احذروانصب فنادق الدرجة الاولى

[القرنفل]

جاتني دعوة لحضور عرس بمملكة البحرين ،، فقمت بحجز غرفتين بنفس الفندق الذي سيقام فيه العرس،،ودفعت حساب الفندق عند مكتب السفريات بالدوحه ،،للان الموضوع عادي المفاجاة عند دخولنا الفندق طلبوا كرت الفيزا لسحب 2000 ريال كتأمين لهم وعلى أن يتم رده وقت خروجنا من الفندق ،لان الفندق من الدرجة الاولى وثقة بكلام الاستقبال ،،،،المفاجاة الثانية عند خروجنا من الفندق طلبنا منهم التأكد من حساب الغرفه حتى يردون علينا 2000 ريال فقالوا بتدخل في الحساب خلال يومين وللاسف لم ترجع فلوسي من 10 ايام ،، فهذا بصراحه اعتبره نصب واحتيال باسم التامين .المشكله ان هذا النصب تكرر مع غيري وفي فندق غير اللي سكنت فيه ...حبيت احذركم من هذا النصب

[ضوى]

المبلغ يرجع بحد اقصى بعد عشرين يوم ، انتظر عشر ايام اخرى

[الأصيلة]

مادام اخذوها من الفيزا ما يرجعونها...
لأن فندق في دبي مرة طلبها مني ..أعطيته الفيزا..
قال لا عطيني كاش...
لأن بالفيزا صعب نرجعها لك مرة ثانية...

[بوخالد911]

هلا

غالبا ما تُسترجع الأموال بعد 14 يوما

وعن نفسي آثرتُ الدفع نقدا

والحذر من استخدام البطاقات وخصوصا في جنوب شرق آسيا

[The Blade]

نفس كلام الاخ بوخالد911 .. المبلغ يكون محجوز فقط اما اذا تم سحبه من الفيزا هذا يعتبر نصب واحتيال لانه خلال ١٤ يوم اذا المبلغ مانسحب يرجع بشكل تلقائي .. غير هذا راجع البنك :)

[khalid-qtr]

نعم اخوي نفس الشي صار لي بس في دبي في فندق عالمي ومشهور وبعد فترة يومين خاطبتهم ولا كنت اجد رد ودخلت على ادارتهم الي كان مقرها الولايات و ارسلت اميل لهم والله ثاني يوم مطرشين لي رسالة اعتذار ومرجعين الفلوس هذا صدقني من سؤ الادارة بالفندق روح لموقع الشركة المسؤلة عن الفندق وطرش لهم اميل وصدقني بيرجعون لك فلوسك وبيبوسونك على راسك

[رشدان]

ابلغ البنك اللي اصدر لك الفيزا وهو يقوم بمتابعة الموضوع حتى ارجاع المبلغ

[R 7 A L]

ادفع كاش وريح عمرك

[صمت 1]

اخوي اتصل في البنك اللي استخرجت منه الفيزه كارت سوف يبين لك هل المبلغ

محجوز عليه حتى الان او رجع في حسابك

[هارودز]

ليش ماتذكرون اسم الفنادق
انا الي اعرفه يتم حجز على المبلغ

[القرنفل]

اشكر كل الردود ،،تتوقعون لو دفعتها كاش كان رجعوها لان موظفة الاستقبال ما كانت مهتمه باستفساراتي ولا عطوني وصل عن المبلغ...

[الغالي!]

المبلغ يمكن يأخذ شهر ويرجع

[بوخالد911]

اشكر كل الردود ،،تتوقعون لو دفعتها كاش كان رجعوها لان موظفة الاستقبال ما كانت مهتمه باستفساراتي ولا عطوني وصل عن المبلغ...

صيير مثلي

ادفع كااش لمبلغ التأمين

ولما أطلع

يردوونها لي وبظرف

:nice::nice::nice:

[مرتبش]

تطلب منهم ايصال بان حسابك صفر وقت الخروج
عشان مايسحبون من المبلغ المحجوز

ولازم تشييك الفاتورة .. احيانا تشوف اغراض من الميني بار رغم انك شايل ابو الميني من اول مادخلت الغرفة..جوابهم جاهز ..sorry sir

[thanked]

انا دايما اسوي حسابي حق لهالحركة وادفع كاش للتامين , سوالف الـreclaim وارجاع مبلغ التأمين تطول , ما داني حركة "انه بنقفل على مبلغ كتأمين وترجع لك عند الخروج"طبعا هي ماترجع فورا لازم تتم اسبوع ولا اثنين عقب يفتح القفل , واكثر الفنادق في الدوحه على هذا المنوال مثال فندق جراند حياة عن تجربة .

جزاك الله خير على التنبيه ,, في ناس من كثر ماالمسألة تطول ينسى ويتعيجز ويخلي الموضوع يعدي.

[mrs.spoon]

انتظر اخوي وبترجع فلوسك حتى لو بالفيزا ياخذ لها وقت.

[hxamad]

مادام اخذوها من الفيزا ما يرجعونها...
لأن فندق في دبي مرة طلبها مني ..أعطيته الفيزا..
قال لا عطيني كاش...
لأن بالفيزا صعب نرجعها لك مرة ثانية...

