~الزواج الجماعي ~دعوه للنقاش

[الدبلوماسيـه]

صبحكم الله بالخير..


~الزواج الجماعي ~



فكره هادفه لحث الشباب على الزواج ..مفيده جدا للمجتمع ..

خاصه لذوي الدخل المحدود

والتقليل من مصاريف يوم العرس الباهظه..التي لا يتحملها الكثيرون ..

وهي من أحد مسببات عزوف الشباب عن الزواج..

( واللي لو ما الاهل وايد ماتزوجوا )






~دعوه للنقاش~

ما رأيك في الزواج الجماعي ؟ ولماذا ؟

هل تقبل ان تتزوج زواجا جماعياً ؟



الدبلوماسيه
5-1-2011

[BoFahed]

اختي للاسف اكبر افة نعاني منها احنا القطريين هي المهايط والمظاهر الفارغة واللي ياما خربت بيوت وعنست بنات ودخلت الشباب السجون

تلقى الواحد يخطب واحدة عندها خمس خوات واكثر ويبي يعرس يكمل نص دينه مع اخوه اهي ولا ابوها يقولون تخسي اعرس مع واحدة ثانية لين ما تطيح البنت في جبد ابوها وتمرض نفسيا وساعات اهله يرفضون علشان ما يقولون الناس انهم قحط فشلون اختي تبيهم يعرس مع ثلاثين واحد من قبايل وعوايل ثانية

[الدبلوماسيـه]

اختي للاسف اكبر افة نعاني منها احنا القطريين هي المهايط والمظاهر الفارغة واللي ياما خربت بيوت وعنست بنات ودخلت الشباب السجون

تلقى الواحد يخطب واحدة عندها خمس خوات واكثر ويبي يعرس يكمل نص دينه مع اخوه اهي ولا ابوها يقولون تخسي اعرس مع واحدة ثانية

اما عن المظاهر ..صدقت ..

وبخصوص ان اخوان 2 يتزوجون في نفس اليوم..شي وايد يصير فالمجتمع خصوصا في فئه معينه ..بس غالبا يكون عرس الرجاجيل في يوم والحريم كل وحده بروحها في يوم>>آحس ماله حلاه

شكرآ لمداخلتك

[بصمة قطرية]

للأسف في مجتمعنا القطــري ماراح تنجح هالفكــرة بسبب المبالغات والمفوشر في الأعــراس ..!!
كل وحدة تبي عرسها ..
ولاعرس ولدها..
ولا عرس أخوها ,, أحلى عرس وتتكلم عنه الدوحة بكبرها ..
والله الأعــراس صــارت تكــلف أسعــار خيالية ومبالغ فيها ..
وكل يوم يطلعــون بطلعــة جــديدة ..

[بنت صقار]

والله يبغي لهم..عرس جماعي نفس اللي شفته في الصين..:)
اذا القطري ماتخسر في عرسه..والعروس اذا مافوشرت بكل شي يخصها..
يصير مهب عرس..
بغض النظر عن قيمه الملابس التي ستلبس في تلك الليله(تمول مشروع)
الحين الصالات والقاعات..صارت بروحها نهبه..ديكورها وترتيبها..
والتوزيعات اللي من بريطانيا وفرنسا؟؟
يعني الطاوله الوحده يمكن تكلفتها بماتحتويه من أكل مستورد وتريتيات لا تقل عن 30 الف:)..هذا عند البعض..
والمشكله ان ذوي الدخل المحدود..يخسون مخاسير فوق امكانياتهم..حتى لايصيرون اقل من غيرهم؟؟

[قطريه ماركه]

نتنمى انه ينجح في دولة قطر ....

[قطرية فذة]

فكره حلوه صارت وان شاء الله دايم كل سنه تتكرر

اللي يعجبه يشارك واللي مايعجبه لايشارك

والله يهني سعيد بسعيدة

ويزوجكم طبعاً للي ماتزوج او ...

