استفسار بشأن مدرسة الحماد المطورة

[umabdulla77]

اخواني وخواتي / السلام عليكم ورحمة الله وبركاته

ياريت حد منكم يفيدني بخصوص مدرسة الحماد المطورة : من ناحية المنهج والمعلمين هل في اختلاط بين الطلاب والطالبات هل مهتمين باللغة العربية والتربية الاسلامية ( بالنسبة للمرحلة الابتدائية والمراحل الاخرى ) وللروضة من اي عمر ممكن يسجلونهم + الرسوم

ياريت ضروري اذا ماعليكم امر تفيدوني


ولكم مني جزيل الشكر والتقدير

[umabdulla77]

ماشاء الله 24 مشاهدات ولا حد يعرفها :(

[boamir]

انا اعرف مكانها بس :d

بس ماعندي خلفيه عنها ابد

ان شاء الله يفيدونك الأعضااء

[umabdulla77]

تسلم اخوي عالرد

حتى انا اعرف مكانها بس ابي حد عياله هناك او حد من قرايبه
ويفيدني عن تجربة

لان بنتي في المها ومسكينه تعبت من مشوار الروحة والردة لانها صارت بعيدة كونا في الوكرة وهي بعين خالد
فقلت اذا هالمدرسة زينة بنقل بنتي لها على الاقل اقرب مايسوى عليها وعليه من 5 ونص تطلع الصبح وماتدخل البيت الا 2 ونص او 3 الا ربع والسبة الزحمة وتكون مهدودة من قلب مالها مزاج تراجع اللي خذته على العلم ان مدرسة المها بالنسبة لي من المدارس الممتازة ويعز علي اطلع بنتي منها بس هي تعبت

[ام السعف]

ياليتني كنت اقدر افيدج بشكل مباشر ،،

لن الأيام هذي تلقين كل يمدح المدرسة اللي عياله فيها
فما نقدر نحكم على المدارس الا بعد تجربتها ،،

وان شاءالله يتجاوبون معاج الاعضاء اللي عندهم معلومات في هالموضوع ،،

[h2004]

اعرف واحد دخل ولده المرحلة الاعدادية فصل دراسي واحد فقط وبعدين رده مدرسته المستقله مره ثانية هذا الكلام العام الماضي وكان له انتقادات على قلة خبرتهم في التواصل مع الطلبة القطريين واولياء الامور ونظام المتابعة والتقييم واذا اردتي التواصل معه ممكن ارسل لك ايميله او رقمه والله الموفق

[nalqadah]

السلام عليكم أنا ابني بالمدرسة من kg2 والآن بالصف الأول. الصفوف مختلطة .المواد بخلاف اللغة العربية والتربية الإسلامية ممتازة جدا أما هما فهو دون المستوى المطلوب حيث انه اجتهاد شخصي من المعلمة وليس كالباقي كتب معتمدة تأتي من الخارج. الرسوم للصف الأول بحدود 12 ألف تزيد أو تنقص بقليل وغير شامل الباص. التسجيل من عمر 4 سنوات أعتقد ولكن يبجب على الطالب أن يخضع لاختبار مستوى اذا كان سيلتحق من kg2 وما فوق. بشكل عام المدرسة أفضل بكثير من شبيهات لها.

[الوان]

تسلم اخوي عالرد

حتى انا اعرف مكانها بس ابي حد عياله هناك او حد من قرايبه
ويفيدني عن تجربة

لان بنتي في المها ومسكينه تعبت من مشوار الروحة والردة لانها صارت بعيدة كونا في الوكرة وهي بعين خالد
فقلت اذا هالمدرسة زينة بنقل بنتي لها على الاقل اقرب مايسوى عليها وعليه من 5 ونص تطلع الصبح وماتدخل البيت الا 2 ونص او 3 الا ربع والسبة الزحمة وتكون مهدودة من قلب مالها مزاج تراجع اللي خذته على العلم ان مدرسة المها بالنسبة لي من المدارس الممتازة ويعز علي اطلع بنتي منها بس هي تعبت

اختي انا قبل ما احط بنتي في خديجه

لفيت على مدارس وايد

المها و القادة و كمبردج و الارقم و في الاخير حطيتها في خديجه

لأن نفس المناهج ..و نفس الاسلوب في ادارة المدرسة و نفس جنسيات المعلمات

ما فيه اي فرق

لما تفكرين انج تسجلين عيالج في اي مدرسة

اطلبي منهم ان يراونج المناهج خاصة مناهج المواد الاساسية

و اطلبي منهم ان ياخذونج في لفة على المدرسة و مقابلة مدرسات الصف اللي بيحطون فيه بنتج