نفس الشى صار معاي يوم الأربعاء سحبت مرتين الفلبينة المخبطة بس تقول ماتسحب بس انا جانى مسج بالسحب قالت برجون الفلوس وكلمت البنك قال لى خلال 10 ايام يعنى بتاريخ 8/1/2011 إذا ارجعت بقول لكم إذا لا الله يعوضنا

[باسكن روبنز]

هلا

غالبا ما تُسترجع الأموال بعد 14 يوما

وعن نفسي آثرتُ الدفع نقدا

والحذر من استخدام البطاقات وخصوصا في جنوب شرق آسيا




:nice:

[القرنفل]

بخصوص الاخطاء اللي تحصل في الدوحه ترجع خلال اسبوعين وبسهوله

[ولد النصر]

نفس الشي اخوي حجزت من مكتب سفريات فندق في البحرين ليلتين

ولما رحت هناك اطلبوا مني فيزا عشان مبلغ التامين وقلت لهم ماعندي إلا بطاقة البنك وسحبوا منها 400 ريال وطول هالفترة مب عارف المبلغ حق شنو إلا بعدين على حسب علمي اي شي تستخدمة في الفندق اكل او شرب ينحسب من المبلغ طبعآ الاكل والشرب كان بالنسبة لي من خارج الفندق لأن عندهم شغلات ماتستاهل هالمبالغ اللي حاطينها المهم عند الشيك اوت رجعوا لي المبلغ كامل كاش ومع الف سلامة
طبعآ اخوي لو دفعت لهم كاش يكون افضل قول لهم ماعندي فيزا عشان تجبرهم على اللي تبية مو اللي يبونة هم

[Qt.1]

افلوسك بترجع لكن بتاخذ وقت اشوي لانها من الفيزا ,, وعلى حسب بنكك بعد ,, المسالة مسالة وقت لاغير

[القرنفل]

للرفع ....والفائدة

[التيما]

اخوي اتصل في البنك اللي استخرجت منه الفيزه كارت سوف يبين لك هل المبلغ

محجوز عليه حتى الان او رجع في حسابك

فعلا اول شي لازم تسويه تتاكد هل المبلغ انسحب ولا فقط حجز .. اذكر مره في الصيف في ميلانو الفندق حجز مبلغ من الفيزا ولمن طلعنا سألتهم ورجعولي المبلغ كاش لاني دفعت لهم كاش ..

[becauzah]

يا جماعة الفلوس لازم ترجع خصوصا اذا فندق خمس نجوم
ممكن يتأخر نعم لكن لازم يرجع ولا البنك ماراح يعيش اذا تدخل و تطلع عليه فلوس مايدري عنها
الصبر زين

[حالي الذوق]

نعم مثل ماذكروا بعض الاخوه ان الفلوس راح ترجع لكن بعد فتره لان الي صار حجز على المبلغ وليس دفع

حصل معاي بدبي بتاريخ 22\12\2010 وبتاريخ اليوم رجع لي المبلغ وكان 2300 ريال

فتطمن راح ترجع فلوسك والموضوع مافيه نصب بس يبي لك تصبر اسبوعين الى ثلاث اسابيع من يوم اجراء الحجزوشيك مع بنكك

[محمد بن شبيب]

اخوي ماعليك بنترجع في حسابك واذا مارجعت كلم البنك هم مسوين بس بلوك ونصيحه هالمره لاتعطيهم الفيزا خل معك مبلغ كاش وتاخذه لاسويت شيك اوت

[الفا برافو]

تقريبا كل فنادق الدرجه الاولى حتى لو دافع مقدما تحجز مبلغ على البطاقه وترجعه لك او تخصم منه حسب صرفك بالفندق على حساب الغرفه .
في النهايه يتم ارجاع المبلغ المحجوز احيانا ياخذ اسبوعين واحيانا اكثر
راجع بنكك ياخوي بتعرف اذا كان المبلغ محجوز ولا تم صرفه بالخطأ . ذيك الساعه بنكك يقدر يسترجع المبلغ لانه صار لي نفس الشي في فندق من فنادق الدرجه الاولى كنت دافع مقدما بالسفريات ولكن تم سحب المبلغ المحجوز ورجعه لي البنك .
المشكله يالربع انه لو انت تسافر الى كذا مكان في فترة قصيره ودافع مقدما بالسفريات سواء لفنادق او شركات تاجير للسيارت فالكل بيحجز على البطاقه مبلغ معين وفي النهايه تصير البطاقه من دون فايده لانه الكل حاجز مبلغ منها وهاي صارت معاي في شرق اسيا وانطر لين ترجع الفلوس في البطاقه !!

[القرنفل]

للرفع ..

[خالد_قطر]

أنا ما أعتبره نصب لأنه يصير في معظم الأماكن
وصار لي في فندق بالدوحة وهو حجز المبلغ وليس سحب المبلغ ويرجعونه لك إذا كلمت أحد من القسم المالي بالفندق وهاي الي سويته أنا ورجعوا المبلغ على طول وأعتذروا لي على التأخير

بس عموما وعن خبره الحجز لا يزيد عن ثلاثة أسابيع حتى لو ما رجوا المبلغ يرجع لحاله إذا كان حجز مش سحب.

[القرنفل]

للعلم المبلغ تم اخذه من الحساب وللان مر اسبوعين ويوم والمبلغ لم يرجع :omg:

[بوحارب]

الله يعينك