احم


يعطيك العافية اختي

/

لو تكون فيه مكاتب افراح للدخل المحدود أبرك
تساعد في تسهيل تجهيزات العرس

يسر الله لكم الخير

[(رمز المحبه)]

والله موضوع حلوو للنقاش

بصراحه لو بنتكلم عن الزواج الجماعي فكرته حلوه وممكن نطبقه بس اذا كانوا زي ما يصير اخوان مع بعض .. اعيال عم مع بعض او يعني حد من جماعتك ولد عمك ولد خالتك يعني حد منك وفيك .. اما غير كذا احس صعبه

وعموماا الفكره حلووه بصراحه شفيها لو تعاونت انا وولد عمي او وولد خالتي واتفقنا عرسنا سواا ومصاريفنا فالعرس تكون بالنصيفه ونتعاون ونسوي عرسنا بالشكل المطلوب واللائق

[بنت صقار]

حتى لو الرجال اتفقوا(بعض الحريم سوسه)ماتوافق!!مافيه حد يوقفها عند حدها لأن كلام الحريم يمشي..غالبا

[بـــــــنت النوخـّــــذه]

لا
اقبل
وهذي الصراحه وسبب رفضي لان المجتمع مازال متحفظ على هذه الفكره 00

واذا عن الدخل المحدود كان سوو لهم قاعات افراح باسعار رمزيه او ببلاش

الدوله تقدر تعطي اكثر ومايوقف تسهيل الزواج بفكره (الزواج الجماعي بحفل واحد)
لان اعتقد العرس كله إلي يكسر الظهر فيه هو حجز الفندق او القاعه 000اما المهر مقدور عليه بالاتفاق بين الطرفين 000


سلام(ن) عليكم:)

[بنت صقار]

لا
اقبل
وهذي الصراحه وسبب رفضي لان المجتمع مازال متحفظ على هذه الفكره 00

واذا عن الدخل المحدود كان سوو لهم قاعات افراح باسعار رمزيه او ببلاش

لان اعتقد العرس كله إلي يكسر الظهر فيه هو حجز الفندق او القاعه 000اما المهر مقدور عليه بالاتفاق بين الطرفين 000


سلام(ن) عليكم:)
:nice:
في الامارت..هناك دعم من الحكومه في اسعار الصالات ..وبما ان اخوانا في الامارات من اكثر الناس صرف وسرف في الاعراس..ومهورهم بمئات الالوف وتكاليفهم ماتقل عن المليون بشكل عام(فقيرهم وغنيهم)فهناك قاعات الزايد المنتشره في الامارات بمكرمه من زايد رحمه الله..
اعتقد لو قطر تحدد اسعار قاعات الافراح وتمنع تغيير الديكور اللي في القاعه..لانه يتطلب الكثير والكثير..(بس اللي مايبغي)بيروح فندق عشان التباهي بعد..(وللحين الشيراتون قايم سوقه)
:)

[بـــــــنت النوخـّــــذه]

:nice:
في الامارت..هناك دعم من الحكومه في اسعار الصالات ..وبما ان اخوانا في الامارات من اكثر الناس صرف وسرف في الاعراس..ومهورهم بمئات الالوف وتكاليفهم ماتقل عن المليون بشكل عام(فقيرهم وغنيهم)فهناك قاعات الزايد المنتشره في الامارات بمكرمه من زايد رحمه الله..
اعتقد لو قطر تحدد اسعار قاعات الافراح وتمنع تغيير الديكور اللي في القاعه..لانه يتطلب الكثير والكثير..(بس اللي مايبغي)بيروح فندق عشان التباهي بعد..(وللحين الشيراتون قايم سوقه)
:)

احسنت


وارد واقول الدوله بارك الله فيهم يمتلكون الكثير من اجل تسهيل الزواج على المواطنين وكلن يفرح بطريقته الخاصه000

لازم تحدد اسعار الفنادق واتكون معقوله
او
انشاء قاعات مجانيه للزواج او باسعار رمزيه
و
تحديد اسماء معينه لمحلات التزيين هم من يتعاملون معاهم ويكون لهؤلاء المحلات دعم وتقدير من الدوله لمساهتمهم في تخفيض الاسعار00

وكان الله غفورا" رحيما
:)

[مرتبش]

حلو
مافيه مشكلة..بس مب شرط الدولة تقيم هالحفل وهذا هو سبب عدم بقاء المشروع على قيد الحياة.. الدولة سوته وهدايا ومش عارف ايش وشروط وتلفزيون ..سالفة طويلة
ليش

هو الهدف منه توفير مصاريف .. كل جماعة تنسق بينها وتسوي ميني جماعي ..5 انفار مثلا.. والمعازيم بدل ماينعزمون 5 مرات ..انعزموا مرة,,صالة وحدة بدل 5 وهلم جرا

[do7awi]

انا عن نفسي ما عندي مانع اتزوج في عرس جماعي. ولو انه مب مثل العرس العادي لكن راح يريحني في حياتي الزوجية و الفلوس تنصرف مكان ثاني يفيدني و يفيد زوجتي.

