انت ...,,... كمصور ماذا فعلت لدينك ووطنك ...,,... ؟؟!

[قطر love]

السلام عليكم ورحمه الله وبركاته

صباحكم \ مساكم ورد

يمكن عنوان الموضوع يكون غريب وملفت للبعض وللبعض الاخر يكون شي عادي

اول شي ماحبيت انزل الموضوع الا بعد تفكير عميق من اسبوعين <<<<< مكتشف الذره ههههههه

شرح العنوان ...,,...

المقصد من العنوان شد وجذب المصورين او هواة التصوير او كل من يحب التصوير

سواء ب كيمره احترافيه , كيمره عاديه , كيمره جوال , كيمره فيديوو , او اي نوع اخر .

بوضح لكم الفكره وانا اتكلم عن نفسي ...,,...

انا مصور بديت تقريبا من سنه ونص ك هاوي تصوير والحمدلله مع الوقت الواحد يتطور

ومثل ما انتوا عارفين انزل بعض الصور والتقارير في المنتدى ويوم من الايام نزلت تقرير وسالت واحد عن التقرير ورايه فيه والترتيب شلون كان مع الكلام والسوالف ختم كلامه بجمله خلتني افكر واعيد التفكير في هوايتي :) وكان كلامه (( ان شاء الله تسخر مجهودك في خدمه الله ورسوله )) عليه افضل الصلاه والسلام ...,,...

ومع التفكير والتعمق وصلت لحلووول كثيره ومهمه ممكن تخدم شريحه كبيره من الناس

بسبب انتشار الانترنت والمواقع في العالم كله

وانتشار هوايه التصوير بين الكل ف ليش احنا ما نستغل الي في يدنا ونسخره في خدمه الدين والوطن ...,,...

انا عندي افكاري واقتراحاتي بس حبيت اشارككم الموضوع يمكن حد عنده خبره في المجال او حد قبلي فكر في الموضوع وماقدر ينزله او حد عنده مداخلات ممكن تفيد

ملاحظه :

الموضوع من جهدي الشخصي ...,,...

ماحبيت انقل الموضوع الي الحوار العام لعدم تحويل الفكره الى النقاش بين الرفض والقبول والخروج عن المضمون ف اتمنى منكم المشاركه والدعوه للجميع حتى ان لم تكن مصورا

يمكن كلامك يكون مقنع ومفيد ليش ماتجرب ...,,...

[حليتان*]

عجبني تنبيهك والتفكير في هذا الجانب :)

الله يعطيكم العاافيه

[قطر love]

عجبني تنبيهك والتفكير في هذا الجانب :)

الله يعطيكم العاافيه

جزاك الله خير اماف على المرور واحنا لازم نستغل كل شي

من ناحيه الدين ...,,...

والوطن ...,,...

[غايه الطواش]

لما اشارك في معارض خارجيه احاول اعكس تراث بلادي ....
احاول اعكس صوره قطر....
لما اصور المراه والرجل والطفل اصورهم بالبس القطري المحتشم ...
عندي بعض الافكار للستل لايف وهي ان الصور ه تكون رساله دينيه انسانيه
بس لين الحين مانفذتها
يضايقني جدا تصوير بعض المراهقات الي في مرحله غفله ليدها لاظافرها وفيها مناكير ماسكه البي بي
شفايفها وهي عاضه سلسله لولو
شفايها ع الكوب ريها وايدها محنيات
يعني لو تدخل فلكر وحده منهم تسوي تصجمع لصوره تطلع صوره البنت

يعني الوحده ماتصور شي يغضب رب العالمين

[قطر love]

لما اشارك في معارض خارجيه احاول اعكس تراث بلادي ....
احاول اعكس صوره قطر....
لما اصور المراه والرجل والطفل اصورهم بالبس القطري المحتشم ...
يضايقني جدا تصوير بعض المراهقات الي في مرحله غفله ليدها لاظافرها وفيها مناكير ماسكه البي بي
شفايفها وهي عاضه سلسله لولو
شفايها ع الكوب ريها وايدها محنيات
يعني لو تدخل فلكر وحده منهم تسوي تصجمع لصوره تطلع صوره البنت

للاسف هذا الي صاير الحين والسبب كله الركض خلف الموديلات والموضه !!

ما احب ابتعد عن الموضوع اكثر ...,,...

ف اتمنى منج يا خيتووو غايه انج تحطين لنا اقتراحات ممكن تساعدنا في الموضوع المذكور

واعتقد انج مصوره ما شاء الله عليج ف اكيد عندج افكار تخص الموضوع ؟ّ!

