فعليا كم بيكلفني لو اجيب فلبينية بدون الاستعانه بمكتب

[fantasy]

السلام عليكم
طبعا الاسعار للفلبينيات 7000 و طالع...
لو باجيب وحده نعرفها كم الرسوم كلها هل فعليا بيكلف شوي ولا كثير ابي اعرف المكاتب كم تاخذ فايده وابي اعرف هل راح اوفر مثلا الف ولا الفين ولا تسوى السالفه؟
طبعا علشان الردود تكون دقيقه لا تنسون ان من ضمن ال 7000 اللي بادفعها للمكتب هو التذكره اللي هي مشموله ايضا
ياليت ممكن طلب خلال الفتره اللي راحت يفيدنا ولا تهونون
ولكم الحب

[حمد بن سعد]

اخوي صعبه تجيب وحده بدون مكتب لان لازم عقد مع السفاره وسالفه .

ماقول ال الله يعينك

في بعض المكاتب مايجبرك تدفع المبلغ كامل على راحتك .

والله يوفقنا وياك

[fantasy]

تسلم على الرد اخوي ادري وراها مراكض بس لو تسوى ياسويها بس ياليت حد يفيدنا

[goog]

بالتوفيق للجميع

[alshahwani]

السلام عليكم

روح السفارة الفلبينية واسال هناك

الله يوفقك

[$الملياردير$]

انا كلفتني 800 دولار امريكي مع التذكره قدوم فقط من الفلبين عن طريق رجال فنان يطلعهم من مطار مانيلا بس هالكلام من سنتين تقريبا

[كود نمبر]

مرحبا

فيه طريقه انا سويتها كلفتني 5000 ريال

الخدامه من قرايب خدامتي واحنا نبي نجيبها طرشت على صورة جوازها
وخليت الخدامه تكلم الفلبينه الي في مكتب الخدم وقلت لهم انا عندي وحده
ابي اجيبها للدوحه طلبو علي 5000 ريال شامله الرسوم والتذكره
لكن مايتحملون رجوعها لبلادها لو لاسمح الله صار شي معاها
والحمدلله الامور ماجلست اكثر من 20 يوم الا وهي واصله
والحين صار لها عندي 4 شهور ونفس الطريقه سويتها
مع خدامه جبتها لبيت اختي

والله يوفقكم

[لي قطر]

وشو هالمكتب اللي جبتها منه ايش اسمه

[almaha19999]

انا جبت لي ثنتين عن طريق واحد فلبيني

كلفتني 5000ريال هذا الكلام من سنتين ولين الحين يشتغلون عندي

طرش كذا صوره ومعلومات عنها واخترت اللي تناسبني

بعدين ارسل لي صوره من جواز الشغاله ورحنا الجوزات وسوينا الفيزا باسمها
اسبوعين بالضبط الا هي عندي
جبت عن طريقه كذا خدامه وخواتي وصديقاتي
هو يقول لو ماصلحت احنا نرجعها ويجيب لنا غيرها بنفس المبلغ
بس الحمد لله اللي عندي ممتازات

[موجه بحر]

اخوي تخليها طرشلك صورها من جوازها وتروح عقب الجوزات وتدفع 300 ريال ع الفيزا صالحه لمده 3 شهور من دخولها البلاد

وبعدين تروح سفاره لهم قسم خاص جدام الجامعه الي جنها قلعه الي عقب دوارمستشفى ويعطونك اوراق تعبيهم بس لازم تقرا ترى مكتوب في لورقه انه معشها 400 دولار وتشتغل 8 ساعات بدون هالورقه ماتقدر تطلع من مطار الفلبين وانت اطرشها بالبريد لازم الاوراق الاصليه
من مطلبات الاوراق صوره من جواز السفر وفي شي يسمونه ليسن علشان تشتغل برع وصوره من بطاقه الشخصيه للكفيل و80 ريال يخذون منك عقب هي ماتكمل اجرائتها هناك طرشلها تذكره وتجيكم

[fantasy]

بصراحه شاكر لكم المعلومات القيمه والله استفدت كثير و فهمت السالفه عيل ليش نروح للمكاتب اذا كنا ضامنين الشخص طبعا اكيد كل شي مميزات و يعطيكم العافيه ماقصروتوا بالردود الجميله كلكم