اما عن المهر .. ففي الاخير بيكون عند زوجتك اللي هي بدورها لازم تساعد زوجها في الامور المالية و غيرها.

بس عرس الحريم شلون بيحجزون لهم قاعه؟ بتكون قطر كلها محجوزه بيوم واحد؟

[لاجئ عاطفي]

الزواج الجماعي مازال موجود ويمارس بشكل دوري فتلقين اشقاء يتزوجون بنفس اليوم او ابناء عمومه وعلى هذا الشكل وفعلا هالنوع من الزواج يخف من تكاليف الزواج بالنسبه للمعرس ولكن بالنسبه للحريم ماظن يخفف شي لان كل واحد منهم امخصص صاله حق زوجته وبالتالي تخفيف الاعباء شي بسيط جدا

[الدبلوماسيـه]

للأسف في مجتمعنا القطــري ماراح تنجح هالفكــرة بسبب المبالغات والمفوشر في الأعــراس ..!!
كل وحدة تبي عرسها ..
ولاعرس ولدها..
ولا عرس أخوها ,, أحلى عرس وتتكلم عنه الدوحة بكبرها ..
والله الأعــراس صــارت تكــلف أسعــار خيالية ومبالغ فيها ..
وكل يوم يطلعــون بطلعــة جــديدة ..

وهذآ اللي صاير:weeping:

[مقطع حق]

ألله يوفقهم

[ماريسا]

ضد الزواج الجماعي .. طبعاً مع تقليل التكاليف و تنفيذ حفل زواج بسيط غير مكلف بس مايكون جماعي
شنو جماعي!! لا يسوون حفلة من الاساس -_-"

[ام السعف]

بصراحة ما أأيد الزواج الجماعي كأنه حفلة فرجة :(

ومع تقليل التكاليف الى الصفر :shy:

[صعبة وصوفه]

أنا مع الزواج الجماعي.. بالاضافة الى انه يقلل المصاريف بشكل كــــــبير، المعازيم هم نفسهم نفسهم.. بالعادة الواحد بيتزوج وحدة من قبيلته والثاني (سواء اخوه او قريبه او من الجماعة) بعد بيتزوج وحدة من نفس القبيله والثالث او الرابع نفس السالفة.. فالمعازيم نفسهم يعني السالفه مافيها فرجه.. للعلم الزواج الجماعي طبق بالسعودية ومن ااااااااحسن ماااااايكون.. سنويا 10 او 12 شاب يتزوجون بنفس الليلة والناس مستاااااانسه والتكاليف ولاااااشي والزوج مرتااااااح لاديووون ولاشي.. ياجماعة الخير يسروا على شبابكم وبسكم فشخره وكلام فاضي، الواحد يتصرف بعقلانيه كلها ليلة وحدة وانتهى الموضوع.. لا وتقولون بعدين ليش عندنا عوانس وليش علينا ديون!! البلا منكم وفيكم من قلة التدبير..
قال تعالى: {وَلا تُسْرِفُوا إِنَّهُ لا يُحِبُّ الْمُسْرِفِينَ}، وقال جل ذكره:{وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورا}.

وسلامي على اصحاب العقول..

[غايه الطواش]

حفله صغيره واهم شي الفستان الابيض والتصوير وعقب يروحون الموريشيوس
ماحب العروس وويع الراس وطقطقه وتسمت في الشعر
وبعدين قلبي بيعورني على 600 والا 500 الف الي بتنقط ع العرس انا اولى بفلوس ريلي من الناس ...

اما فكره الزواج الجماعي ماعتقد راح تلقى اقبال في قطر ......
يمكن الرياييل اعقل من الحريم وبيتقبلون بس الحريم ماعتقد ...
وبصراحه مب حلو صافين عرايس الدنيا وكل اهل بنت مراح تكون لهم كلمه في العرس ...مب شي صراحه

[الدبلوماسيـه]