[The Master]

فكرة جدا جميله...وبارك الله فيك...وجميل ما ذكرت...
ولنا عودة...مشغول هناك...احم
بس بنرجع...وغاية الطواش...فكرتك اعجبتني...الستل لايف...
ولنا رجعه...

[**هـتــــــان**]

مـــــــــــــــــــــــــــــــــــــــــــوضوع مميز اخوي قطر لوف شي طيب ...

تقدر مثلا تصور عن الرفق بالحيوان عند المسلمين ..
تقدر تلتقط صور لمئذنه مسجد وقت الغروب مع مجموعه عصافير دليل على تسبيح الله حتى من الحيوانات ..



تقدر تصور الغني جنب الفقير في الحرم والمسجد وغيرة ..


تقدر تلتقط صورة لمسن وشاب ...الخ


والله يوفقك ..:)

[Miss]

فكره ممتااازه اخوووي ..

فيه لقطااات وااايد ممكن الواحد يلتقط لها صور ..

اذكر وحده كانت في سوق واقف منقبه ومحتشمه كانت توزع صوور هي مصورتها.. وعطتني صوره .. كانت عباره عن رجل يحب راس امه .. وفوق الصورة كاتبه ايه ( وبالوالدين احسانا ) باللغه العربيه والانجليزيه ..

كانت روووعه الصوورة .. وكانت توزعها بدون مقابل .. توزع وتمشي على العربي والاجنبي

مووفق يا رب

[قطر love]

فكرة جدا جميله...وبارك الله فيك...وجميل ما ذكرت...
ولنا عودة...مشغول هناك...احم
بس بنرجع...وغاية الطواش...فكرتك اعجبتني...الستل لايف...
ولنا رجعه...



الله يبارك فيك يا بومحمد

ترى الفكره مستوحى من كلامك :)

ان شاء الله جاري التسييير على موضوعك هناك :victory:

وانتظر رجعتك

ولي تعليق على كلام غايه

[قطر love]

مـــــــــــــــــــــــــــــــــــــــــــوضوع مميز اخوي قطر لوف شي طيب ...

تقدر مثلا تصور عن الرفق بالحيوان عند المسلمين ..
تقدر تلتقط صور لمئذنه مسجد وقت الغروب مع مجموعه عصافير دليل على تسبيح الله حتى من الحيوانات ..



تقدر تصور الغني جنب الفقير في الحرم والمسجد وغيرة ..


تقدر تلتقط صورة لمسن وشاب ...الخ


والله يوفقك ..:)



المميز مرورج واقتراحاتج اختي هتان

الاقتراحات كثيره ومتنوعه والنماذج موجوده والحمدلله بس انا ابي اوصل رساله للناس

ب كيفيه التعامل مع الي بين يدينهم وكيفيه التصرف معها ان شاء الله الهدف الرئيسي راح اقوله في نص الموضوع واتمنى اشوف تفاعل مع الكل والذات مع اخواني المصورين

[قطر love]

فكره ممتااازه اخوووي ..

فيه لقطااات وااايد ممكن الواحد يلتقط لها صور ..

اذكر وحده كانت في سوق واقف منقبه ومحتشمه كانت توزع صوور هي مصورتها.. وعطتني صوره .. كانت عباره عن رجل يحب راس امه .. وفوق الصورة كاتبه ايه ( وبالوالدين احسانا ) باللغه العربيه والانجليزيه ..

كانت روووعه الصوورة .. وكانت توزعها بدون مقابل .. توزع وتمشي على العربي والاجنبي

مووفق يا رب



في لقطات وصور بس لازم يكون في تحكم في الموضوع وليس العشوائيه

وهذا انتي قلتي مثل من الامثال واتمنى البنت جزاها الله خير انه تشوف الموضوع ومع المتابعه تعرفون الهدف الاساسي من الموضوع

جزاها الله خير على الي سوته وهذا جزء بسيط من فعل الخير

اشكر لج تفاعلج مع الموضوع واتمنى انج تشاركينا اكثر مع اقتراحاتج ومشاركاتج

[HADi]

وعليكم السلام اخوي ..

الله يجزاك خير على موضوعك الطيب ..

هواية التصوير من الهوايات الجميلة والي فعلاً ممكن الواحد يخدم فيها عدة مجالات

مثلاً التقارير والتغطيات ..

وما شاء الله مثل ما شفنا الاعضاء في مسابقة اليوم الوطني كيف غطوا وابدعوا في تغطياتهم

وكذالك في قسم السياحة تغطيات الاعضاء جميله ومفيده جداً


وممكن التوجه الى التصوير الدعائي وتسليط الضوء على بعض القضايا مثل المخدرات او التدخين ...الخ


هناك مجالات كثيره اخوي ممكن الواحد يفيد فيها
واتمنى لك كل خير وشكراً مره اخرى على الموضوع

[toomi9]

موضوعك عجيب ياا اخ
انا عيزت وكبرت اهيء اهيء
خلاص اعتزلت التصوير


بس موضوعك مميز ياا ااخ
يعطيك العافيه والله وان شاء الله يصير موضوعك مثبت

اختك تومي

[.:: القيصر ::.]

