الم في الركبه ويقول الدكتور ورم

[q6r2009]

السلام عليكم ورحمة الله وبركاته...وحده من قريباتي كان يجيها الم في الركبه وطلب لها الدكتور تسوي اشعه وبعد ماشاف الاشعه قال لها فيه ورم قريب من المفصل والغالب الاورام هذي ماتنتشر ... وطلب لها تصوير اوضح اللي هو الرنين المغناطيسي عشان يتاكد من اللي شافهً ... سؤالي من قد مر عليه نفس الحاله ؟ ومن الدكاتره اللي تنصحون تروح لهم؟ للعلم الفحص والدكتور من مستشفى حمد ... وياليت تدعون لها بالعافيه .. اللهم رب الناس مذهب الباس اشفها وانت الشافي لاشفاء الا شفاءك.. شفاء لايغادر سقما*

[إلا..إذا]

الله يشفيها ويعافيها ويشفي مرضانا ومرضى المسلميمن
انصحيها بالاستغفار
والصدقه بنيه الشفاء (ذبيحه توزعها على الفقراء مب الاهل
من ثم تروح للدكتور بات اذا للحين موجود بعياده الدوحه ممتاز

[ضوى]

دام طلب منها اشعة الرنين المغناطيسي خلها تسويها ومن عقبها تقرر لانه على اساس هالاشعة كل شئ يتحدد ، وتقدر تطرش الاشعة خارج الدوحة او اي عيادة خاصة وتتاكد

[راعي البيرق]

عليها باسبيتار وبس

[h2004]

اعرف واحد عنده نفس الحاله تقريبا ومانفعهوه بعدالله الا اسبيتار بس ضروري الاستمرار مع مستشفى حمد لانه لاقدر الله اذا طلع ورم محد سيقوم بالعملية غير مستشفى حمد وعليكم بالاستغفار في كل الحالات ورب يشفيها

[بـــــــنت النوخـّــــذه]

يمكن ماي متجمع في الجهة الي فوق الركبه وبالكشف اليدوي يبين انه ورم 000

عموما " في صالح اليزيدي ف العمادي معروف ومتخصص اذا حابه سوي الرنين بمستشفى حمد وروحي له بمستشفى العمادي ووريه لان تكلفه الرنين بالعمادي تقريبا" 1600 ريال وتعتمد على موقع الرنين بالجسم وين بالضبط

وتطمني اجر وعافيه ومافيها الا الخير 0000

[meme~qatar]

الله يشفيها

[q6r2009]

جزاكم الله خير جميع.. والدكتور طلب تسوي رنين مغناطيسي وتصوير كثافة العظام والثاني ماله جهاز الا في مستشفى حمد.. يعني لازم تتنتظر الموعد...

[مكتوم]

اختى خلها تروح سبيتار استشارين وبروفسورز

تحملي مستشفى حمد ولا غيره !! نصيحه لله

[بوسحيم]

الدكتور صالح اليزيدي في مستشفى العمادي

[q6r2009]

جزاكم الله الف خير

[روح الاطلس]

لو موعد الرنين بعيد خليها تروح تاخذ موعد في مستشفى الخور عادي يعطونها بس لا تتأخر او على الاقل تروح الاهلي وتسوي الرنين هناك فيه دكتور اخصائي اشعة يسوي لها وتاخذ السي دي وتعرضه على حمد والنتيجة بنفس اليوم على الاقل تتطمن وترتاح وطمنينا عليها

[الحره]

اللهم رب الناس مذهب الباس اشفها وانت الشافي لاشفاء الا شفاءك.. شفاء لايغادر سقما

[شبيــه الريح]

انصح بالدكتور عمر عبدالقادر بعيادة الدوحه اللي بشارع النصر متخصص بالعظام والركبه

[Roooo7 Qtr]