والله يبغي لهم..عرس جماعي نفس اللي شفته في الصين..:)
اذا القطري ماتخسر في عرسه..والعروس اذا مافوشرت بكل شي يخصها..
يصير مهب عرس..
بغض النظر عن قيمه الملابس التي ستلبس في تلك الليله(تمول مشروع)
الحين الصالات والقاعات..صارت بروحها نهبه..ديكورها وترتيبها..
والتوزيعات اللي من بريطانيا وفرنسا؟؟
يعني الطاوله الوحده يمكن تكلفتها بماتحتويه من أكل مستورد وتريتيات لا تقل عن 30 الف:)..هذا عند البعض..
والمشكله ان ذوي الدخل المحدود..يخسون مخاسير فوق امكانياتهم..حتى لايصيرون اقل من غيرهم؟؟

فالصين شلون يفرقون بينهم :tease:

هذا مربط الفرس..اللي ماعنده ويحط فوق طاقته ويتم شايل ديون:rolleyes2:

[الدبلوماسيـه]

نتنمى انه ينجح في دولة قطر ....

شكرا لمشاركتك

[الدبلوماسيـه]

فكره حلوه صارت وان شاء الله دايم كل سنه تتكرر

اللي يعجبه يشارك واللي مايعجبه لايشارك

والله يهني سعيد بسعيدة

ويزوجكم طبعاً للي ماتزوج او ...

احم


يعطيك العافية اختي

/

لو تكون فيه مكاتب افراح للدخل المحدود أبرك
تساعد في تسهيل تجهيزات العرس

يسر الله لكم الخير



دامنها صارت من قبل اكيد في ناس متقبله..

شكرا لك

[الدبلوماسيـه]

والله موضوع حلوو للنقاش

بصراحه لو بنتكلم عن الزواج الجماعي فكرته حلوه وممكن نطبقه بس اذا كانوا زي ما يصير اخوان مع بعض .. اعيال عم مع بعض او يعني حد من جماعتك ولد عمك ولد خالتك يعني حد منك وفيك .. اما غير كذا احس صعبه

وعموماا الفكره حلووه بصراحه شفيها لو تعاونت انا وولد عمي او وولد خالتي واتفقنا عرسنا سواا ومصاريفنا فالعرس تكون بالنصيفه ونتعاون ونسوي عرسنا بالشكل المطلوب واللائق

شكرا لمشاركتك

[darkmoon]

بلا جماعي بلا فردي

مافي اااااااااااااااحسن من البحرين و السعودية .....و بربع تكاليف الزواج من قطر .... لا وبدون موافقة بعد

المهور :
البحرين=20 الف
السعوديه= 30 الف
صالة الافراح :من 6 الى 8 الاف

والجماااااااااااااال " ما شاء الله كان"

ويعطيج العافيه على الموضوع الشيق

[الدبلوماسيـه]

لا
اقبل
وهذي الصراحه وسبب رفضي لان المجتمع مازال متحفظ على هذه الفكره 00

واذا عن الدخل المحدود كان سوو لهم قاعات افراح باسعار رمزيه او ببلاش

الدوله تقدر تعطي اكثر ومايوقف تسهيل الزواج بفكره (الزواج الجماعي بحفل واحد)
لان اعتقد العرس كله إلي يكسر الظهر فيه هو حجز الفندق او القاعه 000اما المهر مقدور عليه بالاتفاق بين الطرفين 000


سلام(ن) عليكم:)

لاتعصبين انزين:shy:
احنا اللي نقوله انهم يحطون فوق طاقتهم بس عشان مايبينون اقل من غيرهم:nice:

[غايه الطواش]

بلا جماعي بلا فردي

مافي اااااااااااااااحسن من البحرين و السعودية .....و بربع تكاليف الزواج من قطر .... لا وبدون موافقة بعد
المهور :
البحرين=20 الف
السعوديه= 30 الف
صالة الافراح :من 6 الى 8 الاف

والجماااااااااااااال " ما شاء الله كان"

ويعطيج العافيه على الموضوع الشيق
بدون موافقه شنو؟؟

الي يبي البحرين الطريج جدامه
والي يبي السعوديه الطريج جدامه

محد مانعه ...

[darkmoon]

" الموافقه " انا قصدت الزواج من اجنبيات

يعني من المغرب و لبنان و سوريه و اسبانيه

بختصار انترنشنال !!!!!!!!!

[الدبلوماسيـه]

" الموافقه " انا قصدت الزواج من اجنبيات

يعني من المغرب و لبنان و سوريه و اسبانيه

بختصار انترنشنال !!!!!!!!!

يقولك حلاه الثوب رقعته منه وفيه..

