لماذا يا مسؤولين عن سوق السمك . . . .

[سوق واقف]

السلام عليكم ورحمة الله وبركاته

كتابي هذا موجه الى المسؤولين عن سوق السمك المركزي . . .

لماذا يتم إغلاق سوق السمك الساعه الواحده ظهرا وممنوع اي عامل يبيع لك سمك بعد هذا الوقت . . .



لماذا ؟

الصراحة أمس رحت أشتري بعد الدوام . . . . والسمك موجود بكثرة بس تم رفض البيع لي بحجة أنه ممنوع بيع السمك بعد الساعه وحده . . .

لماذا هل هناك سبب مثلا ....

[ROSE]

بعد الساعة وحده على طول تقصد يعني طول اليوم مافيه بيع ؟

[سوق واقف]

:anger1:
بعد الساعة وحده على طول تقصد يعني طول اليوم مافيه بيع ؟

لا والله ما سألت متى يفتحونه لأني كنت معصب

[Rider]

والله ياخوي سوق السمك مادري اذا كان يفتح في الفترة المسائية ولا لا بس ليش تعب نفسك روح المجمعات الكبيرة نفس كارفور التموين العائلي عندهم سمك على كيفك

[شموخ دائم]

,

,


مرحبا

سوق السمك يعمل فتره صباحية فقط

والسبب هو تواجد دكتور البلديه لمتابعه وضع السمك هل هو طازج او غير صالح للاكل
تعرفون السمك يفسد بسرعه وكثير من الناس ما يعرف حاله السمك

ودوام الدكتور مرتبط بدوام البلديه فتره صباحية فقط
لذلك ممنوع البيع بدون تواجد الدكتور حرصا على سلامه الناس
:)

اعتقد الحل المناسب واحنا في 2011 وكثره مشاغل الناس
يكون هناك فترتين للبيع صباحي ومسائي
وتواجد دكتور اخر للفتره المسائيه

وتقدر تروح الميناء ( الفرضه ) وتشتري سمك طازج من الصيادين
المغرب وبسعر ارخص من السوق
:)



,

,


اخوك


شموخ دائم

[MAZEN37]

كلام شموخ صحيح
بس الملفت اليوم كنت هناك -شتريت ورحت انظف السمك والله لا يوريكم مكان التنظيف
حرام - ليش مايكون العرض والتنظيف مثل اللولو والمجمعات ؟

[nadeemy]

سوق واقف خذ نصيحه مني لا تشتري سمك من الشبره , نادرا ما تلاقي السمك فرش سواا كان فيه دكتور او مافيه , السمك يجي الفجر ويحرجون عليه وهو اصلا مثلج صار له كم يوم في ثلاجة السمبوك , وبعدين يعرضونه للبيع , وهم يصرخون مال اليوم مال اليوم وكله كذب ,
عليك بالخور , صحيح بعيد شوي لكن الروحه تسوى , مكان نظيف وبدال مكان التنظيف فيه مكانيين اثنين والمكان مفتوح والتهويه ولا اروع , والاهم من هذا كله السمك فرش وطازج والاحلى بعد الاسعار والاروع انهم يجيبون السمك يحرجون وانت واقف واذا السعر يناسبك حطه وشيل انا امس كنت هناك وهذي اسعار امس وانت احكم
خيشة طحين مليانه قباقب حي يلبط بـ60 ريال ( ما ادري كم كيلو

ربع خيشة ام الربيان حي يلبط ( 220 ريال ) تقريبا 6 او 7 كيلو
الصافي 18 ريال الكيلو
السبيطي 30 ريال الكيلو ( انا ماشفت سبيطي في شبرة الدوحه يمكن من عشر سنوات
جرب يوم روح وتذكرني وبالتوفيق

[القيادة]

أتمنى يجددون سوق السمك

ومالك الا الفرضة شي فرش قدام عينك.

[Right]

يمكن بعد الساعة وحده الظهر ... يردون السمك للبحر

يعني

" إعفاء من الخدمة قصدي إعفاء من البيع " :nice:

[بـــــــنت النوخـّــــذه]

كل وظيفه لها دوام محدد

وبالنسبه للسمك بعد الساعه وحده يحول للمجمعات والمطاعم و000الخ يشترونه مايتم شي اصلا"00 وممنوع ينباع ثاني يوم ولا بعد فتره 000

بس ملاحظه اتمنى توصل للمسؤولين :

ليش ماتنظفون سوق السمج من الداخل البلاط اسود من الوصاخه ونقعه الماي المزفر بكل صوب 000داخل المكان اتمنى يكون سوق السمج ارقى اشوي من هالمنظر 0000

[R 7 A L]

الفروض يكون السوق قريب من الفرضة على شان مايفسد بسرعة

[السهم الملتهب]

الفرضة وبس بصراحة

الفرضة شي فرش قدام عينك لا سوق السمك ولا بطيخ أسعارهم غالية ومب طازج وناااااادر

لكن الفرضة اسعار جيدة و أسماك طازجة

فرق بصراحة مش بسيط

[سوق واقف]

آراء جميلة

[Doha Sun]

اتعامل مع التموين العائلي عندهم سمك عجيب