السلام عليكم ورحمة الله تعالى وبركاته

جزاك الله خير

وان شاء الله

الله يكتب لك اللي فيه الخير

وفي كثير من الافكار والاشياء اللي تصورها

للدين الاسلامي

وربي يعطيك على قد نيتك


موفق اخوي


مع التحية :

القيصر

[قطر love]

وعليكم السلام اخوي ..

الله يجزاك خير على موضوعك الطيب ..

هواية التصوير من الهوايات الجميلة والي فعلاً ممكن الواحد يخدم فيها عدة مجالات

مثلاً التقارير والتغطيات ..

وما شاء الله مثل ما شفنا الاعضاء في مسابقة اليوم الوطني كيف غطوا وابدعوا في تغطياتهم

وكذالك في قسم السياحة تغطيات الاعضاء جميله ومفيده جداً


وممكن التوجه الى التصوير الدعائي وتسليط الضوء على بعض القضايا مثل المخدرات او التدخين ...الخ


هناك مجالات كثيره اخوي ممكن الواحد يفيد فيها
واتمنى لك كل خير وشكراً مره اخرى على الموضوع



ويجزيك مثله ان شاء الله يا اخوي هادي

نفس ماقلت التصوير ك هوايه وفن والحين صار ك موضه تتراكض وراها وللاسف ( البعض ) من الشباب والبنات والهدف ( موضه السنه ) بس احنا نقدر نبين لهم الهدف او عده اهداف ممكن يستفيد منها المصور او هاوي التصوير او ( لاحق الموضه ) بس انا ابي منكم انتوا الدعم المطلوب يا اخوي هادي انت ما شاء الله عليك اسم ومصور ما شاء الله من احد الناس المعروفين ف ابي منك او من اي احد غيرك سواء كان محترف او غير ذلك الدعم المطلوب بقولك هدف واحد من الاهداف المطلوبه في الموضوع ...,,...

اول شي نفس ما انت عارف اي مصور ك بدايه تصوير لازم ياخذ دوره في * اساسيات التصوير *

احنا بيكون دورنا او ليش احنا مايكون دورنا ان نمنحه دوره مجانيه عن * كيف تخدم دينك ووطنك ب كيمرتك *

الفكره نكون مجموعه من الشباب المصورين او غير ذلك * الدعوه عامه * للجميع للمصور او للناصح او من يعتقد ان كلامه ممكن يفيد احد الاخوان ليش تتردد سجل وانصح مب خسران شي ...,,...

نبذه بسيطه عن خدمه الدين ...,,...

ممكن انت وبطريقتك ك مصور تنشر اسس الدين حق الغير تغير نظره العالم عن الدين الاسلامي

* بر الوالدين * نفس ما قالت الاخت مس جزاها الله خير
* مساعده الغني للفقير *
* تصوير المصلين * لتبين للعالم ان المسلمين امام الله عز وجل جمعيهم سواء فقيرهم ام غنيهم
* المساجد او الزخارف الاسلاميه * ممكن واحد يصور مسجد قديم او عليه زخارف اسلاميه وغيرك يشوف وما يدري شنو المقصود ويكون عنده حب استطلاع وما شاء الله google ما يقصر من الزخارف الي ما قبله اساسه ومن الي رسم او من وين انطلق الرسم ف انت ب الصوره هذي عطيته مجال او نبذه صغيره عن الدين الاسلامي
* صندوق الزكاه * يمكن من صوره الصندوق وقت الازمات الماليه الواحد يفكر شلون الناس مفلسين وهم يدفعون ويتم البحث عن السبب وممكن احد يسلم على يدك او يتعلم عن دينك ما تدري العالم كم شخص فيه وكم واحد يستخدم الانترنت

هذي نبذه بسيطه عن ما قد يتظمنه الموضوع في المستقبل ان شاء الله بس ابي تفاعلكم يا جماعه الخير وان شاء الله مع الردود الجايه راح اتكلم عن كيفيه خدمه الوطن ...,,... ف اتمنى منكم المواصله والمتابعه والي عنده اي فكره حتى لو كانت صغيره قولها ولا تخجل الانترنت عالم كبير اذا احنا ما استفدنا من كلامك غيرنا بيستفيد :)

[قطر love]

