المساعد الشخصي الرقمي

مشاهدة النسخة كاملة : مشكلتي مع فودا فون


ابن مانع
05-01-2011, 12:09 AM
السلام عليكم ورحمة الله وبركاته

حبيت استفسر اذا في حد من الاخوان او الاخوات صادته نفس مشكلتي وشلون حلها
انا صار لي من يوم السبت ما استقبل مكالمات على تلفوني ولا مسجات يعني الخط صار ارسال فقط بس بدون استقبال واتصلت فيهم طبعاً الجماعة كلامهم ممتاز ولاكن لا نتيجة منهم ماعرفو لين الحين يحلون المشكلة اذا في حد قبلي صادته هالمشكلة وعرف يحلها ياليت يفيدني
وكان معانا واحد من الاخوان اسمه عاشق فودا فون ياليت يفيدنا عن هالمشكلة او اتمنى توصل هالمشكلة للمسؤلين في الشركة عشان يردون علينا لانه صعب نوصل لهم
واسف على الاطالة
حزينه
05-01-2011, 12:31 AM
انا مره صارت لي نفس المشكله وطلع الخلل في تلفوني نوكيا 8800 البني , غالي عالفاضي هالتلفون
صوت الضمير
05-01-2011, 02:25 AM
سكر الجهاز وافتحه

او غير الجهاز وشوف

انا عندي فودافون تمام ..بس ساعات الارسال ..يعطيهم تلفوني مسكر وماتوصلني المسجات
بصمة قطرية
05-01-2011, 02:48 AM
احتمال المشكلة من الجهاز ..

بصراحة انا مش عارفة السبب في ان نص المسجات ما توصل ..
بالذات الي من خارج قطر ما توصلني ..!!
صوت الضمير
05-01-2011, 02:50 AM
احتمال المشكلة من الجهاز ..

بصراحة انا مش عارفة السبب في ان نص المسجات ما توصل ..
بالذات الي من خارج قطر ما توصلني ..!!

حتى المسجات اللي ارسلهم ماتوصل بعض الاشخاص
والبعض توصلهم..
LiL iNVe$ToR
05-01-2011, 05:50 AM
سكرالتلفون وافتحه ..او جرب اتحط الـ sim في تلفون ثاني ..وشوف .
ابن مانع
05-01-2011, 02:14 PM
الله يجزاكم خير كلكم سويت كل المحوالات ولا صار شي وهذا اعتراف منهم بعد انه في مشكلة في الشبكة ولا يعرفون يحلونها لين الحين حتى اني قابلة مديرتهم بنت قطرية الله يوفقه ماقصرت وبيض الله وجهه وعسى ربي يوفقها ولين الحين مانحلت مشكلتي
بصمة قطرية
05-01-2011, 11:40 PM
الله يجزاكم خير كلكم سويت كل المحوالات ولا صار شي وهذا اعتراف منهم بعد انه في مشكلة في الشبكة ولا يعرفون يحلونها لين الحين حتى اني قابلة مديرتهم بنت قطرية الله يوفقه ماقصرت وبيض الله وجهه وعسى ربي يوفقها ولين الحين مانحلت مشكلتي

خلهم يعوضونك برقم سبيشل وفيه كل الخدمات ..:tease::tease:
استغل الفرصة ..:nice:
بوليد
07-01-2011, 05:49 PM
انا صارلي نفس المشكلة من سنة
والله يعينك عل الجاي
toghma
10-01-2011, 10:59 AM
انا عاد يالربع مشكلتي عجيبة غريبة
استخدم تلفون سامسونج السحاب ( بوكرتين )
صار لي الحين قريب السنة ـ لكن ظهرت مشكلة من 4 شهور معاي وهي ان خط الفودافون فجأة وبدون احم ولا دستور ـ ألاقيه بدون ارسال . وخط كيوتل شغال آخر حلاوة .!!
طبعا انا ما ادري متى انفصل وليش وشسالفة ـ لكن فجأة يستوي معاي كذا .
المهم كلمت فودافون وقالولي سكر وشغل وسكر وشغل ـ فجرت الجهاز بدون أي فائدة تذكر .
وما انحلت معاي المشكلة إلا بعد ما حطيت السم كارت في تلفون ثاني وعقب رجعته في تلفوني .
والحين ، كل اسبوع ولا اسبوعين تصير معاي المشكلة ، والظاهر والله أعلم من التلفون نفسه
بس ليش كرت الفودافون ،،، مش كرت كيوتل ؟؟ هذا هو السؤال .
أحد يشتكي من نفس مشكلتي ؟