شوفي المكان .. المدرسات .. التلميذات ... و قابلي المديره اذا قدرتي او النائبات

و بعدها تقدرين تحكمين على المدرسة

و لا تاخذين على كلام الناس لأن الكل يقول تجربتة الشخصيه

بس لما تاخذين الامور الاساسية اللي ذكرتها لج و تقارنين بين المدارس

بتقدرين تحكمين بنفسج اذا المدرسة زينه او مب زينه

مثل ما قلت لج

المناهج - المعلمات - الادارة - التلاميذ

و لا تفكرين بشكل المبنى لأن في ناس وايد مهم عندهم شكل المبنى و ينسون الامور الثانية

[umabdulla77]

ياليتني كنت اقدر افيدج بشكل مباشر ،،

لن الأيام هذي تلقين كل يمدح المدرسة اللي عياله فيها
فما نقدر نحكم على المدارس الا بعد تجربتها ،،

وان شاءالله يتجاوبون معاج الاعضاء اللي عندهم معلومات في هالموضوع ،،

تسلمين اختي الغالية كفاية تجاوبج معاي ومؤازرتج لي بالرد

[umabdulla77]

اعرف واحد دخل ولده المرحلة الاعدادية فصل دراسي واحد فقط وبعدين رده مدرسته المستقله مره ثانية هذا الكلام العام الماضي وكان له انتقادات على قلة خبرتهم في التواصل مع الطلبة القطريين واولياء الامور ونظام المتابعة والتقييم واذا اردتي التواصل معه ممكن ارسل لك ايميله او رقمه والله الموفق

يعطيك العافية اخوي عالرد وماقصرت

[umabdulla77]

السلام عليكم أنا ابني بالمدرسة من kg2 والآن بالصف الأول. الصفوف مختلطة .المواد بخلاف اللغة العربية والتربية الإسلامية ممتازة جدا أما هما فهو دون المستوى المطلوب حيث انه اجتهاد شخصي من المعلمة وليس كالباقي كتب معتمدة تأتي من الخارج. الرسوم للصف الأول بحدود 12 ألف تزيد أو تنقص بقليل وغير شامل الباص. التسجيل من عمر 4 سنوات أعتقد ولكن يبجب على الطالب أن يخضع لاختبار مستوى اذا كان سيلتحق من kg2 وما فوق. بشكل عام المدرسة أفضل بكثير من شبيهات لها.

ماقصرت اخوي عالرد ويعطيك العافية

[umabdulla77]

اختي انا قبل ما احط بنتي في خديجه

لفيت على مدارس وايد

المها و القادة و كمبردج و الارقم و في الاخير حطيتها في خديجه

لأن نفس المناهج ..و نفس الاسلوب في ادارة المدرسة و نفس جنسيات المعلمات

ما فيه اي فرق

لما تفكرين انج تسجلين عيالج في اي مدرسة

اطلبي منهم ان يراونج المناهج خاصة مناهج المواد الاساسية

و اطلبي منهم ان ياخذونج في لفة على المدرسة و مقابلة مدرسات الصف اللي بيحطون فيه بنتج

شوفي المكان .. المدرسات .. التلميذات ... و قابلي المديره اذا قدرتي او النائبات

و بعدها تقدرين تحكمين على المدرسة

و لا تاخذين على كلام الناس لأن الكل يقول تجربتة الشخصيه

بس لما تاخذين الامور الاساسية اللي ذكرتها لج و تقارنين بين المدارس

بتقدرين تحكمين بنفسج اذا المدرسة زينه او مب زينه

مثل ما قلت لج

المناهج - المعلمات - الادارة - التلاميذ

و لا تفكرين بشكل المبنى لأن في ناس وايد مهم عندهم شكل المبنى و ينسون الامور الثانية

كلامج عين العقل اختي وربي ايسر لنا ولكم وللجميع الخير

[غروب الشمس]

انا ثلاثه من عيالي فيها صف الاول والثالث والرابع
طاقم التدريس جنوب افريقيا هم الاغلبيه وشوي عرب من مصر ولبنان
مديره المدرسه من جنوب افريقيا كانت مديره مدرسه المدرسه الامريكيه اللي بالمطار
ونائب المديره مصري مسلم ممتاز بصراحه
رسوم الدراسه كل مرحله المبلغ يزيد وعندهم اختبار القبول الحمد لله دخلتهم لما افتحوها
فما كان في اختبار افتكيت اللي اعرفه في حضانه الى الصف اول ثانوي فقط ومنهجهم امريكي
المدرسين مستواهم زين بس ولدي اللي باالرابع يشتكى من مدرسه الانجليزي وحلينا المشكله مع
نايب المدير اما البقيه ممتازين ترى اقول لك منهجهم صعب وايد وعلى طول واجبات وبروجكت
وامتحانات غير الاملاء اسبوعيا



هذا اللي اقدر افيدك واي سؤال حاضره ماطلبتى شي