نصيحه خليها تروح اسبيتار احسن من القصابيين مستشفى حمد
خلها تروح عند دكتور عبالله العتيق في اسبيتار متخصص في المفاصل
واذا ع التصوير .اذا بتاخذ موعد من مستشفى حمد بتاخذ مده خلها تروح مستشفى الاهلى تدفع 700ريال وتاخذ الصور في نفس اليوم انا من فتره مصور عندهم احسن من مواعيد حمد

[q6r2009]

السلام عليكم..جزاكم الله خير عالردود وحبيت اذكر ان الورم في العظم وانا كنت فاهمه انه جنب المفصل .. اللي مرت عليه نفس الحاله يقول لي شسوى *

[deema117]

الله يشفيها ويعافيها ويشفي مرضانا ومرضى المسلميمن
انصحيها بالاستغفار
والصدقه بنيه الشفاء (ذبيحه توزعها على الفقراء مب الاهل
من ثم تروح للدكتور بات اذا للحين موجود بعياده الدوحه ممتاز


وآنا بعد اقترح عليكم تعرضون المريضة على دكتور بات وهو مازال موجود في عيادة الدوحة

من شهر كانت عندي مراجعة عنده .. وما تشوفون شــر إن شاء الله

[q6r2009]

السلام عليكم..جزاكم الله خير عالردود وحبيت اذكر ان الورم في العظم وانا كنت فاهمه انه جنب المفصل .. اللي مرت عليه نفس الحاله يقول لي شسوى *

اللي مرت علهم نفس الحاله يردون علي تكفون:weeping:

[gulfstar]

الله يشفيها ويعافيها ويشفي مرضانا ومرضى المسلمين يارب احسن شي خليها اتروح تايلند عندهم مستشفي تخصص عظام ومشهور والباقي على الله

[قــ502ـطرالعز]

الله يشفيها انشالله ..... نصيحه خذ التقارير وطير على تايلاند المستشفى الملكي ولا الامريكي لاتخليهم يسون لها شي في مستشفى حمد ابد ابد ابد ركز على الاصرار انا واحد من المتضررين من هالمقصب الالي

[الأصيلة]

نعم وحده من بنات عمي صابها ورم عند الأربط تحت الركبة
بس قالها الدكتور مايحتاج عملية فقط مع الأدوية بيخف وهي تحس بألم شديد...

[طــمــوحــة]

خليها تروح لدكتور بات في عيادة الدوحة

وما عليها شر ان شاء الله

[abu abdulla]

الحمدالله والصلاة والسلام على سيد المرسلين

حالة المريض النفسيه نصف العلاج ودائما التشخيص السليم وصرف الدواء المناسب باذن الله يتشافى المريض بس اذا المريض اضطربت حالته النفسيه صار ما يستجيب للدواء وكذلك التشخيص اذا كان غير صحيح تكون مشكله كبيره.
النصيحه خذ مريضك على مستشفى بانكوك واول يوم توصل سيتم عمل التحاليل والفحوص مهما كانت متقدمه وستاخذ النتيجه باذن الله قي اقل من 3 او 4 ايام.
اعلم اخي ان المشافي هو الله سبحانه ليس الطبيب او الدواء وعليكم بالاستغفار والصدقه(داووا مرضاكم بالصدقه).
الحمدالله على نعمة الاسلام وعلى الصحه والامن والايمان وسبحان الله الخالق الواحد الفرد الصمد المشافي التواب الرحيم واللهم صل على سيدنا محمد وعلى اله وصحبه اجمعين...
نسأل الله الشفاء التام لمريضكم ولمرضى المسلمين وان يلطف به واجر وعافيه

[فيصـــل]

ماتشوفون شر ان شاء الله والله يشفيها يارب ..

