ما فيها شي لو تناقشنا في بعض المسجات اللي توصلنا ..

[هتـان قطر]

موضوعنا اليوم خفيف .. وان شالله نستفيد من النقاش فيه على الرغم من بساطته

او قد يراه البعض انه سخيف..ولكن عن نفسي عجبني وضحكت من قلبي عليه

واللي اكثر من كذا .. انه موجود من هالنوعيات على ارض الواقع :)

بعض المسجات لها فايده .. وبعضها يحمل طابع البساطة والضحك

المهم..


[COLOR="Red"]هذا مسج وصلني على البلاك بيري

بعنوان القطري عندما يطلع مع زوجته للمطعم


اول شي .. يحاول يخش زوجتهويقعدها بكبينه

واذا المطعم ما فيه كباين ...أخذ الكرسي اللي مقابل الناس

وعطاها الكرسي اللي مقابل الطوفه .." اشوف انه على حق " :nice:

وهذي بعض من كلمات الحب اللي يتفوه بها ..:

قعدي بسرعه

أنا مو قايل لج لا تلبسين كعب..صوته عالي الكل عيونه

اتلاقط يا مال عيونهم البط ..:anger1:

لا يبا قعدي قبالي شدخل أقعد يمج قاعدين على درج بصف مدرسه احنا ؟!!:shy:

ليش حاطه مكياج وايد .. الله يهداج وين رايحه ..؟

عدلي عباتج..

حطي تلفونج سايلنت رنتج عاليه

تكلمي شوي شوي ..وطي صوتج يمنا ناس

لا تضحكين ..

دخلي شعرج..

لا تكلمين الجرسون أنا باكلمه بس قولي لي اشتبين

وانا اقول له..

هذا اللي بتاكلينه اسمه صعب..كلمي الجرسون انتي

بس ها.. شوي شوي

لا تتلفتين..

عطرج قوي..

ما عندي سوالف شتبين اسولف لج ..؟ :omen2:

خل اخلص هاللعبة على الايفون على ما يوصل الاكل ..:secret:

عطيني أذوق أكلج اللي طالبته.. يشهي .." وطبعا ياكل ثلاث ارباع الصحن "

نزلي كمج..لما ترفعين ايدج وانتي تاكلين كمج يرتفع فوق


خلصتي..؟؟

اكلي بسرعه الله يهداج وراي الشباب في المجلس

اي حلو ؟؟ والله لج خلق..اكلي كافي مع اليهال

بالبيت أحسن لج..

عندج فاين..؟؟هاا ما عندج ..؟؟

عيل شنطه هالكبر على شنو..؟

ها حبيبتي عازمتني ..؟؟ " هذي ما اعتقد يسوونها "

وهو منزلها في البيت يقول لها ..:


هـــااا .. ما تقولين بعد ما يطلعني ...؟؟!![/SIZE]



ها .. وش رايك ..؟

يا ترى فيه حد من ذا النوعية..

[شبح الصمت]

ما وصلني على البلاك بيري !!!


غريبه لا لا هي من تأليف هتان

:eek5:

حركات


اخبر الخبر الي في البلاك طيري لانه كل شيء يطيره نص ساعة العالم بكبره يعرف

وفي منها شيء من الصحيح بس مب كله !!

[ziad1971]

الله يسامحها

ليش تتطلع معو
هههه

[خالـــــد]

اذا طلعت مع العيال وامهم

ما اروح الا للاستراحه او نطلع البر بعيد عن الناس ونطلب اللي نبغاه وناخذه معانا

هذا طبعا غير الزيارات العائليه

بعدين المفروض اللي تطلع من بيتها لا تحط مكياج ولا عطر

تحياتي

[قطر love]

ههههههههههههههههههههههههههههههههههههههههه

للحين ماجربت يوم اتزوج ان شاء الله بخبرج هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههه

بس ماعتقد انه في هذي النوعيه من الغيره + الجنون الزايد في الشباب :discuss:

اما اذا تفتحين باب النقاش ف انا اقولج :)