الاجنبيه شبتعلم عيالك ؟؟

على شنو بتربيهم ؟؟

مانبي نحول الموضوع

[مستجدة]

العرس الجماعي صعبه شوي لكن انا مع مساعدة الشباب على الزواج والحد من العنوسه
وهي في تسهيل الاتي عليهم

1- الحد من غلاء المهور وهاذي مسؤليه الاهل والبنت
2- مساعدة ماليه من الحكومه وتكون لاتقل 70 الف
3- انشاء قاعات افراح في كل مناطق الدوحه وباسعار رمزيه
4- طرح دورات تثقيفيه للشباب والبنات اتبين اهميه الحياه الاسريه وتخطي مشكلات الزواج مب على اتفه سبب طلق او هي طلبت الطلاق

لازم مساعدة كل الاطراف ترى عيالنا وبناتنا عنسوا بسبب الغلاء والديون وعدم تفهم الاهل لظروف الشباب .

[باسكن روبنز]

بصراحة ما أأيد الزواج الجماعي كأنه حفلة فرجة :(

ومع تقليل التكاليف الى الصفر :shy:

:nice:

[سكرمر]

اختى الدبلوماسيه / مااعرف اذا انتى متزوجه او غير متزوجه


لكن لو احد تقدم للزواج لج فى عرس جماعي بتوافقين

او لو هالعرس الجماعي لبنتج اذا انتى متزوجه وعندها بنات بترضين بهشي


وانا اويد العرس الجماعي

انا عن نفسي خرابيط العرس ومهايط العرس مايهمني اهم شي عندي المراه تستاهل من ناحيه اخلاقها واحترامها


واغلبيه الاعراس اللى صار فيها تكلف زايد وتحصله خسر مابين 400 اللى 600 الف بعد فتره يتم الطلاق بينهم او يكون بينهم مشاكل


لان تشوف الزوج يتم 7 اللى 8 سنوات او اكثر وهو فى اقساط الزواج وتحصلهم ساكنين شقه او ملحق صغير


لو هالفلوس حطها فى مقدم لبيت ملك وتقبل الباقى اقساط كان افضل له


الحمدلله ان في بعض العوائل وقليل منها اللى تحاول انها ماتضغط على اللى يتقدم لبنتهم ولا يبون يتكلف فى العرس لانهم يبون بنتهم تعيش مرتاحه مع زوجها



واما عن النوعيه اللى الله بالخـير اللى تبي تسوي عرسها كرنفال حشى مو عرس كل هالشي عشان الناس

والمشكله ان الناس بيتكلمون سواء كان كرنفالك ( عرسك ) زين او مو زين



تحياتي واسف ع الاطاله

[بـــــــنت النوخـّــــذه]

سؤال :

ليش (بعض ) الرجال ما يأيدون حفلة العرس للعروس 00000<<<ملاحظه من بعض الردود:(

ترى هي مره بالعمر 00 اذا مافرحت وسوت حفله متى بتسوي 00

وعلى فكره المسئله من اولها وآخرها تعتمد على (حسن التدبير) وذكاء الطرفين 000

مثلا" وحده اعرفها سوت هالحركه وقلت صج هالبنت الناصحه 00

خبركم الحين طاوله العرس الخاصه للمعازيم تنظيمها مايقل عن 200 ريال للطاوله الوحده

اهي ماشاء الله راحت دوله عربيه تشرى وطخت لها من الالف لي الياء من المفارش والاكسسوارات والكريستالات ب 10000 ريال من هدايا وكل شي على كل طاوله

والكوشه اهي صممتها والله وربي ان عرسها طلع تحفه فنيه تبارك الرحمن ذوق ذوق عالي والوان فضيعه 00قمه الرقي 0وسلمت كل الاكسسوارات لمحل ونظم لها 000واتقول لو بتعتمد على محلات الزينه بياكلونها و بيكلفها اكثر من 50 أو30 اذا ماصول بعد 100 الف

يعني بالعقل ممكن الشخص يتخطى التكاليف الباهضه بالتزيين ويسوون احلى ليله 000

وانا اشوف الدوله بدل مايسوون عرس جماعي ابرك لهم يسوون قاعات باسعار رمزيه

:)

[wadha-qa]

صعبه تتحقق هالمشاريع في قطر خاصه اعراس البنات محد بيرضى اما الشباب اصلا ما يكلف عرس الرجال اللي يكسر الظهر ايجار القاعه و تجهيز عرس الحريم الحل الوحيد توفير قاعات باجور معقوله لا تتعدى 20 الف