موضوعك عجيب ياا اخ
انا عيزت وكبرت اهيء اهيء
خلاص اعتزلت التصوير


بس موضوعك مميز ياا ااخ
يعطيك العافيه والله وان شاء الله يصير موضوعك مثبت

اختك تومي


ليش يا تومي توج صغيره على الاعتزال

حتى لو اعتزلتي كنتي تصورين يعني اكيد عندج نصيحه او خبره في المجال

الله يعافيج ان شاء الله وان شاء الله راح اكلم الاداره لتثبيت الموضوع :)

جزاج الله خير

[قطر love]

السلام عليكم ورحمة الله تعالى وبركاته

جزاك الله خير

وان شاء الله

الله يكتب لك اللي فيه الخير

وفي كثير من الافكار والاشياء اللي تصورها

للدين الاسلامي

وربي يعطيك على قد نيتك


موفق اخوي


مع التحية :

القيصر




وعليكم السلام ورحمه الله وبركاته

ويجزيك مثله ان شاء الله يا اخوي القيصر

ويكتب للجميع يارب وياك ان شاء الله

اكيد في اشياء واشياء بس لازم يكون في تحكم و استكشاف الاشياء ال مخفيه :victory:

جزاك الله خير وخلك متابع الموضوع نبي خبرتك ونصايحك

[قطر love]

لما اشارك في معارض خارجيه احاول اعكس تراث بلادي ....
احاول اعكس صوره قطر....
لما اصور المراه والرجل والطفل اصورهم بالبس القطري المحتشم ...
عندي بعض الافكار للستل لايف وهي ان الصور ه تكون رساله دينيه انسانيه
بس لين الحين مانفذتها
يضايقني جدا تصوير بعض المراهقات الي في مرحله غفله ليدها لاظافرها وفيها مناكير ماسكه البي بي
شفايفها وهي عاضه سلسله لولو
شفايها ع الكوب ريها وايدها محنيات
يعني لو تدخل فلكر وحده منهم تسوي تصجمع لصوره تطلع صوره البنت

يعني الوحده ماتصور شي يغضب رب العالمين




اختي غايه الموضوع الي انتي تتكلمين عنه تقريبا منتشر بين اغلب ** المراهقات ** او الي يحبون الركض خلف ** الموضه **

احنا نقدر نبين لهم فوائد ** الكيمره ** او ** التصوير ** والاهداف المطلوبه او المرجوه وان شاء الله انا شخصيا انطر ردج واتمنى منج التفاعل مع الموضوع والمتابعه لتبين الفكره الاساسيه لطرحي للموضوع وان شاء الله الكل يستفيد :)

[فاروع]

الله يوفقنا في جميع المجالات

[فيزيائية]

وانا اقرا الموضوع تذكرت فلكر ممتاز عارض احاديث الرسول عليه الصلاة والسلام والاذكار والادعية بطريقة رائعة....
حسناااات جارية.

[بو خليفه 123]

متذوق للتصوير و اصور اي شي حلو بكاميرة الجوال
موضوعك يستاهل الدعم والدعوه الطيبه الصادقه من القلب

الله يوفقكم ان شاء الله و متابع للموضوع "عن قرب"

[عيون Qatar]

موضوعك جدا جميل ...
بعد سويت تقاريري استفدت منها واستفادو منها الناس في المجتمع الخليجي بالاخص ...
واحس اني مع الايام اتطور اكثر واكثر واخذ الاراء والنقد بالحسبان ...

[قطر love]

الله يوفقنا في جميع المجالات

امييييييييييييييييييين يارب العالمين

[قطر love]

وانا اقرا الموضوع تذكرت فلكر ممتاز عارض احاديث الرسول عليه الصلاة والسلام والاذكار والادعية بطريقة رائعة....
حسناااات جارية.

جزاج الله خير يا ام نونية

عليه الصلاه والسلام

هذا هدف او جزء بسييييط من اهداف الموضوع وان شاء الله الموضوع يتثبت والاقي دعم من الشباب جزاهم الله خير والفكره بتتوضح اكثر واكثر مع الايام ان شاء الله

[قطر love]

متذوق للتصوير و اصور اي شي حلو بكاميرة الجوال
موضوعك يستاهل الدعم والدعوه الطيبه الصادقه من القلب

الله يوفقكم ان شاء الله و متابع للموضوع "عن قرب"

حياااااااه الله بو خليفه 123 منور منور


حتى لو ما كنت مصور وجودك مهم يمكن نصيحه او مسلعده الكل يقدر يشارك

ونفس ما يقولون اخوانا العراقيين من القلب للقلب

جزاك الله خير على الدعم والدعوه

ويوفقك ان شاء الله وجميع المسلمين يااارب

اتمنى متابعتك للموضوع عن ** قرب ** تكون بمشاركاتك وليس فقط مشاهداتك لانه مع الوقت ان شاء الله الموضوع الاساسي بينطرح والكل بيكون له يد في انجاح الموضوع بأذن الله

