الــــسـواقين وعمـــال محطات البترول !!

[بنت الأجوادQ]

الصراحة شفت اليوم موقف قهـــرني كنت راجعة من الجامعة ووقفنا عند محطة البترول
وكنت فاتحة الشباك شفت سيارة قدامنا تصب بترول وفيها أسيوي المهم يوم خلص قال حق العامل بلهجة انجليزية ركيكة وهو أسيوي مثلة بس الظاهر مش من نفس البلد أبغي فاتورة تكتب فيها 70 ريال عشان ماما وهو عطاه 50 بس المهم يوم عطاه قاله العامل لاتنسى 5 ريال اللي تعطيني اياها دايما الصراحة انقهرت وألا دريولنا يقولي ليش تستغربين كل السواقين يسوون هالشي وكل عمال المحطات متفقين مع السواقين هم يستفيدون والسواقين بعد حتى ان كم صاحب محطه يفنش بعض العمال اذا اكتشف هالتلاعب او اذا حد أشتكى وأن يمكن 90 بالمية من السواقين هاذي شغلتهم.. أرجوكم تنتبهون أما أن تروحون وياهم بالسيارة تصبون بترول أو حد يكون معاهم وقت مايروح المحطة !!! محد كاسر خاطري الأ الحريم الكبار اللي عايشين بروحهم ويضحك عليها هالسواق صج أنقهرت

[البدع]

هل في نظام (فاوشر) في المحطات

[R 7 A L]

حسبي الله عليهم
صدق لاعبين لعبتهم

[بنت الأجوادQ]

ياليت يسوونها مثل أمريكا وأوروبا تنزل وتدفع بنفسك المشكله أحنا نستاهل لأن حياتنا صارت معتمدة على الخدم بشكل كبير

[alsenator]

الحل بسيط كرت نفس الي عند. التيسير

[Xx QATARI xX]

الحل بسيط كرت نفس الي عند. التيسير


والله الحل عقال مرعز

[جرح الزمان]

نعم كرت التيسير ممتاز لانه ما يقدر يبوق

وتخليه على نفس رقم السياره/السيارات فقط

[كازانوفا]

واللى صعب تطلع مع السايق اخر الليل عشان عندها موعد مستشفى لثاني يوم ...ايش تسوي مسكينه ؟؟؟

الله يكون بالعون

[البدع]

نتمنى من الأخوة في شركة وقود ايجاد حل لهذه المشكلة

[بوخالد911]

بل

معقووولة؟!؟

يبييلهم خيازرييين عيل

[ماريسا]

ياليت يسوونها مثل أمريكا وأوروبا تنزل وتدفع بنفسك المشكله أحنا نستاهل لأن حياتنا صارت معتمدة على الخدم بشكل كبير

أتفق مع هذا الرد

[دااانة قطر]

شدعوه .. لازم كل وااحد يعرف بكم يعبي الخزاان


يكسبون حاالهم حاال موااقف المجمعاات يصفون واللي يبي الموقف يدفع

[انتر ميلان]

كان عندنا سايق كل يومين يطلب فلوس للبترول

والله أنا اللي أطلع أكثر مااصرف للبترول كثره .. وعقبها اكتشفت طريقة

في بعض المحطات العادية (مب شرط التيسير أو وقود ) عندها كوبونات .. الكوبون الواحد بـ 10 ريالات .. شرينا دفتر كوبونات بمبلغ 500 ريال تقريبا .. وكل مايخلص البترول نعطيه 5 كوبونات

أحس ان السايق تحطم نفسيا ومعنويا عقب هالحركة :tease:

[Rider]

هي جات على كذا بس السائقين يتكسون في سيارات أهل البيت وأنا شايف هذا أكثر من مره خاص عند المستشفيات ينزل المعزبه ويروح يرزق

[boamir]

الصراحه شي يقهر صح
والمفروض إلي يعطي فلوس حق الدريول يحسب الكيلو حق الموتر كم مشى
وهني بيعرف في خلال كم كيلو الموتر يصرف كمية معينة من البترول

والله لو حد يسوي فيني جذي اصيده على طوول

خصوصا إذا في مشاوير محدده


وفي حركه ثانيه يسوونها في المحطاات مثلا يشوفونك على موتر كشخه
تجي تعبي ب 50 يقول لك الحساب 52
خصوصا لو يشوفك مب منتبه عالعدااد

مره شفت هندي صاده راعي مرسيدس ونزل وجاب المدير حقهم وسوا سالفة عوده في محطة المناصير
والهندي نفسه جا يصب لي سألته شالسالفه قال لي انا صبيت 67 وبالغلط قلت له 69 ماقريت عدل
<<قلت في نفسي بالغلط ولا تطلع لك ريالين من كل واحد وفي النهايه الله قطك بيد وااحد عشان يراويك الويل


الله المستعااان

[ziad1971]

الموضوع يرجع مش للسايق
الموضوع يرجع لصاحب المحطة لازم يكون عنده نظام اكثر من هيك

لانو السايقين كثار
من شركات ومن افراد

الافضل
محطة البترول تتبع نظام فواتير مكربنه ويتسجل فيها رقم السيارة وكم عبت
ولما يسوي جرد يبين معاه كل شيء

هلا عمي

[بومحمد911]

المفروض تبلغين ادارة المحطة بالموضوع

[بنت الأجوادQ]

مالحقت أبلغ والصراحة خفت العامل ينكر الموضوع وتنقلب السالفة علي

[Ghroor]

غريبة
المفروض اللي يعطي الدريول فلوس عارف كم تعبئة الخزان فُل وكم كيلو عشان يفضي
مو معقولة كل يومين مثلاً و70 ريال
الصراحة الغلط من الكفيل
بالمنطق ما هو عارف سياراته؟