كورس تخرج اعلام بس بعيد السمستر عشان "الاحصاء" فديت جامعه قطر

[abdo222]

سلام عليكم ،، هذي مب شكوه على جامعه قطر من ناحيه التوفل حقهم ولا التأسيسي ولا القبول ،،

هذي الشكوى لطالبه "كورس تخرج" تخصص اعلام وترسب في ماده احصاء وتعيد سمستر كامل عشان هال الماده !!! عسى ما شر!!

خلنا نعرف جمله "متطلبات عامه" في جامعه قطر،، اهي المواد الي "تساعد" الطالب انه يكمل تخصص وتساند مواد التخصص ،،

الاعلام كله مواد ادبيه والي يروحه يكون هارب من العلمي ومن مواد العلمي ،، من المتطلبات العامه ماده "الاحصاء والجبر" ،، على اساس مكتوب جنب كل ماده "مب للعلمي" ،،

المهم تم اخذ هال المادتين في كورس التخرج ،، وهال الكورس فيه تدريب للمشروع،،
ماده الجبر والاحصاء كانوا مب حق ادبي الدليل انه الي تخصصهم رياضيات اهم الي نجحوا في الاحصاء بس !! يعني الي تخصصهم علوم سياسيه والاعلام والفنيه ماقدروا ينجحون ،، هذا معناه ان الماده حق ادبي !!!؟

بالنسبه للجبر نجحت الحمدلله بنسبه 60.14 ٪ يعني بالدز وهذا مع المدرسين الخصوصين و لو لا الله ثم المدرسه الخصوصيه ماجنت عديت هال الماده ،، فاقول الله يعين الي مايقدرون ياخذون دروس خصوصيه ،،

بالنسبه للاحصاء بنات الاعلام (6بنات) راسبين بقوه "اعلى درجه فيهم 53٪،، وبنات الي تخصصهم رياضيات وهندسه نجحوا طبعا ما شاءالله عليهم والله يوفقهم ،، وتيي الجامعه تقول هال الماده سووها "للادبي"،،

الزبده انه الي له 6 سنين في الجامعه وياخذ في كل مواد التخصص فوق ال 80 و مشروع التخرج 90 ويي في ماده متطلبات عامه ويرسب فيها ويعيد سمستر كامل عشان ماده اسمها "متطلبات عامه" !! الي اهي على اساس تساعد اني اخلص مواد التخصص !!! عسى ما شر !!

لو الجامعه تخفف من مستوى هال الماده شبيضرهم !!! يعني بنات الاعلام بييون بكره يستخدمون الاحصاء ويخربون احصائيات البلد !!! هذا مب امتحان سواقه الي يرسب يكون لمصلحته !!

المهم قدر الله وما شاء فعل ،، والله يعينكم ياطلاب جامعه قطر

[JN000N]

السلام عليكم


اخوي بس حبيت اوضح لك.. اذا بتاخذها من ناحية هي شارده من العلمي وداخله تخصص اعلام ف انا اقولك هي ليش داخلته عيل؟
تخصص اعلام مش سهل اولا..
ثانيا ماده الاحصاء اللي خذناها كانت for non science students
يعني مخففينها الماده ومنزلين مستواها للبنات غير العلمي

والمتطلبات اللي انوضعت فالجامعه مش عشان بس ترفع معدل الطالبه وتساعدها كثر ماتكون نافعه لها وتعطيها فايده.. مساله الاحصااء والرياضيات تنشط الذهن وتسوي رفرش للمذاكره

وبعدين صحيح ان دكاتره الاحصاء مب ذاك الزود لكن لو كانت تبي تنجح تحط لها الله لا يهينها مدرسه مب على نهاية الكورس ويوم رسبت قالت رسبوني
هذا مب كلام واحنا مب في مدرسه يراكضون ورانا المدرسين احنا في جامعه الطالبه هي تتحمل مسؤوليه درجاتها ودراستها