في شباب عكس الحبيب الي فوق :(

يخلي زوجته احلى وحده واحلى كشخه وزينه :shy:

واطول كعب ههههههههههههههههههههه :rolleyes2:

وريحه العطر من بعد كيلووو :anger1:

تدرون ليش كل هذا بس على شان يكشخ فيها في الشارع او قدام الناس :secret:

يحسب بنت الناس جوال ولا سياره :anger1:

اتكلم عن واقع تجربه لاني شفت وايد ناس نفس الحركه لحد يقولي مطلع ولا شي انما انا متاكد

[هتـان قطر]

ما وصلني على البلاك بيري !!!


غريبه لا لا هي من تأليف هتان

:eek5:

حركات


اخبر الخبر الي في البلاك طيري لانه كل شيء يطيره نص ساعة العالم بكبره يعرف

وفي منها شيء من الصحيح بس مب كله !!


لا هي من تأليفي ولا شي .. هي كما وصلتني

اللهم تعديل بعض الكلمت شوي

بس اخوي شبح الصمت اتشوف انه على حق والا لا..؟؟

او هل كل اللي قاله غلط.. والا فيه جوانب صحيحة


لان بعض الزوجات الله يهديهم .. اسم انها طالعه مع زوجها

تقعد تخيط وتبيط في نفسها.. مكيااااج .. عطر فواح..اخر شياكة

ونست او تناست انها بتمر على رجال والمكان عام مهب خاص بالنساء


والا وش رايك..؟

[ام السعف]

ماله حق يسكر عليها في المطعم المفروض يتشيك عليها قبل ما تطلع
وياه ( صج نكدي ،، اااف )،،

وين الوعد ملينا يا هتان :telephone:

[شبح الصمت]

لا هي من تأليفي ولا شي .. هي كما وصلتني

اللهم تعديل بعض الكلمت شوي

بس اخوي شبح الصمت اتشوف انه على حق والا لا..؟؟

او هل كل اللي قاله غلط.. والا فيه جوانب صحيحة


لان بعض الزوجات الله يهديهم .. اسم انها طالعه مع زوجها

تقعد تخيط وتبيط في نفسها.. مكيااااج .. عطر فواح..اخر شياكة

ونست او تناست انها بتمر على رجال والمكان عام مهب خاص بالنساء


والا وش رايك..؟




لا لا شنو على كيفها تخيط وتبيض إلا اذا زوجها معطها الخيط والمخيط شيء ثاني


لا مفروض تحشم وتحشم نفسها وتكون مستره يا زين المستره يا زين الخمار

يا زين العين من دون كحل والشيله مغطيه العين يا زين العبايه الفضفاضه

يا زينها ومافيها ريحة عطر يعني لو طباخ احلى واحلى بعد :tease:


لا اختي في منه كلام اوكي وفي منه زيادة

بس يعطيك العافيه على المخيله صراحة

بس لا تحكونا وايد ترى في اشناب تنطر على اللفه

مافي كيري ميري منيه والا منيه خربط بربط على الشباب


اها تحملوا في عيون تراقب

مالي خص

سي يو

:tease:

[هتـان قطر]

الله يسامحها

ليش تتطلع معو
هههه


زوجها ولا بد بتطلع معه

[هتـان قطر]

اذا طلعت مع العيال وامهم

ما اروح الا للاستراحه او نطلع البر بعيد عن الناس ونطلب اللي نبغاه وناخذه معانا

هذا طبعا غير الزيارات العائليه

بعدين المفروض اللي تطلع من بيتها لا تحط مكياج ولا عطر

تحياتي



هو المفروض ان الوحدة تراعي ربها قبل تراعي زوجها

بس ما تلاحظ ان كلامه كله انتقاد وبس .. يزهق

يا ترى تشوف اغلب الرجال كذا .. والا لا


:omen2:

[هتـان قطر]

ههههههههههههههههههههههههههههههههههههههههه

للحين ماجربت يوم اتزوج ان شاء الله بخبرج هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههه

بس ماعتقد انه في هذي النوعيه من الغيره + الجنون الزايد في الشباب :discuss:

اما اذا تفتحين باب النقاش ف انا اقولج :)

في شباب عكس الحبيب الي فوق :(

يخلي زوجته احلى وحده واحلى كشخه وزينه :shy:

واطول كعب ههههههههههههههههههههه :rolleyes2:

وريحه العطر من بعد كيلووو :anger1:

تدرون ليش كل هذا بس على شان يكشخ فيها في الشارع او قدام الناس :secret:

يحسب بنت الناس جوال ولا سياره :anger1:

اتكلم عن واقع تجربه لاني شفت وايد ناس نفس الحركه لحد يقولي مطلع ولا شي انما انا متاكد


عاد الله يهديه اللي قاط الحبل على الغارب..

كلكم راع وكلكم مسؤول عن رعيته

والزوجة لها عقل تفكر فيه ومحاسبه على كل شي تقوم به

ولا طاعة لمخلوق في معصية الخالق..

يعني لما بيقول لها تعطري وتكشخي واطلعي معاي... بتوافق ؟؟

لابد تكون ملتزمة بتعاليم دينها وما تطيعه في هالشي

ومردها بتكبر في عينه وبيحترمها اكثر مع الوقت

[ام السعف]

هو المفروض ان الوحدة تراعي ربها قبل تراعي زوجها

بس ما تلاحظ ان كلامه كله انتقاد وبس .. يزهق

يا ترى تشوف اغلب الرجال كذا .. والا لا

:omen2:


اييه تلقينه عين على حرام اللي اتسويه زوجته وعين حلال عليه يقز اللي تمر
واللي تضحك واللي اتمخطر واللي ... واللي .... واللي .... و عيونه
كلها نور وسرور كأنه قطو بيت ،،
وان التفت صوب زوجته صار اسد ( يا حليله ):shy:

هتان : لو سمحت قول لي اطلعي من الموضوع :(

[هتـان قطر]

ماله حق يسكر عليها في المطعم المفروض يتشيك عليها قبل ما تطلع
وياه ( صج نكدي ،، اااف )،،

وين الوعد ملينا يا هتان :telephone:



والله حاضرة بس انتظر اشارة منكم..:)


هو نكدي نكدي.. مع انه فيه من كلامه ما هو معقول

لكن اسلوبه مش ولا بد..

[ziad1971]

زوجها ولا بد بتطلع معه

ما هي اكيد عارفي قصصه معاها
وهذا الموضوع يدور باتجاهين

الاتجاه الاول : بان المرأة ما تبي اللي تحط مكياج وعطر وتحب النقد
الاتجاه الثاني : الاخ حريص اكثر من اللازم (يعني خليك وسط) .... وعقدها وعقدنا معاها

الافضلها تقعد في البيت تقابل التلفزيون وتريح راسها
بس شرط تلبس النقاب لما يدخل رجال بالمسلسل

هلا عمي<<<<<<

[هتـان قطر]

اييه تلقينه عين على حرام اللي اتسويه زوجته وعين حلال عليه يقز اللي تمر
واللي تضحك واللي اتمخطر واللي ... واللي .... واللي .... و عيونه
كلها نور وسرور كأنه قطو بيت ،،
وان التفت صوب زوجته صار اسد ( يا حليله ):shy:

هتان : لو سمحت قول لي اطلعي من الموضوع :(



لا تكفين ما تطلعين .. انا رايحه شوي وراده ..

ديري بالج على الموضوع لين ارجع

:omen2:

[ام السعف]

والله حاضرة بس انتظر اشارة منكم..:)


هو نكدي نكدي.. مع انه فيه من كلامه ما هو معقول

لكن اسلوبه مش ولا بد..

هاج الإشارة http://www.qatarfootball.com/images/smilies/qfsmilies/20.gif

[ام السعف]

لا تكفين ما تطلعين .. انا رايحه شوي وراده ..