[SPIRIT_OF_QATAR]

يعطيك العافيه على الموضوع الحلو
الاخوان ماقصروا قالوا افكار حلوه

مثل ماقالت الاخت بخصوص فكرة احاديث الرسول
ممكن الواحد يصور ايات مهمه وحساسه ولها تاثير في النفوس من القران الكريم
مثلا صارت لي مره توفوا ناس عزيزن علي فجات في بالي ايات من القران الكريم
متصله بالموت فمسكت كيمرتي وصورتها .. ناس عجبتهم الصوره والفكره واتوقع
كثير من الناس مسووين مثلها ..

http://farm4.static.flickr.com/3371/3476008066_98fbcbeda0_m.jpg
هاي من الناحيه الدينيه الي جاء على بالي
من الناحيه الوطنيه طبعا ابراز معالم الدوله والناحيه الجماليه سواء المناظر ولا المنشائات
وحتى الحياه الاجتماعية :)

[Red rose]

بارك الله فيك...

أنت فعلاً مساهم فعال...

إلى الأمام داااااااااااااااااااااااائماً...

:):):):):):)

[قطر love]

موضوعك جدا جميل ...
بعد سويت تقاريري استفدت منها واستفادو منها الناس في المجتمع الخليجي بالاخص ...
واحس اني مع الايام اتطور اكثر واكثر واخذ الاراء والنقد بالحسبان ...

صحيح كلامج اختي عيوني الوكرة

انتي ما شاء الله عليج مع تقاريرج سواؤ الرحلات او المطاعم تخدمين البلد ممكن في ناس ما يدرون عن هذي المطاعم او ناس كانوو مترددين وانتي شجعتيهم

او من دول الخليج يشوفون تقاريرج وهذي تعد ك نوع من الدعايه والترويج للسياحه للدوله بس على مستوى بسيط عرفتي شلون وتابعي الموضوع من قريب وان شاء الله نطلع بفايده

:victory:

[عاشق الشهادة]

وعليكم السلام ورحمه الله وبركاته



صدقت اخوي قطر love والاعضاء فيهم الخير وانت اولهم بارك الله فيك وجعلك ذخر لدينك ووطنك ان شاء الله

[قطر love]

يعطيك العافيه على الموضوع الحلو
الاخوان ماقصروا قالوا افكار حلوه

مثل ماقالت الاخت بخصوص فكرة احاديث الرسول
ممكن الواحد يصور ايات مهمه وحساسه ولها تاثير في النفوس من القران الكريم
مثلا صارت لي مره توفوا ناس عزيزن علي فجات في بالي ايات من القران الكريم
متصله بالموت فمسكت كيمرتي وصورتها .. ناس عجبتهم الصوره والفكره واتوقع
كثير من الناس مسووين مثلها ..

http://farm4.static.flickr.com/3371/3476008066_98fbcbeda0_m.jpg
هاي من الناحيه الدينيه الي جاء على بالي
من الناحيه الوطنيه طبعا ابراز معالم الدوله والناحيه الجماليه سواء المناظر ولا المنشائات
وحتى الحياه الاجتماعية :)




صح كلامك اخوي

وجزاهم الله خير الاخوان ما قصرووا في كلامهم و اقتراحاتهم

والكلام الي قلته كله صح و الله يبعد عتك الحزن ان شاء الله ويبعده عن جميع المسلمين يارب

والصوره الي انت حطيتها هي جزء بسيط او خيط من خيوط الموضوع وان شاء الله بس الموضوع يتثبت بتنطرح الفكره الاساسيه للموضوع

واتمنى متابعتك للموضوع عن ** قرب **

وجزاك الله خير

[قطر love]

بارك الله فيك...

أنت فعلاً مساهم فعال...

إلى الأمام داااااااااااااااااااااااائماً...

