اسعار الاراضي

[al-mskt]

السلام عليكم ورحمة الله وبركاته

يا جماعه انا اتراني ما عرفت شسالفه الاسعار اللي نسمعها غير واللي انشوفها فالمنتدى غير
والله شنو هاي الاراضي فالوسيل الفوت فيها على 130 وهني فالمنتدى على 160 و 170 شسالفه ؟
المشكله ان الاراضي اللي تنعرض كلها ماتنباع وليش لان الاسعار وايد مبالغ فيها والسوق اصلاً ميت وفيه ركود غير انا الدلالين ههم اللي واهمين الناس ان الاراضي ارتفعت اسعارها علشان مصالحهم طبعا واغلب الاراضي اللي معروضه صار لها شهر و فوق ولين اللحين موجوده وما انباعت ممكن اعرف ليش ؟
طبعاً لان الاسعار مش اسعار السوق

واتمنى اني اشوف ردودكم على الموضوع

وشكراً

[Delete]

كلام سليم 100%

[al-mskt]

:thumbup1: تسلم اخوي دليت

[سلطان_قطر]

الاراضي اللي رفع اسعارها هم الدلالين فقط
لوهم الناس ان السبب استضافتنا لكاس العالم
والمشكله ارفعوا اسعارهم ولافي احد قاعد يشتري اصلا ولا براضيين ينزلون الاسعار

يعني بذمتكم معقوله الاراضي في المشاف السنه اللي طافت الفوت من 45-60 والحين 130-150؟؟؟؟؟

[busnaidah]

تبي الصراحة. مشكلة اللي يصدق الاسعار اللي تنكتب في المنتدى. للاسف فيه ناس وايد تصدق وتعتبر هالاسعار حقيقية. يايعرض حلاله على اساس اسعار المنتدى او ينقل خبر بيع ارض عن طريق المنتدى على سعر معين والموضوع كله وهمي. بهالطريقة الاسعار ماتنزل والسوق يموت. مجرد رأي شخصي يحتمل الخطأ او الصواب.

[hommos]

يا اخوان شوفو جريدة الوطن اليوم وشفو النشرة الحقيقيه من ادارة السجل الاسعار يلي تنباع فيها الاراضي مو بالاسعار يلي مطلوبه بسوق ابدا

[المستثمرVIP]

صحيح يالطيب

[alkoos]

كلامك صحيح انا شايف نفس الشي اشتر من برع المنتدى ابرك لك

[atiq]

كلام سليييييييييييييييييييييييييييييييييييييييييييييم

[ورد2022]

كلام صحيح

[al-mskt]

اشكر كل من رد على الموضوع
وتفاعل معاي

[فاروع]

إخواني السوق عرض وطلب ، رضا وقبول محد يشتري بالقوة ولا يبع بالقوة والأرزاق يقسمها رب العالمين سبحانه وتعالى ولو الاراضي سعرها بيد الدلالين ما نزلت أسعارها اكثر من النص في اقل من سنتين. وكل شي قسمة ونصيب

[الفهد1]

قلنالكم محد متلاعب في اسعار العقارات الا سماسرة

[al-mskt]

إخواني السوق عرض وطلب ، رضا وقبول محد يشتري بالقوة ولا يبع بالقوة والأرزاق يقسمها رب العالمين سبحانه وتعالى ولو الاراضي سعرها بيد الدلالين ما نزلت أسعارها اكثر من النص في اقل من سنتين. وكل شي قسمة ونصيب

اشكرك على المرور و التعليق اخوي فاروع
بس اعتقد ان يوم انزلت الاراضي كانت من الازمه الماليه اللي حصلت للعالم كله

[limit_X]

:nice:والله انا معاك 100% اذ على هالحال كم بيوصل سعر الارض؟؟ وليه كله في طلوع يعني محد يتوقع نزول ؟!!

يعني صارت من سنتين ويمكن في اي وقت تصير...!! وتنباع الاراضي السنة الجاية بنص السعر

الله العالم محد يعرف....بس اكيد في حد للارتفاع :victory:

[ابو تركي]

كلامك صحيح

[حسن]

هناك اسعار غير حقيقيه ولا حظ نشره السجل العقاري السعار فييها غير والواقع غير والمشكله سواقين التريلات عقب الركود توجهو للادلاله علشان ارباحه كبيره ووبدون تعب اتمنى من الدوله تسوي سوق عقار مثل البورصه ونفتك من السماسره:victory:

[بايع بايع]

100% صحيح

[تلفزيون قطر]

كــلام صحيح 100%

بــس مــن يــسمـعـك

[مشتاقة لقطر]

نتمنى حد ينزل النشرة للاسعار يوميا هنا

[CH Engineer]

للرفع

[U Welcome]

يالربع عي جات على الاراضي بس
حتى المواتر وارقام السيارات وارقام الجوالات
المعروض بالمنتدى كلها فووووووق عن السوق

[KSK Logistic]

مش دائما اخوي فية اشيء تتوفر في المنتدى ارخص