مايخلص امتحانات المستقله بيكون نص التيرم الثاني في المدارس الخاصه

و نقطه مهمه اخوي انتبه لها انه المدرسه مراح تقبله الا بعد ما يجتاز امتحان القبول و يقيمونه في الرياضيات و الانجلش و يمكن بأشيا ثانيه بعد


المدارس الاتيه سمعت عنها انها اوكي :

مدرسة دوحه انجلش مودرن سكول في مدينة خليفه ممتازه

مدرسة الخليج الحديثه في الغرافه يمدحونها

منتسوري منهجها مريح للطالب

قطر العالميه بالدفنه بس منهجها قوي

المدرسه الفرنسيه في الدفنه يعطون خصم تقريبا 30 او 50 % للمواطنين

اكاديمية الجزيره في بوهامور

اكاديمية الكون

الله يوفقك في بحثك حاسه فيك اخووي للاسف التعليم ذو الجودة في بلدنا صار هم كبير

[(البرنس)]

اخوي جاست سمايل شاسوي انقله الحين بيروح التيرم الاوال شاسوي نصحوني واللي ابغي اعرفه. شلون بيعطونه انه متخرج من عندهم وهو مادرس طول السنه *

[Just Smile]

انت تعرف مستوى ولدك اذا يقدر يمشي في خاصه او لا

اذا مستواه اقل من متطلبات الخاصه افضل حل خله يكمل السنه في التاسع و حط له مدرسين يقوونه يعني اشتغل عليه هالسنه عشان تقدر تنقله السنه الجايه لما يروح الصف العاشر .. وانتبه التسجيل للسنه الجايه يبدأ هالفتره بعد !

عموما انت مب خسران شي شوف المدارس الي كتبت اساميهم وان شالله يكون في له مكان و ياخذونه الحين دام ان الفصل الثاني توه بادي هم راح يسوون له تقييم عندهم وراح يبلغونك اذا ياخذونه او لا ..

بعض المدارس ممكن يعطونك خيار ينزلون ولدك الى الصف الثامن عشان مستواه

شوف بعد مدرسة شيربورن جديده كأن في الناصريه يمكن يساعدونك بس رسومها غاليه لانها تعتبر مدرسة نخبه " على قولتهم " !

اسأل المدارس عن خططهم و برامجهم لتطوير قدرات الطلاب

عليك حاليا تدور مدرسين خصوصيين لولدك لكلا الحالتين لان ولدك محتاج تقوية قدراته و تعليمه و تتواصل مع المدارس الي اقترحتهم ووقت مايسسونله اختبار بتعرف منهم اذا ممكن ينقل مدرسه خاصه حاليا او تنقله عندهم السنه الجايه و يكمل السنه الحاليه بالمستقله


بعدين اشوف الثلاث تيرمات افضل من التيرمين كل كم شهر الطالب يريح له كم يوم يغير المود و يبدأ فصل جديد فرش و عطلة الصيف تقريبا يبدونها بنفس الفتره تقريبا

واذا على سالفة تقييمات المستقله له ممكن توديلهم شهاداته حقة السنتين الاخيرتين عشان يعرفون مستوى ولدك عموما


الله يفك كربتك

[هند88]

دامه في جريد 9 يفضل تنقله بداية السنه الجاية
لان مستوى الانجليزي بيكون صعب جدا عليه

انصحك شوف له مدرسة من الحين حق السنه الجايه مع هذا حط له مدرسين او دخله معهد عشان يتقوى في الانجليزي لان المدرسة الانجليزية ماراح تقبله الا اذا نجح بالامتحان
وبالتوفيق

[بصمة قطرية]

اخوي خذها نصيحة مني ..
تحمل تتسرع ..
اول شي أمن له المقعد في اي مدرسة تختارها ..
طبعاً اتوقع راح يسوون له اختبار ..
بعدها خذ ورقة الموافقة من المدرسة اللي راح تنقله لها
وودها لمدرسته
مش بسهولة يسلمونك ملف طالب ..
افرض ما لقيت مدرسة تناسبه اومافي شاغر
وقتها مستحيل يردونه المستقله ..
حاول تعدي السنه على الاقل والسنه الجاية انقله
يعني بعد امتحانات آخر السنه
لأن اللي اعرفه ما يقبلون في نص السنه ...!!

دخله في الصيف معهد عشان يتقوى في الانجليزي
مستوى الانجليزي في المدارس الخاصة جداً قوي ..

والله يكون بعونك ~

[Just Smile]

للأستفاده العامه .. واختصار وقت البحث عن الارقام

هذي ارقام المدارس الي اقترحتها عليك .. جبتها من منتدى اخر :

قطر العالمية
الدوحة الحديثة
4833456
4831096
New Doha
Qatar intl


الانجليزية الحديثة
مدينة خليفة
4883816
4883819
Khalifa
English modern


الخليج الانجليزية
الغرافة
4865367
4863947
Ghrafa
Gulf English


الدوحة منتسوري الانجليزية
الوعب
4445955
4445977
Wahb
Doha Montessori & British


أكاديمية الجزيرة
أبو هامور
4694806
4639777
Abu-hamour
Jazera academy


أكاديمية الكون العالمية
المطار
4652860
4652823
Airport
Global int’l


المدرسة الفرنسية
ليس فولتيير الدفنه
4128105
lycee voltaire
french school


مدرسة شيربورن ( حاليا لحد الصف ال8 والسنه الجايه بيفتحون صفوف لمستويات اعلى )
44596400
55769197
Sherborne School


كل التوفيق اخوي :victory: ... وياليت تكتب لنا اخر التطورات و تطمنا على ولدك

[clouds]

اخوي ماراح يقبلون ولااي مدرسه ان ينتقل الحين لان بدو الترم الثاني وهو اساسا مش في مدرسه اجنبيه عشان ينقلونه على طول...الحين روح سجله ف ياي مدرسه تبيها لان التسجيل هالايام ولازم يمتحنونه في كذا ماده على شهر 4 او 3 على حسب المدرسه..ويبلغونك بعدها باسبوع او اسبوعين اذا وافقو عليه بيقولون لك تعال حط مبلغ معين حجز كرسي للسنه الجايه...المدارس الاجنبيه مب مثل المستقله خبط لزق تحول من مدرسه للثانيه لا فيها تلته وبهدله مب بسهوله

[مضارب مستثمر]

اخوي والله ابغي يصير احسن في الانجليزي واساسا المدارس المستقله مب شي
طيب اكاديمية قطر هل في مكان وكم رسومهم

فيها اماكن,,,,والقطريين ما اعتقد عليهم رسوم,,,عالكوبونات

[(البرنس)]

جزاكم الله خير

[ام السعف]

السلام عليكم
والله امس طرحت موضوع عشان المدارس الخاصة عشان ولدي بس في شي ابغيكم تفيدوني فيه
اخواني ولدي في قريد 9 في مدرسة مستقله وابغي انقله خاصه وامتحانات التيرم الاول في نهاية شهر 1 والمدارس الخاصه بادين التيرم 2 يوم الاحد وعنده ثلاث تيرمات
والمستقلة تيرمين
ساعدوني الله لا يهينكم

روح المدرسة اللي تختارها واسألهم عن هالموضوع ،،