دام السالفه فيها الم ركبة .. عيل يبيلها دكتور عظام او مفاصل مختص

مر الله لايهينك معاها مستشفى اسبيتار التابع لـ اسباير .. يمدحونه وحتى يجونه لعيبه من اوروبا يتعالجون فيه

والله يشفيها ويشفي جميع مرضى المسلمين

[q6r2009]

جزاكم الله خير

[نــــظــــره]

الله يشفيها وان شاء الله مايطلع فيها الا شي بسيط يزول باذن الله

اللهم رب الناس مذهب البأس اشفها وانت الشافي لاشفاء الا شفاؤك شفاء لايقادر سقما

[ابن الجزيرة]

السلام عليكم ورحمة الله وبركاته...وحده من قريباتي كان يجيها الم في الركبه وطلب لها الدكتور تسوي اشعه وبعد ماشاف الاشعه قال لها فيه ورم قريب من المفصل والغالب الاورام هذي ماتنتشر ... وطلب لها تصوير اوضح اللي هو الرنين المغناطيسي عشان يتاكد من اللي شافهً ... سؤالي من قد مر عليه نفس الحاله ؟ ومن الدكاتره اللي تنصحون تروح لهم؟ للعلم الفحص والدكتور من مستشفى حمد ... وياليت تدعون لها بالعافيه .. اللهم رب الناس مذهب الباس اشفها وانت الشافي لاشفاء الا شفاءك.. شفاء لايغادر سقما*

مادام الطبيب المختص قال ان هذه الاورام ما تنتشر فهو يعني ما قاله

يعني الاورام تستطيعي ان تقسميها الى ثلاث اقسام

اورام خبيثة

اورام ممكن ان تتحول الى خبيثة

اورام حميدة واعتقد ان هذا هو النوع الذي تعاني منه واحيانا يعثر عليه بالصدفه من خلال التصوير

يعني تعمل تصوير للركبة لانك تشعر بالم فيها ربما ناتج عن اصابة ويبين ان هناك ورم في العظم احيانا نهاية عظمة الفخذ او في عظام اعلى الساق


هناك اورام مثل الاستيوما الاستيوداستيوما واورام عظمية اخرى هي الغالبة هنا وهي حميدة عادة

ولا يحتاج لها الا المتابعة كل ثلاثة الى ستة اشهر عمل اشعة للاطمئنان


طبعا مستشفى حمد سوف يعملوا لك الرنين المغناطيسي وايضا البون اسكان للتاكد من التشخيص

رايي الانتظار لعمل الفحوصات في حمد لان البون اسكان لا يوجد الا هناك

اسبيتار لا انصح بالذهاب الى هناك هو اصلا تخصص اصابات رياضية ولكن احنا مع الخيل يا شقراء

تايلند ايضا

اعملي الرنين والبون اسكان واذهبي الى عيادة حمد المسائية واطمئني جدا


للعلم من ضمن الاورام الحميدة حبة الخال والاكياس الدهنية بانواعها


اتمنى لك الشفاء

[روح الاطلس]

البون سكان اظن موجود بمستشفيات ثانية بعد غير حمد

المهم اختي وقبل كل شي تسوي الرنين والبون سكان نفس ماطلب الدكتور ومن الاشعة بيتضح ان شاء الله نوعه والطبيب بيقرر لو ياخذ خزعة ويسوي فحص خلايا او يكتفي بالاشعة فقط وبإذن الله يكون كل شي على مايرام

[بنت سلمان]

الله يشفيها يارب نصحيه لوجه الله اسبيتار وبس للركب وب الاخص الدكتور الفرنسي كما يقول المثل اسئل مجرب انا لي تجربه معهم مافي اي غبار عليهم بعد رب العالمين هو الشافي والعلاج الطبيعي عندهم اخلاص وذمه وخاصه المعالجه تفيده اسم الطبيب الفرنسي ليونارر كافي انه طبيب الحبيب الغاللللللللللللللللللللللللللللي ابو مشعل حفظه الله من كل شر ااااااااااااااااااااااااااااامين

[q6r2009]

جزاكم الله خير

[basma222]

اللهم رب الناس مذهب الباس اشفها وانت الشافي لاشفاء الا شفاءك.. شفاء لايغادر سقما

اختي كانت نفس الحاله وتعالج في البحرين عند الدكتور عبدالرحمن فخرو قال لها عملية بس هي ارفضت وعطاها علاج