:):):):):):)



وبارك الله فيج ونور لج دربج

كل هذا وصلنا له من دعمكم ودعواتكم الحلوه اختي

اتمنى التوفيق لج وللجميع ان شاء الله :)

[قطر love]

وعليكم السلام ورحمه الله وبركاته



صدقت اخوي قطر love والاعضاء فيهم الخير وانت اولهم بارك الله فيك وجعلك ذخر لدينك ووطنك ان شاء الله


الاعضاء ما قصروا وفيهم الخير

وبارك الله فيك وانار لك دروبك

وحتى انت يا اخوي عاشق جزء اساسي في الفكره

من خلال تقاريرك ورحلاتك المثيره في انحاء البلاد من شمالها الي جنوبها وغربها ف انت مع رحلاتك وتقاريرك تساعد على تنميه واحياء الاماكن والمناطق التراثيه في قطر وفي اماكن حتى اهل قطر ما عرفوا عنها قبل الا من خلال تقاريرك ف هذي تساعد على تنميه التراث والسياحه


وعن موضوعك الاخير عن نظافه البر والاهتمام اكثر في الاماكن الشبه مهجوره ونصايحك عن الاهتمام في النظافه هذا ايضا واجب ديني وجزاك الله خبر على التنبيه النظافه من ** الايمان **

مهجود تشكر عليه وجزاك الله خير



:victory:

[قاسي بطبعي]

:looking:





:tease:

[قطر love]

السلام عليكم اخواني

رجعت لكم بعد اسبوع طويل ومحزن بسبب وفاة خال الوالد رحمه الله

اتمنى منكم المساهمه اكثر في الموضوع وذلك لتوضيح الدور الاساسي للموضوع

وجزاكم الله خير

[غايه الطواش]

عظم الله اجرك اخوي الكريم
االصراحه اخوي اشوف اعضاء كثار ومن غير ذكر اسامي يصورون ويحطون تقارير وايد بس للاسف تصويرهم جدا رديئ ...
ياريت تبتدي درس الاساسيات الاول

اول تدري نزل استفتاء اول شي نعرف كاميرات الاعضاء عشان اذا سئل عن شي بكامرتي نعرف شلون نرد عليه

[قطر love]

السلام عليكم ورحمه الله وبركاته

رجعت لكم وانا اسف خليت الموضوع ينزل بس كنت ناطر رد من الادراه على ** نعم ** او ** لا ** لتثبيت الموضوع والاجابه كانت ** لا ** جزاهم الله خير على التعامل وجزاج الله خير اختي روز على تعبج

والحين ان شاء الله راح نبدا في الموضوع الاساسي

[قطر love]

عظم الله اجرك اخوي الكريم
االصراحه اخوي اشوف اعضاء كثار ومن غير ذكر اسامي يصورون ويحطون تقارير وايد بس للاسف تصويرهم جدا رديئ ...
ياريت تبتدي درس الاساسيات الاول

اول تدري نزل استفتاء اول شي نعرف كاميرات الاعضاء عشان اذا سئل عن شي بكامرتي نعرف شلون نرد عليه



اجرنا واجرج يا غايه جزاج الله خير

صح كلامج اختي المشكله الواحد يوم ينزل التقرير مش الهدف هو المدح الهدف انه يعرف راي الاعضاء في التصوير او الترتيب واحنا عندنا مشكله انه البعض يمدح كل شي وكل واحد ف تشوفين الي منزل تقرير او تصويره رديئ جدا ياخذ على المدح ويستمر على الغلطه المفروض اي تقرير ينزل كل واحد يعرف وين الغلط يقوله على اساس الس كان يصور ولا اي واحد مبتدا يتعلم من النقد ويستفيد

[قطر love]

استفتاء نفس ما اتقرحت اختنا غاية الطواش


نوع الكيمره ...,,...

العدسات المستخدمه ...,,...

افضل العدسات الي في اعتقادك ...,,...

من متى وانت \ ي بديت في التصوير ...,,...

انت \ ي محترف ام مبتدا ...,,...

اكثر اهتماماتك من ناحيه التصوير ...,,...

نصيحه لواحد مبتدأ يبي يدخل في التصوير من ناحيه الكيمره والبدايه شلون تكون والدورات الي لازم يتعلمها ...,,...

نصيحه لواحد بدء ك مبتدأ ويبي يدخل مجال الاحتراف من ناحيه افضل الكيمرات , العدسات , المعدات , الدورات الفنيه , الورش , افضل اماكن تصوير , افكار ممكن تساعد ...,,...


بعد هذا الاستفتاء ان شاء الله راح تنطرح افكار جديده مع مساعده اختنا غاية الطواش جزاها الله خير تابعونا وفالكم طيب

^^^

الدعوه عامه للجميع

[بو خليفه 123]

السلام عليكم اخواني

رجعت لكم بعد اسبوع طويل ومحزن بسبب وفاة خال الوالد رحمه الله

اتمنى منكم المساهمه اكثر في الموضوع وذلك لتوضيح الدور الاساسي للموضوع

وجزاكم الله خير


عظم الله اجركم و الله يرحم المتوفي و يسكنه جنات النعيم ان شاء الله

السموحه منك يا قطر لوف مادرينا الا من مشاركتك الحين ..


و عوداً حميداً أخي الكريم ..