ديري بالج على الموضوع لين ارجع

:omen2:

ما اقدر اردج ،، اشارة صارت عندج الحين :shy:

لو سمحتوا اللي بيدخل الموضوع ياخذ رقم قبل وبالدور وبالدور:telephone:

[فيزيائية]

الأخ كان (عمي) لما ركبت معاه السيارة مثلا !!ماشاف المكياج والكعب ولاشم العطر!!

ماداني الناس اللي يحنون وينتقدون وهم المسئولين عن كل المساخر اللي تصير في الدنيا !!

الزبدة: يستاهل !###

اما لاتجابل الناس هذي غيرة محمودة....

[خالـــــد]

ما هي اكيد عارفي قصصه معاها
وهذا الموضوع يدور باتجاهين

الاتجاه الاول : بان المرأة ما تبي اللي تحط مكياج وعطر وتحب النقد
الاتجاه الثاني : الاخ حريص اكثر من اللازم (يعني خليك وسط) .... وعقدها وعقدنا معاها

الافضلها تقعد في البيت تقابل التلفزيون وتريح راسها
بس شرط تلبس النقاب لما يدخل رجال بالمسلسل

هلا عمي<<<<<<


شف يا زياد

لا تطنز على النقاب احسن لك

وانت تعرف اهل هالبلد اغلبهم يعتبرون النقاب واجب

فاحترم اهل هالبلد اللي انت عايش بينهم

وهذا ثاني موضوع لك قاعد تطنز فيه على اهل قطر

[الأصيلة]

طبعا هاالنوعية فيه وكثيرين ومن زمان..
لكن ها الأيام وبنات الحين ما اعتقد يسكتون على ها الأوامر والنواهي والتفشل......
نفسهم في خشمهم ...وماتستحمل مثل حريم الثمانينات والتسعينات اللي يبلعون الحرات ويسكتون...
والله لو يدري الزوج إن أم عياله اشلون تفرح بالطلعة
معاها لو كان وين إن شاء الله يوديها......

[حليتان*]

عدل شغله

اعتقد ان البروداكاست مافيه شي غلط الا الحلو انها تاكل مع اليهال كافي !!

وشي ثاني بخصوص ان المره تدفع الحسااب

[الحياة الخالدة]

وصلني المسج ..

الله يعين بس .. بعض الحريم تطلع الطلعة من عيونها .. لو ما يطلعها أبرك ..

تسلمين أختي .. هتان


و من بعد إذنج ..


الافضلها تقعد في البيت تقابل التلفزيون وتريح راسها
بس شرط تلبس النقاب لما يدخل رجال بالمسلسل

هلا عمي<<<<<<


ما لقيت الا النقاب اتطنز عليه ..
يا شين التنكت اللي مب على سنع ..
الله يهديك بس ..

[فلتة زمانها]

صج معقد

[غايه الطواش]

الاخ مطلعها يوسع صدرها والاينكد عليها .......

[ضوى]

ياربي صج نكد اعوذ بالله شنو هذا !!!

والله لو يسوي لي جذي ماطلعت معاه مكان

[بو خليفه 123]

اذا زوجها من هذا النوع افضل لها ماتطلع معاه عشان ماتنحسب طلعه عليها و بنفس الوقت تتنكد .

و يفضل تطلع معاه حاشمه عمرها بدال الطقطقه والمكياج والحركات اللي مالها داعي (مقتبس من رسالتك بالبي بي)

و بصراحه بعض الزوجات جوهم يغث وقت الطلعه .. من يجي الاكل وهي تتحلطم على شغلها ولا رفيقاتها ولا ولا .. تخليه يكره اليوم الي عزمها فيه .

و في بعض الزوجات عسل على القلب الطلعه معاهم تسوى ألف مجلس .. :shy:


السؤال هو انتي تشوفين نفسك في اي فئه ؟
الغثيثه ولا الخفيفه على القلب ؟
و باب النقاش مفتوح على قولتك

[toomi9]

اهم نقطه
ولا تقولين مايطلعني بعد
هاااي صصصج هههههههههههههههههههههه
مذذله