الفززززززززززززعه ياجمااااااااااعه )""""":

[ام لولوه]

لوسمحتم ابي منكم مساااعده

انا شريت ايباد جديد يعني مش مستعمل عشان ماتقولون يمكن لازم على الباسورد القديم ...وحاولت اشغل الواي فاي مايشبك على الوايرلس حق بيتنا تعبت منه :weeping::weeping::weeping:

ابي حل :rolleyes2:



ابي اللي عنده فكره او طررررريقه يساعدني وبدعيله والله لاني زهقت منه :rolleyes2:


انتظركم لا تخلوووني ابليزززز يعني بالعربي الفززززعه يالربع :nice:

[blade]

اختي يمكن باسورد الشبكه اللي بالبيت انتي حاطه غلط

[قلب شاعر]

صح يمكن الشبكه عندك سكيورد ...ممكن عن طريق كيوتل يساعدونك

[ام لولوه]

اي في باسورد واحطه بس مايشبك بعد )؛

[MANS MANS]

بالتوفيق

[Index Signal]

بالتوفيق


:rolleyes2:

[مهل]

السلام عليكم

اذا تعبتي منه و مافيه شي مهم سويله ري ست و بيرد على حاله المصنع

[ام لولوه]

ابي حل توه جديد شلون ارده على حاله المصنع ×××)

[MSA]

مرحبا اختي هاي اغسلي يدج منه انا كان عندي اي فون نفس الشي ماخذه جيد 4000 ريال وبعته ثاني يوم 2500

[واحد في حاله]

جربيه على شبكه ثانيه اذا ماشبك روحي للأعدادات او setting

بعدين عام او general
بعدين اخر شي اعادة تعيين او reset
بعدين اعادة تعيين اعدادات الشبكه او reset network setting
ضغطي عليه وسوي اعادة التعيين بعدين جربي تشبكين ع النت
اذا شبك اوك اذا ماشبك ارجعي لنفس المكان الي سويتي منه اعادة التعيين فيه اول شي او اعادة تعيين كل الاعدادات reset all setting
سوي له ريست كامل بعدين جربي تشبكين ع النت
اذا ماشبك فيه حل اخير شرحه شوي طويل

الحاله الثانيه اذا الجهاز مافيه شي وعلى طول شبك على اي شبكه ثانيه

سوي ريست للراوتر وتأكدي من الباسوورد

[blade]

سوي ريسارت للايباد وراوتر النت بالبيت وفربي من الراوتر (احتياط) لين يشبك بس

[مهل]

اذا سويتي ري ست (اعاده ضبط المصنع) و ماشبك

اذا الخلل واضح .

الله يسلمج انتو حاطين باسوورد على النت (حاطين حمايه)
في الراوتر انتي تختارين نوع الحمايه .. صحيح كلها تعني وضع باسوورد على الراوتر عشان محد يدخل عليه ولكن الراوتر عند وضح رقم سري يخيرك تقريبا ٣ خيارات (يعني ٣ انواع من الحمايه) فيه منها خيار ماينفع من الايفون و الاي باد

تقدرين تعرفين اذا الغيتي الباسوورد من الراوتر بكل سهوله اذا شبك يعني الايباد الي عندج مافيه مشكله

[المبرمج صلاح]

اذا سويتي ري ست (اعاده ضبط المصنع) و ماشبك

اذا الخلل واضح .

الله يسلمج انتو حاطين باسوورد على النت (حاطين حمايه)
في الراوتر انتي تختارين نوع الحمايه .. صحيح كلها تعني وضع باسوورد على الراوتر عشان محد يدخل عليه ولكن الراوتر عند وضح رقم سري يخيرك تقريبا ٣ خيارات (يعني ٣ انواع من الحمايه) فيه منها خيار ماينفع من الايفون و الاي باد

تقدرين تعرفين اذا الغيتي الباسوورد من الراوتر بكل سهوله اذا شبك يعني الايباد الي عندج مافيه مشكله

كلام اخوي مهل صحيح يوجد نوع من تشفير كلمة السر في الرواترات لا يعمل بها الايفون و الايباد حاولي اختي تغيري طريقة الباسورد في الرواتر الي wpa او web وحاولي اشبكي عالرواتر من غير كلمة سر

اذا حبيتي تعرفي طريقة تغيير الباسور في الرواتر ضعي هنا نوع الرواتر بقولك طريقة تغير الباسورد

[ام لولوه]

يسلموووو جميعا وماقصرتوا ..