[قطر love]

عظم الله اجركم و الله يرحم المتوفي و يسكنه جنات النعيم ان شاء الله

السموحه منك يا قطر لوف مادرينا الا من مشاركتك الحين ..


و عوداً حميداً أخي الكريم ..


اجرنا واجرك يا بوخليفه

امييين يااارب ويرحم جميع المسلمين الاحياء منهم والاموات امييييييييين ياااااارب
ويسكنهم فسيح جناته يااارب امييين

جزاك الله خير مسموح يالغالي :)

حياك الحين شارك معنا في الموضوع :)

[HADi]

عضم الله اجرك اخوي قطر لوف.. وجعل مثواه الجنة ..





متابع للموضوع يالغالي ..

وبخصوص طرح دروس في اساسيات التصوير طرحت موضوع من سنه في هذا المجال

وكان في الاستراحة وتقريباً كان مغطي اهم الاساسيات في مجال التصوير

بس حالياً اختفى بسبب كثرة المواضيع وختلاطها في الاستراحة

قواك الله ومتابع ان شاء الله

[قطر love]

عضم الله اجرك اخوي قطر لوف.. وجعل مثواه الجنة ..





متابع للموضوع يالغالي ..

وبخصوص طرح دروس في اساسيات التصوير طرحت موضوع من سنه في هذا المجال

وكان في الاستراحة وتقريباً كان مغطي اهم الاساسيات في مجال التصوير

بس حالياً اختفى بسبب كثرة المواضيع وختلاطها في الاستراحة

قواك الله ومتابع ان شاء الله



اجرنا واجرك جزاك الله خير

اميييييييييييييين يااااااارب ويرحم جميع المسلمين يااااارب

لاتكون متابع خلك مشارك ههههههه

ابي دعم حق الموضوع لانه مابيتثبت ف ان شاء الله بخلي الموضوع دايم معلق فوق :)

بعطيك الراعي الذهبي الفضي البلاتيني الاعلامي الرسمي الالماسي ههههههه ماتم شي

لا ان شاء الله انا كلمت اعضاء وراح يتم توزيع الشغل وبيكون في دورات ودروس ومسابقات تطبيق ونوع من الميداليات الي راح تنحط في توقيع كل عضو يشارك في المسابقه بدايه كل شهر يعني اول اسبوعين درس والاسبوع الثالثه التطبيق والتصوير وان شاء الله راح يكون شي مرتب واكيد بمساعدتكم ولا تنسون في دروس فوتوشوب ان شاء الله بس اتمنى من الي طرشت لهم على الخاص يوقفون معاي :) وجزاكم الله خير

[هند88]

عساك ع القوة اخوي..
وياريت والله يكون في موضوع شامل عن اساسيات التصوير

[.:: القيصر ::.]

عظم الله اجرك اخوي

واسمح لي على التأخير

والله طال عمرك

احنا ننتظر منك الاقتراحات

وان شاء الله تكون الفائده للاعضاء :)

وان شاء الله نكون لك عون


مع التحية :

القيصر

[: بوحمود :]

يعطيك العافيه اخوي على الموضوع الي انشاء الله انه راح يكون مميز لان الهدف انك بتطلع

بصور مميزه من الاعضاء ، وفي انتظار الدروس والمسابقات .

[لافوشيا]

ربي يحفظج

[قطر love]

عساك ع القوة اخوي..
وياريت والله يكون في موضوع شامل عن اساسيات التصوير

الله يقويييييج خيتوو هند88

ان شاء الله باذن الله بيكون شامل بمساعدتكم

[قطر love]

عظم الله اجرك اخوي

واسمح لي على التأخير

والله طال عمرك

احنا ننتظر منك الاقتراحات

وان شاء الله تكون الفائده للاعضاء :)

وان شاء الله نكون لك عون


مع التحية :

القيصر



اجرنا واجرك يالغالي

مسموح ولايهمك


بخصوص الاقتراحات راجع الخاص <<<<< اشدعوه قسم السوق هههههه

جزاكم الله خير على وقفتكم :victory:

[قطر love]

يعطيك العافيه اخوي على الموضوع الي انشاء الله انه راح يكون مميز لان الهدف انك بتطلع

بصور مميزه من الاعضاء ، وفي انتظار الدروس والمسابقات .

الله يعافيك يالغالي وحياك الله منور الموضوع

بعض الاعضاء ما شاء الله احنا الي نتعلم منهم التميز :shy:

[قطر love]

ربي يحفظج



انا واحد :anger1:



ههههه حياج الله اختي ومنوره الموضوع

[قطر love]

نوع الكيمره ...,,...

نيكون d5000
العدسات المستخدمه ...,,...