مرو علينا دكاتره اشكال وانواع.. وكل دكتور يعل القلب اكثر من الماده لكن نحط لنا مدرسات عشان ننجح مب عشان عقب نرسب ونقول الماده ما تنفع للطلبه

ماعتقد حطو مواد ماتفيد الطالبات.. هذا كله بيفيدها فالمستقبل وشنو اسهل من الجبر؟
الاحصاء قلت صعب قلنا اوكي والجبر درجاتها نازله

الموضوع كله اجتهاد شخصي .. ١+١= ٢ مش موضوعي ولا مقالي ولا انشاء

[abdo222]

اي non science students اي بطيخ صدقيني ما يعتبر تخفيف ،، ناس متخرجين هندسه ماخذوا هال الي ياخذونه "بدون مبالغه"
و مواد الاعلام كلها درجاتها فوق ال ٨٠ وحتى المتطلبات العامه من شريعه وعلوم سياسيه وعلوم صوماليه كلها فوق ال ٧٠ الله يسلمج ،، المعدل ٣.٢ ،، مب قاعدين نتكلم على وحده مالها خص بالدراسه والعالم ،،

هال البنت مشروع التخرج حقها اخذ ٩٠٪ واستاضفته اذاعه قطر وله كتب لها٣ صفحات في جريده الرايه والوطن ومؤتمر صحفي قبل البدء في المشروع،،

هال البنت مب "هاربه" من الرياضيات ،، هال البنت "رايحه" صوب الامواد الي تتفوق فيها ، وتفوقت فيها طول ال ٦ سنين ،،
والمتطلبات العامه "رفع معدل الطالبه وتساعدها كثر ماتكون نافعه لها وتعطيها فايده" حسب كلامج اختي هذا لما تكون المتطلبات العامه في اول مشوارها الدراسه ،،،

وبالسنبه لمدرسين الاحصاء عندنا ٣ مدرسين الله يسلمج ومب اخر الايام جبناهم وحالتهم صعبه،، وانا ما تكلمت على الدكتور الله يعطيه العافيه وييسر له اموره ،، ومب كل واحد يعرف في الجبر وعبقري يقول للي ما يعرفونه "وش اسهل من الجبر " الناس قدرات ومواهب وطاقتها وموهبتها مب حتى في ١٠٪ من الناس ،،

[إينشتاين]

بصراحة منهج الإحصاء لغير التخصصات العلمية مخففينه بشكل كبير لدرجة انهم منعونا احنا طلاب التخصصات العلميه من التسجيل فيه ولا كنت اتمنى اسجل في هالمادة عشان ارفع معدلي :secret:

[شنايدر]

وع من statistics and probability وخاصه اذا كانت من المرحله المتقدمه ..

اذكر اني حضرت ما يقارب ٣٠ لكتشر والله ويشهد الله علي ما فهمت ولا كلمه انقالت .. :eek5:

ليت ضعف مني باللغه ولكن :)... استغرب وش قاعد يقول الدكتور .. :secret:

بعد ما خلص الكورس وراخ تبدآ الاجازه الكرسمس ... قلتله انا مب فاهم اصلا وش معنى statistics .. :rolleyes2:

قال انت خديتها من قبل قلت لا طبعا .. :weeping:

قال شكلنا بنتقهوى سوى اخر السنه :tease:

مازلت ادرس الماده وعندي امتحان بعد ٣ ايام ...

الماده تجمع بين الفلسفه والرياضيات في تطبيقات حياتيه ..

يعني اللي يبي ينجح لابد ان يكون مخه نظيف لاعلى درجه ...

حاسس بالمعاناه . . .

الله يعينكم

[abdo222]

الله يوفقكم اجمعين ،، توهم منزلين الدرجات والموضوع رسمي في الرسوب واعاده سمستر كامل عشان ماده احصاء لا منها خير ولا باطل ،، لا وازدكم من الشعر بيت السمستر الجاي منزلين الماده "للعلمي" بس ،،

كل جامعات العالم يبون الطالب يتخرج منها ويفرحون فيه مب هذي !! لعله خير