اخوووي محترف ابيك تعلمني وحده بوحده ... ولاعليك امر ..

[ام لولوه]

للرررررررررررررررررررررررررررررررررررفع

[U Welcome]

اختي نفس ما قالوا لج بعض الاخوان
فيه حمايه في الراوتر غير الباسورد

فاحسن حل تدخلي السي دي حق الراوتر على احد الكمبيوترات
المعرفه على الراوتر
ومن ثم تدخلي ع نظام السكيورتي في الراوتر
وتشيلي هالحمايه الزايده


للتاكد ان الخلل في الراوتر
رووحي اي مكان فيه واير لس
واشبكي الايباد

[AL-RAYYANI]

ام لولوه اذا الواي فاي مال كيوتل اليديد الابيض لازم تحطييين الاحرف الانجليزيه كبيتل مو اسمووول انا كنت اعاننفس المشكله على الايفون والحيين كل شي اوكيييييييييييييييه

[المبرمج صلاح]

ام لولوه اذا الواي فاي مال كيوتل اليديد الابيض لازم تحطييين الاحرف الانجليزيه كبيتل مو اسمووول انا كنت اعاننفس المشكله على الايفون والحيين كل شي اوكيييييييييييييييه

كلامك صحيح بالفعل اخوي نسينا هالنقطة لازم الاخت تحط كلمة سر مثل ما هي بالضبط في الايفون او الايباد الحروف كابيتل لازم كابيتل والسمول لازم سمول

وبعد اذا لم تنحل المشكلة تغير كلمة السر لارقام فقط وتحاول مرة اخري
وبعد اذا لم تحل المشكلة تقوم بالغاء كلمة السر

واذا لم يشبك بعد كل هذه الخطوات تاكدي يوجد عطل ما في الايباد

طريق تغيير الباسور حق الرواتر الابيض تومسون من كيوتل

1- الدخول لقائمة إعدادات الروتر لديك، عن طريق كتابة التالي في خانة العنوان بمتصفح الإنترنت لديك:
http://192.168.1.254

سوف يطلب اليوزر نيم وباسورد الرواتر وهم افتراضيا ما لم يغيره احد

user name : Administrator
password : connect2th

2- ستفتح لديك الشاشة التالية، وهي الشاشة الرئيسية لقائمة إعدادات الروتر


أضغط على كلمة Wireless الموجودة اسفل وسط الشاشة

3- الأن ستظهر لك الشاشة التالية:


أضغط على كلمة Configure في اعلي يمين الشاشة

4- ستظهر لك الشاشة التالية:


الآن تحت كلمة Security، ستجد الكلمة التالية Encryption وأمامها ثلاثة إختيارات:
- Disabled هذا الخيار لالغاء كلمة السر
- Use WEP Encryption خيار حماية ضعيف
- Use WPA-PSK Encryption خيار حماية قوي يجب 8 خانات او اكثر
علم على أمام كلمة "Use WEP Encryption" وعندها ستظهر لك خانتين:
الأولى: WEP Key Length، وستجد أمامها كلمة 64 bit
الثانية:WEP Encryption Key وهي التي تهمنا هنا، بحيث تقوم بوضع كلمة المرور التي تريدها.
ثم اضغط على كلمة Save

وهذا فيديو بعد الدخول لصفحة الاعدادات يشرح ذلك
http://www.you-tube.com/watch?v=2kUdtRrVKcQ

ستجد أن لون لمبة الويرليس أصبحت باللون البرتقالي، وبذلك أصبحت الشبكة اللاسلكية لديك محمية بكلمة المرور التي أخترتها، ويجب على كل جهاز يريد الاتصال بالشبكة أن يدخل كلمة المرور هذه أولاً.

أتمنى أن يكون هذا الشرح وافي، وبالتوفيق

[BuFaisal]

سهلي الامور على نفسك بدل تعقيدها
ادخلي الراوتر وخلي الوايرلس الجهاز بدون باسورد .. يعني شبكة مفتوحه
ان شبك معاك الايباد فهذا يعني الخلل بطريقة التشفير او الباسورد مثل ما وضحوا الاخوان
ان ما شبك فهذا يعني ان الخلل مش في التشفير او الباسورد بل في مكان اخر
بعد حل المشكلة يمكنك ارجاع الحماية ووضع باسورد على الوايرلس (شبكة محمية)