Tamron 18-200

sigma 28-300


افضل العدسات الي في اعتقادك ...,,...


اعتقد المايكروو وال 18-200


من متى وانت \ ي بديت في التصوير ...,,...


سنه ونص تقريبا


انت \ ي محترف ام مبتدا ...,,...


نص نص هههه بعض الصور يوم اصورها تطلعني ك محترف والبعض الاخر تبين اني للحين مبتدا


اكثر اهتماماتك من ناحيه التصوير ...,,...


الطبيعه , الاشخاص , كل شي حلوو . كل شي جديد ونادر , او اي شي عجبني اصوره . يعني مافي شي محدد



نصيحه لواحد مبتدأ يبي يدخل في التصوير من ناحيه الكيمره والبدايه شلون تكون والدورات الي لازم يتعلمها ...,,...




اول شي يبدا بكيمره مناسبه وبسيطه ليوهق عمره ويبدا من الكيمرات الكبيره ويضيع
ياخذ له كيمره ويبدا التصوير ومع الوقت اذا شاف نفسه تمام يبدل الكيمرات ويتطور ويطور من نفسه



وعن الدورات مب شرط يروح عنده النت موفر كل شي واهم الدورات الي هي اساسيات التصوير واستخدام الكيمره

نصيحه لواحد بدء ك مبتدأ ويبي يدخل مجال الاحتراف من ناحيه افضل الكيمرات , العدسات , المعدات , الدورات الفنيه , الورش , افضل اماكن تصوير , افكار ممكن تساعد ...,,...


نخليها حق المحترفين ههههههه

[قطر love]

^^
^^

الي جاوبت عليه انا كان نموذج بسيط واتمنى من كل الي يحبون يشاركونا في الموضوع

يجاوبون على الاساله عشان نتعرف عليهم اكثر واكثر :victory: وعن خبراتهم في التصوير

[.:: القيصر ::.]

نوع الكيمره

Nikon D300

العدسات المستخدمه

- AF MICRO NIKKOR 60mm
- AF NIKKOR 28-200mm
- AF-S NIKKOR 12-24mm
- AF NIKKOR 85mm
- AF NIKKOR 80-200mm
- AF VR-NIKKOR 80-400mm
افضل العدسات الي في اعتقادك

- AF MICRO NIKKOR 60mm
- AF-S NIKKOR 12-24mm
- AF VR-NIKKOR 80-400mm

من متى انت بديت في التصوير

سنه 2008

انت محترف ام مبتدا

مبتدأ

اكثر اهتماماتك من ناحيه التصوير

المناظر الطبيعيه - الاشخاص - التصوير الرياضي

نصيحه لواحد مبتدأ يبي يدخل في التصوير من ناحيه الكيمره والبدايه شلون تكون والدورات الي لازم يتعلمها

نصيحتين في غاية الاهمية
1- عدم الاستسلام.
2- اخذ الانتقاد كرأي بناء لعمله.

نصيحه لواحد بدء ك مبتدأ ويبي يدخل مجال الاحتراف من ناحيه افضل الكيمرات , العدسات , المعدات , الدورات الفنيه , الورش , افضل اماكن تصوير , افكار ممكن تساعد؟

بما اني من مستخدمين النيكون راح اتكلم عن النيكون فقط :)

للمبتدئين
Nikon D7000
Nikon D90

للمتوسطين اللي لهم خلفية في التصوير
Nikon D300s
Nikon D700 فل فريم

للمحترفين
Nikon D3s للتصوير الرياضي
Nikon D3x للتصوير بدقه عاليه حيث ان البيكسل في هذه الكيمرا 24 ميجا بيكسل والسعر في السلام بعد الخصم (( 32 ألف ))

---------------------------

العدسات:
- AF MICRO NIKKOR 60mm
- AF-S NIKKOR 12-24mm
- AF VR-NIKKOR 80-400mm

---------------------------

المعدات :
المثبت ذة الثلاث ارجل (( ترايبود ))
فلاش (( sb800 / sb900 ))

---------------------------

الدورات :
التأسيسية
ابيض و اسود
بورتريه
الليلي

---------------------------

اماكن مفضله للتصوير :

انا من ناحيتي اماكن مفتوحه لان لو طلع بموضوع مميز من مكان

مثل البر
البحر
بيكون بذل جهد كبير في هالموضوع

وفي اماكن كثيرة للتصوير

سوق واقف - الحي الثقافي - اللؤلؤة - الكورنيش - الزبارة - العريش - برزان - خور العديد - حلبة قطر للسيارات ( الدراق ريس ) - حلبة الوسيل - المساجد .

كثير من الاماكن

-----------------

مع التحية :

القيصر